بھمبر (ڈسٹرکٹ رپورٹر) سرکاری دفاتر سے ریکارڈ چوری کرنے، سرکاری ملازمین کو رشوت دینے کی ریکارڈنگ کرنے کے بعد انکو بلیک میل کرنے والے بین الصوبائی نوسر باز گروہ کا سرغنہ ساتھی اور موبائیل ریکارڈ سمیت پکڑا گیا۔ نوسر باز کے خلا ف تھانہ بھمبر میں مقدمہ درج ساتھی سمیت حوالات بند، مزیدتفیش جاری ۔ تفصیلات کے مطابق بھمبر کے سرکاری دفاتر سے ریکارڈ چوری کرنے اور سرکاری ملازمین کو رشوت دے کر ریکارڈ کرنے اور اس کے بعد انکو بلیک میل کرنے والے الصوبائی نوسر باز گروہ کا سرغنہ اظہر قمر ولد قمرزمان، ساتھی علی ولد عنصرمحمو د ساکنان پنجیڑی اور موبائیل فون ریکارڈ سمیت پکڑا گیا ۔ نوسر باز گروہ نے چند روز قبل بھمبر کی مقامی عدالت سے ریکارڈ کی فائل چوری کی اور اس کے بعد ریکارڈ سے متعلقہ کلرک سے بارکینگ شدہ کردی اور ایک لاکھ روپے ڈیمانڈ کردی نوسرباز کلرک کے ساتھ ہونے والی بارکینگ کی ریکارڈ موبائل فون کرتا رہا ۔دفتر سے ریکارڈ فائل غائب ہونے کی اطلاع کلرک نے عدالت کے جج کو دی تو انہوں نے نوسرباز کو بلا کر پوچھ گچھ شروع ، نوسرباز کے موبائیل فون کو چیک کیا گو عدالت کی ریکارڈ فائل کی تصویریں اور کلرک سمیت درجنوں افراد جس میں عورتیں بھی شامل ہیں کے ساتھ ہونے والی بلیک میلنگ کی ریکارڈ نگ بھی مل گئی جس کے بعد عدالت کے جج نے نوسرباز اور اس کے ساتھی کو پولیس کے حوالے کردیا اور نوسربازوں کے خلاف مقدمہ تھانہ بھمبر میں درج کروا دیا ۔ پولیس نے مقدمہ درج کرکے نوسرباز گروہ کے دونوں ملزمان کو حوالات بند کرکے مزید تفتیش شروع کردی ہے یاد رہے کہ نوسر باز گروہ نے کچھ عرصہ قبل محکمہ مال کے اہلکار کے ساتھ دوستی لگا کر اس کو کام کروانے کی رشوت دی اور رشوت دینے کی ریکارڈنگ کرلی بعد ازاں محکمہ مال کے اہلکار کو رشوت کی ریکارڈنگ دیکھا کر اس کو بلیک میل کرناشروع کردیا ۔ذرائع کے مطابق اس سے ہزارو روپے بلیک میل کرکے وصول کیے ۔ذرائع کے مطابق نوسرباز گروہ پہلے سرکاری ملازمین سے دوستی کرتا ہے پھر کوئی کام کروانے کی غرص سے رشوت دیتا ہے اور اس کی ریکارڈنگ کرلیتا ہے بعد اس ریکارڈنگ کے ذریعہ پھر اس سرکاری ملازم کو بلیک میل کرکے پیسے وصول کرتے ہیں دوران تفتیش نوسرباز گروہ سے مزید انکشافات سامنے آنے کی توقع کی جارہی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) احاطہ کچہری ڈسٹرکٹ کورٹس کمپلیکس میں سیکورٹی کے نام پر سائلین کو سڑک کے کنارے کھڑا کرنا سراسر زیادتی ہے سائلین کا کہنا ہے کہ ہماری تلاشی لے کر احاطہ کچہری میں لگے ہوئے بنچوں پر بیٹھنے کی اجازت دی جائے ہم بھی اسی ملک کی شہری ہیں اور ہمیں تحفظ دینا بھی انتظامیہ کی زمہ داری لیکن سائلین کے لیے مسائل گاہ بن گئی پیشیوں پر دوردراز سے آئے سائلوں کے لیے بیٹھنے کی جگہ نہ سایہ ، سڑک کنارے بیٹھنے اور کھڑے رہنے پر مجبور ، بزرگ شہریوں کئی کئی گھنٹے کھڑے رہنے کے بعد