ڈی سی او چکوال یاور حسین نے یوتھ فیسٹول 2014ء کے انعقاد کے سلسلے میں ہر سطح پر تیاریاں مکمل
چکوال(بیورو رپورٹ) ڈی سی او چکوال یاور حسین نے یوتھ فیسٹول 2014ء کے انعقاد کے سلسلے میں ہر سطح پر تیاریاں مکمل کرنے کا حکم دے دیا۔ انہوں نے اسسٹنٹ کمشنر کو تحصیل سطح پر بھی یوتھ فیسٹول کے حوالے سے اجلاس بلانے کی بھی ہدایت کی تاکہ ابتدائی تیاریوں کے دوران پائی جانے والی خامیوں کو دور کیا جا سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی سی او آفس میں یوتھ فیسٹول کے حوالے سے منعقدہ ایک خصوصی اجلاس
اس امر کا فیصلہ ڈی سی او آفس میں یوتھ فیسٹول کے حوالے سے منعقدہ ایک خصوصی اجلاس میں کیا گیا۔ اجلاس میں اے ڈی سی شیریں ناز، اسسٹنٹ کمشنرز، ٹی ایم اوز، ڈسٹرکٹ سپورٹس آفیسر چکوال، چوہدری وحید احمد و دیگر ضلعی افسران اور ضلعی جنرل سیکرٹری مسلم لیگ ن ملک خالد ٹہی، ملک خوشحال خان ایڈووکیٹ مقامی سیاسی نمائندوں کے علاوہ سیمنٹ فیکٹ:ریوں کے نمائندوں نے بھی شرکت کی۔ اس موقع پر ڈی سی او نے شرکاء اجلاس سے کہا کہ وزیراعلیٰ پنجاب کے ویژن کے مطابق اس فیسٹول کا مقصد معاشرے کے قیام کے لیے صحت مندانہ سرگرمیوں کو فروغ دینا ہے تاکہ تمام شہری ملک کی تعمیر و ترقی میں اپنا موثر کردار ادا کر سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قبل ازیں ڈی او سپورٹس نے یوتھ فیسٹول کی تیاریوں اور انعقاد کے حوالے سے بریفنگ بھی دی۔
قبل ازیں ڈی او سپورٹس نے یوتھ فیسٹول کی تیاریوں اور انعقاد کے حوالے سے بریفنگ بھی دی۔ جس میں بتایا گیا کہ یوتھ فیستول کا انعقاد ضلع بھر کے1063بلاک میں 23دسمبر سے شروع ہوگا۔ جس پر ڈی سی او نے کہا کہ یونین کونسل کے سیکرٹری صاحبان اس فیسٹول کو کامیاب بنانے کے لیے ہر ممکن کاروائی عمل میں لائیں اور کھلاڑیوں کی رجسٹریشن کھیلوں کے میدان اور سامان و دیگر سہولیات کے علاوہ بہتر تشہیر اور بینر لگانے کا کام ترجیح بنیادوں پر کیا جائے انہوں نے کہا کہ اس فیستول کو کامیاب بنانے کے لیے بین الاقوامی اور ملکی سطح پر معروف کھلاڑیوں کومدعو کیا جائے اور ان کے ہاتھوں سے جیتنے والے کھلاڑیوں کو انعامات دلوائے جائیں ڈی سی او نے کہا کہ فیسٹول کے انعقاد میں کسی بھی قسم کی کوئی کمی بیشی نہیں رہنی چاہئے اور فیسٹول میں کھلاڑیوں میں مقابلے کی فضاء جبکہ عوام الناس میں جوش ولولہ نظر آنا چاہئے ڈی سی او نے اجلاس میں شریک سیمنٹ فیکٹریوںاور مخیر حضرات سے اپیل کرتے ہوئے کہا کہ گزشتہ فیسٹول کی طرح اس مرتبہ بھی فیسٹول میں مختلف ایونٹ میں کامیاب ہونیوالی ٹیموں اور کھلاڑیوں کو اپنی طرف سے زیادہ سے زیادہ انعامات دیں تاکہ نوجوان نسل منفی سرگرمیوں کی بجائے صحت مندانہ سرگرمیوں میں بڑھ چڑھ کر دلچسپی لیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
)ایڈووکیٹ ہائی کورٹ ناصر محمود کی تحریری درخواست پر نعیم چوہان ایڈووکیٹ کا پنجاب بار کونسل نے لائسنس معطل کر دیا
