محکمہ تعلیم سکولز میں جعل ساز مافیا کا ایک اور کارنامہ گورنمنٹ بوائز ہائی سکول رئیل یونین چوکی کے ہیڈ ماسٹر کو سرپلس کروا کر اپنے چہیتے کو ہیڈ ماسٹر لگوا دیا
بھمبر(ڈسٹرکٹ رپورٹر) محکمہ تعلیم سکولز میں جعل ساز مافیا کا ایک اور کارنامہ گورنمنٹ بوائز ہائی سکول رئیل یونین چوکی کے ہیڈ ماسٹر کو سرپلس کروا کر اپنے چہیتے کو ہیڈ ماسٹر لگوا دیا محکمہ تعلیم سکولز میں میرٹ سے ہٹ کر پروموشن اور تعیناتی کا سلسلہ عروج پر تفصیلات کیمطابق جعل ساز مافیا نے محکمہ تعلیم سکولز میں جعل سازی کا بازار گرم کر رکھا ہے میرٹ سے ہٹ کر پروموشن اور تعیناتیاں کروانے کاکام پورے عروج پر ہے جعل ساز مافیا نے محکمہ تعلیم سکولز میں گورنمنٹ بوائز ہائی سکول رئیل تونین چوکی کے ہیڈ ماسٹریار محمد کو رئیل سکول سے گورنمنٹ گرلز ہائی سکول ہوڑاں پونا ٹرانسفر کروا دیا اور اسکی جگہ اپنے چہیتے کو پروموٹ کروا کر ہیڈ ماسٹر لگا دیا جبکہ گورنمنٹ گرلز ہائی سکول ہوڑاں پونا میں پہلے ہی ہیڈ ماسٹر موجو دہیں یوں گورنمنٹ بوائز ہائی سکول کے ہیڈ ماسٹر یار محمد سرپلس ہو کر ہوا میں جبکہ چہیتا سکول کا ہیڈ ماسٹر لگ گیا بھمبر کے تعلیمی ،عوامی اور سیاسی و سماجی حلقوں نے چیف سیکرٹری آزادکشمیر سے مطالبہ کیاہے کہ وہ محکمہ تعلیم سکولز بھمبر میں ہونے والی جعلسازی اور نوسر بازی کا نوٹس لیں اور محکمہ تعلیم میں میرٹ کے قتل عام کی روک تھام کیلئے اقدامات اٹھائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
شہید کشمیر اعظم محمد مقبول بٹ شہید کا یوم شہادت سرکاری طور پر منانے کے احکامات جاری کیے جائیں ، خالد پرویز بٹ
بھمبر (ڈسٹرکٹ رپورٹر) شہید کشمیر اعظم محمد مقبول بٹ شہید کا یوم شہادت سرکاری طور پر منانے کے احکامات جاری کیے جائیں ان خیالات کا اظہار مرکزی صدر کشمیر فریڈم موومنٹ انجینئر خالد پرویز بٹ نے کیا انہوں نے کہا کہ شہید کا جسد خاکی دہلی کی تہاڑ جیل میں شہادت کے بعد بھی جیل کی قبر میں قید ہے آزاد کشمیر حکومت اور اپوزیشن آزاد کشمیر اسمبلی میں باقاعدہ قرار داد پاس کرے جس میں بھارت اور اقوام متحدہ سے جسدخاکی ورثاء کے حوالے کرنے کے اقدامات کیے جانے کا مطالبہ کیا جائے کیونکہ موجودہ جدوجہد آزادی کا فلسفہ آغاز مقبول بٹ شہید ہے جنہوں نے آزادی کی خاطر قید وبند کی صحبتیں برداشت کیں اور اسی جرم میں پھانسی کی سزا بھی پائی اور رہتی دنیا تک امر ہو گئے اس لیے آزاد کشمیر قانون ساز اسمبلی 11فروری کو یوم شہداء کشمیر قرار دیکر باقاعدہ تعطیل کا اعلان کرے اور 11فروری کو قانون ساز اسمبلی کا اجلاس بلا کر مرحوم کو خراج عقیدت پیش کی جائے اور دنیا کی مہذب اقوام کے سامنے بھارت کا مکروہ چہرہ ننگا کیا جائے اور بھارت بالخصوص توسیع پسندانہ عزائم پر بھی روشنی ڈالی جائے جو وہ خطے کے دیگر چھوٹے چھوٹے ممالک کو اپنا طفیلی بنانے کیلئے شر پسندانہ عزائم رکھتا ہے جسکا بڑا ثبوت کشمیر پر غاصبانہ قبضہ ہے اور