جھنگ (ڈسٹرکٹ رپورٹر) وزیر اعلیٰ پنجاب حسن قرأت اور نعت خوانی مقابلہ جات 2016ء برائے طالبات کے تحت ضلعی سطح پر تقریبات کا آغاز گورنمنٹ کالج برائے خواتین اور گورنمنٹ پوسٹ گریجوایٹ کالج جھنگ میںکیا گیا جس میں کالج ہذا کے پرنسپل اور طلباء و طالبا ت نے بھرپور انداز میں شمولیت کی۔تقریبات کا آغاز باقاعدہ طورپر حمد باری تعالیٰ اور نعت رسول مقبول ۖسے کیاگیا ۔اس ضمن میںگورنمنٹ کالج برائے خواتین جھنگ میں تلاوت کلام پاک اور نعت خوانی کے مقابلہ جات میں ضلع بھر کے پانچ کالجز سے طالبات نے بھرپور اند از میں حصہ لیا جبکہ منصفی کے فرائض محکمہ اوقاف کے قراء حضرات نے انجام دیئے ۔ تقریب میں موجود جج صاحبان کے مطابق حسن قرأت میں کالج ہذا کی ہما جبار اول،حافظہ مریم جھنگ سٹی کالج دوئم پوزیشن جبکہ گورنمنٹ کالج برائے خواتین منڈی شاہ جیونہ کی صومیہ شمشیر نے تیسری پوزیشن حاصل کی جبکہ نعت خوانی کے نتائج کے مطابق کالج ہذا کی شمائلہ منصبت دار نے اول ،جھنگ سٹی سے روبینہ ظہور نے دوئم اور گورنمنٹ کالج منڈی شا جیونہ سے حنا ادریش نے سوئم پوزیشن ہولڈر رہی ۔اس موقع پر مہمان خصوصی بیگم شخ محمد اکرم اور پرنسپل عابدہ شہباز نے اللہ تعالی ٰ کی وحدانیت اور سرور قونین ۖ کی سیرت اور اسوہ حسنہ پرروشنی ڈالتے اپنے خیالا ت کیا ۔انہوںنے کہا یوم پاکستان کے موقع پر ایسی تقریبات کا انعقادوزیر اعلیٰ پنجاب کا ایک احسن قدم ہے جس کا مقصد طلباء و طالبات میں چھپی ہوئی صلاحیتوں کو اجاگر کرنا ہے۔ انہوں طالبات سے کہا کہ ایسی تقریبات میں حصہ لیتے ہوئے پوری ذمہ داری کے ساتھ فعال کردار ادا کریں۔اسی طرح گورنمنٹ پوسٹ گریجوایٹ کالج جھنگ میں ڈپٹی ڈائریکٹرکالجز محمد شریف خان اورپرنسپل ادارہ کی سربراہی میں طلباء کے مابین حسن قرأت اور نعت خوانی کے مقابلہ جات منعقد ہوئے جس میں طلباء کی حسن کارکردگی کو سراہا گیا۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) محکمہ سپورٹس ڈیپارٹمنٹ پنجاب کی طرف سے یوم پاکستان منانے کے ضمن میں ضلعی حکومت کے زیر اہتمام محکمہ سپورٹس نے گزشتہ روزانٹر کالجی ایٹ بیڈ منٹن اور ٹیبل ٹینس کے مقابلہ جات برائے گرلزسپورٹس کمپلیکس میں منعقد ہوئے جس میں محکمہ سپورٹس سے مہر الطاف حسین ،متعلقہ افسران اور شائقین نے بھرپور انداز میں شرکت کی۔ اس موقع پر پوزیشن ہولڈز کی کاکردگی کوبے حد سراہا گیا ۔مزید برآں گزشتہ روزریلوے گرائونڈ غلہ منڈی جھنگ میں فٹبال کے مقابلہ جات منعقد کروائے ۔یہ مقابلہ جات ریتلی فٹ بال کلب بمقابلہ الفرید فٹ بال کلب ،پیراڈائز فٹ بال کلب بمقابلہ بھبھڑانہ فٹ بال کلب کے مابین ہوئے۔