پوران (ڈاکٹر تصور ھسین مرزا) تحصیل سرائے عالمگیر کے تمام سرکاری و پرائیویٹ سکول مورخہ 23.5.2016 بروز سوموار صبح 7:30 بجے تا 11 :00 کھلیں گئے، ان خیالات کا اظہار اسسٹنٹ ایجوکیشن آفیسر چوہدری جاوید اقبال نے نمائدہ سے گفتگو کرتے ہوئے کیا۔ انہوں نے کہا حکومتی پالیسی پر عمل درآمد کروانا میرا کام ہے، اگر تحصیل سرائے عالمگیر کے کسی بھی حصہ میں کوئی پرائیویٹ یا سرکاری سکول خلاف ورزی کرتے ہوئے پایا گیا تو سخت کاروائی کی جائے گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور ھسین مرزا ) گجرات سمیت 30 اضلاع میں چائلڈ پروٹیکشن اینڈ ویلفیئر بیورو کا قیام عمل میں نہ آسکا، وزارت داخلہ کے زیر اثر چائلڈ پروٹیکشن اینڈ ویلفیئر بیورو کا قیام2004ء میں کیا گیا جس کا کام بے سہارا اور عدم توجہی کا شکار بچوں کو ان کے خاندانوں سے ملوانا، خاندانوں میں رہتے ہوئے ان کے حقوق کا تحفظ یقینی بنانا،لاوارث بچوں کو سنٹرز میں رکھنا اور ان کی تعلیم،صحت،خوراک، لباس ودیگر بنیادی ضروریات کا خیال رکھنا ہے تاہم بیوروآفس لاہور، گوجرانوالہ،سیالکوٹ، فیصل آباد،ملتان، راولپنڈی میں موجود ہیں جبکہگجرات چکوال، منڈی بہاوالدین، رحیم یار خان، نارووال،جہلم ، سرگودھا، ساہیوال، شیخوپورہ، وہاڑی، ڈی جی خاں، قصور، بہاولپور، اوکاڑہ، میانوالی، خوشاب سمیت پنجاب کے 30اضلاع میں کوئی چائلڈ پروٹیکشن بیورو نہیں۔ وزارت داخلہ کے مطابق بہاولپور اور ساہیوال میں سرکاری زمین الاٹ ہوچکی ہے تاہم فنڈز کی عدم دستیابی آڑے آرہی ہے علاوہ ازیں رحیم یار خان میں بلڈنگ زیر تعمیر ہے پنجاب میں کم وبیش 8لاکھ بچے جہلم سمیت مختلف اضلاع اورتحیصلوں میں بے یارومددگار رہنے پر مجبور ہیں جن کی مناسب سرپرستی نہ ہونے کیوجہ سے بے راہ روی کا شکار ہو رہے ہیں۔ حکومت کو چاہیے کہ جہلم سمیت پنجاب کے تمام اضلاع میں چائلڈ پروٹیکشن اینڈ ویلفیئر بیورو کے دفاتر قائم کئے جائیں تاکہ بچوں کو تحفظ اورتوجہ مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور ھسین مرزا ) قومی اسمبلی قائمہ کمیٹی برائے تجارت نے دودھ کی درآمدات پر 100 فیصد ڈیوٹی عائد کرنے کی تجویز دی ہے تا کہ ملکی دودھ کی پیداوار کی کھپت اور استعمال میں اضافہ کیاجا سکے۔
قائمہ کمیٹی کااجلاس چیئرمین سراج محمد خان کی زیرصدارت ہوا، کمیٹی کے چیئرمین نے غیرمعیاری دودھ کی درآمدات اوراس میں مضرصحت اجزا کی ملاوٹ پر تحفظات کااظہارکرتے ہوئے کہاکہ یہ ہمارے مذہب کے خلاف ہیں، وزارت تجارت حکام نے دودھ کی پیداوار سے متعلق تفصیلی بریفنگ میں بتایا کہ ملک میں دودھ کی سالانہ پیداوار 52 ملین ٹن جب کہ دودھ کی سالانہ طلب 42 ملین ٹن ہے۔
