ہمارے ملک کے حکمرانوں نے اپنے ہی ملک میں گیس ، بجلی ، پیٹرولیم مصنوعات اور اجناس کی قیمتوں میں بے لگام اضافے کے بعد اب ملک کے بیمار عوام کی استعمال میں آنے والی ادویات کی قیمتوں میں بھی اندھا دھند اضافہ کرکے ملکی تاریخ میں اپنے اقتدار کا ایک اورکارنامہ رقم کردیاہے یہ اِس عوام دوست حکومت کا ایسا کارنامہ ہے جس کی وجہ سے ملک کے وہ بیمار عوام جن کے حلق سے بیماری کے باعث ایک نوالہ بھی نیچے نہیں اترتاہے آج اِس ظالمانہ حکومتی اقدام پر ملک کے بیمار عوام بھی چیخ پڑے رہیں اور حکمرانوں کے اِس ظلم پر دہائی کر رہے ہیں۔
اِس میں آج کوئی شک نہیں کہ ہمارے ملک کے خالی ہوتے ہوئے قومی خزانے پر تشویش کا اظہارکرتے ہوئے ہمارے انتہائی محب وطن حکمرانوںکی مرضی اور منشا سے کہنے کوتو غیرفعال مگر اِس کام کے لئے فعال وزارت صحت نے اپنے حکومتی اخراجات کم کرنے کے بجائے الٹا اپنے بیمارعوام کے لئے بھی دواوں کی قیمت 20سے 100فیصد بڑھانے کی منظوری کا فوری طور پر نوٹیفکیشن جاری کردیاہے جس کے بعد ہمارے ملک میں ملٹی نیشنل اور مقامی کمپنیوںکی مختلف دواوں کی قیمتوںمیں یقینی طور پر20سے 100فیصدتک اضافہ ہوگیاہے اِس حکومت اقدام سے متعلق خبر یہ ہے کہ انڈسٹری ذرائع نے سینہ چوڑاکرکے بیمار عوام کو مخاطب کرکے کہاہے کہ پہلے مرحلے میں تقریبا350کے قریب و ہ ادویات جنہیں زیادہ تر ملک کا غریب طبقہ کثرت سے استعمال کرتاہے اِن کی قیمت بڑھادی گئی ہے جبکہ اِسی انڈسٹری ذرائع نے اِنہی بیمار عوام کویہ عندیہ بھی دے ڈالا ہے کہ بقیہ دواوں کی قیمتوں میں اضافے کی منظوری آئندہ اجلاس میں یقینی طور پر دے دی جائے گی جس نے یہ دعوی بھی کیا ہے کہ 8فروری کے وزارت صحت کے بورڈکے اسلام آبادمیں ہونے والے اِس اجلاس سے جس میں 350ادویات کی قیمتیں بڑھانے کا فیصلہ کیاگیاہے اِس سے ملک میں ادویات کی انڈسٹری کو استحکام ملاہے اِس پر ہمیں امید ہے کہ اگر حکومت نے اِسی طرح اور اِس سے بڑھ کرمزیدادویات کی قیمتوںمیں بھی اضافہ کیاتوقوم کو اِس بات کا پورایقین کرلیناچاہئے ہے کہ اِس حکومتی اقدام سے ملک میں ہر میڈیکل اسٹور پر مہنگی ادویات توموجود ہوں گیں مگر کوئی بیمار نہیں ر ہے گا کیوں کہ بیچارے غریب بیمارافراد اِن مہنگی ادویات کو کھائے بغیر یعنی اِن کی بڑھی ہوئیں قیمتیں سنتے ہی مرجائیں گے …. یہاں ہمیں یہ بھی کہنے دیجئے کہ ہمار ادنیاکا یہی وہ واحد ملک ہے جہاں بیمار ادویات کھائیں تو مریںاور اِن کی قیمتیں سن کر نہ کھائیں تو بھی مریں اب ایسے میں ہم یہ کہیں گے کہ یہ ہمارے ملک میں اس عوام دوست جمہوری حکومت کے روٹی ، کپڑااور مکان کا نعرہ لے کر اقتدار کی کرسی پر ایلفی لگاکر چپکے بیٹھے اِن حکمرانوں کا ایک ایساکارنامہ ہے جس کے لئے اِن پر تنقیدوں کو جنتی بھی انگلیاں اٹھائی جائیں وہ بھی کم ہیں۔
