موٹر سائیکل سلپ ہو جانے سے ڈسپنسر شدید زخمی ہو گیا۔تفصیل کے مطابق بنیادی مرکز صحت
پیرمحل (میاں اسد حفیظ سے) موٹر سائیکل سلپ ہو جانے سے ڈسپنسر شدید زخمی ہو گیا۔تفصیل کے مطابق بنیادی مرکز صحت چک نمبر 664/5گ ب کے انچارج ڈسپنسر محمدعدیل یونس پنجاب رورل سپورٹ پروگرام آفس ٹوبہ ٹیک سنگھ سے واپس پیرمحل آ رہے تھے اچانک موٹر سائیکل سلپ ہوجانے کی وجہ سے محمد عدیل یونس گر کر شدید زخمی ہو گئے جن کو طبی امداد فراہمی کیلئے راہ گیروں نے DHQٹوبہ ٹیک سنگھ پہنچایا تا دم تحریر مضروب کی حالت خطرے سے باہر بتائی گئی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شراب اور چرس برآمدگی کے دو الگ الگ مقدمات درج۔تفصیل کے مطابق پولیس نے مخبر کی اطلاع
پیرمحل (میاں اسد حفیظ سے) شراب اور چرس برآمدگی کے دو الگ الگ مقدمات درج۔تفصیل کے مطابق پولیس نے مخبر کی اطلاع پر شہر کی مضافاتی بستی خان جوان میں اچانک چھاپہ مارتے ہوئے مسمی خالد کو شراب کشید کرتے ہوئے رنگے ہاتھوں پکڑ کر 30لیٹر تیار شراب اور لہن سمیت دیگر شراب کشید آلات تحویل میں لے لئے جب کہ مذکورہ بستی میں ہی پولیس نے مسمی محمد لطیف سے ایک کلو تیس گرام چرس برآمد کر کے مذکورہ ملزمان کے خلاف الگ الگ مقدمات کا اندراج کر کے کاروائی کا عمل شروع کر دیاتھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نامعلوم چور نجی موبائل کمپنی سے بیٹریاں اور دو عدد بجلی ٹرانسفارمر لے اڑے۔بتایا گیا ہے
پیرمحل (میاں اسد حفیظ سے) نامعلوم چور نجی موبائل کمپنی سے بیٹریاں اور دو عدد بجلی ٹرانسفارمر لے اڑے۔بتایا گیا ہے کہ چوروں کے گروہ نے گائوں 323گ ب میں نصب نجی موبائل کمپنی کے ٹاور سے لاکھوں روپے مالیت کی 8عدد بیٹریاں اور مذکورہ گائوں میں نصب بجلی کا ٹرانسفارمر بھی اڑا لیا۔اطلاعات کے مطابق گائوں 675/16گ ب کے قریب سے بھی چوروں نے بجلی ٹرانسفارمر کو اڑا لیا۔چوری مذکورہ بالا وارداتوں میں ملوث متعلقہ تھانہ کی پولیس نے قانونی کاروائی کا آغاز کر د یا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر سے دریائے راوی کو جانے والی شاہراہ “بھسی روڈ “کے نام سے جانی جاتی ہے
پیرمحل (میاں اسد حفیظ سے) شہر سے دریائے راوی کو جانے والی شاہراہ “بھسی روڈ “کے نام سے جانی جاتی ہے۔مذکورہ شاہراہ پر بھاری ٹریفک کا بوجھ زیادہ ہونے کی وجہ سے عرصہ دراز سے بھسی روڈ ٹوٹ پھوٹ کر کھنڈرات میں تبدیل ہو چکی ہے جو کہ ناصرف انسانی زندگیوں کیلئے خطرے کی علامت ہے بلکہ سڑک خستہ حالی کی وجہ سے گاڑیاں بھی تباہ و برباد ہو رہی ہیں۔اگر سڑک کی خستہ حالی کا جائزہ لیا جائے تو بیشتر مقامات سے موٹر سائیکل کا گزرنا بھی دشوار ہو چکا ہے۔