چوہدری نجیب اللہ گورالہ اور چوہدری عمران اللہ گورالہ کی پارٹی خدمات قابل ستائش ہیں۔مہر بلال

گجرات (جی پی آئی) چوہدری نجیب اللہ گورالہ اور چوہدری عمران اللہ گورالہ کی پارٹی خدمات قابل ستائش ہیں ، ان خیالات کا اظہار پاکستان مسلم لیگ ن یوتھ ونگ شادیوال کے راہنما مہر بلال نے کیا انہوں نے کہا کہ رواں ہفتے کے دوران ہی انتخابی مہم کے سلسلہ میں شادیوال میں ایک بڑا اکٹھ کیا جائیگا ، تا کہ باقاعدہ طور پر گورالہ برادران کی انتخابی مہم شروع کی جا سکے ، انہوں نے کہا کہ پارٹی قائدین کا یہ فیصلہ انتہائی خوش آئند ہے کہ گورالہ برادران کو ہی پارٹی کی جانب سے نامزد کیا جائیگا ، اس بات سے ثابت ہوتا ہے کہ پارٹی قائدین ، پارٹی کارکنوں اور راہنمائوں کے حقیقی فیصلہ سے آگاہ ہیں ، گورالہ برادران نے ہر مشکل وقت میں مسلم لیگ ن کی کال پر لبیک کہا ہے اور پارٹی کا پرچم تھامے ہوئے ہیں۔