حکومت عوام کے تحفظ کو یقینی بنانے کیلئے ٹھوس اقدامات اٹھائے:محمد فیصل میر

گجرات : پاکستان پیپلز پارٹی (شیرپاؤ) کے فیڈرل کونسل ممبر محمد فیصل میرنے بھوجا ائر طیارے کے حادثہ میں جاں بحق افرادکے خاندانوں کے ساتھ اظہار تعزیت اور ان کے ساتھ ہمدردی و یکجہتی کا اظہار کرتے ہوئے جاںبحق افراد کی مغفرت کیلئے دعاکی فیڈرل کونسل ممبر محمد فیصل میر نے بات چیت کرتے ہوئے کہا کہ حکومت مستقبل میں اس قسم کے واقعات کی روک تھام کیلئے لائحہ عمل مرتب کرے اور عوام کے تحفظ کو یقینی بنانے کیلئے فوری اور ٹھوس اقدامات اٹھائے محمد فیصل میرنے متاثرہ خاندانوں کو دلاسہ دیتے ہوئے کہا کہ ہم اس مصیبت اور غم کی گھڑی میں پی پی پی شیرپائو ان کے غم میں برابر کے شریک ہیں اور ان کے حقوق ،تحفظ کیلئے ہر فورم پر آواز اٹھائیں گے اور اس سلسلے میں کسی قربانی سے دریغ نہیں کیا جائے گا۔