دی ایجوکیٹرز بارہ دری کیمپس کی بارہویں سالگرہ جوش و خروش کے ساتھ منائی گئی ایڈمنسٹریٹر شہزاد شفیق نقشبندی نے تقریب
گجرات (جی پی آئی ) دی ایجوکیٹرز بارہ دری کیمپس کی بارہویں سالگرہ جوش و خروش کے ساتھ منائی گئی ایڈمنسٹریٹر شہزاد شفیق نقشبندی نے تقریب کی صدارت کی سکول کے آغاز سے کام کرنے والے چوکیدار انصر علی ‘آیا زہرہ اور سٹوڈنٹ زین العابدین نے دست مبارک سے کیک کاٹا ‘ اس موقع پر ایڈمنسٹریٹر شہزاد شفیق نقشبندی نے کہا کہ اساتذہ اکرام اور طلباء و طالبات سے خطاب کرتے ہوئے واضع کہا کہ ہمارا سکول دین محض ایک عمارت کا نام نہیں بلکہ یہ وہ مقدس جگہ ہے ‘ جہاں بچو ں کو جہالت کی تارکیوں سے نکال کر علم و آگہی کی روشنی میں مہیا کی جاتی ہے ‘ ان کی سوچ ‘ عادات اور معمولات کی اصلاح کی جاتی ہے ‘ یہ اللہ رب العزت کا لاکھ لاکھ شکر ہے کہ ہم آج سے بارہ سال پہلے جس سفر کیلئے چند رفتاء کار کے ساتھ نکلے تھے ‘ الحمد اللہ اب وہ کامل کا روان بن چکا ہے ‘ چند کمروں پر قائم ہونے والا سکول اب جدید طرز تعمیر کا بہترین نمونہ ہے ‘ جس میں طلباء و طالبات کی تعلیم سرگرمیوں کے علاوہ کشادہ کمپیوٹر لیبارٹری ‘وسیع کھیل کا میدان لائبریری اور انٹر ایکٹو بورڈ متعاف کروائے گئے ہیں ‘ ایڈمنسٹریٹر شہزاد شفیق نقشبندی نے اپنے خطاب میں مزید کہا کہ ماہ اگست 2014ء میں سکول میں ایک پکچر گیلری قائم کی گئی ہے ‘ جس میں تحریک پاکستان کے عمائدین اور ان کی زندگی کا مختصر احاطہ کیا گیا ہے ‘ یہ سب میری کاوش کا نتیجہ نہیں بلکہ اس کامرانی کے سفر میں میرے اساتذہ اکرام ‘ کلرک ‘ چوکیدار ‘ مالی اور چپڑاسی تک سب شامل ہیں ‘ ایڈمنسٹریٹر شہزادشفیق نقشبندی نے آخر میں حاضرین و ناظرین کو مخاطب کرتے ہوئے اپنے حالیہ میٹرک رزلٹ 2014ء کا تذکرہ کیا ‘ جس میں اس ادارے کے ہونہار طلباء و طالبات نے نہ صرف کامیابی کے جھنڈے گاڑے بلکہ ایک طالبہ نے 1006نمبر لیکر اس تعلیمی ادارے کی عظمت کو چار چاند لگائے ‘ میں سمجھتا ہوں کہ آج یہ تعلیمی ادارہ جس مشن کو لیکر چلا تھا ‘ اس میں کما حقہ پورا اترا ہے ‘ خداوند کریم کی خصوصی کرم نوازی اور کالی کملی والے کے صدقے ہمیں اپنے پیشے پر اور اس کے لئے کی گئی جدوجہد پر اطمینان ہے ‘ اس موقع پر ملک کی ترقی اور سلامتی کیلئے دعائیں کی گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سول کی نافرمانی ملک و قوم کے ساتھ غداری ہے ایسا اعلان کرنے والے سیاستدان نہیں ہو سکتے ان خیالات کا اظہار
گجرات ( جی پی آئی ) سول کی نافرمانی ملک و قوم کے ساتھ غداری ہے ایسا اعلان کرنے والے سیاستدان نہیں ہو سکتے ان خیالات کا اظہار ممتاز مسلم لیگی رہنما رانا مشرف علی ناز نے کیا ‘ انہوں نے کہا کہ میاں برادران کی شبانہ روز محنتوں کی وجہ سے پاکستان کا وقار بلند ہوا غیر ملکی سرمایہ کاری ملک میں آنے لگی ملک ترقی کی راہ پر گامزن ہو گیا ہے ‘ ایسے میں جو لوگ ملک و قوم کے خیر خواہ نہیں وہ افر اتفری پھیلانے میں مشغول ہو گئے ہیں ‘ انہوں نے کہا کہ اب وقت آیا گیا ہے محب وطن قوتوں کو آگے آنا ہو گا ‘ اور ملک و قوم کے تحفظ کیلئے اپنا کردار ادا کرنا ہوگا ‘ رانا مشرف علی ناز نے کہا ہے کہ جو لوگ دھرنوں کی سیاست کر رہے ہیں ‘ انہوں نے ملک و ترقی کا پہیہ روکنے کی سازش کی ہے ‘ ایسے لوگوں کے خلاف حکومت کو سخت ایکشن لینا چاہیے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات فرینڈز لائنز کلب کے ممبران و عہدیداران نے جشن آزادی کے سلسلہ میں آنے والی آزادی ٹرین کا بھرپور استقبال کیا
