بھمبر (ڈسٹرکٹ رپورٹر) میونسپل کمیٹی کے مجسٹریٹ کا ناقص اور مضر صحت اشیا فروخت کرنے والوں کے خلاف کارروائی ناقص اور ملاوٹ شدہ اشیاء فروخت کرنے والوں کو جرمانے جبکہ ناقص اور ملاوٹ شدہ دودھ تلف تفصیلات کے مطابق ایڈمنسٹریٹر میونسپل کمیتی بھمبر راجہ شاہد انور کی ہدایت پر مجسٹریٹ میونسپل شیخ زاہد مجید نے بھمبر شہر میں ناقص، غیر معیاری اور ملاوٹ شدہ اشیاء فروخت کرنے والوں کیخلاف کارروائی کرتے ہوئے گذشتہ روز کئی دوکانوں پر چیکنگ کی دوران چیکنگ ناقص ، غیر معیاری اور ملاوٹ شدہ اشیاء فروخت کرنے والے دوکانوں کو موقع پر ہزاروں روپے جرمانہ کیا جبکہ شہر کے باہر سے آنے والے دودھ کی بھی چیکنگ کی گئی ناقص اور ملاوٹ شدہ دودھ فروخت کرنے والے گوالوں کو بھی جرمانہ کیا گیا اور ساتھ ہی دودھ ضبط کر کے تلف کر دیا گیا مجسٹریٹ نے گوشت فروخت کرنے والے قصابوں کی دوکانوں کی بھی چیکنگ کی گئی گوشت کا معیار بہتر کرنے اور دوکانوں میں صفائی ستھرائی کے احکامات جاری کیے اس موقع پر وٹرنری ڈاکٹر محمد جہانگیر ، جونیئر کلرک محمد الیاس بھی موجود تھے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) پیپلز پارٹی شہیدوں ، غازیوں اور مجاہدوں کی جماعت ہے اس سے بیوفائی کرنے والوں کو مایوسی اور رسوائی کے سوا کچھ حاصل نہ ہو گا پیپلز پارٹی کے خلاف بیان بازی کرنے والے غیرت کا مظاہرہ کرتے ہوئے صوابیدی پوسٹ سے استعفیٰ دے دیں ان خیالات کا اظہار پیپلز یوتھ آرگنائزیشن کے مرکزی راہنما عمر ریاض ساگر ضلعی صدر چوہدری صابر حسین نے کیا انہوں نے کہا کہ ہم نے پیپلز پارٹی کی ریاستی اور وفاقی قیادت کو آگاہ کیا تھا کہ بھمبر میں نظریاتی اور مخلص اور دیرینہ کارکنوں کو نظر انداز کر کے جن غیر جماعتی اور مفاد پرست لوگوں کو تعینات کیا جا رہا ہے وہ کبھی بھی جماعت سے وفا نہیں کرینگے حالات اور وقت نے ثابت کیا کہ صوابیدی پوسٹوں پر تعینات لوگوں نے ہمیشہ پیپلز پارٹی کی پیٹ میں چھرا گھونپا ہے آج مفاد پرست اور ابن الوقف پیپلز پارٹی کے خلاف بیان بازی کررہے ہیں جو انکو زیب نہیں دیتا عزت اور غیرت کا تقاضا ہے وہ پیپلز پارٹی کی دی ہوئی مراعات اور پوسٹیں چھوڑ کر سیاسی میدان میں پیپلز پارٹی کا مقابلہ کریں آٹا اور دال کا بھائو انکو معلوم ہو جائیگا انہوں نے کہا کہ پیپلز پارٹی کی آبیاری میں بھٹو خاندان کا خون شامل ہے شہید ، غازیوں اور مجاہدوں کی جماعت سے بے وفائی کرنے والوں کا انجام ہمیشہ بھیانک ہوا ہے جن لوگوں نے پیپلز پارٹی سے بے وفائی کی ہے ان کو مایوسی اور رسوائی کے سوا کچھ حاصل نہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ڈسٹرکٹ بار بھمبر کے نو منتخب صدر اور جنرل سیکرٹری کا وکلاء کے اعزاز میں پر تکلف ظہرانہ ظہرانے کی تقریب میں بھمبر، برنالہ ، سماہنی اور میرپور کے وکلاء کی شرکت تفصیلات کے مطابق ڈسٹرکٹ بار ایسوسی ایشن بھمبر کے نو منتخب صدر چوہدری عارف سرفراز ایڈووکیٹ، جنرل سیکرٹری راجہ ندیم انور کی طرف سے گذشتہ روز جنگلات ریسٹ ہائوس میں وکلاء کے اعزاز میں پر تکلف ظہرانہ دیا گیا ظہرانے کی تقریب میں ڈپٹی اپوزیشن لیڈر چوہدری طارق فاروق ، سابق وزیر حکومت مرزا محمد شفیق جرال، ڈسٹرکٹ اینڈ سیشن جج منشاء غوچ، ایس ایس پی چوہدری منیر حسین، ایڈمنسٹریٹر بلدیہ راجہ شاہد انور ، صدر سماہنی بار راجہ شیراز احمد ایڈووکیٹ، جنرل سیکرٹر ی مرزا فریاد ایڈووکیٹ ، برنالہ بار کے جنرل سیکرٹری چوہدری اللہ دتہ ایڈووکیٹ، میرپور بار کے جنرل سیکرٹری راجہ سہیل شمیم ایڈووکیٹ ، سنیئر سول جج جہانگیر احمد جرال، سول جج سماہنی چوہدری آفتاب احمد، سول جج برنالہ چوہدری زاہد احمد، ضلعی قاضی محمود