بنگلہ دیش بھی صرف اور صرف پاکستا کو کمزور کرنے کیلئے بنایا گیا تھا لیکن اللہ تعالیٰ نے بنگلہ دیش کو جہاں ایک آزادملک بنا دیا وہاں پاکستان کو بھی ایٹمی قوت کے اعزاز سے نوازدیا انہوں نے کہاکہ ہماری جدوجہد آزادی موجودہ نامساعد حالات میں بھی جاری ہے اور جاری رہے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم پاک فوج کے عظیم نوجوانوں کی جرات ، بہادری اور جوان مردی پر ان کو سلام پیش کرتے ہیں ، چوہدری عتیق الرحمن
بھمبر (ڈسٹرکٹ رپورٹر)ہم پاک فوج کے عظیم نوجوانوں کی جرات ، بہادری اور جوان مردی پر ان کو سلام پیش کرتے ہیں ان خیالات کا اظہار نوجوان سیاسی و سماجی و مرکزی راہنماء انجمن تاجران بھمبر چوہدری عتیق الرحمن برسالوی نے اخبار نویسوں سے بات چیت کرتے ہوئے کیا انہوں نے کہاکہ ہمارے آباؤ اجداد نے آزادی کیلئے طویل ترین جنگ لڑی ہے ہم کشمیری قوم مکمل طور پر پاک فوج کے شانہ بشانہ لڑیں گے پاک فوج کے دست بازوبن کر دشمن کیخلاف سیسہ پلائی دیوار ثابت ہونگے ہم بھارتی فوج کی طرف سے بارڈر لائن کی بار بار خلاف ورزی کرکے پاک فوج کے جوان شہید کررہے ہیں ہم اس کی پرزور مذمت کرتے ہیں اگر بھارتی فوج نے یہ کاروائیاں بند نہ کیں تو ہم کشمیری قوم پاک فوج کیساتھ شانہ بشانہ لڑیں گے ہم سب لوگ تحریک آذادی کشمیر کیلئے اور امن و سالمیت کیلئے متحد ہیں بھارتی حکومت کسی صورت میں اس خطے میں امن نہیں چاہتی ہم سب ملکر بھارت کے اس فعل کیخلاف بھرپور طریقے سے یوم مزاحمت منائیں گے بھارت اقوام متحدہ کی تمام قراردادوں پر عملدر آمد میں رکاوٹ بن چکا ہے ہم شہید ہونے والے تمام پاک فوج کے جوانوں کو سلام عقیدت پیش کرتے ہیںپاک فوج کے جوانوںکی بھرپور کاروائیوں اور جرات سے دشمن کی آنکھ میں آنکھ ڈال کر مقابلے کرنے کی طاقت سے ہی دشمن کے ہمیشہ دانت کھٹے کیے ہیں آخر میں انہوں نے کشمیر کی آزادی کیلئے بھرپورجدوجہد جاری رکھنے کا عزم کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
ہم راشد رشید ایڈووکیٹ کو ینگ لائیرز ایسوسی ایشن ونگ کا جنرل سیکرٹری منتخب ہونے پر مبارکباد پیش کرتے ہیں ، شیخ عثمان صادق ، عمیر عظیم ، سلیم بھٹی
بھمبر (ڈسٹرکٹ رپورٹر)پریس سیکرٹری پیرامیڈیکل ایسوسی ایشن شیخ عثما ن صادق ،عمیر عظیم اور سلیم بھٹی نے اپنے مشترکہ بیان میں کہا کہ ہم راشد رشید ایڈووکیٹ کو ینگ لائیرز ایسوسی ایشن ونگ کا جنرل سیکرٹری منتخب ہونے پر مبارکباد پیش کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ تعلیم سکولز میں میرٹ سے ہٹ کر ہونے والی تعیناتیاں اور پروموشنیں حکومت کی بدنامی کا باعث بن رہی ہیں ، راجہ غفار احمد گوگا
