کاروان مالک اشترا اور پیس ٹریولر کے زیر اہتمام عازمین حج کیلئے ویکسینشن کیمپ لگایا گیا
گجرات ( جی پی آئی ) کاروان مالک اشترا اور پیس ٹریولر کے زیر اہتمام عازمین حج کیلئے ویکسینشن کیمپ لگایا گیا ۔ جس میں سینکڑوں عازمین حج کے محکمہ صحت کے تعاون سے ویکسین پلائی گئی ‘ اور انجکشن لگائے گئے ‘ سید آصف رضا نقوی اور سید علی نقوی کی سربراہی میں ویکسیشن کیمپ لگ ممتاز سماجی شخصیت رانا مشرف علی ناز نے ویکسینشن کیمپ کا دورہ کیا اور پیس ٹریولر کی کارکردگی کو سراہا ۔
۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات فرینڈز لائنز کلب کے زیر اہتمام فاضل ہسپتال گنجاہ میں میگامیڈیکل انعقاد کیا گیا
گجرات ( جی پی آئی ) گجرات فرینڈز لائنز کلب کے زیر اہتمام فاضل ہسپتال گنجاہ میں میگامیڈیکل انعقاد کیا گیا ۔ جس میں لائن ڈاکٹر عارف مسعود کی سربراہی میں سینکڑوں مریضوں کو چیک کیا گیا ۔ اور اُن کے فری ٹیسٹ کئے گئے ۔ اور ادویات دی گئیں ۔ یہ کیمپ ہر ماہ کی 27تاریخ کو لگایا جاتا ہے ۔ جس میں مریضوں کو طبی سہولیات فراہم کی جاتی ہیں ۔ صدر گجرات فرینڈز لائنز کلب ڈاکٹر ثوبان شاہد ‘ لائن عمر نوخیز ‘ لائن احسن متین ملک ‘ ڈاکٹر رزاق احمد غفاری و دیگر نے کیمپ کا دورہ کیا ۔ اور ڈاکٹر عارف مسعود اور اُن کے ساتھیوں کو خراج تحسین پیش کیا۔ جو ہر ماہ اس کیمپ کا انعقاد کرتے ہیں ۔
۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سابق ہیڈ ماسٹر مصنف سیرت تاجدار ختم نبوت صلی اللہ علیہ وآلہ وسلم محمد نواز شاہد نے زاہد نسیم
گجرات ( جی پی آئی ) سابق ہیڈ ماسٹر مصنف سیرت تاجدار ختم نبوت صلی اللہ علیہ وآلہ وسلم محمد نواز شاہد نے زاہد نسیم ‘ ہیڈ ماسٹر گورنمنٹ اسلامیہ ہائی سکول نمبر 1جلالپورجٹاں سے اُن گھر جا کر اُن کے بھائی غضنفر جمیل کے بہیمانہ قتل پر تعزیت کی اور مرحوم کیلئے دعائے مغفرت کی اور اُن کو یقین دلایا کہ اس ظلم کے خلاف بھرپور مذمت کرتا ہوں اور ہر میدان میں آپ کے ساتھ ہوں ‘ اُن کے ہمراہ صدر پنجاب ایجوکیٹرز ایسوسی ایشن محمد عامر بوٹا بھی تھے ‘ انہوں نے بھی یقین دلایا کہ پنجاب ایجوکیٹرز ایسوسی ایشن اس غم کی گھڑی میں آپ کے ساتھ ہے ‘ اور جہاں ضرورت ہوگی ‘ انشاء اللہ ہم آپ کے شانہ بشانہ ہوں گے ‘ آخر میں انہوں نے ڈی پی او گجرات سے پر زور مطالبہ کیا کہ جلد از جلد قاتلوں کو گرفتار کر کے کیفر کردار تک پہنچایا جائے ۔
۔۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہر ماہ ضلع گجرات میں درجنوں خواتین زچگی کے دوران لقمہ اجل بن جاتیں ہیں