احمد، تحصیل قاضی تنویر محمود، تحصیل قاضی سماہنی ندیم اصغر، ڈی ایس پی چوہدری محمد رفیق، DSP لیگل راجہ اشفاق احمد، پی آئی چوہدری طاہر السلام، راجہ محمد مشتاق، سابق صدر بار راجہ مظہر اقبال ایڈووکیٹ، چوہدری منظور احمد ایڈووکیٹ، سابق جنرل سیکرٹری خالد ثاقب ایڈووکیٹ، سابق چیئرمین راجہ محمد انور خان، نائب تحصیلدار راجہ نثار احمد خان، چوہدری کبیر ہاشم ایڈووکیٹ، چوہدری خلیل احمد ایڈووکیٹ، راجہ اسد خان ایڈووکیٹ، چوہدری سجاد الحق ایڈووکیٹ، سنیئر صحافی چوہدری خالد حسین، چوہدری جمیل احمد ، جاوید برسالوی، جمیل شفیع، مرز ا ندیم سمیت دیگر نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ڈپٹی اپوزیشن لیڈر چوہدری طارق فاروق، وزیر ہائوسنگ چوہدری پرویز اشرف نے مسلم لیگ نون یوتھ ونگ اٹلی کے جنرل سیکرٹری چوہدری مقصود اسلم کے تایا اور چوہدری محمد اسلم بنڈالوی کے چھوٹے بھائی چوہدری محمد اکرم کی وفات پر انکے گھر جا کر لواحقین سے اظہار تعزیت کیا انہوں نے مرحوم کے درجات کی بلندی اور مغفرت کیلئے فاتحہ خوانی کی اور لواحقین سے دلی ہمدردی اور تعزیت کا اظہار کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) اوورسیز کشمیری راہنما چوہدری محمد اسلم کے چھوٹے بھائی مسلم لیگ نون یوتھ ونگ اٹلی کے جنرل سیکرٹری چوہدری مقصود اسلم کے تایا چوہدری محمد اکرم مرحوم کی رسم قل ادا کر دی گئی رسم قل میں وزیر ہائوسنگ چوہدری پرویز اشرف، ڈپٹی اپوزیشن لیڈر چوہدری طارق فاروق، چوہدری ظہیر الدین بابر ، چوہدری ظہیر الدین بابر، چوہدری خالد شریف، چوہدری محمد اشرف، چیئرمین محمد نذیر، چوہدری محمد اعظم، چوہدری یاسر اشرف، صدر ٹرانسپورٹ چوہدری عارف کاکا، چوہدری محمد جاوید، چوہدری محمد زاید، چوہدری آصف یوسف، راجہ عبدالخالق، راجہ مسعود انور خان، راجہ محمد رفیق، چوہدری محمد خورشید، چوہدری غلام رسول، چوہدری سلیم ساگر سمیت دیگر نیے شرکت کی جبکہ قاری دلدار غوث نے دعا کرائی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر ) تعلیم کے فروغ کیلئے بڑھنگ میں ایجوکیشن فورم کا قیام راجہ محمد حنیف چیئرمین ، ہیڈ ماسٹر ( ر) قیوم خان صدر جبکہ عزیز الحسن جنرل سیکرٹری منتخب تفصیلات کے مطابق بھمبر کے نواحی گائوں بڑھنگ میںتعلیم کے فروغ کے سلسلے میں اجلاس منعقد ہوا جس میں گائوں کے افراد نے بڑی تعداد میں شرکت کی اجلاس میں متفقہ طور پر تعلیم کے فروغ اور لوگوں کی اصلاح و احوال کیلئے ایجوکیشن فورم تشکیل دیا گیا جس کے مطابق راجہ محمد حنیف کو چیئرمین، ہیڈ ماسٹر (ر) قیوم خان کو صدر، راجہ عزیز الحسن کو جنرل سیکرٹری جبکہ راجہ رضوان عارف جانی کو سیکرٹری نشرو اشاعت منتخب کر لیا گیا نو منتخب عہدیداران نے اعتماد پر لوگوں کا شکریہ ادا کیا اور کہا کہ وہ اپنی صلاحیتوں کو بروئے کار لاتے ہوئے بڑھنگ کے اندر تعلیم دوست ماحول پیدا کر کے تعلیم کے فروغ کیلئے عملی اقدامات اٹھائینگے گائوں کے لوگوں نے جو ہم پر اعتماد کیا ہے اس پر پورا اترنے کی کوشش کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر) پاکستان مسلم لیگ نون کے زیر اہتمام 25 فروری کو لاہور میں اوورسیز کنونشن منعقد ہوا گا کنونشن میں بیرون ممالک میں مقیم مسلم لیگ نون کے راہنما شرکت کرینگے تفصیلات کے مطابق پاکستان مسلم لیگ نون کے زیر اہتمام 25 فروری کو العمر ہال لاہور میں اوورسیز کنونشن منعقد ہو گا اوورسیز کنونشن میں بیرون ممالک میں مقیم مسلم لیگ کی تنظیموں کے عہدیداران ، راہنما اور کارکنان شرکت کرینگے کنونشن سے مسلم لیگ اور یوتھ ونگ کی مرکزی قیادت خطاب کریگی کنونشن میں بھمبر سے اوورسیز کا بڑا قافلہ شرکت کریگا۔