عدالتوں میں ھاضری لگوانے پر مجبور ڈسٹرکٹ کورٹس کمپلیکس میں سا ئلین کے لیے سہولتیں فراہم کی جائیں دودرازے سے آئے ہوئے شہریوں کا کہنا ہے کہ ایک طرف تو ہمیں عدالت میں حاضری کے لیے لگائے جانے والے پکارے کی آواز بھی نہیں آتی، جب سڑک کے کنارے سے گاڑیا ں گزرتی ہیں تو بالکل سنائی نہیں دیتا اور پکارے کی فکر میں ایک دوسرے سے پوچھنے پر مجبور ہوتے ہیں دوسرا بیٹھنے کے لیے بھی کوئی جگہ نہیں ارباب اختیار نے اگر حفاظتی نقط نگا سے ہمیں احاطہ عدالت سے باہر نکالا ہے تو انتظامیہ کو کم از کم بیٹھنے کی سہولت فراہم کرنی چاہیے دوسرا پکارے کے لیے میگا فوں کے ذریعے پکارا کروایا جائے تاکہ عدالت کے باہر سڑک پر کھڑا ہونے کی زحمت سے بچا جاسکے سائلین نے چیف جسٹس عدالت العالیہ آزاد کشمیر سے مطالبہ کیا ہے کہ معاملہ کو فوری نوٹس لیا جائے تاکہ اصلاح احوال ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) بھمبر میرپور روٹ پر ٹریفک اہلکاران کی من مانیاں عروج پر ، اوورلوڈنگ گاڑیوں کو پوچھنے کے بجائے دیہاڑی دار ، غریب لوگوں کو چلان کرنے کا وطیرہ بنا لیا کوئی چیک اینڈ بیلنس نہیں
اپنے من پسند لوگوں کو چیک کرنا گوارہ ہی نہیں کیا جاتا جبکہ دیہاڑی دار غریبوں کے ساتھ ناروا سلوک کیا جاتا ہے اوورلوڈنگ مسافروں اور گاڑی کے پھٹے پر خواتین اور مرد وں کو ساتھ بٹھا کر ان کے ساتھ نارو ا سلوک کے ساتھ پیش آنے کے بارہ میں کسی کبھی پوچھنا تک گوارہ نہیں کیا اور نہ ہی کرایہ جات کے بارے میں کسی سے پوچھے کی گئی بلکہ ایک مشن پرقائم ہے کہ مقامی گاڑیوں کے چلان کرکے اپنی پراگس شو کی جائے جبکہ نظم و ضبط نام کی کوئی چیز نہیں ، مسافروں کا کہنا ہے کہ ڈی آئی جی سجاد چوہدری کا تعلق بھی اس حلقہ احباب سے ہے وہ ایک ایماندار اور میرٹ پر یقین رکھنے والے آفیسر ہیں ان کو اس معاملہ کا نوٹس لینا چاہیے اور مسافروں کے لیے آسانی سے سفر کرنے کے لیے اپناکردار ادا کرتے ہوئے اصلاح احوال کرنی چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) پائلٹ سکول گرائونڈ سپورٹس بورڈ کے 11 لاکھ روپے ڈکار گیا ۔گرائو نڈ لیول ہو ا اور نہ ہی گھس لگی۔ بااثر ٹھیکیدار کے آگے محکمہ تعمیرات عامہ بے بس اور پائلٹ سکول انتظامیہ غیرموثر ، انٹر سکولز ضلعی گیمز بھی پائلٹ سکول گرائونڈ ہونے کی روایت ٹوٹ گئی۔ تفصیلات کے مطابق پائلٹ سکول گرائونڈ بھمبر شہر کے وسط میں ہے جوقیام پاکستان سے قبل سے کھیلوں کا مرکز ہے مگر سپورٹس بورڈ۔ محکمہ تعمیرات عامہ اور اور پائلٹ سکول انتظامیہ کی ملی بھگت یا نا اہلی ہے گرائونڈ بہتر ہونے کی بجائے تباہ ہوچکا ہے میرپور میں ٹھیکہ ہونے کے باعث مقامی ٹھیکیدار ٹھیکہ سے لاعلم رہے بااثر اور غیر مقامی ٹھیکیدار کی وجہ سے محکمہ بھی بے بس ہوچکا ہے جس کی وجہ سے گرائونڈ میںکھیلوں کی بجائے کتوں کا راج ہوتا ہے کھلاڑیوں نے چیف سیکرٹڑی سے نوٹس لینے کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) نوجوان تاجر راہنما چوہدری راشد سبحانی نے کہا ہے کہ سابق وزیر اعظم سردار عتیق احمد خان نے سیئر فائر توڑنے کا اعلان کرکے کشمیری قوم کے د ل جیت لیے ہیں آزادی کے متوالے 24 نومبر کو سیئر فائر لائن کو دیوار برلن کی طرح توڑ دیں گے انہوں نے سابق وزیر اعظم سے مطالبہ ہے کہ وہ بھمبر کا دورہ کریں اور آزادی کے متوالوں کو جمع کرکے لائحہ عمل مربت کریں تاکہ بھمبر سے بھی سیرفائر توڑ نے والوں کا بڑا قافلہ شامل ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) انسپکٹر جنر ل آزادکشمیر نے ثابت کیا ہے کہ وہ ایک پروفیشنل آفیسر ہیں جو کہ محکمہ کے اندر ملک و قوم کے لیے قربانیاں دینے والوں کا درد رکھتے ہیں اور ان کی فلاح وبہبود کا یجنڈ ا رکھتے ہیں ان خیالات کا اظہار جنرل سیکرٹری ریٹائر ڈ پولیس ملازمین اشتیاق احمد مغل نے ایک تحریری بیان میں کیا انہوں نے کہا کہ انسپکٹر جنرل بشیر میمن نے پولیس ملازمین کی بچیوں کی شادی کے لیے 50 ہزار روپے کے جہیز فنڈ کا اعلان کرکے ملازمین کے دل جیت لیے ہیں انہوں نے اپنے بیان میں دیگر پولیس ملازمین خصوصا ہیڈ کوارٹر CPC کے ملازمین کو مخاطب کرتے ہوئے کہا کہ وہ I.G آزادکشمیر کی پالیسوں پر عمل کرکے محکمہ کی نیک نامی کا سبب بنیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) ڈسٹرکٹ ایجوکیشن آفیسر محترمہ نسرین سلطانہ ڈپٹی ایجوکیشن آفیسر عفت فاطمہ اور اے ای او مسرت طارق محکمہ تعلیم کی ذہین اور قابل آفیسر ہیں ان کی تعیناتی سے گرلز سکولز میں تعلیمی معیار میں بہتری آئے گی ان خیالات کا اظہار ریٹائرڈ مدرس مرزا محمد عارف، ریٹائر ڈ فارسٹ آفیسر چوہدری خادم حسین ، جنر ل سیکرٹری بھمبر پریس کلب محمد سجاد مرزا، پی ٹی آئی مرزا رضوان عارف، سنیئر نائب صدر بھمبر پریس کلب راجہ نعیم نجمی اور ڈپٹی سیکرٹری چوہدر ی عزرم اقبال نے محکمہ تعلیم میں تعیناتیوں کو خوش آئند قرار دیا ہے اور عہدے سنبھالنے پر مبارکباد پیش کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) 14 نومبر کو تعلیم دشمنوں کے خلاف بھمبر کے عوام احتجاج کو کامیاب کرکے ثابت کریںگے کہ آزادکشمیر کے عوام علم کی شمع بجھنے نہیں دیںگے ان خیالات کا اظہار پی پی پی کے راہنما چوہدری ولید اشرف نے ایک بیان میں کیا انہوں نے کہا ن لیگ نے تعلیمی پیکج کے خلاف محاز کھڑا کرکے علم دشمنی کا ثبوت دیا ہے پی پی پی حکومت نے آزادکشمیر بھر میں تعلیمی اداروں کا جال بچھا کرثابت کیا ہے کہ ہم عملی کام کرتے ہیں انہوں نے کہا تعلیمی پیکج غریب لوگوں کے لیے ہے ن لیگ اسے ختم کرکے پرائیوٹ سیکٹر کی حوصلہ افزائی کرنا چاہتی ہے جس کو ہم نہیں ہونے دیں گے انہوں نے کہا کہ عوام 14 نومبر کو احتجاج کے لیے گھروں سے نکلیں اور ثابت کریں کے جعلی مینڈیٹ لینے والوں کی من مانیاں نہیں چلنے دیں گے۔
