بھمبر (ڈسٹرکٹ رپورٹر) 3 روز کی لگاتار طوفانی بارش مغلورہ نالے پر پل نہ بن سکنے کے باعث تحصیل برنالہ کا بھمبر سے رابطہ کٹ کر رہ گیا ہزاروں لوگ نالہ میں طغیانی کے باعث پھنس کر رہ گے عوام علاقہ کا حکومت آزاد کشمیر کی نااہلی پر شدید احتجاج نالے پر پل کی تعمیر میں مقامی سیاستدان دست و گربیاں بل کی تعمیر کا ٹھیکہ بھاری کمیشن نہ ملنے کے باعث لٹک گیا عوام کو شدید مشکلات کا سامنا تفصیلات کے مطابق بھمبر برنالہ روڈ پر نالہ مغلورہ جو کہ ایک بڑا برساتی نالہ ہے تھوڑی سی برش ہوتے ہی نالہ میں طغیانی آ جاتی ہے گذشتہ 3 روز سے ہونیوالی لگاتار بارش سے نالہ میں شدید طغیانی رہی جس کے باعث نالہ سے چھوٹی بڑی گاڑیوں کا گذرنا محال ہو گیا جس سے برنالہ کوٹ جیمل، چھمب، کڈہالہ ، دھندڑ سے روزانہ بھمبر سفر کرنے والے طلباء و طالبات ، ملازمین سمیت دیگر عام شہری بھمبر نہ پہنچ سکے اور حلقہ برنالہ کا زمینی رابطہ ضلعی ہیڈ کوارٹر بھمبر سے کٹ کر رہ گیا یاد رہے کہ نالہ مغلورہ پر اس سے قبل بھی کازوے بنانے کے متعدد ٹینڈرز پاس ہوئے جو کرپشن کی نذر ہو گے 6 ماہ قبل محکمہ شاہرات نے نالہ پر پل بنانے کیلئے ٹینڈر جاری کیا جو مقامی سیاستدانوں کی چپقلش کی نذر ہو گیا پل کی تعمیر کیلئے ہونیوالا ٹھیکہ مقامی سیاستدانوں کی مداخلت اور بھاری کمیشن وصول کرنے کے عوض لٹک گیا اور کئی ماہ گذر جانے کے باوجود پل پر کام شروع نہ ہو سکا جس کے باعث لاکھوں کی آبادی کو سفر میں شدید مشکلات کا سامنا کرناپڑ رہا ہے حلقہ برنالہ کے عوامی حلقوں نے پل کی تعمیر میں رکاوٹ حلقہ کے سیاستدانوں کو قرار دیتے ہوئے چیف سیکرٹری آزاد کشمیر اور چیئرمین احتساب بیورو سے مطالبہ کیا ہے کہ وہ پل کی تعمیر شروع نہ کرنے کی وجوہات کا نوٹس لیں اور ملوث مافیا کے خلاف کارروائی عمل میں لا کر پل کی تعمیر کے احکامات جاری کریں تا کہ عوام کو کئی سالوں سے درپیش مسئلہ کے حل میں پیش رفت ہو سکے۔
۔۔۔۔۔۔۔۔۔۔۔۔
۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) مخالفین نے محکمہ صحت کے ملازمین کیساتھ ملی بھگت کر کے میرا جینا حرام کر رکھا ہے مخالفین سیاسی اثر و رسوخ رکھنے والے ہیں جس کا فائدہ اٹھاتے ہوئے قانونی کارروائی میں سائل کو طرح طرح کے حربے استعمال کر کے پریشان کر رہے ہیں CMO سماہنی مخالفین کیساتھ ملا ہوا ہے اور میڈیکل رزلٹ پر اثر انداز ہونے کی کوشش کر رہا ہے اعلیٰ حکام مجھے انصاف دلائیں اور میری داد رسی کرتے ہوئے CMO سماہنی ڈاکٹر راشد کیخلاف کارروائی عمل میں لائی جائے ان خیالات کا اظہار چاہی سماہنی کے رہائشی محمد بوٹا نے میڈیا سے گفتگو کرتے ہوئے کیا انہوں نے کہا کہ 9 فروری کا واقعہ ہے کہ میں اپنے گھر سے تھوڑا دور اپنی زمینوں کو دیکھنے کیلئے گیا تو دیکھا کہ راجہ ساجد اپنے بیٹوں رضوان اور عثمان کیساتھ میری زمین پر باڑ اکھاڑرہے تھے اور کھدائی کر