حلقہ بندیوں کے خلاف اعتراضات داخل کر دئیے گئے ہیں،جن پر سماعت کل ہوگی
چکوال (ڈسٹرکٹ رپورٹر)حلقہ بندیوں کے خلاف اعتراضات داخل کر دئیے گئے ہیں،جن پر سماعت کل ہوگی۔ارشد بٹ،شیخ شاہد ہارون، شیخ حسنین مہدی، خواجہ اشتیاق، خواجہ فہیم، راجہ انوار، ملک عرفان ،ملک مسرت اور دیگر بیس سے زائد افراد نے حلقہ بندیوں کے خلاف اعتراضات داخل کروائے ہیں۔جن پر پیر کے روز سماعت کی جائے گی۔درخواست گزاروںنے موقف اختیار کیا ہے کہ موجودہ حلقہ بندیوں میں اور1998ء کے شماریاتی بلاک کوڈ میں واضح طور پر تضاد پایا جاتا ہے۔ تحریری طور پر بلاک کی واضح حد بندی یا نشاندہی نہیں کی گئی۔ ووٹرز کا اندراج برابر رکھا جانا چاہئے تھا۔ جبکہ سروے آف پاکستان کی رپورٹ کو بھی مدنظر نہیں رکھاگیا۔ حلقہ بندیاں کرتے وقت کسی قسم کی کوئی کمیٹی تشکیل نہیں دی گئی۔ لہذاموجودہ حلقہ بندیاں کالعدم قرار دی جائیں۔حلقہ بندیوں کے خلاف اعتراضات کی سماعت کل بروز پیر صبح سے لے شام تک کی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
بلدیاتی انتخابات غیر یقینی صورت حال اختیار کر گئے ہیں۔ نئی بنائی جانیوالی حلقہ بندیوں نے صوبہ بھر میں ہلچل مچا دی ہے
چکوال(ڈسٹرکٹ رپورٹر)بلدیاتی انتخابات غیر یقینی صورت حال اختیار کر گئے ہیں۔ نئی بنائی جانیوالی حلقہ بندیوں نے صوبہ بھر میں ہلچل مچا دی ہے۔ اور ہر جگہ عوام میں شدید تحفظات پائے جاتے ہیں۔بلدیات کی ساری سیاست حلقہ بندیوں پر آ کر رک چکی ہے۔ موجودہ تشکیل پائی جانیوالی حلقہ بندیاں مسلم لیگ ن کے اندر خصوصاً اراکین اسمبلی میں شدید اختلافات کا باعث بنی ہیں۔ حکومت مخالف سیاسی پارٹیوں اور گروپوں نے پہلے ہی مزاحمت کے لیے لنگوٹ کسے ہوئے ہیں۔ اوپر سے مسلم لیگ ن
کے اپنے اندر پائے جانے والے اختلافات نے جلتی پر تیل کا کام کیا ہے۔ عوام میں بلدیاتی انتخابات کے حوالے سے غیر یقینی صورت حال پائی جاتی ہے۔ اسی فیصد عوام کا یہی خیال ہے کہ انتخابات رکوانے کیلئے ایسی فضاء پیداکی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سیف وے بوائز ہاسٹل چکوال میں جرائم پیشہ افراد کے قیام کا انکشاف ہوا ہے
چکوال(ڈسٹرکٹ رپورٹر) سیف وے بوائز ہاسٹل چکوال میں جرائم پیشہ افراد کے قیام کا انکشاف ہوا ہے۔چوروں اور ڈکیتوں کے دو گینگ گرفتار کیے جا چکے ہیں بھانڈا اس وقت پھوٹا جب ڈوہمن پولیس نے موبائل فون کمپنیوں کے ٹاورز کی بیٹریاں چوری کرنے والے ایک گینگ کو گرفتار کیا دوران تفتیش گینگ کے چار چوروںنے انکشاف کیا کہ وہ سیف وے بوائز ہاسٹل میں قیام پذیر ہیں۔جبکہ گزشتہ روز تھانہ سٹی چکوال نے اسی ہاسٹل میں مقیم ڈکیتی کی وارداتیںکرنے والے دو ڈاکوئوں کو گرفتار کرلیا۔معلوم ہوا ہے کہ سیف وے بوائز ہاسٹل کی انتظامیہ گرفتاریوں کے خوف سے غائب ہو چکی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکوال جہلم روڈ پر تین نوجوان موٹر سائیکل سوار ٹرک کی ٹکر سے جاں بحق ہوگئے
