محکمانہ پروموشن کمیٹی کا اہم اجلاس گزشتہ روز ڈی سی او نوازش علی کی زیر صدارت ڈی سی او آفس کے کمیٹی روم میں منعقد ہوا

گجرات (جی پی آئی)محکمانہ پروموشن کمیٹی کا اہم اجلاس گزشتہ روز ڈی سی او نوازش علی کی زیر صدارت ڈی سی او آفس کے کمیٹی روم میں منعقد ہوا ، جس میں EDOایجوکیشن محمد طاہر کاشف ، DEOسکینڈری امجد رحیم سڈل ، (EE)DEOقاضی محمد ایوب ، DEOزنانہ مس سیدہ عابدہ بانو ، EDO(F&P)چوہدری محمد اصغر ، ڈپٹی ڈی ای او چوہدری اورنگزیب ، چوہدری سکندر سعید نمائندہ حکومت پنجاب ، آغا عبداللہ اسسٹنٹ ڈائریکٹر سکولز نے شرکت کی۔

اساتذہ نمائندگان کی طرف سے محمد انور بھٹی چیئرمین جائنٹ ایکشن کمیٹی سکول اینڈ کالجز ، چوہدری محمد سرفراز صدر پنجاب ٹیچرز یونین ، اختر شاہد صدر SES، چوہدری منیر حسین صدر سینئر سٹاف اور یاسین وڑائچ نے شرکت کی ، ڈی سی او نے اساتذہ کے تمام پروموشن کیسز اور ٹیچرز پیکجز کی منظوری دے دی اور اساتذہ کا درینہ مطالبہ پورا کر دیا ، 115مرد اساتذہ اور 70خواتین اساتذہ کو گریڈ 14میں PSTسے ESTاور 85(مرد )اساتذہ اور 62(خواتین ) اساتذہ کو گریڈ 16میں ESTسے SSTپروموشن دے دی گئیEST 99 (زنانہ ) کو سکیل نمبر 14سے 15اور EST40زنانہ کو سکیل 15سے سکیل 16، EST 92مردانہ کو سکیل 14سے سکیل 15،EST 40مردانہ کو سکیل 15سے سکیل 16ٹیچرز پیکج دیا گیا ہے ، علاوہ ازیں SST 10مردانہ کو سکیل 16سے سکیل 17اور SST 6مردانہ سکیل 17سے سکیل 18دے دیا گیا ہے ، جبکہ SST 6زنانہ کو سکیل 16سے سکیل 17اور SST 6زنانہ کو سکیل 17سے سکیل 18ٹیچرز پیکج دے دیا گیا ہے ، 397مردانہ /زنانہ اساتذہ کو سکیل 9سے سکیل 12اور سکیل 12سے سکیل14دے دیا گیا ہے۔

اسی طرح سے ضلع گجرات میں اساتذہ کی جو کافی دیر سے پروموشن رکی ہوئی تھی ، DCOنوازش علی اور ای ڈی او ایجوکیشن محمد طاہر کاشف کی کوششوں سے اور اساتذہ نمائندگان کے مثالی تعاون سے مکمل ہو گئی ہے ، اساتذہ نمائندگان محمد انور بھٹی چیئرمین جوائنٹ ایکشن کمیٹی ، چوہدری محمد سرفراز صدر PTU، اختر شاہد صدر SES،چوہدری منیر حسین صدر سینئر سٹاف اور چوہدری یسٰین وڑائچ ، ساجد نت نائب صدر PTUنے DCOنوازش علی ، EDOایجوکیشن محمد طاہر کاشف ، امجد رحیم سڈل DEOسکینڈری ، قاضی محمد ایوب DEOایلیمنٹری ، سیدہ عابدہ بانو DEOزنانہ ، چوہدری اورنگزیب ڈپٹی DEO، آغا عبداللہ اسسٹنٹ ڈائریکٹر اور چوہدری محمد انور سابق صدر SSAکا زبردست شکریہ ادا کیا ہے۔