بھمبر (ڈسٹرکٹ رپورٹر) غیر ریاستی افغانیوں کے انخلا کیلئے ضلعی انتظامیہ بھمبر کا آپریشن جاری مزید 37 افغانیوں کو ضلع بدر کر دیا گیا غیر ریاستی اور افغانیوں کے ضلع بھمبر سے مکمل انخلاء کو ہر صورت یقینی بنائینگے ڈپٹی کمشنر بھمبر کا موقف تفصیلات کے مطابق ضلعی انتظامیہ بھمبر کا غیر ریاستی افراد اور افغانیوں کے ضلع بھمبر سے انخلا کا سلسلہ جاری ہے ضلعی انتظامیہ کے حکم پر بھمبر پولیس نے برنالہ، سماہنی اور بھمبر سے مزید 37 افغان باشندوں کو گرفتار کر کے ضلع بدر کر دیا ہے آپریشن کے حوالے سے گفتگو کرتے ہوئے ڈپٹی کمشنر بھمبر مرزا ارشد محمود جرال نے کہا کہ ملکی حالات اور ضلع بھمبر کے امن وامان کو یقینی بنانے کیلئے حفاظتی اقدامات اٹھائے جا رہے ہیں حکومت کی ہدایات کے مطابق ضلع بھمبر سے غیر ریاستی افراد اور افغانیوں کے انخلا کو یقینی بنانے کیلئے عملی اقدامات اٹھا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ایم کیو ایم کے قائد الطاف حسین حساس اداروں پر الزام تراشیاں کر کے غداری کے مرتکب ہو رہے ہیں کراچی میں خراب حالات کی ذمہ دار ایم کیو ایم اور الطاف حسین خود ہیں ان خیالات کا اظہار پاکستان مسلم لیگ نون اٹلی کے راہنما محمد علی کشمیری نے کیا انہوں نے کہا کہ کراچی میں قتل و غارت اور خون خرابہ کی تمام تر ذمہ داری ایم کیو ایم پر عائد ہوتی ہے ایم کیو ایم کراچی کے حالات خراب کر کے حکومت کو بلیک میل کرنے کی کوشش کرتی ہے الطاف حسین ٹیلی فونک خطاب کے ذریعہ جان بوجھ کر کراچی کے حالات خراب کر رہے ہیں موصوف اپنی تقریروں میں حساس اداروں پر الزام تراشی کر کے غداری کے مرتکب ہو رہے ہیں جس کا وزیراعظم پاکستان میاں نواز شریف اور آرمی چیف جنرل راحیل شریف کو فی الفور نوٹس لینا چاہیے موصوف انڈیا کیساتھ ملکر پاکستان کو کمزور کرنے کی سازش میں مصروف عمل ہیں انہوں نے کہا اگر پاکستان کو بچانا اور کراچی کے حالات ٹھیک کرنے ہیں تو پھر ایم کیو ایم پر مکمل پابندی عائد کرنا ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) شہداء پشاور کو خراج عقیدت پیش کرنے اور کشمیریوں سے اظہار یکجہتی کیلئے صباء انسٹی ٹیوٹ آف سپیشل ایجوکیشن بھمبر میں آج تقریب منعقد ہو گی تقریب کے مہمان خصوصی ڈپٹی کمشنر بھمبرمرزا ارشد محمود جرال ،ایس ایس پی چوہدری منیر حسین ہونگے معذور بچے شمعیں روشن کر کے شہداء کو خراج عقیدت پیش کرنے اور کشمیریوں سے اظہار یکجہتی کرنے کیلئے صباء انسٹی ٹیوٹ آف سپیشل ایجوکیشن بھمبر میں آج 4 فروری بروز منگل بوقت 11 بجے تقریب منعقد ہو گی جبکہ سکول کے معذور بچے شمعیں روشن کر کے شہداء پشاور کو خراج عقیدت پیش کرینگے اور کشمیریوں کے ساتھ اظہار یکجہتی کرینگے تقریب کے مہمان خصوصی ڈپٹی کمشنر بھمبرمرزا ارشد محمود جرال ایس ایس پی چوہدری منیر حسین ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) بھمبر اور گرد و نواح میں مرغی کے گوشت کے من مانے ریٹس وصول ہونے لگے ضلعی انتظامیہ خاموش مرغ فروش 150 روپے فی کلو کے