میرپور بار کے الیکشن میں سردار اعجازنذیر پینل کی کامیابی نہایت ہی خوش آئند ہے
بھمبر (ڈسٹرکٹ رپورٹر)میرپور بار کے الیکشن میں سردار اعجازنذیر پینل کی کامیابی نہایت ہی خوش آئند ہے اور ہمیں قوی امید ہے کہ میرپور بارکی نو منتخب باڈی اپنی اعلیٰ صلاحیتوں کو بروئے کار لاتے ہوئے پورے آزادکشمیر میں اعلیٰ روایات قائم کرینگے اور بار کے وسیع تر مفاد کیلئے انتھک کوششیں کرینگے اور ہم صمیم قلب سے میرپور بار کے نو منتخب عہدیدران کو مبارکباد پیش کرتے ہیں ان خیالات کااظہار ڈسٹرکٹ بار بھمبرکے وکلاء چوہدری ظفرمحمود ایڈووکیٹ،چوہدری محمداسلم آسی ایڈووکیٹ ،چوہدری راشد محمود ایڈووکیٹ ،چوہدری گلزار احمد ایڈووکیٹ،مرزامظہراقبال ایڈووکیٹ،چوہدری خالق حسین ایڈووکیٹ،چوہدری خالد حسین ثاقب ایڈووکیٹ،چوہدری محمدلطیف ایڈووکیٹ،چوہدری امتیاز تاج ایڈووکیٹ،چوہدری سعید خادم ایڈووکیٹ ،ملک مشتاق راہی ایڈووکیٹ،چوہدری محمود الحسن ایڈووکیٹ،چوہدری ارشد محمود ایڈووکیٹ،چوہدری قیوم یوسف ایڈووکیٹ نے صحافیوں سے گفتگو کرتے ہوئے کیا انہوں نے کہاکہ سردار اعجاز نذیر صدر اور چوہدری رزاق جنرل سیکرٹری اور انکی پوری ٹیم بڑی باصلاحیت ہے جو وکلاء کی فلاھ و بہبود کیلئے بھرپور کردار ادا کرینگے اور میرپور بار نے جو مینڈیٹ انہیں دیا ہے اس کیمطابق انکی توقعات پر پورا اتریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نوجوان نسل کو تعلیم کے زیور سے آراستہ کرنے میں پنجاب گروپ آف کالجز کا اہم رول ہے
بھمبر( ڈسٹرکٹ رپورٹر)نوجوان نسل کو تعلیم کے زیور سے آراستہ کرنے میں پنجاب گروپ آف کالجز کا اہم رول ہے دنیا کیساتھ مقابلہ کرنے کیلئے ہمیں آنے والے نسلوں کو جدید تعلیم سے روشناس کروانا ہو گا ان خیالات کااظہار ڈپٹی کمشنر بھمبر چوہدری محمد طیب نے ایلائیڈ سکول بھمبرکی سالانہ نتائج کی تقریب سے بطو رمہمان خصوصی خطاب کرتے ہوئے کیا انہوںنے کہاکہ جن ملکوں نے تعلیم کے میدان میں کامیابی حاصل کی آج وہ دنیا کے اوپر حکمرانی کررہے ہیں آنے والے چیلنجز کا مقابلہ کرنے کیلئے ہمیں اپنی آنے والی نسلوں کو دور جدید کے علوم سے آراستہ کرنا ہو گا تقریب سے اسسٹنٹ کمشنر بھمبر ندیم احمد جنجوعہ نے بھی خطاب کیا جبکہ نمایاں پوزیشن حاصل کرنے والے طلباء میں ڈپٹی کمشنر بھمبرچوہدری محمد طیب ،اسسٹنٹ کمشنر بھمبر ندیم احمدجنجوعہ ،افسر مال چوہدری نزاکت حسین ،پروفیسر اصغر شاد،پروفیسر محمد ذکریا،ہیڈ مسٹریس نبیلہ قاضی ،خالد پرویز بٹ،خواجہ عامر رسول ،چوہدری خالد حسین ایڈووکیٹ،ناصرشریف بٹ ،چوہدری سعید خادم ایڈووکیٹ نے سالانہ امتحان میں نمایاں پوزیشن حاصل کرنے والے بچوں میں انعامات تقسیم کیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیپلزپارٹی عوامی اور انقلابی جماعت ہے پاکستان ،گلگت بلتستان اور آزادکشمیر کے اندر پیپلزپارٹی کی حکومتیں عوامی مسائل حل کرنے اور عوام کو بھرپور ریلیف دینے کی کوشش کررہی ہیں