چکوال(ڈسٹرکٹ رپورٹر)چکوال جہلم روڈ پر تین نوجوان موٹر سائیکل سوار ٹرک کی ٹکر سے جاں بحق ہوگئے۔عبدالغفار ،نبی خان اور زاہد شاہ جہلم سے اپنے رشتہ داروں کو ملنے کھیوال آئے جہاں سے واپسی پر چتال کے قریب ان کا موٹر سائیکل تیز رفتاری کے باعث آگے جانے والے ٹرک کے نیچے گھس گیا۔ جس کی وجہ سے تینوں نوجوان جاں بحق ہو گئے۔ جاں بحق ہونیوالوں کی لاشیں ان کے آبائی علاقے روانہ کر دی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چکوال راولپنڈی روڈ پر نوجوان موٹر سائیکل سوار کھلاڑی سڑک پر بندھی رسی سے ٹکرا کر جاں بحق ہو گیا
چکوال(ڈسٹرکٹ رپورٹر)چکوال راولپنڈی روڈ پر نوجوان موٹر سائیکل سوار کھلاڑی سڑک پر بندھی رسی سے ٹکرا کر جاں بحق ہو گیا۔راجہ عبدالباسط موٹر سائیکل پر جا رہا تھا کہ عثمانیہ مسجد کے قریب سڑک پر باندھی گئی رسی نظر نہ آنے کے باعث اس کے گلے کے ساتھ ٹکرا گئی۔ اور وہ گر پڑا۔ سر میں شدید چوٹیں آئیں۔فوری طورپر راولپنڈی ہسپتال لے جایا گیا مگر جانبرنہ ہوسکا۔ متوفی کو بھنوڑہ قبرستان میں سپرد خاک کر دیاگیا۔ نماز جنازہ میں سابق رکن قومی اسمبلی چوہدری ایاز امیر، ایم پی اے چوہدری لیاقت علی خان، تحریک انصاف کے رہنمائوں چوہدری علی ناصر بھٹی اور راجہ یاسر سرفراز خان سمیت علاقہ بھر سے سیاسی و سماجی شخصیات نے شرکت کی۔ حادثہ عثمانیہ مسجد کی انتظامیہ کی نااہلی کے باعث پیش آیا۔جس نے غیر قانونی طور پر سڑک پر رسی باندھ کر اسے بلاک کر رکھا تھا۔ جبکہ کوئی رکاوٹ نہیں ڈالی گئی تھیں کہ جس کی وجہ سے ٹریفک متبادل راستہ اختیارکرتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ھانہ سٹی کے علاقے محلہ فاروقی سے نامعلوم چور لاکھوں روپے مالیت کے قیمتی زیورات چوری کر کے فرار ہو گئے
چکوال(ڈسٹرکٹ رپورٹر)تھانہ سٹی کے علاقے محلہ فاروقی سے نامعلوم چور لاکھوں روپے مالیت کے قیمتی زیورات چوری کر کے فرار ہو گئے۔ چور نایاب حیدر کے گھر داخل ہوئے اور سترہ لاکھ پچہترہزار روپے کے طلائی زیورات اور ضروری کاغذات چوری کر کے لے گئے۔ پولیس نے مقدمہ درج کر کے تفتیش شروع کر دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیز رفتار گاڑی کی رکشے کو ٹکر،دو افراد شدید زخمی ہو گئے
چکوال(ڈسٹرکٹ رپورٹر)تیز رفتار گاڑی کی رکشے کو ٹکر،دو افراد شدید زخمی ہو گئے۔محمد شہزاد اور غلام مصطفی وغیرہ رکشہ پر بیٹھ کر گھر جا رہے تھے کہ پیچھے سے آنے والی گاڑی آئی ڈی ایس7376نے ٹکر ماردی، جس سے وہ شدید زخمی ہو گئے
پولیس نے مقدمہ درج کر لیا۔
Related Posts