کے پودے لگا رہے تھے جس پر میں نے انہیں باڑ ہٹانے اور پودے لگانے سے منع کیا جس پر انہوں نے مل کر مجھ پر حملہ کر دیا اور مجھے ڈنڈوں ، لاتوں اور مکوں سے شدید مار پیٹ کی جس سے میرا ایک دانت ٹوٹ گیا جبکہ پورے جسم پر شدید ضربات آئیں میں زخمی حالت میں تھانہ پولیس چوکی گیا جنہوں نے قانونی کارروائی کرتے ہوئے مضروبی فارم دے کر تحصیل ہیڈ کوارٹر ہسپتال سماہنی بھیجا جہاں ڈیوٹی پر موجود CMO ڈاکٹر راشد محمود نے نہ تو سائل کا اچھی طرح معائنہ کیا اور نہ ہی مناسب علاج معالجہ کیا بلکہ الٹا سائل کیساتھ انتہائی بد اخلاقی کا مظاہرہ کیا موصوف کی حرکتوں اور زبان سے محسوس ہو رہا تھا کہ وہ مخالف پارٹی کیساتھ ملا ہوا ہے میرا ہونٹ پھٹا ہوا تھا اور خون بھی بہہ رہا تھا لیکن CMO نے غیر ذمہ داری کا مظاہرہ کرتے ہوئے سائل کی ایک بھی نہ سنی سائل رات گئے تک سماہنی ہسپتال رہا اس دوران خون کی الٹی لگنا شروع ہو گئی انتہائی مایوسی کے عالم میں سماہنی ہسپتال سے بھمبر آیا اور ڈسٹرکٹ مجسٹریٹ بھمبر کے سامنے پیش ہو کر داد رسی کی درخواست دی جنہوں نے انتہائی شفقت کا مظاہرہ کرتے ہوئے ڈسٹرکٹ ہیلتھ آفیسر بھمبر کو کارروائی کرنے کا حکم دیا جس پر DHO آفس سے ابتدائی معائنہ کے بعد ڈسٹرکٹ ہسپتال بھمبر ریفر کیا گیا جہاں سائل کی حالت دیکھ کر ڈاکٹر نے ہسپتال میں داخل کر لیا اور یوں میں پندرہ دن ہسپتال میں زیر علاج رہا اس دوران ڈسٹرکٹ ہسپتال بھمبر میں کرن بشیر ڈینٹل سرجن نے سائل کو چیک کیا اور لوگوں کی موجودگی میں سائل کے دانت ٹوٹنے کا اظہار بھی کیا لیکن بعد ازاں CMO سماہنی ڈاکٹر راشد کی مداخلت پر لیڈی ڈاکٹر موصوفہ نے رپورٹ خلاف حقائق اور جانبداری کا مظاہرہ کرتے ہوئے سائل کے خلا ف دی جو کہ ڈاکٹر راشد اور ڈینٹل سرجن کی ملی بھگت، بد دیانتی اور بد نیتی پر مبنی تھی ڈسٹرکٹ ہسپتال میں میرے جو ایکسرے ڈینٹل سرجن موصوفہ نے کروائے تھے ان کی تحویل میں بھی جن کا رپورٹ میں کوئی ذکر نہ کیا گیا مجھے خطرہ ہے کہ سائل کے زخمی ہونے کے انتہائی اہم ثبوت کو چھپانے اور ضائع کرنے کی کوشش کی گئی ہے میں ایک غریب اور بے سہارا شخص ہوں جبکہ مخالفین انتہائی با اثر ہیں جن کے اثر و رسوخ کی وجہ سےCMO نے میری شدید چوٹ کا رزلٹ خفیف دیا جبکہ مخالفین کی معمولی سی چوٹ کا شدید رزلٹ جاری کر دیا اور الٹا سائل کے خلاف پرچہ درج کروادیا جس پر سائل نے ڈسٹرکٹ مجسٹریٹ کو درخواست دی جس پر میڈیکل بورڈ قائم ہوا اور میڈیکل بورڈ نے معائنہ کے بعد میرے حق میں رپورٹ دی اور کہا کہ CMO نے جان بوجھ کر میرے ساتھ زیادتی اور نا انصافی کی ہے جو مقدس پیشہ کی توہین ہے میری اعلیٰ حکام سے اپیل ہے کہ میں انتہائی سفید پوش عمر رسیدہ شخص ہوں میرے ساتھ انتہائی ظلم اور زیادتی کی گئی ہے مجھے انصاف مہیا کیا جائے مخالفین اور CMO کیخلاف قانونی کارروائی عمل میں لائی جائے۔
