عباس پور (نمائندہ خصوصی) سردار محمد سفیر عالم کی ہنگامی پریس کانفرنس حلقہ نمبر ایک ایل،اے سترہ پونچھ میں ووٹوں کی گنتی دوبارہ ہونی چاہیے ۔چوہدری محمد یاسین گلشن کو کامیاب ہونے پر مبارک باد اگر چوہدری محمد یاسین گلشن پارٹی قیادت کے سامنے ضلع کا مطالبہ رکھیں ہم اُن کے ساتھ ہیں اگر اُنھوں نے پچھلے کام دوبارہ کرنا شروع کیے تو گھر سے باہر نکلنا بند کر دیں گئے۔تفصیلات کے مطابق امیدوار برائے قانون ساز اسمبلی حلقہ ایل اے ،سترہ پونچھ سردار محمد سفیرعالم نے پریس کانفرنس کرتے ہوئے اپنے تمام کارکنان کا شکر یہ ادا کیا جنہوں نے الیکشن میں اُنکا بھر پور ساتھ دیا اُنھوں نے کہا کہ الیکشن میں وفاقی حکومت اور کشمیر کونسل کے فنڈز کافی حد تک اثر انداز ہوئے ہیں الیکشن افواج پاکستان کی نگرانی میں صاف وشفاف ہو ئے ہیں چوہدری محمد یاسین گلشن کو الیکشن میں کامیاب ہونے پر مبارک باد پیش کر تا ہوں اُنھوں نے کہا کہ عباس پور حلقہ نمبر ایک کی عوام نے چوہدری محمد یاسین گلشن کو منتخب کیا ہے وہ آزادکشمیر کی حکومت اور وزیراعظم پاکستان میاں محمد نواز شریف کے سامنے ایک ہی ضلع کا مطالبہ رکھیں ہم اُن کے ساتھ بھر پورا تعاون کریں گئے اگر وہ ضلع بنوانے میں کامیاب ہو جاتے ہیں تو وہ جتنی بار الیکشن لڑیں گئے ہم اُن کی سپورٹ کریں گئے اگر اُنھوں نے پچھلے کام کرنا شروع کر دئے تو گھر سے باہر نکلنا بند کر دیں گئے اُنھوں کہا کہ اب ممبر اسمبلی چوہدری محمد یاسین گلشن کا کوئی بہانہ نہیں چلے گا پہلے کہتے تھے حکومت پیپلز پارٹی کی ہے میری کوئی سنتا نہیں مگر اب حکومت بھی مسلم لیگ ن کی ہے اور ممبر اسمبلی بھی وہی ہیں اُنھوں نے کہا کہ اگر مسلم کانفرنس کے عبدالقیوم خان نیازی نے اعتراض کیا ہے کہ الیکشن میں دھاندلی ہوئی ہے تو متعلقہ احکام کو فوری طور دوبارہ گنتی کرنی چاہیے جس کے بعد دودھ کا دودھ اور پانی کا پانی سامنے آجائے گا۔اُنھوں نے کہا کہ وزیراعظم پاکستان اور دیگر نے ایک ایسے شخص کو وزیراعظم آزادکشمیر بنایا ہے جو عوام کے حقوق کا تحفظ کرنے کی صلاحیت رکھتا ہے اور دشمن کی آنکھوں میں آنکھیں ڈال کر بات کرنے کی صلاحیت رکھتا ہے اُنھون نے کہا مسلم لیگ ن اگر آزادکشمیر میں تعمیر وترقی کرتی ہے تو ہم اُن کے ساتھ شانہ بشانہ کھڑے ہیں او ر اگر اِس میں کوتاہی برتتی ہے تو ہم کسی صورت میںایسا کرنے کی اجازات نہیں دیں گئے اُنھوں نے چیف الیکشن کمشنر آزادکشمیر کو صاف وشفاف الیکشن کروانے پر خراج تحسین پیش کیا اُنھوں نے کہا کہ پیپلز پارٹی کے امیدوار سردار امجد یوسف نے جھوٹ بول بول کر عوام کو گمراہ کرنے کی کوشش کی آج بھی ہمارے پاس وہ ریکاڈنگ موجود ہیں جس میں کلمہ پڑھ پڑھ کہہ رہے ہیں کہ میرا اور چوہدری محمد یاسین گلشن کا مقابلہ ہے اور عبدالقیوم خان نیازی مقابلے میں ہی نہیں ہیں 21 جولائی کو سچ عوام کے سامنے آگیا تو جھوٹ کی بدترین شکست ہوئی اُنھوں نے کہا جس مافیا کے متعلقہ تقاریر میں ذکر کیا گیا اُس مافیا کے خلاف چوہدری محمد یاسین گلشن کاروائی کریں ہم اُن کے ساتھ ہیں اُنھوں نے پیپلز پارٹی کے امیدوار کو مخاطب کرتے ہوئے کہا کہ پیپلز پارٹی کے امیدوار کی حالت اگلے الیکشن میں پاکستان تحریک انصاف کے امیدوار جیسی ہو گی اِس موقع پر اُنھوں نے کارکنان کا شکریہ ادا کرتے ہوئے کہا کہ کارکنان اپنی صفوں میں اتحاد رکھیں اور اُنھیں کسی بھی چیز سے خوف نہیں ہونا چاہیے ہم اُن کے حقوق کا تحفظ کریں گئے اور جن لوگوں نے ایک مرتبہ پھر جلے ہوئے کارتوسوں کو منتخب کیا ہے اُن کے لیے بھی ہمارے دروازے