ڈسٹرکٹ ہسپتال بھمبر کی سرکاری ایمبولینس آفیسران کے بچوں کو سکولوں سے لینے اور چھوڑنے کیلئے استعمال ہونے لگی
بھمبر (جی پی آئی) ڈسٹرکٹ ہسپتال بھمبر کی سرکاری ایمبولینس آفیسران کے بچوں کو سکولوں سے لینے اور چھوڑنے کیلئے استعمال ہونے لگی پٹرول اور مرمتی کی مد میں حکومتی خزانے کو ہزاروں کی پھکی محکمہ صحت کے ذمہ داران سے نوٹس لینے کا مطالبہ تفصیلات کیمطابق ڈسٹرکٹ ہسپتال بھمبر کی سرکاری ایمبولینس نمبری GW413 کا ناجائز استعمال ہونے لگا سرکاری ایمبولینس دن بھر آفیسران کے بچوںکو سکولوں میںچھوڑنے اور لے جانے کیلئے استعمال ہو تی ہے جبکہ پٹرول اور مرمتی کی مد میں سرکاری خزانے سے ہزاروں روپے وصول کیے جاتے ہیں جبکہ ضلع بھمبر کے اندر سرکاری گاڑیوں کا ناجائز استعمال سرعام ہوتا ہے سرکاری گاڑیاں بچوں کے سکولوں، خواتین کی شاپنگ اور عزیز واقارب کی ڈرائیونگ سیکھنے کیلئے استعمال ہوتی ہیںجس سے حکومتی خزانے کو خوب پھکی لگائی جاتی ہے جبکہ سرکاری گاڑیوں کے ناجائز استعمال کو روکنے اور چیک اینڈ بیلنس کا کوئی نظام نہ ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ایکسین شاہرات بھمبر کا چہیتوں کو نوازنے کا سلسلہ عروج پر
بھمبر (جی پی آئی) ایکسین شاہرات بھمبر کا چہیتوں کو نوازنے کا سلسلہ عروج پر پتھورانی کے بعد کانگڑہ سڑک کی سیفٹی دیوار کا ٹھیکہ ٹرائیکا کے عزیز کو خفیہ طور پر الاٹ کردیا ابتدائی طور پر چہیتے کو ساڑھے 5 لاکھ کا ٹھیکہ دیا گیا جو بعد میں بڑھ کر 13 لاکھ تک کر دیا جائیگا تفصیلات کیمطابق محکمہ شاہرات کے ایکسین نے دفتر کے اندر ٹرائیکا بنا رکھی ہے جو شاہرات کے ٹھیکوں کی بندربانٹ کرلیتے ہیں اور اپنے عزیزوں اور چہیتوں کو نوازتے رہتے ہیںایکسین شاہرات نے بھمبر تعیناتی کے بعد کئی ٹھیکے خفیہ طور پر اپنے چہیتوں کو الاٹ کر دیے ہیں پتھورانی کے بعد چند روز قبل بھمبر میرپور روڈپر کانگڑہ کے مقام پر حفاظتی دیوار کی تعمیر کا ساڑھے 5 لاکھ روپے مالیت کا ٹھیکہ ٹرائیکا کے عزیز کو خفیہ طور پر دیدیا جبکہ ٹینڈرنگ کی تمام کارروائی خفیہ رکھی گئی ہے ذرائع سے معلوم ہواہے کہ ایکسین نے ابتدائی طور پر چہیتے کو ساڑھے 5 لاکھ کا ٹھیکہ دیا ہے جوکہ بعد میں بڑھا کر 13 لاکھ کر دیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آصف علی زرداری نے 5سالوں کے اندر جمہوریت اور جمہوری اداروں کو مضبوط کرکے تاریخ ساز کارنامہ سرانجام دیا ہے
بھمبر (جی پی آئی) آصف علی زرداری نے 5 سالوں کے اندر جمہوریت اور جمہوری اداروں کو مضبوط کرکے تاریخ ساز کارنامہ سرانجام دیا ہے انکا دور صدارت تاریخ کے سنہری حروف میں لکھا جائے گا ان خیالات کا اظہار پیپلزپارٹی کے راہنما و ایڈمنسٹریٹر ضلع کونسل بھمبرچوہدری مظہر حسین نے کیاانہوںنے کہاکہ پاکستان کی تاریخ میں پہلی مرتبہ اقتدار کی منتقلی جمہوری انداز میںہوئی جسکا تمام تر کریڈٹ پیپلزپارٹی اور آصف علی زرداری کوجاتا ہے انہوںنے کہاکہ محترم آصف علی زرداری نے انتہائی نامساعد حالات کے اندر مفاہمتی پالیسی کو اپناتے ہوئے 5 سالوں کے اندر 1973 کے آئین کی مکمل بحالی، صدارتی اختیارات پارلیمنٹ کو دینے ،این ایف سی ایوارڈ، توانائی کے بحران پر قابو پانے کیلئے عالمی دباؤ کو مسترد کرتے ہوئے پاک ایران گیس پائپ لائن منصوبہ، گواد رپورٹ چین کے حوالے کرنے، پرامن صاف و شفاف الیکشن کروانے کیلئے غیر جانبدارانہ الیکشن کمیشن کا قیام، پارلیمنٹ اور جمہوریت