پیرمحل سے دریائے راوی تک کا فاصلہ تقریبا ً 20کلو میٹر ہے اور یہ تحصیل کا وہ حلقہ ہے جو گنے کی پیداوار میں اپنی مثال آ پ ہے۔اب جب کہ گنیکا کرشنگ سیزن بھی شروع ہو چکا ہے اگر ہنگامی بنیادوںپر بھسی روڈکو مرمت نہ کیا گیا تو نجانے گنے سے لوڈ ٹرالیاں الٹ جانے کی وجہ سے انسانی زندگیوں کے چراغ گل ہو جائیں گے۔سڑک کی از سر نو تعمیر و مرمت کرنے کیلئے زمینداروں ،ٹرانسپورٹروں اور دیگر مکتبہ فکر کے افرادنے متعدد بار حلقہ سے منتخب رکن قومی و صوبائی اسمبلی کے سامنے اپنا مطالبہ میڈیا کی وساطت سے پیش بھی کیا مگر متعلقہ محکمہ سمیت کسی بھی سیاسی نمائندے کے کانوں پر جوں تک نہیں رینگی۔
بھسی روڈ سے ہٹ کر لنکس روڈ جو کہ گائوں 670/11,672/13,680/21,681/22,اور دیگر دیہات کو جاتی ہیں بھی ٹوٹ پھوٹ کر کھنڈرات میں تبدیل ہو چکی ہیں اور آئے روز حادثات کا موجب بن رہی ہیں۔پیرمحل کو حکومت پنجاب کی جانب سے تحصیل کا درجہ دیا گیا تو شہریوں کو امید ہو چلی تھی کہ ان کو درپیش مسائل بھی حل ہو سکیں گے مگر عرصہ گزر جانے پر بھی شہریوں کو درپیش مسائل میں کمی نہ آنا لمحہ فکریہ سے کم نہیں۔اور اب یہ باز گشت سنائی دے رہی ہے کہ حکومت نے عوامی فلاح و بہبود سمیت دیگر منصوبہ جات کو شروع کر نے کیلئے منتخب سیاسی نمائندوں کو کروڑوں روپے کی گرانٹس دینے کا اعلان کیا ہے۔عوامی حلقوں نے منتخب نمائندوں اور متعلقہ محکمہ کے ارباب اختیار سے پر زور مطالبہ کیا ہے کہ بھسی روڈ اور دیہات کی لنکس روڈ کو ہنگامی بنیادوں پر از سر نو تعمیر کرنے کیلئے رقم مختصص کی جائے تا کہ سابقہ محرومیوں کا خاتمہ ممکن ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ٹیکسی ڈرائیور نے محنت کش کو لٹنے سے بچا لیا نو سر باز خاتون گرفتار ساتھی فرار ہونے
پیرمحل (میاں اسد حفیظ سے) ٹیکسی ڈرائیور نے محنت کش کو لٹنے سے بچا لیا نو سر باز خاتون گرفتار ساتھی فرار ہونے میں کامیاب ہو گیا۔تفصیل کے مطابق کمالیہ نیاز ٹائون کارکشہ ڈرائیور محمد عمران ولد عبدالرحمن سامان لوڈ کر کے براستہ رجانہ رو ڈ پیرمحل کی جانب آ رہا تھاکہ سٹاپ 287گ ب کے قریب خاتون نے دو ساتھیوں کے ہمراہ رکشہ روکنے کا اشارہ کیا تو خاتون اپنے ایک ساتھی کے ہمراہ سوارہو گئی اور باتوں باتوں میں رکشہ ڈرائیور کو نشہ آور بسکٹ کھلا کر رکشے کا کنٹرول خود سنبھال لیا اسی اثناء میں پیچھے سے آنے والی ٹیکسی کے ڈرائیورنے حالات کو بھانپتے ہوئے مسمی محمد عمران کی حالت غیر ہو نے کی وجہ پوچھی تو نو سرباز خاتون نے اپنے ساتھی کے ہمراہ فرار ہونے کی کوشش کی تو ٹیکسی ڈرائیور نے جرا ت کا مظاہرہ کرتے ہوئے خاتون جس کا نام گلناز بتایا گیا ہے جو کہ ضلع خانیوال کی رہائشی ہے کو پکڑ کر پولیس کے حوالے کر دیا جبکہ نوسربا ز خاتون کا ساتھی مزمل حسین فرار ہونے میں کامیاب ہو گیا۔