بھمبر (ڈسٹرکٹ رپورٹر)محکمہ تعلیم سکولزمیں میرٹ سے ہٹ کر ہونے والی تعیناتیاں اور پروموشنیں حکومت کی بد نامی کا باعث بن رہی ہیں محکمہ تعلیم سکولز کے اندر چھپی کالی بھیڑوں کو بے نقاب کرکے ان کیخلاف کارروائی عمل میں لائی جائے گی گرلز سکولوں کے اندر تعینات مرد ٹیچروں کو فی الفور تبدیل کر کے تعلیمی ماحول کو خراب ہونے سے بچایا جائے ان خیالات کا اظہار پیپلزپارٹی کے مرکزی راہنماء راجہ غفار احمد گوگا آف بنڈالہ نے کیا انہوں نے کہاکہ محکمہ تعلیم سکولز کو جعل سازوں اور نوسر بازوں نے یرغمال بنا رکھا ہے وزیر تعلیم ،سیکرٹری تعلیم کو رشوت کے عوض رام کر رکھا ہے جعل سازاور نوسر باز پیسوں کے لین دین کی وجہ سے میرٹ کا قتل عام کررہے ہیں مستحق اور محنتی اساتذہ کو انکے حق سے محروم کررہے ہیں محکمہ تعلیم سکولز میں تمام تعیناتیاں اور پروموشنز میرٹ سے ہٹ کر ہو رہی ہیں جس سے حکومت کی بدنامی ہو رہی ہے وزیر اعظم آزادکشمیر چوہدری عبدالمجید اور چیف سیکرٹری محکمہ تعلیم سکولز میں میرٹ سے ہٹ کر ہونیوالی تقرریوں اور پروموشنوں کا نوٹس لیں اور مستحق لوگوں کو انکا حق دلائے تاکہ محکمہ تعلیم حکومت کی نیک نامی کا باعث بنے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈسٹرکٹ بار ایسوسی ایشن کے سالانہ الیکشن کیلئے کاغذات نامزدگی داخل
بھمبر (ڈسٹرکٹ رپورٹر)ڈسٹرکٹ بار ایسوسی ایشن کے سالانہ الیکشن کیلئے کاغذات نامزدگی داخل چوہدری سجاد الحق ایڈووکیٹ اور چوہدری محمد اسلم آسی ایڈووکیٹ صدارت جبکہ چوہدری جمیل کامران ایڈووکیٹ اور ظفر محمود ایڈووکیٹ جنرل سیکرٹری کیلئے آمنے سامنے تفصیلات کیمطابق ڈسٹرکٹ بار ایسوسی ایشن بھمبر کے سالانہ انتخابات کیلئے کاغذات نامزدگی داخل الیکشن لڑنے والے امیدواروں کے دو پینل آمنے سامنے آگئے پہلے پینل میں صدارت کیلئے چوہدری سجاد الحق ایڈووکیٹ ،سینئیر نائب صدرچوہدری ضیاء الرحمن ایڈووکیٹ ،جنرل سیکرٹری کیلئے چوہدری جمیل کامران ایڈووکیٹ،جوائنٹ سیکرٹری کیلئے مرزا مظہر اقبال ایڈووکیٹ ،سیکرٹری مالیات کیلئے راجہ بدر حسین جبکہ دوسرے پینل میں صدارت کیلئے چوہدری محمد اسلم آسی ایڈووکیٹ ،جنرل سیکرٹری ظفر محمود چوہدری ایڈووکیٹ ،سیکرٹری مالیات راشد اقبال نے سالانہ الیکشن کیلئے کاغذات نامزدگی جمع کروا دیے یوں سینئر نائب صدراور جوائنٹ سیکرٹری کیلئے کسی امیدوار کے کاغذات جمع نہ ہونے کی وجہ سے چوہدری ضیاء الرحمن ایڈووکیٹ بلا مقابلہ سینئر نائب صدراور مرزامظہر اقبال ایڈووکیٹ جوائنٹ سیکرٹری منتخب ہو گئے جبکہ نائب صدر اول دوم کیلئے کسی بھی امیدوار نے کاغذات جمع نہ کروائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر کے نواحی گاؤں درائیاںکا رہائشی نوجوان درخت سے گر کر جان بحق
بھمبر (ڈسٹرکٹ رپورٹر)بھمبر کے نواحی گاؤں درائیاںکا رہائشی نوجوان درخت سے گر کر جان بحق مرحوم کو آہوں اور سسکیوں میں سپرد خاک کر دیا گیا تفصیلات کیمطابق بھمبر کے نواحی گاؤں کلوال درائیاں کا رہائشی نوجوان ابرار حسین گزشتہ روز اپنے گھر کے قریب واقع درخت سے جانوروں کیلئے ٹہنیاں کاٹ رہا تھا کہ اپنا توازن برقرار نہ رکھ سکااور درخت سے نیچے گر گیا مضروب کو شدید زخمی حالت میں ڈسٹرکٹ ہیڈ کوارٹر ہسپتال بھمبر لایا گیا جہاں سے اسلام آبادریفر کر دیا گیا جہاں وہ زخموں کی تاب نہ لا تے ہوئے خالق حقیقی سے جاملا مرحوم کو گزشتہ روز نماز جنازہ کے بعد انکے آبائی قبرستان کلوال درائیاں میں سپرد خاک کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر سنگڑھ روڈ بارش کے باعث لینڈ سلائیڈنگ کی وجہ سے گزشتہ 1ہفتہ سے بند عوام علاقہ شدید پریشانی میں مبتلاء