۔۔۔۔۔۔۔۔۔۔۔۔
۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) پاکستان تحریک انصاف یوتھ ونگ یونین کونسل ملوٹ کے صدر ملک وسیم اعوان نے اپنے ایک بیان میں کہا ہے کہ میرپور کے عوام 29 مارچ کو تبدیلی کیلئے بیرسٹر سلطان محمود چوہدری کے حق میں ووٹ استعمال کر کے مجاوروں اور رائے ونڈ کے پجاریوں کو ہمیشہ کیلئے آئوٹ کر دیں انہوں نے کہا کہ اب آزاد کشمیر میں تحریک انصاف کا بول بالا ہو گا حلقہ برنالہ کے عوام بھی اب جاگ اٹھے ہیں اور روز بروز ملک عبدالمالک اعوان کے قافلے میں شامل ہو کر تحریک انصاف کی مضبوطی اور بیرسٹر سلطان محمود کی قیادت پر اعتماد کا اظہار کر رہے ہیں انہوں نے کہا کہ میرپور میں کرائے کے امیدوار کو شکست ہو گی تحریک انصاف کے چیئرمین عمران خان اور بیرسٹر سلطان محمود چوہدری کی قیادت میں ناقابل شکست قوت بن چکی آئندہ الیکشن میں برنالہ سے بھی تحریک انصاف کے امیدوار عبدالمالک اعوان بھاری اکثریت سے کامیاب ہو نگے۔
۔۔۔۔۔۔۔۔۔۔۔۔
۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) پاکستان کشمیر ایجوکیشنل اینڈ ویلفیئر آرگنائزیشن کے مرکزی بانی صدر سیاسی و سماجی راہنما چوہدری گلزار احمد ایڈووکیٹ سپریم کورٹ نے پاکستان میں اصلاحات کیلئے 65 نکاتی فارمولہ و زارت منصوبہ بندی و پلاننگ کو بھیج دیا اسلام آباد وزارت پلاننگ کمیشن و منصوبہ بندی کے مطالبہ پر اصلاحاتی فارمولہ بھیجا گیا انہوں نے 65 نکاتی منصوبہ میں تعلیم، تعمیر و ترقی ، یوتھ کیلئے اصلاحات ، علاج معالجہ ، بجلی، صاف پانی ، مہنگائی ، بے روز گاری ، بے روز گاری الائونس، لاء اینڈ آردر، نظریات ، عقائد ، مقصد کی کامیابی، تعلیم، بجٹ کا درست استعمال، الیکشن اصلاحات اور دوسری کئی ایک مشاورتی اصلاحات روانہ کیں انہوں نے کہا کہ اگر ملک میں 65 نکاتی ایجنڈا پر عمل ہو جائے تو ملک ترقی یافتہ بن سکتا ہے انہوں نے لینڈ لاز ، عدلیہ کے نظام، پولیس سروس، معاشرتی نظام، صحت و صفائی کو حفظان صحت کے اصلوں کیلئے عملی جدوجہد ، سول، فوجداری، فیملی اور جملہ قوانین ، قانون شہادت، قانون معیاد اور دوسرے کئی طرح کی اصلاحات منصوبہ بندی کمیشن کی ڈیمانڈ پر پیش کر دیں مقبوضہ کشمیر کی تحریک کو مضبوط کرنے ، پارلیمانی نظام کے بجائے صدارتی نظام کی ترقی کیلئے طریقہ کار پیش کیا گیا انہوں نے کہا کہ ہمارا ملک قبائلی نظام میں پھنسا ہوا ہے جدید دور کے مطابق اور جدید ضرورتوں کے مطابق پلاننگ ہر شعبہ ہائے زندگی میں درکار ہے ذمہ دار لوگ اس پر توجہ نہیں دے رہے معاشرہ شدید ترین مشکلات کا شکار ہے ملک افراتفری میں گرا ہوا ہے اگر 65 نکاتی فارمولہ پر عمل کیا گیا تو ملک ترقی کرے گا انہوں نے کہا کہ ملک کو مسائل سے نکالنے کیلئے برطانیہ، دوبئی، نیوزی لینڈ، کوریا، چین، کینیڈا، سویڈن اور ناروے سے سیاسی، سوشل اور سماجی اصلاحات کیلئے راہنمائی لی جا سکتی ہے۔