تھانہ پیرمحل پولیس نے نوسرباز گروہ کے زیر استعمال موٹر سائیکل کو تحویل میں لے کر قانونی کاروائی کا آغاز کر دیاتھا اور رکشہ ڈرائیور محمد عمران کو سول ہسپتال پیرمحل میں طبی امداد فراہم کی جا رہی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
صوبائی دارالحکومت لاہورمیں مینا ر پاکستان کے سائے تلے جماعت اسلامی کے اجتماع میں شرکت کیلئے مرکزی دفتر جماعت اسلامی
پیرمحل (میاں اسد حفیظ سے) صوبائی دارالحکومت لاہورمیں مینا ر پاکستان کے سائے تلے جماعت اسلامی کے اجتماع میں شرکت کیلئے مرکزی دفتر جماعت اسلامی غلہ منڈی پیرمحل سے تحصیل امیر رانا غلام عباس کی قیادت میں کارکنوں کا قافلہ روانہ ہوا جن میں خواتین بھی شامل تھیں۔روانگی سے قبل کارکنوں نے پرجوش اندا ز میں موجودہ حکومت اور نظام کے خلاف نعرہ بازی بھی کی۔اس موقع پر تحصیل امیر جماعت اسلامی رانا غلام عباس نے بتایا کہ ہمارا لاہور میں عوامی اجتماع پر امن ہو گا ہم ملک کے اندر ایسا نظام حکومت اور قوانین نافذ العمل کروانا چاہتے ہیں جس میں امیر اور غریب میں تمام تفریق ختم ہو سکے اگر حالات کی سنگینی کودیکھ کر حکمرانوں نے نوشتہ دیوار نہ پڑھا تو مستقبل میں ناقص پالیسیو ں کے بھیانک نتائج برآمد ہو سکتے ہیں۔اسلامی ریاست میں قوانین بھی اسلامی ہی نافذ العمل ہونے چاہئیں تا کہ ہم اقوام عالم میں اپنے کھوئے ہوئے وقار کو حاصل کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پریس کلب پیرمحل عہدیداران کا ایک اجلاس صدر محبوب اختر خان کی زیر صدارت منعقد ہوا
پیرمحل (میاں اسد حفیظ سے) پریس کلب پیرمحل عہدیداران کا ایک اجلاس صدر محبوب اختر خان کی زیر صدارت منعقد ہوا جس میں صحافی افتخار احمد کے بھانجے علی حسنین کی صحت یابی کیلئے دعا کی گئی اور عوام الناس سے بھی اپیل کی جاتی ہے کہ وہ بھی معصوم علی حسنین کی صحت یابی کیلئے دعا کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
دوموٹرسائیکل سوار محمود احمدولد عبدالمجید اورپرویز ولدجاوید کمالیہ کی طرف جا رہے تھے
پیرمحل (میاں اسد حفیظ سے) دوموٹرسائیکل سوار محمود احمدولد عبدالمجید اورپرویز ولدجاوید کمالیہ کی طرف جا رہے تھے کہ سامنے سے آنے والی کار سے ٹکرا کر شدید زخمی ہو گئے جن کو طبی امداد فراہمی کیلئے سول ہسپتال پیرمحل داخل کروا دیا گیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