گجرات ( جی پی آئی ) ہر ماہ ضلع گجرات میں درجنوں خواتین زچگی کے دوران لقمہ اجل بن جاتیں ہیں ‘ اور کئی بچے آنکھ کھولنے سے پہلے ہی اللہ کے پاس چلے جاتے ہیں ‘ ان خیالات کا اظہار ڈسٹرکٹ کمیونٹی کوآڈینیٹر نیشنل میٹرنل نیونیٹل اینڈ چائلڈ ہیلتھ پروگرام گجرات محمد طیب نے گورنمنٹ گرلز ہائیر سکینڈری سکول سرائے عالمگیر میں ذچگی کے دوران ماں اور بچے کی صحت کے حوالہ سے منعقدہ سیمینار سے خطاب کرتے ہوئے کیا ۔ انہوں نے کہا ہے کہ ذچگی کے دوران ماں اور بچے کی صحت کو بے پناہ خطرات لاحق ہوتے ہیں ‘ خصوصی طور پر دیہاتی علاقوں میں یہ خطرات اور بھی بڑھ جاتے ہیں ۔ جب غربت جہالت اور نا مناسب سہولیات کی وجہ سے کئی مائیں لقمہ اجل بن جاتیں ہیں ‘ پرائیویٹ ہسپتالوں میں صرف بل کی طرف توجہ دی جاتی ہے ۔ ماں اور بچے کی صحت کی طرف کوئی توجہ نہیں دی جاتی ۔ ہمیشہ ایسے ہسپتالوں چاہیے وہ سرکاری ہوں یا پرائیویٹ کو ترجیح دینی چاہیے جن میں مندرجہ ذیل سہولیات میسر ہوں جن میں گائناکالوجسٹ ‘ سرجن ‘ بے ہوشی کا ماہر ڈاکٹر ‘ چائلڈ سپیشلسٹ ‘ الٹراسائونڈ سپیشلسٹ ‘ لیبارٹری ‘ بلڈ بینک ‘ نرسری ‘ ایکسرے ‘ کی سہولت میسر ہوا گورنمنٹ لیول پر سرکاری ہسپتالوں میں تمام سہولیات میسر ہوتی ہیں’ اور محکمہ صحت کی لیڈی ہیلتھ سپر وائزر کام کر رہی ہے ‘ جو کہ بہتر رہنمائی کرتیں ہیں ۔ ہمیشہ مائوں کو چاہیے کہ وہ ان سے رابطہ رکھیں تاکہ ماں اور بچے کی صحت کے حوالہ سے کام ہو سکے ۔
۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
فخر المشائخ حضرت میاں جمیل احمد شرقپوری نشبندی مجددی کے پہلے سالانہ ختم پاک کے موقع پر سالانہ
گجرات ( جی پی آئی ) فخر المشائخ حضرت میاں جمیل احمد شرقپوری نشبندی مجددی کے پہلے سالانہ ختم پاک کے موقع پر سالانہ فخر المشائخ کانفرنس دی ایجوکیٹرز بارہ دری کیمپس میں منعقد ہو گی ۔ جس کی صدارت حافظ ولید احمد جواد سجادہ نشین آستانہ عالیہ شر قپوری شریف کرینگے ‘ خصوصی حضرت علامہ صاحبزادہ غلام بشیر نقشبندی کرینگے ۔ مہمان خصوصی حضرت میاں جلیل احمد شر قپوری ‘ حضرت میاں سعید احمد شرقپوری ‘ حصرت میاں محمد صالح شرقپوری کرینگے ‘ یہ پروگرام محمد شہزاد شفیق نقشبندی مجددی شرقپوری کی زیر نگرانی 11ستمبر صبح دس بجے منعقد ہوگا ۔ جس میں ضلع بھر سے علماء مشائخ کی کثیر شریک ہوگی ۔
۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او لیاقت علی چٹھہ نے کہا ہے کہ عوامی نمائندگان کے تعاون سے تعلیم
گجرات(جی پی آئی )ڈی سی او لیاقت علی چٹھہ نے کہا ہے کہ عوامی نمائندگان کے تعاون سے تعلیم ، انفراسٹرکچر کی بہتری کے پراجیکٹس کی بروقت تکمیل ضلعی انتظامیہ کی ترجیحات میں سرفہرست ہے۔ تمام علاقوں میں جاری منصوبہ جات مقررہ مدت میں مکمل کئے جائیں اور انکی تکمیل کے دوران معیاری میٹریل کا استعمال یقینی بنایا جائے۔ ان خیالات کا اظہار انہوںنے ایم پی اے چوہدری شبیر رضا کی زیر صدارت ڈسٹرکٹ کوآرڈینشن کمیٹی کے اجلاس سے خطاب کرتے ہوئے کیا۔ اس موقع پر ے ڈی سی فاروق رشید سندھو ، ایم پی ایز حاجی عمران ظفر ، چوہدری اشرف دیونہ ، میجر معین نواز ، میاں طارق محمود ، سابق ایم پی اے حاجی ناصر محمود ،نوابزادہ طاہر الملک ، اای ڈی او فنانس چوہدری محمد اصغر ، ای ڈی او ایگریکلچر رائو خالد ،ای ڈی او ایجوکیشن ، ایکسئین پرونشل ہائی وے محمد اشرف ، افتخار احمد ایکسین پبلک ہیلتھ انجینئر ، ڈی او کالجز چوہدری محمد افضل ، ڈی او لائیو سٹاک ڈاکٹر نصیر احمد ، ڈی او بلڈنگ آصف میر ، اسسٹنٹ ڈائریکٹر ایجوکیشن محمد اظہر اقبال ، ٹی ایم او گجرات خرم ترہنگی ، ٹی ایم او کھاریاں ملک شفقت ، ٹی ایم او سرائے عالمگیر قیصر امین وڑائچ ، محمد اکرم ایس ڈی او بلڈنگ پرونشل ، و دیگر بھی موجود تھے ۔اجلاس میں فیصلہ کیا گیا کہ ضلع کی جن یونین کونسلز میں ہائی سکول موجود نہیں وہاں ہائی سکولوں کے قیام کے حوالے سے فوری اقدامات کئے جائیں ۔ کمیٹی نے اس موقع پر حلقہ پی پی 113کی دو یونین کونسلوں سمبلی اور جلالپور صوبتیاں کے سکولوں کو اپ گریڈ کرنے کا فیصلہ کیا جبکہ ، وڑائچانوالہ میں پرائمری سکول کو مڈل کا درجہ دینے کی منظوری دی گئی۔ ڈی سی او لیاقت علی چٹھہ نے ای ڈی او ایجوکیشن کو ہدایت کی کہ نہم اور دہم کلاس کے تمام بچوں کا ریگولر داخلہ جانا چاہیے ۔ اجلاس میںفیصلہ کیا گیا کہ ضلع بھر کے 13سکولوں میں آئی ٹی لیب بنائی جائے گی ہر حلقے میں 4 ہائی یا ہائیر سکینڈری سکولوں میں طلبہ کی تعداد کو مدنظر رکھتے ہوئے فرنیچر فراہم کیا جائیگا ۔ ڈی سی او نے ای ڈی او ایجوکیشن کو ہدایت کی کی کہ سکول میں کم از کم 2ٹیچرز کی تعیناتی یقینی بنائی جائے ۔ اجلاس میں خطرناک قرار دیے گئے گیارہ سکولوں کی عمارتوں کی تعمیر نو کا فیصلہ کیا گیا۔ ای ڈی او ایجوکیشن کاشف طاہر نے بتایا کہ کسی بھی ٹیچر کا اس وقت تک تبادلہ ممکن نہیں جب تک وہ 3سال کا عرصہ اس سکول میں نہ لگائے ۔ ڈی سی سی نے گجرات تا دندی دارا سے پوٹھی راجگان تک سڑک تعمیر کرنے ، جلالپور جٹاں سے یونیورسٹی ڈبل کرنے کا بھی فیصلہ کیا۔ اسی طرح مدینہ سے لیکر اعوان شریف تک کارپٹ روڈ، منگووال سے ڈنگہ روڈ کنجاہ سمیت8سکیموں کی منظوری دی گئی جبکہ کھیت سے منڈی تک سٹرکوں کی تعمیر کے جاری منصوبے جلد مکمل کرنے کی ہدایت کی گئی۔ کمیٹی نے ڈنگہ سٹی، نندووال اور شیخ پور میں واٹر سپلائی سکیمیں جلد مکمل کرنے کی بھی ہدایت کی۔
۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع میں کسی کو بھی مصالحتی کمیٹیوں کاچیئرمین نہیںبنایاگیا
گجرات ( جی پی آئی )ضلع میں کسی کو بھی مصالحتی کمیٹیوں کاچیئرمین نہیںبنایاگیا ،اپنے آپ کو ڈسٹرکٹ چئیرمین ظاہر کرنے والوں کیخلاف قانونی کارروائی کی جائے گی ،ڈی پی او گجراتتفصیلات کے مطابق ضلع کے تمام تھانوں میں مصالحتی کمیٹیاںبنائی گئی ہیں جن کا کام مقامی سطح پر لوگوں کے گھریلو جھگڑے اور معمولی نوعیت کے لین دین کے معاملات میں مصالحت کروانا ہے ۔گجرات پولیس کی طرف سے مقرر کی گئی مصالحتی کمیٹیوں کے علاوہ جوکوئی شخص اپنے آپ کو کنوینئر مصالحتی کمیٹی یا ڈسٹرکٹ چئیر مین مصالحتی کمیٹی ظاہر کرے گا وہ جعل سازی تصور کی جائے گی اور اس کے خلاف قانونی کارروائی کی جائے گی۔
