گجرات ( جی پی آئی ) پورے ملک کی طرح گجرات میں بھی آج تعلیمی ادارے کھلے رہے ہیں ‘ دی ایجوکیٹرز بارہ دری کیمپس میں بھی تعلیمی سر گرمیوں کا آغاز آج سے دوبارہ ہو گا ۔ سکیورٹی کے تمام انتظامات مکمل کر لئے گئے ہیں ۔ سی سی ٹی وی کیمرے نصب کر دیئے گئے ہیں ‘ اور مسلح گارڈ سکول کے چاروں اطراف تعینات کر دیئے گئے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چودھری شجاعت حسین نے سمیرا رحمان کو پاکستان مسلم لیگ آسٹریا کی صدر مقرر کر دی
گجرات (جی پی آئی )پاکستان مسلم لیگ کے صدر و سابق وزیراعظم سینیٹر چودھری شجاعت حسین اور سینئرمرکزی رہنما و سابق نائب وزیراعظم چودھری پرویزالٰہی اور مونس الٰہی سے یہاں ان کی رہائش گاہ پر آسٹریا میں مقیم ممتاز ماہر قانون و سماجی شخصیت سمیرا رحمان نے ملاقات کی اور ان کی قیادت پر مکمل اعتماد کا اظہار کیا۔ انہوں نے کہا کہ وہ چودھری پرویزالٰہی کی جانب سے اپنے دورِ حکومت میں تعلیم، صحت، امن عامہ اور غریب و عام آدمی کی فلاح و بہبود کیلئے کیے گئے انقلابی کاموں سے بہت متاثر ہیں جن سے پنجاب کے عوام کو بہت فائدہ پہنچا اور 1122، پٹرولنگ پوسٹ اور ان جیسے دیگر منصوبوں سے عوام ابھی تک مستفیض ہو رہے ہیں۔ چودھری شجاعت حسین اور چودھری پرویزالٰہی نے انہیں پاکستان مسلم لیگ آسٹریا کی صدر مقرر کرتے ہوئے امید ظاہر کی کہ وہ اپنی تمام تر صلاحیتیں پاکستان اور پاکستان مسلم لیگ کی بہتری کیلئے بروئے کار لائیں گی۔ انہوں نے کہا کہ بیرون ملک مقیم پاکستانی ملک و قوم کا قابل قدر سرمایہ ہیں اور پاکستان کا امیج اور معیشت بہتر بنانے کیلئے ان کی خدمات کی جتنی تعریف کی جائے کم ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) ممتاز مذہبی راہنما صدر شیعہ علماء کونسل سید الطاف عباس کاظمی کے نو مولود صاحبزادے کے ایصال ثواب کیلئے ختم قل کی محفل اُن کی رہائشگاہ پر منعقد ہوئی ‘ ممتاز عالم دین علامہ زمان حسین الحسینی نے خصوصی خطاب کیا ۔ اس موقع پر ضلع بھر سے مذہبی سیاسی سماجی شخصیت نے کثیر تعداد میں شرکت کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) ممتاز کاروباری شخصیت سابق سینئر نائب صدر گجرات چیمبر آف کامرس اینڈ انڈسٹری سید آصف رضا نقوی امریکہ کے دورے کے بعد وطن واپس پہنچ گئے ۔ دورہ کے دوران اُنہیں نے مختلف تقریبات میں شرکت کی ۔ اور اہم شخصیات سے ملاقاتیں کی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) سابق سینئر نائب صدر گجرات چیمبر آف کامرس اینڈ انڈسٹری سیدآصف رضا نقوی گزشتہ روز تعزیت کیلئے ممتاز سماجی شخصیت رانا مشرف علی ناز کی رہائشگاہ پر گئے ‘ اور اُن کی وفات پر گہرے رنج و غم کا اظہار کیا ۔ اور مرحوم کے ایصال ثواب کیلئے فاتحہ خوانی کی ۔ اور مرحوم کے صاحبزادگان رانا کاشف رضا اور رانا ثاقب رضا سے افسوس کا اظہار کیا ۔ ڈاکٹر رزاق احمد غفاری ‘ رانا نذیر احمد ‘رانا ملازم حسین بھی موجود تھے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) سٹیزن فرنٹ ضلع گجرات کے صدر چوہدری علی ابرار جوڑا ‘ سٹی صدر شیخ عرفان پرویز ‘ ضلعی جنرل سیکرٹری عامر چوہدری اور ڈاکٹر رزاق احمد غفاری گزشتہ روز تعزیت کیلئے ممبر سپریم کونسل سٹیزن فرنٹ رانا مشرف علی ناز کی رہائشگاہ پر گئے ۔ اور اُن کی وفات پر اُن کے صاحبزدگان سے اُفسوس کا اظہار کیا ۔ اور مرحوم کی خدمات اُنہیں خراج تحسین پیش کیا ۔ اس موقع پر رانا مشرف ناز کے صاحبزدگان نے سٹیزن فرنٹ کے ساتھ چلنے کا ایادہ کیا ۔ سٹیزن فرنٹ کے عہدیداران اُنہیں بھرپور تعاون کی یقینی دہانی کروائی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی ) عید میلاد النبی ۖ کے موقع پر موٹرسائیکل ریلی کے انعقاد اور مرکزی میلاد جلوس میں بھرپور شرکت پر سٹیزن فرنٹ کے عہدیداران مبارکباد کے مستحق ہیں ‘ ان خیالات کا اظہار سٹیزن فرنٹ ضلع گجرات کے صدر چوہدری علی ابرار جوڑا نے سپریم کونسل کے ماہانہ اجلاس سے خطاب کرتے ہوئے کیا ۔ انہوں نے کہا کہ سٹی صدر شیخ عرفان پرویز خراج تحسین کے مستحق ہیں کہ انہوں نے شاندار موٹرسائیکل ریلی کا انعقاد کیا اور خوش قسمت ہیں وہ لوگ جو حضور اکرم ۖ کی ولادت باسعادت کے موقع پر خوشی مناتے ہیں ‘ قبل ازیں اجلاس کا باقاعدہ آغاز فنانس سیکرٹری راجہ محمد اعجاز نے تلاوت قرآن پاک سے کیا ۔ جبکہ چیئر مین سپریم کونسل چوہدری ندیم طفیل نے ہدیہ نعت پیش کیا ۔ جنرل سیکرٹری عامر چوہدری نے سابقہ اجلاس کی کارروائی پڑھ کر سنائی اور ممبران سے اس کی توثیق کروائی اجلاس میں سٹیزن فرنٹ تھنکرز فورم کے چیئر مین افتخار بھٹہ نے آج کا پاکستان اور قائداعظم کے حوالے سے منعقد ہونے والی فکری نشست کی سے رپورٹ پیش کی ‘ جس پر اراکین سپریم کونسل نے افتخار بھٹہ اور شیخ عرفان پرویز کو شاندار انتظامات کرنے پر مبارکباد پیش کی ۔ اجلاس میں بجلی اور گیس کی بے تحاشہ لوڈ شیڈنگ پر شدید غم و غصے کا اظہار کیا ۔ آخر میں چیئر مین مجلس عاملہ سٹیزن فرنٹ الحاج رانا مشرف علی ناز کی وفات پر خصوصی دعا کی گئی کہ اللہ تعالیٰ رانا مشرف علی ناز کو جنت الفردوس میں اعلیٰ جگہ دے اور ان کے بیٹوں و دیگر پسماندگان کو صبر جمیل عطا کرئے ‘ اجلاس میں شیخ عرفان پرویز ‘ چوہدری ندیم طفیل ‘ راجہ محمد اعجاز ‘ ڈاکٹر رزاق احمد غفاری ‘ افتخار بھٹہ ‘ حاجی محمد اسلم جاوید اور عامر چوہدری نے بھی اظہار خیال کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی )سانحہ شہدائے میلاد مصطفی راولپنڈی کیخلاف شیعہ علماء کونسل پاکستان کی کال پر ملک بھر کی طرح شیعہ علماء کونسل راولپنڈی ،جعفریہ یوتھ ،تحریک القائم پاکستان اور جانثاران اہلبیت کے زیر اہتمام پریس کلب ،مری روڈ، راولپنڈی کے باہر احتجاجی مظاہرہ کیا گیا ۔ احتجاجی مظاہرہ کی قیادت ضلعی صدر شیعہ علماء کونسل راولپنڈی مولانا قاسم جعفری ،سینئر نائب صدر شیعہ علماء کونسل راولپنڈی مولانا سید ضیغم عباس نقوی،مولانا ناصر حسین نجفی ،سید محمود نقوی ڈویژنل جنرل سیکرٹری شیعہ علماء کونسل راولپنڈی ،سید نزاکت نقوی ضلعی جنرل سیکرٹری شیعہ علماء کونسل راولپنڈی،راحت کاظمی ،تطہیر رضوی ،زاہد جعفری سمیت دیگر رہنماوں نے کی ۔احتجاجی مظاہرہ میں سینکڑوں مومنین و کارکنان نے شرکت کی ،مظاہرین نے اس موقع پر اپنے ہاتھوں میں بینرز و پلے کارڈ اُٹھا رکھے تھے جس پر دہشت گردی میں ملوث افراد کو گرفتار کرکے تختہ دار پر لٹکانے کے مطالبات درج تھے۔ احتجاجی مظاہرین سے خطاب کرتے ہوئے شیعہ علماء کونسل راولپنڈی کے راہنمائوں نے سانحہ راولپنڈی کی شدید الفاظ میںمذمت کرتے ہوئے کہا کہ ہم حکومت سے مطالبہ کرتے ہیں کہ دہشت گردوں کاخاتمہ کرتے ہوئے شہدائے میلاد مصطفی ۖ کے واقعہ میں ملوث افراد کاسراغ لگا کر اور ان کے سہولت کاروں اور سرپرستوں کو گرفتار کرکے تختہ دار پر لٹکایا جائے ۔اس موقع پر قرار دیں بھی پاس کی گئی جس میں کہا گیا کہ شیعہ علماء کونسل پاکستان دہشت گردی کے خلاف جنگ میں اپنی پاک فوج کے ساتھ شانہ بشانہ کھڑی ہے اور دہشت گردوں کو پھانسیاں دینے کا جو عمل شروع کیا ہے اسے جاری رہنا چائیے۔شیعہ علماء کونسل پاکستان آخری دہشت گرد کے خاتمہ تک حکومت کے ساتھ ہر ممکن تعاون کرنے کو تیار ہے ۔اس موقع پر حکو مت سے مطالبہ بھی کیا گیا کہ عدل و انصاف کے تقاضوں کو پو را کرتے ہوئے قاتلوں کو فی الفور گرفتارکرکے کیفرو کردار تک پہنچایا جائے۔اور اس ملک میں شیعہ سنی صدیوں سے متحد ہیں اور تیسری طاقت اس اتحاد کو پارہ پارہ کرنا چاہتی ہے ان افراد کو بھی ضرب عضب کے نشانہ پر رکھا جائے۔آخر میں شہداء کے لواحقین و پسماندگان سے اظہار تعزیت کرتے ہوئے شہداء کی بلندی درجات کے لئے دعائے مغفرت فرمائی اور فاتحہ خوانی کی گئی۔بعد ازاں احتجاجی مظاہر ہ پُر امن طور پر اختتام پذیر ہوا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات ( جی پی آئی )قائد ملت جعفریہ پاکستان علامہ سید ساجد علی نقوی نے جید عالم دین اور گلگت بلتستان کی معروف اور متحرک مذہبی و سماجی شخصیت علامہ سید ضیاء الدین رضوی کی 10 ویں برسی کے موقع پر اپنے ٹیلی فونک خطاب میں کہا ہے کہ شہید کی فکر اور مشن کو پایہ تکمیل تک پہنچانے کے لئے عملی جدوجہد کرنے کی ضرورت ہے ۔شہید رضوی نے گلگت بلتستان کے عوام کی سیاسی حقوق ، معاشرتی حقوق ، سماجی حقوق ، تعلیمی حقوق کے لیے بھر پور جدوجہد کی جو کہ ہم سب لے لیے مشعل راہ ہے ۔ انہوںنے مزید کہا کہ عالمی اور ملکی مسائل پر شہید کا جو کردار رہا اُس کو ہم کبھی بھی فراموش نہیں کرسکتے ہیں ۔ نصاب تعلیم کے حوالے سے آغا ضیاء الدین کی جدوجہد جاری ہے جس کے لیے سب کو ملکر کام کرنے کی ضرورت ہے ۔ انہوں نے مزید کہا کہ دہشت گردی اور ٹارگٹ کلنگ کی لعنت نے ملک کی چولیں ہلاکررکھ دیں’ سال 2015 کا بڑا سانحہ گذشتہ روز چٹیاں ہٹیاں راولپنڈی میں محفل میلاد پر خود کش حملہ ہے جس میںسات معصوم اور قیمتی جانیں لقمہ اجل بن گئیں، عوام کے پاس اس ظلم و بربریت اور کھلی درندگی کے خلاف پرامن انداز میں صدائے احتجاج کے علاوہ کوئی راہ نہیں مگر ریاست اور امن و امان کے ذمہ داروں کی جانب سے متاثرہ عوام کے زخموں پر مرہم رکھنے کے لئے ابھی بہت کچھ کرنا باقی ہے۔علامہ ساجد نقوی نے کہا کہ ایک مدت سے منظم انداز میں جاری قتل و غارتگری ‘ دہشت گردی اور ٹارگٹ کلنگ کے شکا رعوام یہ جاننے کا حق رکھتے ہیں کہ آخر یہ دہشت گرد اور قاتل اتنے قوی کیسے ہوگئے کہ جب چاہیں اور جہاں چاہیں سرکاری’نجی عمارتوں ‘ بازاروں’ مزارات اور معصوم لوگوں کے خون سے ہولی کھیلنا شروع کردیتے ہیں ۔قائد ملت جعفریہ پاکستان نے علامہ سید ضیاء الدین رضوی کی مذہبی’ ملی اور قومی خدمات کو زبردست الفاظ میں خراج تحسین پیش کرتے ہوئے ان کی جدوجہد کو جاری رکھنے کی ضرورت پر زور دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)یونیورسٹی آف گجرات میں آج 12جنوری سے تمام تعلیمی سرگرمیاں بحال ہو جائیںگی،وائس چانسلر ڈاکٹر ضیاء القیوم نے سیکورٹی انچارج کرنل مشتاق ہاشمی کے ہمراہUoGاور اس کے چاروں محلقہ کالجز کا خود دورہ کیا اور سیکورٹی امور کا جائزہ لیاچاروں پرنسپلز سے بریفنگ لینے کے بعد مزید ہدایات جاری کیں،وائس چانسلر نے ہاسٹلز،لائبریری اوراکیڈمک بلاک کے سیکورٹی انتظامات کا بھی جائزہ لیا۔تمام زمینی حقائق جانے کے بعدUoGمیں کسی بھی صورتحال سے نمٹنے کے لیے سرکاری سیکورٹی اداروں کے ساتھ ملکر فل ڈریس ریہرسل بھی کی گی اس موقع پر میڈیا سے گفتگو کرتے ہوئے وائس چانسلر ڈاکٹر ضیاء القیوم نے کہا کہ UoGانتظامیہ سیکورٹی کے ملکی صورتحال سے بخوبی آگاہ ہے اور اپنے ادارے کے تحفظ کے لیے اپنی ذمہ داریوں کا مکمل ادراک رکھتی ہے سیکورٹی کے تمام امور پر نظر ہے UoGانتظامیہ اپنے طلبہ ،سٹاف اور ادارے کے تحفظ کے لیے کوئی کسر اٹھانہی رکھے گی طالب علم اور والدین اطمینان رکھیں ہم اپنے فرائض کی ادائیگی کے لیے تیار ہیں اس وقت ہر فرد کو قومی ذمہ داریوں کو نبھانا ہے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)تھانہ کنجاہ کے علاقہ جسوکی سے سی آئی اے سٹاف نے پانچ جواریوں کورنگے ہاتھوںگرفتارکرلیاتفصیلات کے مطابق سی آئی اے سٹاف گجرات کے انسپکٹرفیض رسول نے مخبرکی اطلاع پرجسوکی میںچھاپہ مارکرملزمان زاہدعمران عرف سمی ،سیدتقی عباس ،ریاض احمدبھٹی،محمدانصروغیرہ سکنہ ہائے جسوکی کورنگے ہاتھوںگرفتارکرکے تاش کے پتے اور دائوپرلگی ہوئی رقم 13700روپے برآمدکرکے قماربازی ایکٹ کے تحت مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)دومسلح