راج گیروں کے تشدد سے باپ دو بیٹوں سمیت شدید زخمی ہو گیا۔تفصیل کے مطابق درکھانہ روڈ پر واقع گائوں
پیرمحل (میاں اسد حفیظ سے)راج گیروں کے تشدد سے باپ دو بیٹوں سمیت شدید زخمی ہو گیا۔تفصیل کے مطابق درکھانہ روڈ پر واقع گائوں 691/33گ ب کی مسجد میں دو بھائی محمد عثمان اور محمد رضوان رنگ روغن کرنے میں مصروف عمل تھے کہ مذکورہ مسجد میں راج گیری کا کام کرنے والے دو بھائیوں محمد شاہد اور محمد زاہد سے کسی بات پر تلخ کلامی ہو گئی جس کے نتیجہ میں طیش میںآ کر راج گیروں نے ڈنڈوں اور آہنی راڈوں سے حملہ آور ہو کر دونوں محنت کش بھائیوں کو تشدد کا نشانہ بنانا شروع کر دیا جب چھڑوانے کیلئے ان کے باپ محمد اشرف نے مداخلت کی تو اسے بھی وحشیانہ تشدد کا نشانہ بنا ڈالا۔تینوں مضروبین کو طبی امداد فراہمی کیلئے سول ہسپتا ل پیرمحل داخل کروا دیا گیا تھا اور تھانہ پیرمحل پولیس نے تشدد واقع میں ملوث افراد کے خلا ف قانونی کاروائی کا آغاز کر دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل میں جاری کروڑوں روپے کی ترقیاتی سکیموں کا جائزہ لینے کے لئے DCOٹوبہ ٹیک سنگھ وقاص عالم کا دورہ
پیرمحل (میاں اسد حفیظ سے) تحصیل میں جاری کروڑوں روپے کی ترقیاتی سکیموں کا جائزہ لینے کے لئے DCOٹوبہ ٹیک سنگھ وقاص عالم کا دورہ پیرمحل اورتحصیل کونسل ہال میں اہم اجلاس کی صدارت۔ جس میں رکن قومی اسمبلی چوہدری اسدالرحمن ،رکن صوبائی اسمبلی میاں محمد رفیق ،TMOرانا نواز خاں ،اسسٹنٹ کمشنر ز سیدہ رملہ علی ،حافظ محمد نجیب ،سرکاری اداروں کے سربراہان سمیت شہری تنظیموں کے عہدیداروں نے بھی شرکت کی۔مذکورہ بالا اجلاس کی صدارت کرتے ہوئے DCOٹوبہ ٹیک سنگھ وقاص عالم نے تحصیل بھر میں جاری کروڑوں روپے کی ترقیاتی کاموں کا تفصیلی جائزہ لیتے ہوئے رپورٹ طلب کی اور بتایا کہ ترقیاتی کاموں میں ناقص میٹریل کے استعمال کسی صورت بھی برادشت نہیں کیا جائے گا عوام کی فلاح و بہبود کے منصوبوں کو مقررہ وقت پر پورا کیا جائے جب کہ رکن قومی اسمبلی چوہدری اسدالرحمن نے اپنی تجاویز دیتے ہوئے بتایا کہ شہری اور دیہاتی حلقوں میں قائم تعلیمی اداروں کے آس پاس پڑی خالی اراضی کو بھی تعلیمی اداروں کیلئے مختص کر دیا جائے تا کہ بچوں کو کھیل کودکیلئے گرا?نڈز دستیاب ہو سکیں۔انہوں نے بتایا کہ گورنمنٹ بوائز ہائی سکول نمبر 1کو شاندار نصابی و غیر نصابی سرگرمیوں کی وجہ سے حکومت پنجاب کی جانب سے ایکسی لینسی کا درجہ ملنے کے بعد 9کروڑ روپے کی گرانٹ بھی منظور کی گئی ہے میری تجویز ہے کہ پاس خالی پڑی اراضی کو بھی سکول نمبر 1کیلئے مختصص کر کے نئے کمروں کی تعمیر کی جائے جب کہ چوہدری اسدالرحمن نے حکومت کی جانب سے دی جانے والی شہر کیلئے سکیموں کو تذکرہ کرتے ہوئے بتایا کہ درکھانہ تا شورکوٹ کینٹ سڑک کو 10فٹ چوڑا کیا جائے گا لاری اڈا کو جدید بنیادوں پر استوا رکرنے کیلئے 20لاکھ روپے کی گرانٹ اور شہر سے ٹریفک کا بوجھ کم کرنے کیلئے بہت جلد ون وے منصوبے کا آغاز بھی کر دیا جائے گا۔