۔۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان مسلم لیگ (ن) کے ترجمان نے واضح کیا ہے کہ حکومت یا مسلم لیگ (ن) کی جانب سے عمران خان کو ڈپٹی وزیراعظم
گجرات ( جی پی آئی )پاکستان مسلم لیگ (ن) کے ترجمان نے واضح کیا ہے کہ حکومت یا مسلم لیگ (ن) کی جانب سے عمران خان کو ڈپٹی وزیراعظم بنائے جانے کی کوئی تجویز نہیں دی گئی ۔ انھوں نے کہا کہ مسلم لیگ (ن) کے مرکزی رہنما اور سابق ڈپٹی سپیکر قومی اسمبلی سینیٹر چوہدری جعفر اقبال نے موجودہ بحران کے حل کے لئے مختلف تجاویز پر مبنی ایک خط وزیر اعظم کے نام تحریر کیا ہے۔ لیکن اس خط میں عمران خان یا پی ٹی آئی سے کسی دوسرے کو ڈپٹی وزیر اعظم بنانے کی کوئی تجویز نہیں دی گئی۔ ترجمان کے مطابق سینیٹر چوہدری جعفر اقبال نے وزیر اعظم کے نام اپنے خط میں واضح طور پر تجویز کیا ہے کہ اپنی جماعت کی مشاورت کے بعد کسی پارلیمنٹ میں سے کسی ایسے رکن کو ڈپٹی وزیر اعظم نامزد کیا جائے جس پر دونوں ایوانوں کا اتفاق ہو۔ خط میں پیش کی گئی تجویز میں کہا ہے کہ ڈپٹی وزیر اعظم پی ٹی آئی کے ساتھ طے پانے والے کسی بھی ممکنہ معاہدے پر عمل درآمد کروانے اور اس حوالے سے ضروری آئینی اور قانونی معاملات کی نگرانی کرے گا۔
۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں جاری دھرنوں اور جلوسوں کیوجہ سے سبزیاں غریب کی پہنچ سے دور ہوگیں
گجرات (جی پی آئی) ملک بھر میں جاری دھرنوں اور جلوسوں کیوجہ سے سبزیاں غریب کی پہنچ سے دور ہوگیں،قمیتوں میں 70فیصد اضافہ سے شہری اور غریب عوام پریشانی کے عالم میں مبتلا ہوگئے۔گجرات شہر اور گردونواح میں سبزیوں کی قمیتوں کو آگ لگ گئی ہے،شہر بھر میں دوکان دار سبزیاں سرکاری ریٹ سے ہٹ کر مہنگے داموں فروخت کر کے غریب عوام اور شہریوں کو دونوں ہاتھوں سے لوٹ رہے ہیںمگر ضلعی انتظامیہ اور پرائس کنٹرول کمییٹاں بھی دوکانداروں کے خلاف کاروائی کرنے میں ناکام دکھائی دیتے ہیں۔گجرات میں آلو سوروپے،کریلے80 روپے،بھنڈی 90روپے،شملہ مرچ60روپے،پالک پچاس روپے،پیاز پچاس روپے،پھول گوبھی ستر روپے،مٹر120روپے فی کلو فروخت کیے جارہے ہیں،حکومت کی جانب سے غریب عوام کو سستے داموں اشیاء فروخت کرنے کے تمام دعوے دھرے کے دھرے رہ گئے ہیںرمضان المبارک کے بعد بھی قیمتوں میں کوئی واضح کمی نہیں آسکی،ضلعی انتظامیہ فوری نوٹس لے۔
۔۔۔۔۔۔۔۔۔۔۔۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات کے گائوں سوک کلاں میں واپڈا کی جانب سے زائدبلوں کی بھر مار کے بعد گائوں کے ہزاروں
