گجرات (جی پی آئی) رائس ملزاونرز ایسوسی ایشن ضلع گجرات کے انتخابات 27ستمبر 2012ء کو ہونگے ، اس بات کا فیصلہ رائس ملز اونرز ایسوسی ایشن ضلع گجرات کی الیکشن کمیٹی کے اجلاس میں کیا گیا ، اجلاس کی صدارت چیئرمین الیکشن کمیشن چوہدری محمد سلیم آف سلیم رائس ملز نے کی ، اجلاس میں متفقہ طور پر فیصلہ کیا گیا کہ الیکشن میں حصہ لینے اور درخواستیںجمع کروانے کی آخری تاریخ 15ستمبر 2012بروز ہفتہ ، درخواستیں واپس لینے کی آخری تاریخ 17ستمبر بروز سوموار ، اور امیدواروں کی ختمی لسٹ 19ستمبر 2012کو شائع کی جائے گی ، درخواستیں رائس ملز اونرز ایسوسی ایشن ضلع گجرات کے دفتر قمر سیالوی روڈ گجرات میں صبح ساڑھے دس بجے سے 4بجے سہ پہر تک جمع کروائی جا سکتی ہیں ، اجلاس میں یہ بھی فیصلہ کیا گیا کہ جن ممبران کے واجبات بقایا ہیں وہ 10ستمبر تک رائس ملز کے آفس میں جمع کروا دیں ، واجبات جمع نہ کروانے والے ممبران کو ووٹ کے استعمال کا حق حاصل نہ ہو گا ، 12ستمبر کو حتمی ووٹر لسٹ جاری کر دی جائے گی۔
Related Posts
