قرآن پاک کی بے حرمتی پر غیر ذمہ داری کا مظاہرہ کرنے پر ایس ایچ او کو تبدیل کیا جائے

گجرات :پیر سید آل احمد زیب سجادہ نشین آستانہ سوہدرہ شریف نے وزیرآباد میں قرآن پاک کے نسخہ جات کی بے حرمتی اور پولیس کی جانب سے غیر ذمہ داری کا مظاہرہ کرنے پر سخت احتجاج کیا ہے اور انہوں نے کہا ہے کہ ایسے واقعات کی روک تھام کیلئے قانون نافذ کرنے والے اداروں کو اپنا کردار ادا کرنا چاہیے ، واقعہ کی بے حرمتی پر غیر ذمہ داری کا مظاہرہ کرپر ایس ایچ او سٹی وزیرآباد کو فی الفور تبدیل کیا جائے کیونکہ واقعہ کے ایک گھنٹہ بعد مقامی پولیس موقع پر پہنچی اور ایف آئی آر کے اندراج کیلئے ٹال مٹول کیا جاتا رہا ، مسلمانوں کے جذبات سے کھلوار کرنے والے افراد کیلئے پاکستان میں کوئی جگہ نہیں پاکستان کے مسلمان امن پسند ہیں ۔