بھمبر( ڈسٹرکٹ رپورٹر)پیپلزپارٹی عوامی اور انقلابی جماعت ہے پاکستان ،گلگت بلتستان اور آزادکشمیر کے اندر پیپلزپارٹی کی حکومتیں عوامی مسائل حل کرنے اور عوام کو بھرپور ریلیف دینے کی کوشش کررہی ہیں چند لوگ پیپلزپارٹی کی حکومت اور جماعت کو عدم استحکام کا شکار کرنا چاہتے ہیں جو پیپلزپارٹی کی نظریاتی ،مخلص اور جانثار کارکنان ناکام بنا دینگے ان خیالات کااظہار پیپلزیوتھ آرگنائزیشن کے مرکزی ممبر سینٹرل ایگزیکٹو کمیٹی عمر ریاض ساگر نے کیا انہوں نے کہاکہ پیپلزپارٹی کی حکومت نے آزادکشمیر کے اندر ڈیڑھ سال کے اندر ریکارڈ تعمیروترقی کروائی ہے پیپلزپارٹی وزیر اعظم چوہدری عبدالمجید کی قیادت میں عوامی خدمت کا سفر جاری رکھے ہوئے ہیں پیپلزپارٹی اپنی آئینی مدت پوری کرے گی انہوں نے کہاکہ پاکستان کے اندر الیکشن سرپرہے ایسے حالات میںآزادکشمیر کے اندر اختلافات کی باتیں جماعت کیلئے نقصان دہ ہونگی اس وقت آزادکشمیر کے اندر حکومت اور جماعت کو مضبوط کرنے کی ضرورت ہے تاکہ آزادکشمیر کی قیادت پاکستان کے الیکشن میں جماعت کی کامیابی کیلئے بھرپور کردار ادا کرسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تمام مکاتب فکر اور حکومت بالغ نظری ،سنجیدگی اور اصلاحی نقطہ نظر کے تحت ملک میں امن قائم کرنے دہشت گردی کا خاتمہ
بھمبر( ڈسٹرکٹ رپورٹر)تمام مکاتب فکر اور حکومت بالغ نظری ،سنجیدگی اور اصلاحی نقطہ نظر کے تحت ملک میں امن قائم کرنے دہشت گردی کا خاتمہ کرنے اور بین الامسالک کشمکش کا خاتمہ کرنے کیلئے اپنا مثبت کردارادا کریں تاکہ اسلام اور پاکستان کا مثبت اور روشن پہلو عالمی سطح پر واضح ہو ان خیالات کااظہار سید توقیر
حسین بخاری نے اخبار نویسوں سے گفتگو کرتے ہوئے کیا انہوں نے کہاکہ بعض خفیہ ہاتھ مسلمانوں میں تفرقہ بازی کا زہر گھولنے کیلئے انجینئرڈ طریقے سے قتل عام کروا کے مختلف لوگوں کا قتل عام کررہے ہیں جوکسی بھی معاشرے اور مذہب کا بد ترین فعل ہے انہوں نے کہاکہ اس سلسلے میں نہ صرف حکومت بلکہ مذہبی اور سیاسی قیادت پر یہ ذمہ داری عائد ہوتی ہے کہ وہ باہمی اختلافات سے بالاتر ہو کر قومی یکجہتی کیلئے اپنا اپنا کردار ادا کریں تاکہ ملک میں امن و امان قائم ہو سکے باہمی نفرتوں کا خاتمہ کیا جا سکے اور اسلام اور پاکستان کا روشن پہلو منظرعام پر لایا جا سکے اور ملک ترقی کی راہ پر گامزن ہو سکے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کنیڈا سیاسی ،تحریکی ،سفارتی اور تنظیمی سرگرمیوں کیلئے ستاء القمر چوہدری کو نائب صدر کشمیر فریڈم موومنٹ کی ذمہ داریاں تفویض کی گئی
بھمبر ( ڈسٹرکٹ رپورٹر)کنیڈا سیاسی ،تحریکی ،سفارتی اور تنظیمی سرگرمیوں کیلئے ستاء القمر چوہدری کو نائب صدر کشمیر فریڈم موومنٹ کی ذمہ داریاں تفویض کی گئی ہیں یہ کشمیر فریڈم موومنٹ کے مرکزی صدر انجینئر خالد پرویز بٹ نے ورکنگ کونسل
کے اجلاس میں کیے جانے والے فیصلہ کیمطابق اخباری نمائندگان کو جاری کیے گئے اپنے بیان میں کیا انہوں نے کہاکہ ستاء القمر چوہدری ایک تعلیم یافتہ ذہین تحریکی کارکن ہیں جنہوں نے دوران طالبعلمی کشمیر سٹوڈنٹس فریڈم موومنٹ کے پلیٹ فارم سے تحریک آزادی کشمیر کو برپا کرنے کیلئے بھرپور کردار ادا کیا اب بھی وہ ایک متحرک تحریکی کارکن و راہنما ہیں انہیں نائب صدر کشمیر فریڈم موومنٹ مقرر کیا گیا انشاء اللہ کنیڈا میں کشمیری کمیونٹی کو متحرک کرنے کیلئے بھی وہ اپنا بھرپور کردار ادا کرتے ہوئے کنیڈا میں کارکنان موومنٹ کو بھی تاریخ کے اس نازک موڑ پر متحرک کرکے کشمیر کی آزادی کیلئے سیاسی ،تحریکی ،سفارتی جدوجہد کو تیز کرنے کیلئے تنظیم سازی کرنے کیلئے اقدامات اٹھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نئی تعلیمی پالیسی کا آزاد کشمیر میں نفاذنیک شگون ہے اس کے دوررس نتائج برآمد ہونگے