چکوال(بیورو رپورٹ)ایڈووکیٹ ہائی کورٹ ناصر محمود کی تحریری درخواست پر نعیم چوہان ایڈووکیٹ کا پنجاب بار کونسل نے لائسنس معطل کر دیا۔ناصر محمود ایڈووکیٹ نے پنجاب بار کونسل میں تحریری پٹیشن دائر کی تھی جس میں بتایا تھا کہ نعیم چوہان ایڈووکیٹ لین دین کے معاملے میں بدعنوانی کا مرتکب ہوا ہے۔ انکوائری میں الزام درست ثابت ہو گیا جس پر پنجاب بار کونسل نے نعیم چوہان ایڈووکیٹ کا لائسنس معطل کر دیا۔واضح رہے کہ ناصر محمود ایڈووکیٹ کا تعلق چکوال کے قصبہ راول بالا سے ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قصبہ بھرپور میں تیز رفتار ٹرک نے نوسالہ کمسن بچے کو کچل دیا
چکوال(بیورو رپورٹ)قصبہ بھرپور میں تیز رفتار ٹرک نے نوسالہ کمسن بچے کو کچل دیا۔ اہلیان گائوں نے احتجاجاً کلرکہار تلہ گنگ روڈ بلاک کر دی۔ نوسالہ محمد تقی ولد سفیر حسین سڑک کنارے کھیل رہا تھا کہ کلرکہار کی جانب سے آنے والے ٹرک نمبر ایس جی سی8395نے ٹکر ماردی۔ جس کی وجہ سے بچہ موقعہ پر ہی جاں بحق ہو گیا۔اہلیان گائوںنے تلہ گنگ کلرکہار روڈ احتجاجاً بلاک کر دی۔ کلرکہار پولیس نے فوری طور پر کاروائی عمل میں لاتے ہوئے ڈرائیور کو گرفتار کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ریونیو کا ریکارڈ کمپیوٹرائزڈ کرنے کا سلسلہ جاری
چکوال(بیورو رپورٹ)ریونیو کا ریکارڈ کمپیوٹرائزڈ کرنے کا سلسلہ جاری ہے۔ تاہم پٹواری بادشاہوں نے اپنے ریٹ دس گنا بڑھا دئیے ہیں۔ اور آئندہ دس سالوں کا مال پانی اسی سال بنانے میں مصروف عمل ہے۔ چکوال شہر کے پٹواریوںنے عوام کا جینا محال بنا رکھا ہے معمولی سے معمولی فرد اور دیگر معاملات کے لیے ہزاروں روپے رشوت لی جاتی ہے شہر میں تعینات پٹواری رشوت نہ دینے پر سائلین کو تگنی کا ناچ نچا دیتا ہے۔ اور حیلے بہانوں سے پریشان کرتا ہے شہریوں نے اصلاح احوال کا مطالبہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی انتخابات میں مسلم لیگ ن جنرل مجید ملک کی سرپرستی، چوہدری لیاقت کی صدارت
چکوال(بیورو رپورٹ)مسلم لیگ ن وکلاء ونگ کے سیکرٹری انفارمیشن آصف ملک ایڈووکیٹ نے کہا ہے کہ بلدیاتی انتخابات میں مسلم لیگ ن جنرل مجید ملک کی سرپرستی، چوہدری لیاقت کی صدارت ، میجر طاہر اقبال اور ملک تنویر اسلم کی رہنمائی اور حیدر سلطان کی قیادت میں بھرپور حصہ لے گی اور بھرپور کامیابی حاصل کرے گی۔ انہوں نے کہا کہ مسلم لیگ ن کی مقبولیت میں آئے روز اضافہ ہو رہا ہے جس کی وجہ عوام کا پارٹی پر بھرپور اعتماد ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
مسلم لیگ ن بلدیاتی انتخابات میں بھرپور حصہ لے گی