جوکہ ریتلی فٹ بال کلب اوربھبھڑانہ فٹ بال کلب نے اپنے اپنے میچ جیت لئے۔اس موقع پر بتایا گیا کہ یوم پاکستان کے سلسلہ میں فٹ بال مقابلہ جات 27مارچ تک جاری رہیں گے۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) ضلعی حکومت جھنگ نے جشن بہاراں2106ء کو شاندار طریقے سے منانے کے حوالہ سے انتظامات کا آغاز کر دیا ہے اس ضمن میں محکمہ سپورٹس جھنگ نے اتھلیٹکس کے مقابلہ جات کے پروگرام ترتیب دے دیئے ہیں جس میں 100میٹرریس ،200میٹر،400میٹر،800میٹر اور 1500میٹر ریس کے مقابلہ جات 31مارچ کو قبل از دوپہر گیارہ بجے شفقت شہید گرائونڈ میں ہونگے۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) تفصیلات کے مطابق کینال روڈ پر واقع محلہ اسلام نگرمیں رمضان نامی شخص کے گھر میں شارٹ سرکٹ کی وجہ سے اچانک اگ بھڑک اٹھی جس سے لاکھوں کا مال خاکستر ہوا یسکیو 1122کے عملہ نے بروقت پہنچ کر ا گ پر قابو پالیا اور لاکھوں کا مال محفوظ کیاتاہم کوئی جانی نقصان نہیںہوا ۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (تحصیل رپورٹر) ۔تفصیلات کے مطابق پہلاحادثہ مدوکی روڈ پرتیز رفتار موٹر سائیکل اور گدھا گاڑی کے آپس میں ٹکرانے سے پیش آیاجس سے 35سالہ غلام شبیر 30سالہ عابدہ بی بی شدید زخمی ہوئی دوسرا حادثہ گوجرہ موڑ کے قریب دوتیز رفتار موٹر سائیکل کے آپس میں ٹکرانے سے پیش آیا جس سے 20 سالہ وارث 27 سالہ مدثر 39 سالہ اعجازشدید زخمی ہوا تیسرا حادثہ بھکر رود کوٹ خیرہ کے قریب تیز رفتار موٹر سائیکل اور چنگچی کے آپس میں ٹکرانے سے پیش آیا جس سے 28 سالہ ارشاد 35 سالہ اورنگزیب گر کر شدید زخمی ہوا تمام زخمیوں کو ٰ ریسکیو 1122 کی ٹیم نے بر وقت پہنچ کر ابتدائی طبی امداد کے بعد ہسپتال منتقل کیا۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) بستی صدیق آباد کھو کھا چوک کے نزدیک گھریلو تنازع پر جھگڑا ہوا اس دوران 22 سالہ فرزانہ بی بی زوجہ عابد،18سالہ ریحانہ بی بی ولد محمد بخش ، 17سالہ سونیہ ولد محمد بخش ،شدید زخمی ہوئیں جنہیں ریسکیو1122کی ٹیم نے موقع پر بروقت پہنچ کر ابتدائی طبی امداد کے بعد ہسپتال منتقل کیا۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
جھنگ (ڈسٹرکٹ رپورٹر) جھنگ صدر لولے شاہ قبرستان کے قریب دلاور نامی شخص نے گھریلو تنازع پر اپنی 21 سالہ بیوی صاحب بی بی کی زبان ،کان، ناک کاٹ ڈالی ریسکیو 1122 کی ٹیم کو اطلاع ملتے ہی بر وقت وہاں پہنچ کر متاثرہ زخمی عورت کو ابتدائی طبی امداد کے بعد ہسپتال منتقل کیا۔
