دینہ (جمیل احمد کھٹانہ سے) آل پاکستان پرائیویٹ سکولز مینجمنٹ ایسوسی ایشن کے سالانہ انتخابات مکمل افتخار حسین ملک صدر جبکہ ڈاکٹر اشرف جنرل سیکرٹری منتخب، ڈاکٹر ناصر ضیاء مجلس عاملہ،راجہ ناصر کیا نی تحصیل سوہاوہ کے صدر تحصیل جہلم سے مقصود الہی صدر تحصیل دینہ سے محمد ریاض جبکہ تحصیل پنڈدادنخان سے ملک سعادت محمود اعوان صدر منتخب ہو گئے،شہریوں کی طرف سے مبارکباد کا سلسلہ جاری ۔تفصیلات کے مطابق آل پاکستان پرائیویٹ سکولز مینجمنٹ ایسوسی ایشن کے سالانہ انتخابات مکمل ہو گئے،متفقہ طور پر ملک افتخار پرنسپل راحیل ہائی سکول دینہ صدر جبکہ جنرل سیکرٹری ڈاکٹر محمد اشرف کامیاب قرار پائے،اسی طرح باقی عہدیدران میں سرپرست اعلی راجہ اسد ،ایڈیشنل جنرل سیکرٹری تاثیر احمد، سینئرنائب صدر محمد رفیع ،نائب صدر شیخ ضیاء فاروق ،سیکرٹری نشرو اشاعت پروفیسر شریف ساجد ،صدر شعبہ خواتین کے لیے زاہدہ پروین،جبکہ تحصیل صدور کے لیے دینہ سے محمد ریاض ،جہلم سے مقصود الہی،سوہاوہ سے راجہ ناصر کیانی جبکہ تحصیل پنڈ دادنخان سے ملک سعادت محمود اعوان منتخب ہو گئے ، اسی طرح مجلس عاملہ ڈاکٹر ناصر ضیاء جبکہ مجلس عاملہ کے ممبر ان میں راجہ محمود الحسن ،چوہدری اظہر ،حافظ وسیم انور ،چوہدری قربان ،میاں محمد ثقلین ،نازیہ اعجاز بٹ ،چوہدری مشتاق ،سکندر حیات ،چوہدری علی حیدر ،چوہدری شاہد ،حافظ خلیل ،چوہدری شریف ،ابرار حسین،راجہ محمد عمران ،راحیلہ رحمان ،چوہدری ارشد محمود ،نزیر احمد منتخب ہوئے ،آل پاکستان پرائیویٹ سکولز مینجمنٹ ایسوسی ا یشن کے کامیاب ہونیوالے عہد یدران کی تقریب حلف برداری کا انعقاد بھی کیا گیا ،حلف برداری کی تقریب زیر صدارت سرپرست اعلی راجہ اسد منعقد ہوئی اس موقعہ پر نو منتخب صدر ملک افتخار حسین نے تمام پرائیویٹ سکولز کی انتظامیہ کا شکریہ ادا کیا ،اس موقعہ پر انہوں نے اپنے خطاب میں کہا کہ آپ کے تعاون سے ہی میں صدر منتخب ہوا ہوں میری اولین ترجیح ہوتی ہے کہ اپنے پروائیویٹ سکولز کی انتظامیہ کے مسائل حل کرو ں ڈسٹرکٹ جہلم بھر سے کسی نے بھی میرے مقابلے میں کاغذ ات نامزدگی جمع نہیں کروائے جس پر میں ان کا شکر گزار ہوں کہا آپ نے مجھے اس قابل سمجھا ،میرے دروازے چوبیس گھنٹے پرائیویٹ سکو لز انتظامیہ سمیت ہر کسی کے لیے کھلے ہیں ،دوسروں کی مدد کر کے مجھے دلی سکون ملتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینہ ( جمیل احمد کھٹانہ سے )دینہ کے نواحی علاقہ میں 48سالہ شخص نے مٹی کا تیل چھڑک کر خود کو آگ لگا کر خودکشی کر لی ،اطلاع ملتے ہی پولیس موقع پر پہنچ گئی اور رپورٹ درج کر کے تفتیش شروع کر دی ۔تفصیلات کے مطابق گزشتہ روز دینہ کے نواحی علاقہ تھانہ ڈومیلی کی حددو کھنور میں 48سالہ شخص محمد افضال ولد محمد اشرف سکنہ ڈھوک رحم علی نے گھر سے باہر کھلی جگہ پر مٹی کا تیل لے جا کر خود پر چھڑک لیا اور آگ لگا کر خود کشی کر لی ،پولیس تھانہ ڈومیلی کے اے ایس آئی تنویر اپنی نفری کے ہمراہ موقع پر پہنچ گئے اور کاروائی شروع کر دی ،پولیس کے مطابق شخص کا ذہنی توازن ٹھیک نہ تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینہ ( جمیل احمد کھٹانہ سے )رزنامہ ( ) کی خبر پر ایس ایچ او تھانہ منگلا کینٹ طارق بن عزیز کا ایکشن ،25روز قبل ساگری سے لاپتہ ہونے والے بچے کے والد کی درخواست پرایس ایچ او تھانہ منگلا کینٹ نے مقدمہ درج کر لیا،پولیس مصروف تفتیش۔