بھمبرکے شہریوں کو پینے کے صاف پانی کی فراہمی کو یقینی بنایا جائیگا :راجہ انعام اللہ

بھمبر: بھمبر کے شہریوں کو پینے کے صاف پانی کی فراہمی کو یقینی بنانے کیلئے دستیاب وسائل کو بروکار لائیں گے شہری بھی محکمہ کے ساتھ تعاون کریں ان خیالات کااظہار ایکسین پبلک ہیلتھ بھمبر راجہ انعام اللہ نے صحافیوں سے گفتگو کرتے ہوئے کیا انہوں نے کہا کہ بھمبر میں غیر قانونی کنکشن کاٹ رہے ہیں جن لوگوں نے پانی کے بل جمع نہیں کروائے ان کے بھی کنکشن منقطع کررہے ہیں انہوں نے کہا کہ ہماری پوری کوشش ہے کہ ہم شہریوں کو پینے کے صاف پانی کی فراہمی کو یقینی بنا رہے ہیں بھمبر کے شہری بھی محکمہ پبلک ہیلتھ کیساتھ تعاون کریں غیر قانونی کنکشن کے بجائے لیگل کنکشن حاصل کریں اور پانی کے بل بر وقت جمع کروائیں تاکہ محکمہ پبلک ہیلتھ شہریوں کو پینے کے صاف پانی کی سپلائی کو یقینی بنا سکیں ۔