کھولے ہوئے ہیںکیونکہ ہمارے علاوہ اُن کے پاس اور کوئی راستہ نہیں ہے اور ہم عوامی خدمت کے لیے دن رات حاضر ہیں اِ س موقع پر پریس کانفرنس میں سردار شہراز چغتائی ،بابر سلیم ایڈووکیٹ ،اور دیگر موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عباسپور (نمائند ہ خصوصی ) عباس پور سردار ارشد محمود ،سردار شرافت اور سردار محمد صداقت نے اپنے ایک بیان میں کہا ہے کہ حلقہ ہجیرہ سے سردار خان بہادر کی کامیابی کشمیر قوم کے لیے باعث فخر ہے ہجیرہ کی عوام نے سردار خان بہادر خان کا انتخاب کر کے پوری کشمیر ی قوم کا سر فخر سے بلند کر دیا سردار خان بہادر ایک ناڈر ،بے باک ،فرض شناس ،اور بہادر لیڈر ہیں جنہوں نے اپنی ساری زندگی عوام کی خدمت میں گزاری اور ہمیشہ مظلوم کا ساتھ دیا اور ظالم کے دانت کھٹے کیے ۔اُنھوں نے کہا سردارخان بہادر خان کی کامیابی میں سردار ارزش خان ،سردار قدیر خان،سردار عامر الطاف ،راجہ منظور احمد ،سردار حفیظ خان کا اہم کردار ہے جنہوں نے دن رات محنت کر کے سردار خان بہادر خان کو کامیابی دلوائی جس پر اُنھیں خراج تحسین پیش کرتے ہیں اُنھوں نے سردا ر خان بہادر خان کو کامیاب ہونے پر دل کی اتھاہ گہرائیوں سے مبارک باد پیش کی اور کہا کہ اُمیدد کرتے ہیں سردار خان بہادر خان نہ صرف حلقہ ہجیرہ بلکہ پورے آزادکشمیر کے عوام کے مسائل کو حل کرنے میں اپنا کردار ادا کریں گئے ۔اُنھوں نے کہا کہ نہ صرف ہجیرہ کی عوام کو بلکہ آزادکشمیر کی عوام کو سردار خان بہادر خان جیسے بزرگ لیڈر کی ضرورت تھی جو عوامی کی نمائندگی کر سکتا ہواور عوام کے حقوق کی بات کرسکتا ہو اور عوام کے حقوق کا تحفظ کرنے کی صلاحیت رکھتا ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عباس پور (نمائندہ خصوصی ) عباس پور میں محکمہ برقیات کی من مانیاں جاری ایک گھنٹے بعد کئی گھنٹوں کے لیے بجلی غائب وولٹیج کم ہونے کی وجہ سے ہزاروں روپے کا سامان عوام کا جل کر خاکستر تفصلات کے مطابق عباس پور میں محکمہ برقیات کی من مانیاں جاری ہیںایک گھنٹے بعدکئی گھنٹوں کے لیے بجلی غائب ہونے لگی بجلی کی غیراعلانیہ لوڈشیڈنگ سے عوام بلبلا اُٹھے ہیں عوام کا کہنا ہے کہ محکمہ برقیات کی من مانیوں کی وجہ سے اور وولٹیج کم ہونے کی وجہ سے ہمارا ہزاروں روپے کا نقصان ہو رہا ہے اُنھون نے اعلیٰ احکام سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عباس پور (نمائندہ خصوصی ) قاری محمد صادق حیات ترابی صدر وبانی کھوڑی چنہ سابق چیئرمین تعلیم کمیٹی علی سوجل نے اپنے ایک بیان میں کہا ہے کہ ترکی کی عوام نے بغاوت کرنے والوں کو اُن کی اوقات دیکھا کر اُن کے منہ پر طمانچہ مار کر یہ ثابت کر دیا کے ترکی کی عوام نہ ہی کسی سے ڈرنے والے ہیں اور نہ ہی کسی کے آگئے جھکنے والے ہیں اُنھوں نے کہاکہ ترکی واحد ملک ہے جو مسلمانوں کے حقوق کی بات کر تا ہے اور جہاں کہیں بھی ظلم ہو رہا ہو وہاں مسلمانوں کے ساتھ سیسہ پلائی دیوار کی طرح کھڑا ہو جاتا ہے ۔جس کی مثال جب برما کے مسلمانوں پر ظلم ہو رہا تھا اُس وقت ترکی کے صدر طبیب اردگان نے آگئے بڑھ کر برما کے مسلمانوں کی آواز بنے اُنھوں نے کہا کہ طبیب اردگان ایک اعظیم لیڈر ہیں اُنھوں نے ساری عمر مسلمان دشمن عناصر کا ڈٹ کر سامنا کیا اور مسلمان دشمن عناصر کو اُن کی حیثیت یاد کروا دی ۔اُنھوں نے کہا کہ اللہ پاک ہر مسلم ممالک کو طبیب اردگان جیسا لیڈر دئے جو عوام کے حقوق کی بات کر تا ہو اور جو عوام کے حقوق کا تحفظ کر سکتا ہو۔
کامران ارشد نمائندہ راولاکوٹ فون نمبر03328567202