جب کہ سیوریج سسٹم کیلئے 29کروڑ روپے کی گرانٹ اورمرکزی قبر ستان کی چار دیواری کیلئے 20لاکھ روپے کی گرانٹ جب کہ شہرکو میٹھے پانی کی فراہمی کا منصوبہ 2015تک پایہ تکمیل کو پہنچ جائے گااور تحصیل کے کچھ دیہات کیلئے میٹھے پانی کی فراہمی کے منصوبہ کیلئے حکومت کی جانب سے 36.89ملین کی رقم بھی منظور کی گئی ہے۔ انہوں نے بتایا کہ شہر کے سول ہسپتال کوعنقریب 60کے ہسپتال میں تبدیل کر کے THQکا درجہ دے دیا جائے گا جس میں انسانی زندگیوں کو بچانے کیلئے تمام ضروری سہولیات بھی فراہم کی جائیں گی۔اجلاس میں موجود رکن صوبائی اسمبلی میاں محمد رفیق نے بتایا کہ گورنمنٹ غوثیہ فرید بخش سائنس ڈگری کالج333گ ب فرید آباد ایک تاریخی تعلیمی درسگاہ ہے جس کیلئے انجینئرنگ یونیورسٹی کا کیمپس منظور کروانا وقت کی اہم ضرور ت ہے۔انہو ں نے کہا کہ انجینئرنگ کیمپس کی منظوری کیلئے DCOٹوبہ ٹیک سنگھ اپنی تفصیلی رپورٹ حکومت پنجاب کو روانہ کریں اور ملاقات میں خود بھی وزیر اعلیٰ پنجاب میاں شہباز شریف سے مطالبہ کروں گا۔اجلاس میں موجود شہری تنظیموں کے عہدیداروںنے DCOٹوبہ ٹیک سنگھ ،رکن قومی اسمبلی چوہدری اسدالرحمن،رکن صوبائی اسمبلی میاں رفیق سے پرزور مطالبہ کیا ہے کہ شہر کو ریسکیو1122 آفس اور فائر برگیڈ کی اشد ضرورت ہے۔کسی بھی ناگہانی صورتحال میں شہریوں کو اپنی مدد آپ کے تحت حادثاتی صورت حال سے نبردآزمائ ہونا پڑتا ہے۔بعدازاں DCOوقاص عالم نے خطاب کرتے ہوئے کہا کہ پیرمحل کے عوام باشعور ہیں جو میڈیا کی وساطت سے شہر کودرپیش مسائل اور ضلعی انتظامیہ کی کوتاہیوں کو اجاگر کرتے ہیں میڈیا اور شہریوں کی تنقید سے ہمیں اپنی اصلا ح کرنے کے مواقع میسر آتے ہیں۔شہریوں کو درپیش مسائل اور مطالبات کو پور ا کرنے کیلئے رپورٹس ارباب اختیار کو ارسال کر دی جائیں گی اور قوی امید ہے کہ صوبہ کی نئی تحصیل پیرمحل کے شہریوں کو تمام ضروری سہولیات بہت جلدفراہم ہو جائیں گی۔ اس موقع پر مرکزی انجمن تاجران کے صدر میاں طارق کوٹلی والے، سٹی صدر ( ن) لیگ حکیم محمد رفیق ارشد، جنرل سیکرٹری اسر ار احمد پھلوری، چوہدری عبدالغفار، چیف آفیسر طارق جاوید کمبوہ ، محمد صدیق پیارا، اما ن اللہ ہراج، محمد رفیق سرویا،چوہدری طارق فرزندسمیت شہریوں کی کثیر تعداد نے شرکت کی
