لالہ موسیٰ (جی پی آئی) لوڈ شیڈنگ کے ساتھ گیپکو حکام نے بھی ٹینکی محلہ کے مکینوں کا کباڑہ کرنے کا عزم کر لیا ، خراب ٹرانسفارمر سے صرف 130وولٹیج جاری ، واپڈا حکام درست کرنے کو تیار نہیں ، عرصہ دراز سے ٹینکی محلہ کے لیے لگائے گئے بجلی کے ٹرانسفارمر کی شکایت دور نہ ہونے پر اہل محلہ نے شدید احتجاج کیا ہے ، مکینوں کا کہنا ہے کہ ٹرانسفارمر کے بش ڈھیلے ہونے کے باعث بجلی کی صحیح فراہمی نہیں ہو رہی اور مکمل وولٹیج حاصل نہیں ہو رہے ، ٹینکی محلہ کے مکینوں کو 130وولٹ ملنے پر انکی الیکٹرونکس کی اشیاء نے کام کرنا چھوڑ دیا ہے ، جبکہ کم وولٹیج پر پنکھے بھی نہیں چل رہے ، گیپکو حکام نے اگر ٹرانسفارمر مرمت نہ کیا تو اندیشہ ہے کہ ٹرانسفارمر کے مکمل بند ہو جانے سے مکینوں کی مشکلات میں مزید اضافہ ہو جائیگا ۔
Related Posts