اطلاع ہے کہ ہماری وزارتِ صحت جسے اگر عوام کی فلاح وبہود کے لئے کام کا کوئی کہئے تو یہی خود کو غیرفعال کہہ کر کنی کٹاجاتی ہے مگر آج جب اِسے عوام دشمن اور ادویات کی صنعتوں کے مفادات اور اقدامات کرنے کا موقع ملاتو یہی غیرفعال وزارت صحت اِس طرح متحرک ہوگئی جیسے اِس کے وجود میں 14000ولٹ کا کرنٹ ڈورگیاہواور اِس نے آو دیکھانہ تاواور ترنت ہرقسم کے کف سیرپ (کھانسی کے شربت) کی قیمت میں 100فیصداضافے کی منظوری دینے کے ساتھ ساتھ ڈسپرین کے 600والے پیکٹ کی قیمت میں آنکھیں بندکرکے130روپے کا اضافہ کردیاگیاہے اور اِسی طرح لبریکس کی 20گولیوں والے پیکٹ کی قیمت میں 20روپے، پیناڈول کے 200گولیوں والے ڈبے کے نرخ میں 40روپے ، ٹراسیل500گولیوں والے پیکٹ کی قیمت میں 110روپے کا بے تحاشہ اضافہ کرکے بیماروں کو زندگیوں کی سے ناامیدکرکے دیدہ و دانستہ طور پر مرنے کا انتظام کر دیا گیا ہے۔
یہ بات یہیں ختم نہیں ہوجاتی بلکہ خود کو غیر فعال کہنے والی ہماری اِسی وزارتِ صحت نے فاسٹم جیل کی قیمت میں بھی140روپے، سوموجیل کی قیمت 19روپے ، سی پوریکس کیپسول کے نرخ بھی 20سے 100بڑھانی کی منظوری دے دی ہے اور اِس کے ساتھ ساتھ شوگر کے مرض میں مبتلا مریضوں کو یہ بھی بتادیاہے کہ ذیابطیس اور انٹی بائیوٹک ادویات کی قیمتوں میں بھی اِسی حساب سے اضافہ کردیاگیاہے اور ساتھ ہی غیر فعال مگر ادویات کی قیمتیں آسمان کی بلندیوں تک لے جانے والی فعال وزارتِ صحت نے اِس عزم کا بھی اعادہ کیاہے کہ ہم آئندہ بھی ادویات کی قیمتوں میں مزید اضافہ کریں گے اور اِس پر اِس نے یہ امید بھی ظاہر کی ہے کہ عوام اِس حکومتی اقدام کی ہر صورت میں حوصلہ افزائی کریں گے اور حکمرانوں کی عیاشیوں کی وجہ سے خالی ہونے والے قومی خزانے کو لبالب بھرنے کے لئے ادویات کو زائد قیمتوں میںخریدکراپناقومی فریضہ اداکریں گے …اور بیمارمریضوں کو ادویات استعمال کرنے سے پہلے یہ یقین بھی کرلیناچاہئے کہ شفادینایانہ دیناتو اللہ کے ہاتھ میں ہے مگر کیاہی اچھاہوکہ ہمارے ملک کے بیمار مریض جاتے جاتے یعنی مرتے مرتے بھی مہنگی ادویات یہ سمجھ کرخریدیں کے اِس سے یہ قومی خزانے کو بھرکر حکمرانوں اور سیاستدانوں کے لئے خدمت کررہے ہیں۔
آج امریکیوں کو دیوتا سمجھ کر اِن کی بوچاکرنے والے ہمارے حکمران اور سیاستدان اپنے اِن دیوتاوں کی اوتار میں اتنے منہمک ہوگئے ہیں کہ اِن کے یہی دیوتا اِنہیںاپنے ہی ملک پاکستان میں جوکرنے اور نہ کرنے کا حکم دیتے ہیں توہمارے یہی حکمران اور سیاستدان اپنے امریکی دیوتاوں کی خوشنودی کے خاطر ایسے ظالمانہ اقدامات کئے ڈال رہے ہیں کہ بھلے سے ملک کی معیشت کا ستیاناس ہو اور عوام زندہ لاشیں نظرآئیں آج جس کی کوئی ایک آدھ مثال ہوتوہم بیان کریں اور چشم پوشی کرکے آگے بڑھیں مگریہاں تو عوام کے لئے ہمارے ماضی اور موجودہ حکمرانوں نے جتنے بھی ظالمانہ اقدامات کئے ہیں اِن کا اعدادو شمار سیکڑوں اور ہزاروں میں موجودہے ہم کس کس کا اِن سطور میں تذکرہ کریںیہاں توجیسے آوے کا آوخراب ہے۔ اب ایسے میںذراسوچوآج جس سرزمین پردولت اور سرمایہ ہی آمریت اور جمہوریت سب کچھ ہوتو وہاں ناانصافی اور افلاس کو بھلا پھر کیسے زوال آسکتاہے…؟؟یہ بات ہم نے اپنے وطن پاکستان کے حکمرانوں، سیاستدان اور مقدرکی ماری مظلوم عوام سے متعلق کہی ہے آج جہاں حکمرانوں اور سیاستدانوں کے نزدیک اپنے عوام کے لئے یہ کلیہ بڑااہمیت اختیارکرگیا ہے کہ عوام کا کیا ہے …؟یہ تو ہر حال میں روتے ہی رہتے ہیں اِنہیں تو کسی بھی حالت میں سکھ اور چین نصیب ہوہی نہیں سکتاہے اور ایسے میں پاکستانی جلدبازاور جذباتی عوام کا تو اللہ ہی حافظ ہے جس کے لئے حکمران اور سیاستدان چاہئے جتنابھی اچھاکیوں نہ کرڈالیںیہ کرہ ارض پر ا یسی عوام ہے جوہمیشہ حکمرانوں اور سیاستدانوں سے خائف ہی رہتی ہے ۔ایسے میں راقم الحرف کا خیال یہ ہے کہ جب حکمرانوں اور سیاستدانوں کی اپنے ہی عوام کے لئے ایسی سوچیں ہوں تواِن کے گورکھ دھند میں تو عوام یوں ہی مرتے رہیں گے جیسے اِن دنوں مررہے ہیں۔
جبکہ اِس منظراور پس منظر میں ہم یہ سمجھتے ہیں کہ یہی وہ عوام ہیں جن کے ووٹوں سے ہمارے حکمران اور سیاستدان اقتدارِ اعلی کی سیج پر قدم رنجافرماتے ہیں اِس لئے عوام سے اقتدار کی بھیک مانگنے والوں کو عوام دشمن اقدامات کرنے سے پہلے اتناتویہ ضرور سوچ لیناچاہئے کہ اگرآج عوام اِنہیں ووٹ نہ دیتے توکیایہ اقتدارِ کے حقدار ہوسکتے تھے…؟یہ عوام کا ہی رحم وکرم ہے کہ عوام نے اپنے مسائل کے حل کے لئے اِنہیںاپنامسیحاجان کر اِنہیں ووٹ دیااور اِن پر بھروسہ کرتے ہوئے اِنہیںایوانوں تک پہنچایامگر یہ کیا….؟کہ آج ایوانوں میں جانے کے بعد یہی عوام سے ووٹوں کی بھیک مانگنے والے اپنے محسنوں(عوام )کو ہی بھول گئے ہیں اورانتخابات میں اپنی خرچ کی گئی رقم کو دگناوچگنااوراِس سے بھی کہیںزیادہ کرنے کے چکرمیں کسی جواری کی طرح پڑے دکھائی دیتے ہیںاور یہی سوچ رکھتے ہیں کہ آج عوام کی فلاح و بہود کے لئے اِن کے اور بیوی بچوں کے نصیب سے قومی خزانہ لوٹنے اور اپنی تجوری بھرنے کا جو موقع اِن کے ہاتھ لگاہے اِسے غنیمت جان کر پہلے اپنے ذاتی اور اپنے اہلِ خانہ کے نام ملکی اور غیرملک بینکوں میں نئے کھاتے کھولے جائیںاورپھر اپنے حلقے انتخاب کے لوگوں کی حالت زندگی بہتربنانے کے نام سے نکالی جانے والے رقوم سے اپنے کھاتوں کو قومی خزانے سے زیادہ سے زیادہ بھرنے کی حکمتِ عملی اختیارکی جائے اور جب اپنے اِس عظیم نصب العین سے فرصت ملے توپھرعوام کے لئے ایسے ظالمانہ اقدامات کئے جائیں کہ عوام اِن سے پریشان ہوکر بلبلااٹھیںجس سے اِنہیں دلی تسکین پہنچے۔
تحریر: محمد اعظم عظیم اعظم