بھمبر( ڈسٹرکٹ رپورٹر)نئی تعلیمی پالیسی کا آزاد کشمیر میں نفاذنیک شگون ہے اس کے دوررس نتائج برآمد ہونگے کوالٹی آف ایجو کیشن کو فروغ ملے گا ان خیالات کا اظہار آزاد کشمیر سکول ٹیچر آرگنائزیشن کے مرکزی رہنما راجہ مشتاق احمد خان نے زیر صدارت نمائندہ اجلاس ضلعی چیئرمین ایکشن کمیٹی چوہدری غلام غوث سے خطاب کرتے ہوئے کیا انہوں نے کہا کہ نئی تعلیمی پالیسی کے تحت سنیئر اساتذہ کو گریڈ سترہ اور جونیئر اساتذہ کو گریڈ سولہ تعلیمی قابلیت پر دینا قومی و ملکی تاریخ میں سنہری حروف میں لکھا جائے گا انقلابی حکومت کے وزیر اعظم چوہدری عبدالمجید اور باصلاحیت وزیر تعلیم سکولز میاں عبدالوحید کی کاوشوں کا نتیجہ ہے اساتذہ نئے تعلیمی سیشن میں نفاذ کی امید لگائے بیٹھے ہیں اس کا اطلاق تاریخ اجراء سے کر کے اساتذہ آزاد کشمیر کے لیے خصوصی اقدامات کر کے قومی و ملکی ترقی اور نئی نسل کے روشن مستقبل کو پایا تکمیل پہنچایا جائے انہوں نے مزید کہا کہ ٹیکنیکل اساتذہ کی سنیئر اسامیوں کو تخلیق کر کے ان کی ترقی کے مواقع پیدا کیے جائیں آزاد کشمیر میں
بھی شعبہ تعلیم جسمانی کی سنیئر آسامیاں بھی تخلیق کر کے پی ای ٹی معہ سنیئر ڈپلومہ ہولڈر کی ترقی کے لیے ڈی پی ای کی آسامیاں سکول سطح پر تخلیق کر کے ترقی کے مواقع پیدا کیے جائیںاورتعلیم جسمانی کے جونیئر مدرسین میں پائی جانے والی بے چینی دور کی جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق سینئر وزیر چوہدری صحبت علی خان مرحوم نہایت ہی دیانتدار سینئر سیاستدان تھے
بھمبر( ڈسٹرکٹ رپورٹر) سابق سینئر وزیر چوہدری صحبت علی خان مرحوم نہایت ہی دیانتدار سینئر سیاستدان تھے لوگوں کے دلو ںآج بھی موجود ہیں قوم و ملک کا قیمتی اثاثہ تھے ان خیالات کا اظہار ایک تعزیتی اجلاس زیر صدارت آزاد کشمیر سکول ٹیچر آرگنائزیشن کے مرکزی رہنما چوہدری محمد ارشاد آف بھمبر رجانی منعقد ہوا جس میں سابق سینئر وزیر چوہدری صحبت علی خان کی خدمات کو خراج تحسین پیش کیا گیااجلاس میں صفدر پہلوان ،لالہ اشرف ،حاجی مشتاق، اللہ دتہ ،چوہدری تنویر ،حاجی لطیف اسلم ،مقصود احمد اور دیگر نے شرکت کی اور اظہا رتعزیت کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈپٹی ایجوکیشن آفیسر راجہ محمد اسحاق خا ن نے ڈپٹی کمشنرنیلم راجہ ثاقب منیر کی شہادت پر گہرے رنج و غم کا اظہار
بھمبر( ڈسٹرکٹ رپورٹر)ڈپٹی ایجوکیشن آفیسر راجہ محمد اسحاق خا ن نے ڈپٹی کمشنرنیلم راجہ ثاقب منیر کی شہادت پر گہرے رنج و غم کا اظہار کرتے ہوئے لواحقین اور سوگواراں سے اظہار تعزیت کیا ہے اور کہا ہے کہ ریاست ایک دیانت دار اور فرض شناس آفیسر سے مرحوم ہو گئی ہے یہ ایک بڑا سانحہ ہے جسے ہمیشہ یاد رکھا جائے گا ۔
