تلہ گنگ کے موضع ملتان خورد میں تیز ہوا کے باعث واپڈا کی ہائی ٹرانسمیشن تاریں آپس میں ٹکرا گئیں

تلہ گنگ (تحصیل رپو ر ٹر) تلہ گنگ کے موضع ملتان خورد میں تیز ہوا کے باعث واپڈا کی ہائی ٹرانسمیشن تاریں آپس میں ٹکرا گئیں،نیچے گھرمیں پڑے کپڑوں کو آگ لگنے سے پاس ہی بندھی ایک گائے اور چار بھیڑیں بری طری جھلس گئیں ۔محرم خان نامی شخص کے گھر کے عین اْوپر واپڈا کی تاریں جب آپس میں ٹکرائیں تو چنگاریاں گرنے سے گھر کے صحن میں رکھے کپڑوں کو آگ لگ گئی جس کے نتیجے میں پاس ہی بندھی ایک گائے اور چار بھیڑیں بری طرح جھلس گئیں۔یوں غریب شخص کا لاکھوں کا نقصان ہو گیا۔