بھمبر (ڈسٹرکٹ رپورٹر)بھمبر سنگڑھ روڈ بارش کے باعث لینڈ سلائیڈنگ کی وجہ سے گزشتہ 1ہفتہ سے بند عوام علاقہ شدید پریشانی میں مبتلا ء ڈپٹی کمشنر بھمبر سے روڈ کھلوانے کیلئے متعلقہ محکمہ کو احکامات جاری کرنے کا مطالبہ تفصیلات کیمطابق گزشتہ رو زسنگڑھ کے رہائشی وفد جس میں دلاور حسین سابق کونسلر ،حوالدار ناظم عبدالحکیم شیر عالم ،جاوید اختر ،نصراللہ ،یاسر اللہ،ڈاکٹر جاوید ،محمد خلیل نے چوہدری سعید خادم ایڈووکیٹ کی قیادت میں ڈپٹی کمشنر بھمبر چوہدری محمد طیب سے ان کے آفس میں ملاقات کی اور بھمبر سنگڑھ روڈ کھلوانے کا مطالبہ کیا ڈپٹی کمشنر بھمبرنے متعلقہ محکمہ کو بھمبر سنگڑھ روڈ کھلوانے کیلئے فوری احکامات جاری کیے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سنگڑھ گڑھا بھٹیاں گورنمنٹ پرائمری سکول کی عمارت عرصہ 8 سال سے تیار نہ ہو سکی ، حاجی قیوم
بھمبر (ڈسٹرکٹ رپورٹر)سنگڑھ گڑھا بھٹیاں گورنمنٹ پرائمری سکول کی عمارت عرصہ 8 سال سے تیار نہ ہو سکی کوئی پرسان حال نہیں ان خیالات کا اظہار حاجی قیوم نے صحافیوں سے گفتگو کرتے ہوئے کیا انہوںنے کہاکہ جتنا جلدی ہو سکول گڑھا بھٹیاں کی عمارت کو تیار کرنے کے احکامات صادر فرمائیں کیونکہ بارشوں کی وجہ سے بچوں کی تعلیم پر اثر پڑتا ہے کیونکہ عمارت نہ ہونے کی وجہ سکول میں بچوں کو مجبوری چھٹی کروانی پڑتی ہے کب تک صبر کرینگے حکومت کی نا اہلی کی وجہ سے عرصہ 8 سال گزر گئے انہوں نے کہاکہ ہمارے ساتھ سوتیلی ماں جیسا سلوک بند کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اسسٹنٹ کمشنر بھمبر کا ایس ایچ او کے ہمراہ ٹریفک چیکنگ بدوں کاغذات ٹرک اور موٹر سائیکل ضبط
بھمبر (ڈسٹرکٹ رپورٹر)اسسٹنٹ کمشنر بھمبر کا ایس ایچ او کے ہمراہ ٹریفک چیکنگ بدوں کاغذات ٹرک اور موٹر سائیکل ضبط ہزاروں روپے جرمانہ متعدد کووارننگ تمام ڈرائیور حضرات کاغذات ہمراہ رکھیں تفصیلات کیمطابق گزشتہ روز اسسٹنٹ کمشنر بھمبر ندیم احمد جنجوعہ نے ایس ایچ او سٹی سردار طارق محمود کے ہمراہ بھمبر میرپور روڈ پر پوٹھی کے مقام پر ٹریفک چیکنگ کے دوران بدوں کاغذات گاڑیوں اور موٹر سائیکلوں کو ہزاروں روپے جرمانہ کیا جبکہ 2موٹر سائیکل اور ایک ٹرک کو تھانہ پولیس بھمبر میں بند کر دیا اس موقع پر انہوں نے کشمیر پریس کلب بھمبر کے صحافیوںسے گفتگو کرتے ہوئے کہاکہ تما م گاڑیوںکے مالکان دوران سفر اپنی سفری دستاویزات ہمراہ رکھیں نامکمل کاغذات والی گاڑیوں کو بند کر دیا جائیگا اور کسی قسم کا عذر قابل قبول نہ ہوگا۔