تفصیلات کے مطابق گزشتہ روز ساگری سے لاپتہ ہونے والے بچے طاہر محمود کی خبر روزنامہ ( )میں اشاعت پر ایس ایچ او تھانہ منگلا کینٹ طارق بن عزیزنے ایکشن لے لیااور فوری طور پر ایف آئی آر درج کر کے بچے کی تلاش شروع کردی ،بچے کے والد معشوق احمد ولد کرم داد سکنہ ساگری نے درخواست میں استدا کی کہ بچہ ڈانٹ ڈپٹ سے گھر سے بھاگ گیا ہے جبکہ اس سے قبل بھی وہ دو مرتبہ گھر سے چلا گیا تھا لیکن واپس آ جاتا تھا لیکن اس مرتبہ وہ واپس نہیں آیا اسے کسی نا معلوم افراد نے اغوا کر لیا ہے،نا معلوم افراد کے خلاف اغوا کا مقدمہ درج کیا جائے جس پر ایس ایچ او تھانہ منگلا کینٹ نے بچے کے والد کی درخواست پر نامعلوم افراد کے خلاف اغوا کا مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینہ( جمیل احمد کھٹانہ سے )محکمہ واپڈا دینہ کی نااہلی نیا محلہ ریلوے اسٹیشن بجلی کے پول ٹوٹ پھوٹ کا شکار ،مین لائن زمین سے قریب ہونے کی وجہ سے کسی بھی بڑے حادثے کا سبب بن سکتی ہے،اہل محلہ کے بارہا واپڈا کو درخواستیں دینے کے باوجود کو ئی نوٹس نہیں لیا گیا ،ان پول کے نزدیک بچوں کا ایک سکول بھی واقع ہے،ایکسین جہلم سے نوٹس کا مطالبہ۔تفصیلات کے مطابق محکمہ واپڈا دینہ کی نا اہلی کی وجہ سے نیا محلہ ریلوے اسٹیشن دینہ میں بجلی کے پول ٹوٹ پھوٹ کا شکار ہیں جس کی وجہ سے بجلی کی مین لائن زمین کے بہت قریب سے گزر رہی ہے جو کہ کسی بڑے حادثے کا باعث بن سکتی ہے،بجلی کے ان پولوں کے نز یک بچوں کا ایک سکول بھی واقع ہے جہاں سے روزانہ بچوں کا گزر ہو تاہے،اہلیان محلہ نے کئی بار واپڈا آفس جا کر شکایات درج کروائی ہیں لیکن محکمہ واپڈا ہے کہ ان کے کانوں پر جوں تک نہیں رینگتی اور وہ کسی بڑے حادثے کے انتظار میں ہیں ،اہلیان علاقہ نے میڈیا نمائندگان سے بات چیت کرتے ہوئے بتایا کہ ہم محکمہ واپڈا دینہ آفس کے چکر لگا لگا کر تھک گئے ہیں ہماری اآواز کو اعلی حکام تک پہنچایا جائے ،اہلیان نیا محلہ ریلوے اسٹیشن نے ایکسین جہلم سے اپیل کی ہے کہ اس مسئلہ کا فوری نوٹس لیا جائے قبل اس کے کہ کوئی بڑا حادثہ رونما ہو جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینہ ( جمیل احمد کھٹانہ سے )تحصیل دینہ صرف نام کی تحصیل دینہ بن کر رہ گئی،عوام کو بنیادی ضروریات زندگی میسر نہیں ،خادم اعلی پنجاب میاں شہباز شریف نے 2009کا آر ایچ سی دینہ کو تحصیل ہیڈ کواٹر ہسپتال بنانے کا اعلان صرف اعلان کی حد تک محدود ہو کر رہ گیا ،مریضوں کے لیے بیڈوں کی تعداد انتہائی کم ،اسپیشلسٹ ڈاکٹر زکی کمی کے ساتھ آبادی کے تناسب سے مریضوں کا رش ،تحصیل دینہ کی عوام پرائیویٹ علاج کروانے پر مجبور جہاں عوام کی چمڑی ادھیڑ لی جاتی ہے۔