کو مضبوط بنانے کیلئے اقدامات,بے نظیر انکم سپورٹ پروگرام کا آغاز جیسے کارنامے پیپلزپارٹی اور آصف علی زرداری کے کارنامے ہیں پیپلزپارٹی نے مشکل وقت میں اقتدار سنبھالہ جب پاکستان کو اندرونی اور بیرونی طور پر بے شمار چیلنجز کاسامنا تھا پیپلزپارٹی نے تمام چیلنجز اور سازشوں کا ڈٹ کر مقابلہ کیا پاکستان کو جمہوریت، ترقی اور خوشحالی کے راستے پرگامزن کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیکرٹری تعلیم نے گورنمنٹ گرلز ہائیرسیکنڈری سکول سوکاسن سے مردسٹاف کو تبدیل کرکے فی میل سٹاف کو تعینات کر دیا
بھمبر (جی پی آئی) سیکرٹری تعلیم نے گورنمنٹ گرلز ہائیرسیکنڈری سکول سوکاسن سے مردسٹاف کو تبدیل کرکے فی میل سٹاف کو تعینات کر دیا گرلز سکول سے مرد سٹاف کو تبدیل کرنے پر عوام علاقہ کا سیکرٹری تعلیم کو خراج تحسین تفصیلات کیمطابق سیکرٹری تعلیم چوہدری خورشید نے اپنی تعیناتی کے فوری بعد گورنمنٹ گرلز ہائیر سیکنڈری سکول سوکاسن میں تعینات مرد سٹاف کو تبدیل کردیا مرد سٹاف کو گرلز سکول سے تبدیل کرنے کامطالبہ عوام علاقہ بڑے عرصہ دراز سے کررہے تھے عوام علاقہ نے فی میل سٹاف تعینات کرنے پر سیکرٹری تعلیم کا خصوصی طور پر شکریہ ادا کرتے ہوئے انہیں خراج تحسین پیش کیاہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راجہ شوکت علی مغلورہ، ٹھیکیدار محمد الیاس کوہل
بھمبر (جی پی آئی) بھمبرکے معروف سیاسی وسماجی راہنماؤں راجہ شوکت علی مغلورہ، ٹھیکیدار محمد الیاس کوہل، راجہ عطاء المنعم، چوہدری ثاقب علی ،راجہ غفار احمد گوگا ،چوہدری محمد سلیمان درائیاں، چوہدری تنویر صابرنقشی، چوہدری حق نواز گڑھاللیاں، حسنین اعظم نے الگ الگ پیغام میں ریٹائرڈ ہیڈ کانسٹیبل راجہ رشید احمد کی اچانک وفات پر گہرے دکھ و غم کااظہار کرتے ہوئے مرحوم کے درجات کی بلندی کیلئے دعائے مغفرت اورلواحقین کیلئے دعائے صبروجمیل کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پروفیسر نذیرحسین اسلام گڑھ بوائز ڈگری کالج کا پرنسپل تعینات ہونا خوش آئندہے
بھمبر (جی پی آئی) پروفیسر نذیرحسین اسلام گڑھ بوائز ڈگری کالج کا پرنسپل تعینات ہونا خوش آئندہے حکومت اور محکمہ تعلیم نے موصوف کی تعلیمی خدمات کو مدنظر رکھتے ہوئے پرنسپل تعینات کیا ہے ان خیالات کااظہار ٹیچرز آرگنائزیشن کے راہنما چوہدری محمد رشید ،غلام احمد غوث، چوہدری محمد اکرم، پروفیسر خورشید احمد، چوہدری منظور حسین اور چوہدری عزیز الرحمن ناز نے کیا انہوں نے کہا کہ موصوف نے تعلیمی شعبہ میں گراں قدر خدمات سرانجام دی ہیں بطور پرنسپل بھی وہ اپنی ذمہ داریاں احسن طریقہ سے سرانجام دینگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
محکمہ جنگلات کے آفیسران بالا اور تمام ملازمین کی تنخواہ عرصہ 3 ماہ سے بند
بھمبر (جی پی آئی) محکمہ جنگلات کے آفیسران بالا اور تمام ملازمین کی تنخواہ عرصہ 3ماہ سے بند ملازمین کے گھروں میں نوبت فاقوں تک جا پہنچ تفصیلات کیمطابق محکمہ جنگلات کے ملازمین کی تنخواہ عرصہ تین ماہ سے بند ہونے کی وجہ سے ان کے گھروں میں نوبت فاقوں تک جا پہنچی چولہے ٹھنڈے دوکانداروں نے ادھار دینے سے انکار کر دیا وزیر حکومت بھی لمبی تان کر سوگئے باربار حکومتی وزراء اور وزیر جنگلات کو آگاہ کرنے کے باوجود ملازمین کو تنخواہ کی ادائیگی نہ ہوسکی ملازمین مایوسی کا شکار ملازمین کا سیکرٹری فنانس سے تنخواہ کی ادائیگی کا مطالبہ۔