گجرات (جی پی آئی) گجرات کے گائوں سوک کلاں میں واپڈا کی جانب سے زائدبلوں کی بھر مار کے بعد گائوں کے ہزاروں لوگوں نے بجلی کے جمع کروانے سے انکار کرتے ہوے بجلی کے بلوں کو آگ لگادی ہے اور انہوں نے بجلی کے بل بھی جمع کرانے سے انکار کردیاہے ،گائوں کے لوگوں کا کہنا ہے کہ واپڈا کی طرف سے لوڈشیڈنگ کے باجود بہت زیادہ بل آئے ہیں اس لیے عوام نے فیصلہ کیا ہے اس با ر بجلی کے بل جمع نہ کروائے جاہیںتاکہ واپڈا کو اپنے کرتوت کا پتہ چل سکے،لوگوں کی بڑی تعداد نے واپڈا اور حکومت کے خلاف نعرے بازی بھی کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان تحریک انصاف کے رہنما وچوہدری اجمل علی خاور نے کہا کہ اپنے قائد عمران خان
گجرات (جی پی آئی)پاکستان تحریک انصاف کے رہنما وچوہدری اجمل علی خاور نے کہا کہ اپنے قائد عمران خان کے حکم پر سب کچھ قربان کرنے کے لیے تیار ہیں جب تک وزیر اعظم میاں نواز شریف اپنے عہدہ سے استفیٰ نہیں دے دیتے اس وقت تک احتجا ج اور دھرنے جاری رکھیں گئے،انہوں نے کہا کہ ایک طرف تو میاں نواز شریف مذکرات کرتے ہیں تو دوسری طرف اپنے وزراء سے عمرا ن خان کو دھمکیاں دلواتے ہیں۔انہوں نے کہا کہ یہ بات سمجھ سے بالا تر ہے کہ میاں نواز شریف اور ان کے حواریوں میں شائد اتفاق ہی نہیں ہے،ن لیگ اب بوکھلاہٹ کا شکار ہو کر ریلیاں نکالنے میں مصروف ہو چکی ہے ۔میاں حمزہ شہباز شریف اپنے تایا میاں نواز شریف اور اپنے والد میاں شہباز شریف کو تباہ کرنے یاپھر انہیں بچانے کے لیے میدان میں آئے ہیں،چوہدریاجمل علی نے مزید کہا کہ عمران خان کمیٹید مین ہیںوہ جو فیصلہ کر لیتے ہیں اس پر آخری دم تک قائم رہتے ہیں،اب میاں نواز شریف نے فیصلہ کرنا ہے وہ اقتدار میں ریتے ہیں یا پھر استفیٰ دیتے ہیں۔پی ٹی ئی کے کارکن کسی سے ڈرنے والے نہیں ہیں وہ اپنے قائد عمران خان کے حکم پر لبیک کہنے پر تیار ہیں۔
۔۔۔۔۔۔۔۔۔۔۔۔۔۔۔۔۔۔۔۔۔َََََََََََ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
خواجہ سراء ایسوسی ایشن گجرات کے صدر زاہد عرف ریشم نے اپنے ایک بیان میں کہا کہ ناچ گانے سے اگر نیا
گجرات (جی پی آئی)خواجہ سراء ایسوسی ایشن گجرات کے صدر زاہد عرف ریشم نے اپنے ایک بیان میں کہا کہ ناچ گانے سے اگر نیا پاکستان بنتا ہے توہم بہترین ڈانس کرسکتے ہیںہمیں تمام جھگڑے ختم کر کے پاکستان کی فلاح کے لیے کام کرنا چاہیے،اگر پاکستان ہے تو سیاست ہوگی۔انہوں کہا کہ میاں نواز شریف،عمران خاں میاں شہباز شریف سمیت سب سیاستدان مکمل طور پر فیل ہوچکے ہیں ،ان کو چاہیے کہ و ہ پا کستان کو توڑنے کی بجائے اس کو مضبوط کرنے کی کوشش کریں۔خواجہ سراء ریشم نے کہا کہ ہم عمران خان کے جلسہ میں ڈانس کرنے کو بھی تیار ہیں مگر ڈانس سے تبدیلی نہیں آسکتی۔انہوں نے کہا کہ خواجہ سرائوں کو آج تیسرے درجے کا شہری سمجھا جاتا ہے اگرخواجہ سرائوں کو عزت ملی ہے تو صرف پرویز مشرف کے دور میںملی ہے ان خیالات کا اظہار انہوں نے گجرات میں میڈیا کے نمائندوں سے بات چیت کرتے ہوئے کیا اس موقعہ پر دیگر خواجہ سراء بھی موجود تھے۔
