چکوال شہر کی نئی بنائی گئی وارڈ نمبر 9 سے معروف کاروباری شخصیت چوہدری عشرت عباس نے الیکشن لڑنے کا اعلان کر دیا
چکوال(ڈسٹرکٹ رپورٹر) چکوال شہر کی نئی بنائی گئی وارڈ نمبر 9 سے معروف کاروباری شخصیت چوہدری عشرت عباس نے الیکشن لڑنے کا اعلان کر دیا ہے اورحال ہی میں بنائی گئی نئی وارڈ کو حلقہ بندی آفیسر اور ڈی سی او چکوال کے پاس چیلنج کرنے کا فیصلہ بھی کیا گیا ہے۔چوہدری عشرت عباس پڑھ لکھے نوجوان ہیںاور معروف صحافی و صدرالیکٹرانک میڈیا ایسوسی ایشن چکوال چوہدری عمران قیصر عباس کے چچا زاد بھائی ہیں، چوہدری عشرت عباس نے اپنے بیان میں کہا ہے کہ وارڈ نمبر 9 سے الیکشن لڑنے کا فیصلہ اپنے دوست احباب اور برادری کی مشاورت سے کیا گیا ہے۔ البتہ اگر پنجاب میں بلدیاتی الیکشن جماعتی بنیادوں پر ہوئے تو تمام دوست احباب اور برادری کی مشاورت سے کسی بھی جماعت سے ٹکٹ لینے کا فیصلہ کیا جائے گا۔چوہدری عابد علی خان، چوہدری اقدس عباس، چوہدری عمران قیصر عباس اور دیگر دوست احباب نے وارڈ نمبر 9میں اہم شخصیات سے بھر پور انداز میں عوامی رابطہ مہم شروع کر دی ہے ۔چوہدری عشرت عباس نے واضح انداز میں اپنے مخالفین کو پیغام دیا ہے کہ وہ عوام کے حقوق کی جنگ لڑنے کے لئے اور شہریوں مسائل کے فوری حل کرنے کے عزم سے سیاسی میدان میں آئے ہیں اور انشاء اللہ اس مشن کو جاری رکھے گے۔یاد رہے کہ چوہدری عشرت عباس کے والد چوہدری سلطان محمودٹھیکیدارمرحوم اور چچا چوہدری خضر حیات ٹھیکیدارمرحوم تھے ،اور ایم این اے بیگم عفت لیاقت علی خان ، ایم پی اے چوہدری لیاقت علی خان سے بھی قریبی رشتہ داری ہے۔چند روز میںچوہدری عشرت عباس تھنیل پھاٹک پر اپنے الیکشن آفس بھی قائم کر دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
الائنس ٹریولز سمیت شہر میں موجود اڈوں پر ٹرانسپورٹروں نے من چاہے کرایے لینا شروع کر دیئے
چکوال(ڈسٹرکٹ رپورٹر) الائنس ٹریولز سمیت شہر میں موجود اڈوں پر ٹرانسپورٹروں نے من چاہے کرایوں کا تعین کر دیا۔ صوفی APV سروس پر لاہور تا چکوال کرایہ 750جبکہ پارسل لانے لے جانے کا کام بھی زوروں پر۔ پارسل لانے کے لئے 200سے 300روپے تک وصول کئے جانے لگے قانون نافذ کرنے والے اداروں نے چپ سادھ لی۔ تفصیلات کے مطابق شہر کے عین وسط میں موجود اڈوں جن میں الائنس ٹریولز سرفہرست ہے پر لاہور تا چکوال کرایہ 750روپے فی سواری جبکہ صوفیAPV نامی کمپنی نے پارسل لانے اور لے جانے کا کام کافی عرصہ سے شروع کر رکھا ہے جس میں پارسل کاکرایہ بھی 300روپے تک وصول کیا جاتا ہے اس بارے میں موقف جاننے کے لئے جب اڈہ منیجر سے رابطہ کیا تو اس نے کہا کہ یہ اڈہ کس کا اور گاڑیاں کس کی ہیں شاید تمہیں معلوم نہیں اگر معلوم ہوتا تو تم یہ سوال نہ کرتے معلوم ہوا کہ اڈہ اور گاڑیوں کے مالکان کا تعلق حکومتی پارٹی سے ہے نہ جانے نوٹس کون لے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
موٹر سائیکل کے ساتھ ساتھ رجسٹریشن بک بھی چوری کرلی گئی
چکوال(نمائندہ خصوصی) محلہ نشاط کالونی کے رہائشی عدنان شبیر ولد محمد شبیر کا موٹر سائیکل گھر کے اندر کھڑا تھا اور گھر میں کوئی موجود نہ تھا کہ نامعلوم چور گیٹ کا تالا کاٹ کر دن ساڑھے نو سے ساڑھے بجے گھر کے اندر سے موٹر سائیکل سٹار ماڈل 2004، نمبری CHB352 چوری کرکے لے گئے ، موٹر سائیکل کے ساتھ ساتھ رجسٹریشن بک بھی چوری کرلی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او چکوال سے موٹر سائیکل چور گروہ کیخلاف کارروائی کا مطالبہ