ڈاکوئوںنے مچھیانہ کے قریب ایک شخص سے موٹرسائیکل ،موبائل اورہزاروںروپے نقدی چھین لیے ،تفصیلات کے مطابق رکھ کولاںتھانہ ڈنگہ کے رہائشی لیاقت علی سے اس کی ہنڈاموٹرسائیکل 125اپلائیڈفارچھبیس ہزارروپے نقدی اوردوعددقیمتی موبائل گن پوائنٹ پرچھین لیے کنجاہ پولیس نے مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)اے سی گجرات نے مہنگے داموںاشیائے خوردونوش فروخت کرنے والوںکے چالان کرکے ان کوگرفتارکرلیا تفصیلات کے مطابق اے سی گجرات میاںمظہراقبال نے مہنگے داموںاشیائے خوردونوش فروخت کرنے والے دکانداروںسیدمحمودالحسن ، نعمان عرف نومی سکنہ ہائے شادیوال،محمدارشدساکن کوٹ قطب دین،محمدشکیل ،ارشدمحمود،نصیراحمدسکنہ ہائے گولیکی ،محمدعمران ساکن خوجیانوالی کے چالان کرکے ان کوگرفتارکرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات(جی پی آئی)صدرپریس کلب کنجاہ محمدبلال بٹ نے کنجاہ پریس کلب 2015کے سالانہ انتخابات کیلئے 16جنوری بروزجمعةالمبارک کوشام 5بجے کنجاہ پریس کلب میںپریس کلب کے ممبران کااجلاس طلب کرلیاہے تمام ممبران وقت مقررپرتشریف لاکراپنی حاضری کویقینی بنائیںتاکہ الیکشن شیڈول کااعلان کیاجاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) ٹی ایم اے گجرات کی جانب سے پانی کی موٹر اتارنے سے شہری پانی سے محروم ہو گئے ، ٹی ایم اے کے اہلکاروں نے محلہ شاہ حسین کے مکینوں کو پانی مہیا کرنے والی موٹر بغیر بتائے اتار دی ، جس سے شہری پانی سے محروم ہو گئے ، مکینوں کو پانی کی عدم دستیابی کے باعث شدید مشکلات کا سامنا کرنا پڑ رہا ہے ، دفاتر جانے والے گھریلو خواتین کو روزمرہ کے کاموں میں دقت پیش آ رہی ہے جبکہ نمازیوں کو وضو کرنے کے لیے بھی پانی دستیاب نہیں ہے ، ٹی ایم اے ذرائع کا کہنا ہے کہ محلہ شاہ حسین کے لوگوں کو مشن ہائی سکول کی موٹر سے پانی فراہم کیا جا رہا ہے ، اہل علاقہ کا کہنا ہے کہ مشن ہائی سکول والی موٹر سے بھی پانی نہیں مل رہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات (جی پی آئی ) کنجاہ چمن ہوٹل پرکنجاہ پریس کلب کی حلف برادری تقریب منعقدہوئی۔بانی سرپرست کنجاہ پریس کلب اعتاق احمدکھٹانہ نے ساتھیوں کے ہمراہ آنے والے معززمہمانوں کااستقبال کیا۔ڈاکٹرمحمدعارف مسعود(فاضل ہسپتال کنجاہ)نے کنجاہ پریس کلب کے عہدیداران کاحلف لیا۔تقریب میں صدرمرکزی انجمن تاجران کنجاہ سیٹھ قمرخورشیدصراف۔صدرہمدردویلفیئرسوسائٹی کنجاہ حکیم لیاقت علی بٹ۔پاکستان پیپلزپارٹی کے راہنمامیرشکیل احمد۔چوہدری رفاقت پرویزگلفام۔صدرپاکستان مسلم لیگ ق چوہدری مدثروڑائچ زیلدار۔حاجی محمداخترگاکھڑیا۔میراصغرکنجاہی سرپرست بزم غنیمت وشریف کنجاہی ۔شہزادہ عثمان طاہر۔شہزادہ عمیرطاہرموجودتھے۔کنجاہ پریس کلب کے بانی وسرپرست اعتاق احمدکھٹانہ،صدرعبدالحفیظ صراف نے آنے والے مہمانوں کاشکریہ اداکیا۔
