ڈاکٹر کمیونٹی کے دیرنیہ مطالبات کی منظوری پر پنجاب بھر کے تمام ڈاکٹرز کو دل کی اتھاہ گہرائیوں سے مبارک باد پیش کرتے ہیں

گجرات (جی پی آئی) PMAپنجاب کے نائب صدر ڈاکٹر اظہر محمود چوہدری سکن سپشلسٹ نے اپنے ایک بیان میں کہا کہ ڈاکٹر کمیونٹی کے دیرنیہ مطالبات کی منظوری پر پنجاب بھر کے تمام ڈاکٹرز کو دل کی اتھاہ گہرائیوں سے مبارک باد پیش کرتے ہیں ، ڈاکٹر کمیونٹی کے تمام مطالبات کی منظوری ڈاکٹرز کے اتحاد ، اتفاق اور جدوجہد کی وجہ سے ہوئی ہے ، جس میں PMAپنجاب ، YDAاور MTAنے آپس میں بھرپور اتحاد و یکجہتی کا مظاہرہ کرتے ہوئے بھرپور جدوجہد کی اور ڈاکٹرز کی مشکلات کو حل کرنے کیلئے دن رات محنت کی ، پنجاب کے ینگ ڈاکٹرز نے جوش ولولہ کا ثبوت دیا اور جرات کا مظاہرہ پیش کیا ، انہوںنے کہا کہ YDAضلع گجرات کی قیادت خصوصی مبارک باد کی حقدار ہے ، جنہوں نے ڈاکٹرز برادری کے مجموعی مطالبات کی منظوری کیلئے بھرپور محنت کی ، مشکلات برداشت کیں ، مگر اپنے موقف سے نہیں ہٹے ، اور اتحاد ، اتفاق اور جدوجہد کا مظاہرہ پیش کیا ، ہم پنجاب کے تمام ڈاکٹرز کو دل کی اتھاہ گہرائیوں سے مبارک باد پیش کرتے ہیں۔