ایم کیو ایم نے حکومتی بینچوں پر بیٹھنے کا مدبرانہ فیصلہ کیا ہے۔ قمر زمان کائرہ

گجرات(جی پی آئی)وفاقی وزیر اطلاعات چوہدری قمر زمان کائرہ ڈیرہ کائرہ پر مقامی صحافیوں سے گفتگو کرتے ہوئے کہا کہ ایم کیو ایم نے حکومتی بینچوں پر بیٹھنے کا مدبرانہ فیصلہ کیا ہے وہ پہلے بھی ہمارے اتحادی تھے اور آئندہ بھی رہیں گے انہوںنے کہا کہ پیپلز پارٹی کی حکومت ملک کو بحرانوں سے نکالنے کیلئے مفاہمتی سیاست کے جس ایجنڈے پر چل رہی ہے ، اس سے بہتر راستہ کوئی اور نہیں ، انہو ںنے کہا کہ سیاسی جماعتیں برداشت اور رواداری کا مظاہرہ کریں ایک دوسرے پر الزام تراشی کی سیاست ملک اور جمہوری نظام کے لئے کسی طور پر بھی بہتر نہیں۔