ہم کہاں تھے اور تم کہاں جاناں
ہیں کئی ہجر درمیاں جاناں
رائیگاں وصل میں بھی وقت ہوا
پر ہوا خوب رائیگاں جاناں
میرے اندر ہی تو کہیں گم ہے
کس سے پوچھوں ترا نشان جاناں
عالم بیکراں رنگ ہے تو
تجھ میں ٹھہروں کہاں کہاں جاناں
روشنی بھر گئی نگاہوں میں
ہو گئے خواب بے اماں جاناں
اب بھی جھیلوں میں عکس پڑتے ہیں
اب بھی نیلا ہے آسماں جاناں
ہے جو پرخوں تمہارا عکسِ خیال
زخم آئے کہاں کہاں جاناں
جون ایلیا