بجائے 170 ، 175 اور 180 روپے فی کلو گوشت فروخت کرنے لگے تفصیلات کے مطابق بھمبر شہر اور گرد و نواح میں مرغ فروشوں نے ضلعی انتظامیہ کے جاری کردہ ریٹ پر گوشت فروخت کرنے کے بجائے من مانے ریٹس وصول کرنے شروع کر دئیے ہیں ضلعی انتظامیہ نے 158 روپے فی کلو مرغی کے گوشت کا ریٹ مقرر کر رکھا ہے جبکہ دوکانداروں نے 158 روپے کے بجائے 175,170 اور 180 روپے فی کلو گوشت کے ریٹس وصول کرنے شروع کر دئیے ہیں جس پر بھمبر کے شہریوں اور عوام علاقہ نے شدید احتجاج کرتے ہوئے ضلعی انتظامیہ سے مطالبہ کیا ہے کہ من مانے ریٹ وصول کرنے والوں کیخلاف کارروائی عمل میں لائی جائے تا کہ لوگوں کو سستے داموں گوشت مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) مسلم لیگ نون کی حکومت جعلی مینڈیٹ بھی کھو چکی ہے گیس، بجلی ، پٹرول بحران کے بعد اب حکومت کا اقتدار میں رہنے کا کوئی جواز نہیں حکومت کا اپنی کرپشن اور نا اہلی کو تسلیم کرنے کی بجائے میڈیا اور عوام کا ذمہ دار ٹھہرانا انتہائی قابل افسوس اور قابل مذمت ہے ان خیالات کا اظہار پاکستان تحریک انصاف سٹی بھمبر کے صدر راجہ حامد ناصر نے چنار میڈیا سنٹر میں صحافیوں سے خصوصی گفتگو کرتے ہوئے کیا انہوں نے کہا کہ وقت اور حالات نے ثابت کر دیا ہے کہ مسلم لیگ نون جعلی مینڈیٹ کے ذریعہ اقتدار میں آئی تھی عوام کیلئے دودھ اور شہد کی نہریں بہانے کے دعوے کرنے والوں کی اصلیت عوام کے سامنے آ چکی ہے مسلم لیگ نون کرپٹ اور نا اہل اور نالائق لوگوں پر مشتمل ٹولہ ہے جس نے پاکستان کو بحرانوں سے دو چار کر رکھا ہے حکومت اور وزراء اپنی نالائقی اور نا اہلی کو تسلیم کرنے کے بجائے میڈیا اور عوام پر الزام تراشیاں کر رہے ہیں عوام کو بھکاری کہنے والے اور اقتدار کے مزلے لے رہے ہیں انہیں اس مقام پر اسی عوام نے پہنچایا ہے انہوں نے کہا کہ جعلی مینڈیٹ والے اخلاقی جرات کا مظاہرہ کریں اور اپنی غلطی اور نا لائقی تسلیم کرتے ہوئے حکومت چھوڑ دیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) 8 فروری کو برنالہ میں ہونیوالا جلسہ عام تحریک آزادی کشمیر کو مضبوط اور متحرک بنانے میں معاون ثابت ہو گا 8 فروری کو برنالہ کے عوام قائد کشمیر بیرسٹر سلطان محمود چوہدری کا والہانہ استقبال کرینگے ان خیالات کا اظہار صدر یوتھ ونگ یونین کونسل ملوٹ ملک وسیم اعوان، ملک افتخار سدوال اور ملک سلیمان ڈھمک نے اپنے مشترکہ بیان میں کیا انہوں نے کہا کہ بیرسٹر سلطان محمود چوہدری کی تحریک آزادی کیلئے خدمات کسی سے ڈھکی چھپی نہیں انہوں نے مسئلہ کشمیر کو اجاگر کرنے کیلئے قومی اور بین الاقوامی سطح پر بھر پور کردار ادا کیا برطانیہ میں ملین مارچ کی کامیابی کے بعد بیرسٹر سلطان کو برنالہ کے عوام 8 فروری کو برنالہ آمد پر ان کا والہانہ استقبال کرینگے اور ملک عبدالمالک اعوان کی زیر صدارت ہونے والے جلسہ عام میں یونین کونسل ملوٹ، یونین کونسل تھب پتنی، یونین کونسل برنالہ، یونین کونسل افتخار آباد چھمب سے ہزاروں افراد شرکت کر کے تحریک آزادی