ملالہ یوسفزئی پر قاتلانہ حملہ انتہائی بزدلانہ اور افسوس ناک ہے۔ راجہ اظہر اقبال

بھمبر (ڈسٹرکٹ رپورٹر)ملالہ یوسف زئی پر قاتلانہ حملہ انتہائی بزدلانہ اور افسوس ناک ہے معصوم بچی پر حملہ کرنے والے مجاہد تو دور کی بات مسلمان اور انسان کہلانے کے قابل بھی نہ ہیں ان خیالات کا اظہار مسلم لیگ ن تحصیل بھمبر کے صدر راجہ اظہر اقبال نے کیا انہوں نے کہاکہ ملالہ یوسفزئی پوری قوم کی بیٹی ہے جو ایک سوچ اور فکر کا نام ہے ملالہ یوسفزئی جیسی معصوم ،ذہین ،کم عمر طالبہ پر قاتلانہ حملہ انتہائی افسوس ناک اور بزدلانہ فعل ہے جسکی جتنی مذمت کی جائے کم ہے انہوں نے کہاکہ معصوم بچی پر حملہ کرنے والے مجاہد تو دور کی بات مسلمان اور انسان کہلانے لائق بھی نہ ہیں ایسے لوگوں کا مذہب سے کوئی تعلق نہ ہے معصول بچوں پر حملہ تنگ نظر اور اسلام دشمن ہی کر سکتا ہے ہم اس بزدلانہ فعل کی ہر فورم پر شدید مذمت کرتے ہیں۔