چکوال(بیورو رپورٹ)مسلم لیگ ن بلدیاتی انتخابات میں بھرپور حصہ لے گی اور تاریخی فتح حاصل کرے گی۔ کارکنان مجید ملک اور چوہدری لیاقت علی خان کی صدارت میں متحد اور متفق ہیں ان خیالات کا اظہار یوتھ ونگ کے رہنمائوں محمد افضال شازی،خالد اعوان، چوہدری باقر اور عامر جنجوعہ نے وارڈنمبر19اور وارڈ نمبر34میں کارنرمیٹنگ سے خطاب کے دوران کیا۔ انہوں نے کہا کہ مسلم لیگی ورکرز شہر کی ہر گلی اور محلہ میں الیکشن لڑیں گے اور ان کی محنت سے گیارہ مئی کے الیکشن سے بھی بہتر رزلٹ آئے گا۔ انہوں نے کہا کہ عوام مخالفین کے پروپیگنڈے میں نہیں آئیں گے۔کیونکہ چکوال نواز شریف سے محبت کرنیوالوں کا ضلع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلع چکوال میں زکوة و عشر کمیٹیوں کی تکمیل کا کام تقریباً مکمل کیا جا چکا ہے
چکوال(بیورو رپورٹ)چیئرمین ضلعی زکوة و عشر کمیٹی صوبیدار (ر) اکرم اعوان نے کہا ہے کہ ضلع چکوال میں زکوة و عشر کمیٹیوں کی تکمیل کا کام تقریباً مکمل کیا جا چکا ہے۔تاہم وزیراعلیٰ پنجاب کے احکامات کے مطابق نوٹیفکیشن آخری احکامات تک روک دیا گیا ہے اور جونہی وزیراعلیٰ کی طرف سے کوئی ہدایت آئے گی تو اس کے مطابق عمل کیا جائیگا۔گزشتہ روز اخبار نویسوں سے بات چیت کرتے ہوئے انہوں نے کہا کہ انتہائی شفاف انداز میں انتخابات کا مرحلہ مکمل ہوا تاہم قواعد و ضوابط کے مطابق تیسری اور چوتھی مرتبہ انتخابات میں حصہ لینے والوں کا چنائو نہیں کیا گیا۔کیونکہ کوئی بھی ممبر یا چیئرمین زکوة و عشر کمیٹی دو مرتبہ سے زیادہ نہیں بن سکتا۔انہوںنے کہا کہ ضلع بھر میں مجموعی طور پر 375زکوة و عشر کمیٹیاں بنائی گئی تھیں اکرم اعوان نے بتایا کہ وزیراعلیٰ کی ہدایات کے مطابق آئندہ لائحہ عمل طے کیا جائیگا۔ اگر انتخابات از سر نو منعقد کروانے کے لیے ہدایات جاری ہوئیں تو نئے انتخابات کروائے جائیں گے بصورت دیگر موجودہ کمیٹیوں کانوٹیفکیشن جاری کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
آتش گیر مادہ و دیگر سامان بغیر اجازت رکھنے پر ڈھڈیال پولیس نے ایک دکاندار کو گرفتار کرلیا
چکوال(بیورو رپورٹ)آتش گیر مادہ و دیگر سامان بغیر اجازت رکھنے پر ڈھڈیال پولیس نے ایک دکاندار کو گرفتار کرلیا۔جبکہ چوآسیدن شاہ پولیس نے دو افراد کے قبضہ سے ناجائز اسلحہ اور ٹمن پولیس نے بھی ایک شخص کے قبضے سے ناجائز اسلحہ برآمد کرلیا۔ڈھڈیال پولیس نے الطاف حسین نامی دکاندار کو بغیر اجازت آتش گیر مادہ و آتش بازی کا سامان رکھنے پر گرفتار کر لیا۔ چوآسیدن شاہ تھانہ کے سب انسپکٹر منصور مظہر نے ڈلوال سے ملزم فیصل اور ملزم آفیسر کے قبضہ سے 44بور رائفل اور30بور پستول برآمد کیے۔ ٹمن پولیس نے غازی خان کے قبضہ سے تیس بور پستول برآمد کر کے مقدمہ درج کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنڈی گجراں میں مرزا اینڈ سنز میں آتش زدگی ،گیس سلنڈر پھٹنے اور شارٹ سرکٹ کی وجہ سے ہوئی
چکوال(بیورو رپورٹ)پنڈی گجراں میں مرزا اینڈ سنز میں آتش زدگی ،گیس سلنڈر پھٹنے اور شارٹ سرکٹ کی وجہ سے ہوئی۔ آتشزدگی کے باعث دکان کی چھت اڑ گئی۔ پولیس موقعہ پر پہنچی اور تحقیقات کیں۔ تو پتہ چلا کہ دکان میں آگ سلنڈر پھٹنے کی وجہ سے لگی ہے۔ مرزا اینڈ سنز کے کاروباری رقیبوں نے واقعہ کو بارود پھٹنے کا رنگ دینے کی کوشش کی۔مگر کامیابی نہیں ہوئی،۔