۔۔۔۔۔۔۔۔۔۔۔۔
۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) ریڈ فائونڈیشن سکول پوٹھی میں سالانہ نتائج و تقسیم انعامات کی تقریب منعقد ہوئی تقریب سے خطاب کرتے ہوئے مہمان خصوصی ریجنل منیجر ریڈ چوہدری صابر حسین صابر نے کہا کہ ریڈ فائونڈیشن آزاد کشمیر بھر میں 85000 ہزار سے زائد طلباء و طالبات کی تعلیمی آبیاری کر رہی ہے ریڈ فائونڈیشن واحد ادارہ ہے جس کی سب سے بڑی کاوش یتیم بچوں کے ملکی تعلیمی اخراجات کی ذمہ داری اٹھا رکھی ہے آزاد کشمیر بھر میں 8000 جبکہ ضلع بھمبر میں اس وقت 260 یتیم بچے اس سہولت سے فائدہ اٹھا رہے ہیں انہوں نے کہا کہ ریڈ فائونڈیشن نے کئی ایک سکولز کی بلڈنگ علاقہ کے مخیر حضرات کے تعاون سے مکمل کیں جبکہا دارہ اپنی آمدن سے بھی مختلف علاقوں میں اراضی خرید کر کے سکول کی بلڈنگ تیار کروا رہا ہے پوٹھی ریڈ فائونڈیشن سکول کیلئے بھی اراضی خرید کر لی گی ہے جس پر جلد کام شروع ہو جائیگا بھمبر میں ریڈ کا سب سے بڑا پراجیکٹ ریڈفائونڈیشن کالج ہے جس کی سیرلہ کے قریب بلڈنگ زیر تعمیر ہے مکمل ہونے کے بعد علاقہ میں تعلیمی انقلاب برپا کرے گا اس موقع پر سکول پرنسپل شجاع الرحمان نشتر نے سکول کا رزلٹ پیش کیا سکول کا مجموعی رزلٹ 100 فیصد رہا بعد ازاں مہمان خصوصی صابر حسین صابر نے پوزیشیز لینے والے اور نمایاں کارکردگی کا مظاہرہ کرنے والے طلباء و طالبات میں میڈل اور شیلڈز تقسیم کیں جبکہ اس موقع پر سکول کے طلباء و طالبات نے رنگ برنگے ٹیلبو پیش کئے جنہیں خوب سراہا گیا تقریب کے آخر میں یتیم بچوں میں مالی امداد کے چیکس بھی تقسیم کیے گئے اس موقع پر آرفنز پراجیکٹ آفیسر کامران غفار اور ایجوکیشن ٹرنینگ آفیسر ضلع بھمبر ظہیر عباس بھی موجود تھے۔
۔۔۔۔۔۔۔۔۔۔۔۔
۔۔۔۔۔۔۔۔۔۔۔۔
بھمبر ( ڈسٹرکٹ رپورٹر ) پاکستان تحریک انصاف بھمبر یوتھ کے مرکزی راہنما چوہدری عمر لطیف ایڈووکیٹ نے کہا ہے کہ گذشتہ 60 سال سے پاکستان کے وسائل پر قابض چند سیاسی خاندانوں نے پاکستان کے 18 کروڑ عوام کو 2 وقت کی روٹی کا محتاج کر دیا اور ملک میں اپنے مفادات کو فروغ دینے کیلئے اپنی مرضی کا نظام رائج کیا جس سے امیر امیر تر جبکہ غریب کو غریب تر بنایا جا رہا ہے انہوں نے کہا کہ اس ظالمانہ نظام کے خاتمے کیلئے اگر پاکستان کے اندر کسی نے آواز بلند کی ہے تووہ صرف تحریک انصاف کے قائد عمران خان ہیں عمران خان کی صاف گوئی اور ایمانداری کو دیکھ کر پاکستان میں باریاں لگانے والوں نے گٹھ جوڑ کر لیا ہے لیکن اب صوبہ خیبر پختونخواہ کے بعد پنجاب، سندھ، بلوچستان اور کشمیر میں تحریک انصاف کی تبدیلی کی ہوا چل پڑی ہے نوجوانوں کی ایک بڑی تعداد ملک میں تبدیلی لانا چاہتی ہے جسے بہت جلد عملی جامعہ پہنا کر نئے پاکستان کی بنیاد رکھی جائیگی انہوں نے کہا کہ تحریک انصاف آزاد کشمیر میں مقبولیت کے جھنڈے گاڑ کر تبدیلی کی حقیقی بنیاد رکھے گی۔
