22 روز گزرنے کے باوجود مقدمہ کا اندراج نہ ہو سکا

لالہ موسیٰ : 22روز گزرنے کے باوجود مقدمہ کا اندراج نہ ہو سکا ، تفصیلات کے مطابق پولیس تھانہ صدر لالہ موسیٰ کے اہلکاروں اے ایس آئی احمد نواز ، نائب محرر عصمت ، کانسٹیبل شکور ، ملک افضل اور سلیمان اختر نے تاجر آصف بٹ کو 22روز قبل اس کی دوکان سے اٹھایا اور تشدد کا نشانہ بنایا ، بعد ازاں تاجر نے میڈیکل حاصل کر کے حصول اندراج مقدمہ درخواست گزاری جس پر 22روز گزرنے کے باوجود پولیس نے مقدمہ کا اندراج نہ کیا ہے پولیس اپنے پیٹی بھائیوں کو بچانے کیلئے کوشاں ہیں ، تاجروں نے ڈی پی او گجرات سے مطالبہ کیا ہے کہ حالیہ کھلی کچہریوں اور میڈیا کو دئیے گئے بیانات کی روشنی میں ڈی پی او عملی اقدامات کریں اور یہ دیکھ لیں کہ ضلع میں کس قدر پولیس گردی کے واقعات ہو رہے ہیں ، اور احتجاج کے باوجود انصاف کا حصول مشکل ہے ، ڈی پی او جمع زبانی بیانات کی بجائے عملی اقدامات کریں اور عوام کو ریلیف فراہم کرنے کیلئے اقدامات کریں ۔