کشمیر کو مضبوط اور متحرک بنانے کیلئے بھرپور شرکت کرینگے اور قائد کشمیر بیرسٹر سلطان محمود چوہدری کو خراج تحسین پیش کرینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) چوہدری اسماعیل خالد مرحوم انتہائی شفیق ، مہربان اور انسان دوست شخصیت تھے مرحوم نظریہ الحاق پاکستان کے داعی تھے ساری زندگی مسلم کانفرنس کے پرچم تلے گزاری مشکل ترین حالات میں بھی مسلم کانفرنس کا ساتھ نہ چھوڑا سیاسی و نظریاتی کمٹمنٹ والے شخص تھے ان کی بے وقت موت سے بھمبر کی نظریاتی سیاست میں ایک خلا پیدا ہو گیا ہے جو مدتوں پورا نہیں ہوگا ان خیالات کا اظہار مسلم کانفرنس کے مرکزی چیف آرگنائزر مرزا محمد شفیق جرال، ضلعی صدر مسلم کانفرنس بھمبر چوہدری محمد مصطفی، ضلعی جنرل سیکرٹری صوفی مسعود اسلم، سٹی صدر طارق محمود بٹ، سٹی جنرل سیکرٹری شیخ محمد صادق، سابق ایڈمنسٹریٹر بلدیہ مرزا محمد اجمل جرال، ڈسٹرکٹ سپورٹس آفیسر چوہدری کمال سبحانی، سابق صدر پریس کلب راجہ نعیم گل، کمانڈر مسعود احمد اور راجہ عطا المنعم نے اپنے الگ الگ تعزیتی پیغام میں کیا انہوں نے کہا ہماری دعا ہے کہ اللہ تعالیٰ مرحوم کو جوار رحمت میں جگہ عطا فرمائے اور پسماندگان کو صبر و جمیل عطا فرمائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) 5 فروری کو یوم یکجہتی کشمیر کے موقع پر ڈسٹرکٹ سپورٹس اینڈ یوتھ کلچر کے زیر اہتمام فٹ بال کا دوستانہ میچ کھیلا جائیگا میچ بھمبر سپورٹ سٹیڈیم میں کھیلا جائیگا تفصیلات کے مطابق ڈسٹرکٹ سپورٹس اینڈ یوتھ کلچر کے زیر اہتمام 5 فروری کو فٹ بال کا دوستانہ میچ کھیلا جائیگا دوستانہ میچ بھمبر سپورٹس سٹیڈیم میں کھیلا جائیگا دوستانہ میچ کے مہمان خصوصی ڈپٹی کمشنر بھمبر مرزا ارشد محمود جرال اور ڈسٹرکٹ سپورٹس آفیسر چوہدری کمال سبحانی ہونگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بھمبر (ڈسٹرکٹ رپورٹر) بھمبر پہلا احمد فراز عرف ببلو مرحوم فٹ بال ٹورنامنٹ کا فائنل میچ ایور گرین کلب نے مقبول بٹ شہید کلب سے 2 کے مقابلے میں 4گول سے جیت لیا مہمان خصوصی کی طرف سے ونر ٹیم کیلئے 15000 روپے نقد انعام جبکہ دیگر کھلاڑیوں میں ٹرافیاں تقسیم کیں تفصیلات کے مطابق نوجوان طالبعلم رہنما مرزا احمد فراز عرف ببلو مرحوم کی یاد میں پہلا احمد فراز عرف ببلو مرحوم فٹ بال ٹورنامنٹ کا انعقام کیا گیا ٹورنامنٹ میں علاقہ بھر سے 12 ٹیموں نے حصہ لیا ٹورنامنٹ کا فائنل میچ گزشتہ روز گورنمنٹ پائلٹ ہائی سکول گرائونڈ میں مقبول بٹ شہید کلب اور ایورگرین کلب کے درمیان کھیلا گیا مقررہ وقت میں کوئی بھی ٹیم گول نہ کر سکی جسکا فیصلہ پلینٹی سٹرک پر ہوا جس میں ایور گرین نے 2کے مقابلے میں 4 گول کر کے فائنل کا ٹائٹل اپنے نام کر لیا فائنل میچ کی تقریب کے مہمان خصوصی مسلم لیگ کے رہنما ٹھیکیدار اشتیاق احمد سوکاسن نے جیتنے والی ٹیم کو ونر ٹرافی اور نقد 15000 روپے کا انعام یا جبکہ وسیم احمد مرزا اور تصدق یوسف نے رنر ٹیم اور دیگر کھلاڑیوں میں ٹرافیاں تقسیم کیں۔