تفصیلات کے مطابق گزشتہ روز میڈیا نمائندگان نے آر ایچ سی کا دورہ کیا جس دوران یہ بات دیکھنے کو ملی کہ تحصیل دینہ کو صرف نام کا ہی درجہ دیا گیا ہے جب کہ ہسپتال میں بنیادی ضروریات میسر نہیں اور عوام کو طبی حوالے سے سخت مشکلات کا سامنا ہے ،آر ایچ سی کو 2009میں خادم اعلی پنجاب میاں شہباز شریف نے تحصیل ہیڈ کواٹر کا درجہ دینے کا اعلان کیا تھا جو کہ صرف فائلوں کی حد تک محدود ہو کر رہ گیا ہے،آر ایچ سی میں اس وقت صرف 20بیڈ موجود ہیں جو کہ ناکافی ہیں ،ایکسرے کی سہولت میسر نہیں جس کے لیے عوام کو رپورٹ کے لیے جہلم کے چکر لگانے پڑتے ہیں ،بڑے آپریشن کے لئے تمام مریضوں جہلم ریفر کیا جاتا ہے،اسپیشلسٹ ڈاکٹروں کا سخت فقدان ہے،وزیر اعلی پرویز الہی کے دور میں تعمیر ہونے والا برن یونٹ بند پڑا ہے اور عوام کو اس سلسلے میں برن یونٹ کھاریاں جانا پڑتا ہے،آبادی کے تناسب سے ڈاکٹروں کی قلت کی وجہ سے صبح سے ہی عوام کا رش لگ جاتا ہے اور پرچی کے لیے مشکلات سے گزر کر اپنی باری کے لیے گھنٹوں انتظار کرنا پڑتا ہے ،مسلم لیگ ن کی مقامی قیادت بھی اس سلسلے میں خاموشی تماشی ہے اور اس سلسلے میں دو بار حکومت میں ہونے کے باوجود عوام کے اس بنیادی مسئلے کو حل کروانے میں ناکام دکھائی دیتی ہے ، عوام اس وقت مجبور ہیں کہ پرائیویٹ علاج کروائیں جو کہ اتنا مہنگا ہے کہ ایک عام آدمی کے بس کی بات ہی نہیں ،عوام الناس نے وزیر اعلی پنجاب میاں شہباز شریف سے مطالبہ کیا ہے کہ تحصیل دینہ میں تحصیل ہیڈ کواٹر بنانے کے وعدے کو پورا کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دینہ ( جمیل احمد کھٹانہ سے )دینہ پریس کلب کا تعزیتی اجلاس زیر صدارت عرفان محبوب منعقد ہوا ،سینئر صحافی و نائب صدر جہلم پریس کلب دلنواز احمد کے دادا جان کی وفات پر اظہار تعزیت و فاتحہ خوانی کی گئی۔تفصیلات کے مطابق گزشتہ روز دینہ پریس کلب کا تعزیتی اجلاس زیر صدارت عرفان محبوب منعقد ہوا جس میں سینئر صحافی اور نائب صدر جہلم پریس کلب دلنواز احمد کے دادا جان کی وفات پر اظہار تعزیت و فاتحہ خوانی کی گئی ،اجلاس میں نائب صدر جہلم پریس کلب دلنواز احمد کے دادا جان کے انتقال پر ملال پر شدید غم کا اظہار کیا گیااور مرحوم کی بلندی درجات کے لیے دعا کی گئی،اجلاس میں شامل ممبران سید توقیر آصف شاہ چیئرمین دینہ پریس کلب،حاجی اظہر سینئر صحافی،محمد اقبال خان جنرل سیکرٹری دینہ پریس کلب ،عادل چوہدری،شعبان چوہدری،عظمت عبداللہ،سلیم کسانہ،ڈاکٹر قاسم محمود ،،ڈاکٹر ظہیر ، ڈاکٹر نعیم اعوان ،جمیل کھٹانہ ،حسنین چوہدری،شجاعت ابرار نے سینئر صحافی نائب صدر جہلم پریس کلب دلنواز احمد سے اظہار ہمدردی کی اور کہا کہ ہم سب ان کے دکھ میں برابر کے شریک ہیں ،اللہ پاک مرحوم کی مغفرت فرمائے اور لواحقین کو صبر جمیل عطا فرمائے،اس موقعہ پر صدر دینہ پریس کلب عرفان محبوب چوہدری نے کہا کہ دلنواز احمد کی دکھ کی اس گھڑی میں ہم سب شامل ہیں اور اللہ پاک ان کے خاندان کو دکھ کی اس گھڑی میں صبر جمیل عطا فرمائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