کمیٹی نے وزارت تجارت کے حکام سے سوال کیا کہ اگردودھ کی سالانہ پیداوارملکی طلب سے زیادہ ہے تو یہ دیگر ممالک کو برآمد کیوں نہیں کیا جاتا۔ رانا ایاز نے کہا کہ دودھ کی درآمد سے مقامی کسان بری طرح متاثر ہوتا ہے، چیئرمین کمیٹی نے کہاکہ مقامی کسانوں اور ڈیری شعبہ کی تحفظ کے لیے دودھ کی درآمدات پرڈیوٹی بڑھائی جائے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا ) رکن صوبائی اسمبلی مہر فیاض نے کہاہے کہ مسلم لیگ (ن) کی حکومت نے جہلم میں تعلیمی انقلاب برپا کر دیا ہے ، جہلم اورسوہاوہ کی تحصیلوں میں خواتین کے دو نئے کالجز بنائے گئے ہیں جبکہ پنڈادنخان ، سنگھوئی اور جلال پور شریف میں ایک ایک کالج زیر تعمیر ہیں اور اس کے علاوہ سٹیٹ آف دی آرٹ ٹیوٹا ٹیکنیکل کالج پنڈ دادنخان میں تعمیر کے آخر مراحل میں ہے اور پنڈ دادنخان میں ہی یوای ٹی ٹیکسلا کے سب کیمپ پر کام آئندہ مالی سال میں شروع کر دیا جائیگا۔ان خیالات کا ا ظہار انہوںنے شہریوں کے وفد سے ملاقات میں کیا۔ رکن صوبائی اسمبلی مہر فیاض نے کہاکہ تعلیم وزیر اعلیٰ پنجاب کی ترجیحات میں شامل ہے اور یہی وجہ سے کم ترقی یافتہ علاقوں میں بہترین تعلیمی سہولیات کی فراہمی کی طرف بھی بھر پور توجہ دی جا رہی ہے ۔ انہوںنے کہاکہ تعلیم کے علاوہ صحت اور مواصلات پر بھی خصوصی توجہ دی جا رہی ہے تاکہ ملک میں حقیقی انقلاب کی بنیاد رکھی جا سکے او ر یہی وہ تبدیلی تھی جس کی بنیاد مسلم لیگ (ن) رکھ دی ہے اور اسی کارکردگی کی بنیاد مسلم لیگ (ن) دوبارہ عوام کے پاس جائیگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پوران ( ڈاکٹر تصور حسین مرزا ) چیف کوآرڈی نیٹر نے پی ایچ ایم اے تحصیل جہلم کی تنظیم سازی کا اعلان کر دیا ۔ سینئر معالج ہومیو ڈاکٹر آفتاب حسین سرپرست اعلیٰ جبکہ ہومیو ڈاکٹر محمد شبیر صدر نامزد ۔ تفصیلات کے مطابق چیف کوآرڈی نیٹر پاکستان ہومیو پیتھک میڈیکل ایسوسی ایشن ضلع جہلم کا اجلاس زیر صدارت ہومیو ڈاکٹر ذوالفقار علی چوہدری جہلم ہومیو پیتھک میڈیکل کالج جہلم منعقد ہوا ، اجلاس میں ضلعی صدر ہومیو ڈاکٹر صفدر برلاس اور جنرل سیکرٹری ہومیو ڈاکٹر ظہور حسین نے چیف کوآرڈی نیٹر ہومیو ڈاکٹر ذوالفقار علی چوہدری کے اتفاق رائے سے تحصیل جہلم کی تنظیم کا اعلان کیا ، بعدازاں ڈاکٹر صفدر برلاس نے نئے عہدیداران کا اعلان کیا ، جس کے مطابق سرپرست اعلیٰ ہومیو ڈاکٹر آفتاب حسین ، سرپرست ہومیو ڈاکٹر محمد الیاس بٹ ، صدر ہومیو ڈاکٹر محمد شبیر ، سینئر نائب صدر ڈاکٹر محمد ارسل ، نائب صدور کیلئے ڈاکٹر طارق عدیل کھٹانہ ، ڈاکٹر عمران ایوب ، ڈاکٹر گلفراز اور ڈاکٹر محمد یاسین ۔جبکہ جنرل سیکرٹری کیلئے ہومیو ڈاکٹر محمد اعجاز ، جائنٹ سیکرٹری ڈاکٹر محمد فیصل ، فنانس سیکرٹری ڈاکٹر منور حسین ، ایڈیشنل فنانس سیکرٹری ڈاکٹر افتخار احمد ، سیکرٹری اطلاعات ڈاکٹر جبار خان ، ڈپٹی سیکرٹری اطلاعات ڈاکٹروزیرعلی کے علاوہ ممبران مجلس عاملہ شامل ہیں، اس موقع پر ڈاکٹر صفدر برلاس نے تمام عہدیداران و ممبران مجلس عاملہ سے حلف لیا اور مبارکباد دی۔