چکوال(ڈسٹرکٹ رپورٹر) پٹرولیم مصنوعات کی قیمتوں میں اضافہ کے ساتھ ہی کولڈ ڈرنکس کمپنیوں نے بھی اپنی مصنوعات کی قیمتوں میں ناجائز حد تک اضافہ کردیا ذرائع کے مطابق ریگولر بوتل کی قیمت میں پچیس فیصد اضافہ کردیا گیاجو بوتل چند روز قبل بازار میں 20روپے کی فروخت ہورہی تھی آج کل 25روپے میں فروخت ہونے لگی شہریوں میں اس حوالہ سے یہ تجسس پایا جارہا ہے کہ اگر اشیاء خوردونوش کی قیمتیں اسی طرح تجاوز کرتی رہیں تو تھوڑے عرصہ بعد ہی یہ تمام اشیاء غریب کی پہنچ سے بہت دور جاچکی ہوں گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شہر بھر میں ناقص دودھ کی سرعام فروخت جار
چکوال(ڈسٹرکٹ رپورٹر) شہر بھر میں ناقص دودھ کی سرعام فروخت جاری، نام نہاد ڈیری والوں نے من چاہی قیمتیں لگا رکھی ہیں، انتظامیہ منتھلی وصول کرکے غائب ہوگئی، شہری پانی اور پاؤڈر ملا ناقص دودھ خریدنے پر مجبور ہوگئے۔ تفصیلات کے مطابق ڈیری والوں نے من پسند جگہوں پر من چاہے نرخوں کے عوض پانی اور پاؤڈر ملا دودھ فروخت کرنا شروع کررکھا ہے جس کو خریدنے پر شہری مجبور ہوچکے ہیں جبکہ دودھ 60سے70روپے فروخت کیا جارہا ہے جبکہ متعلقہ اداروں کی آنکھوں پر رشوت کی پٹی بندھ چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
منی سینما گھروں میں تبدیل ہونے والے انٹرنیٹ کیفے نئے آنے والے ڈی پی او کے لئے چیلنج بن سکتے ہیں
چکوال(ڈسٹرکٹ رپورٹر) شہر بھر میں منی سینما گھروں میں تبدیل ہونے والے انٹرنیٹ کیفے نئے آنے والے ڈی پی او کے لئے چیلنج بن سکتے ہیں مذکورہ کیفوں کے بارے میں مقامی اخباروں میں بارہا نشاندہی کی گئی لیکن ان کے خلاف کوئی کارروائی نہ ہوسکی۔ سابق ڈسٹرکٹ پولیس آفیسر کاشف مشتاق کانجو کے دور اقتدار میں کیفے مکمل آزادی سے چلتے رہے اور اب نئے آنے والے ڈی پی او سے امید کی جارہی ہے کہ وہ نوجوان نسل کو مزید تباہی کی طرف جانے سے روکنے کیلئے ان کیفوں کا محاسبہ کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
غیر معیاری کھانے، غیر معیاری اشیائے خوردونوش کا استعمال عوام میں بیماریاں فروخت کی جانے لگیں
چکوال(ڈسٹرکٹ رپورٹر) غیر معیاری کھانے، غیر معیاری اشیائے خوردونوش کا استعمال عوام میں بیماریاں فروخت کی جانے لگیں، شہریوں کی کثیر تعداد گیسٹرو سمیت متعدد بیماریوں میں مبتلا ہوٹلوں کے خریدوفروخت کا چیک اینڈ بیلنس کیا جائے۔ عوامی مطالبہ، تفصیلات کے مطابق شہر بھر میں فروخت ہونے والے غیر معیاری کھانوں سے طرح طرح کی بیماریاں پھوٹ رہی ہیں اور محکمہ فوڈ جس کاکام ہوٹلوں پر تیار ہونے والی اشیاء کی چیکنگ ہے اپنے فرائض سے غداری کررہا ہے جبکہ دوسری طرف نام نہاد ہوٹل مالکان نے سستی مگر غیر معیاری اشیا سے کھانا تیار کرنے کا دھندہ عروج پر پہنچا رکھا ہے عوامی حلقوں نے مطالبہ کیا ہے کہ ہوٹلوں کی خریدوفروخت کا چیک اینڈ بیلنس یقینی بنایا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھون چوک میں ٹھیہ مافیا کا مکمل راج
چکوال(ڈسٹرکٹ رپورٹر) بھون چوک میں ٹھیہ مافیا کا مکمل راج، انتظامیہ خاموش تماشائی، شام ہوتے ہی رنگا رنگ ٹھیہ بان اپنی ڈیڑھ اینٹ کی دکانیں سجانے میں مصروف عمل ہوجاتے ہیں اور بھون چوک کو مکمل طور پر گھیر لیتے ہیں شہر میں لگنے والے ٹھیوں سے لاقانونیت کا سماں بندھ چکا ہے عوامی نمائندوں اور ضلعی انتظامیہ نے ایکشن نہ لینے کی قسمیں اٹھا رکھی ہیں جوکہ ایک المیہ سے کم نہ ہیں ،عہدیداران ہوش کے ناخن لیں۔
Related Posts