گجرات ( جی پی آئی ) گجرات فرینڈز لائنز کلب کے ممبران و عہدیداران نے جشن آزادی کے سلسلہ میں آنے والی آزادی ٹرین کا بھرپور استقبال کیا ریلوے اسٹیشن گجرات پر اسٹیشن ماسٹر غضنفر علی کے ہمراہ آزادی ٹرین کے شرکاء کو خوش آمدید کہا گیا ۔ صدر ڈاکٹر شیخ ثوبان شاہد ‘ لائن احسن متین ملک ‘ لائن ڈاکٹر رزاق احمد غفاری ‘ لائن شیخ ریحان عرفان نے آزادی ٹرین کا دورہ کیا گیلری میں اپنے تاثرات کا اظہار کیا اور آزادی ٹرین کو ایک منفرد کاوش قرار دیا اور کہا کہ پاکستان میں ترقی منازل طے ہوئیں گئیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹیزن فرنٹ سٹی گجرات کے صدر شیخ عرفان پرویز کی قیادت سٹیزن فرنٹ کے عہدیداران نے آزادی ٹرین کا بھرپور استقبال
گجرات ( جی پی آئی ) سٹیزن فرنٹ سٹی گجرات کے صدر شیخ عرفان پرویز کی قیادت سٹیزن فرنٹ کے عہدیداران نے آزادی ٹرین کا بھرپور استقبال کیا جن میں راجہ اعجاز احمد ‘ ڈاکٹر رزاق احمد غفاری ‘ اکبر بیگ برلاس ‘ ڈاکٹر ثوبان شیخ ‘ مرزا گل نواز ‘ رانا مشرف علی شامل تھے ۔ سٹیزن فرنٹ کے عہدیداران نے آزادی ٹرین کو بے حد سراہا جس میں آزادی ٹرین کے شرکاء نئی نسل کو تحریک آزادی پاکستان کے حوالے سے آگاہ کر رہے ہیں ‘ انہوں نے کہا ہے کہ اس طرح کے کاموں کی اشد ضرورت ہے تاکہ نئی نسل کی بہتر رہنمائی ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت کے ساتھ کسی بات چیت کا کوئی امکان نہیں، اب جو کچھ ہو گا میدان میں ہو گا،
گجرات ( جی پی آئی )حکومت کے ساتھ کسی بات چیت کا کوئی امکان نہیں، اب جو کچھ ہو گا میدان میں ہو گا، کمیٹیوں میں ایسے ممبر شامل نہ کئے جائیں جو ٹی وی پر آ کر اپوزیشن کو گالیاں نکالتے ہیں۔ ان خیالات کا اظہار پاکستان مسلم لیگ کے صدر و سابق وزیر اعظم سینیٹر چودھری شجاعت حسین اور سینئر مسلم لیگی رہنما و سابق نائب وزیراعظم چودھری پرویزالٰہی نے علامہ ڈاکٹر طاہرالقادری سے ملاقات کے بعد میڈیا سے گفتگو کرتے ہوئے کیا۔ اس موقع پر علامہ راجہ ناصر عباس، صاحبزادہ حامد رضااور محمد بشارت راجہ بھی موجود تھے۔ چودھری شجاعت حسین نے کہا کہ حکومت مذاکرات کرنے میں مخلص نہیں، کمیٹیاں بنتی رہتی ہیں لیکن ان کا کوئی رزلٹ نہیں نکلتا، حکومت کے ساتھ بات چیت کا کوئی امکان نہیں اب جو کچھ ہو گا میدان میں ہوگا۔ چودھری پرویزالٰہی نے کہا کہ کمیٹیوں میں ایسے ارکان شامل ہیں جو ٹی وی پر آکر اپوزیشن کو گالیاں نکالتے ہیں اگر ایسے افراد کمیٹیوں میں شامل ہوں گے تو ان سے مذاکرات کون کرے گا، مذاکرات کیلئے جو آ رہا ہے وہ نوازشریف کے لئے آرہا ہے حکومت کیلئے نہیں جبکہ ہماری اتحادی پارٹیوں کا متفقہ فیصلہ ہے کہ نواز شریف استعفیٰ دیں اس کے بعد اگر کمیٹی مذاکرات کیلئے آتی ہے تو ان سے بات ہو سکتی ہے۔ انہوں نے مزید کہا کہ حکومتی ارکان بار بار یہ کہہ رہے ہیں کہ ہم جمہوریت کو بچانے کیلئے آ رہے ہیں جو کچھ ماڈل ٹائون میں ہوا کیا وہ جمہوریت ہے؟ تو پھر ہمیں اس طرح کی جمہوریت کا کوئی فائدہ نہیں۔ انہوں نے کہا کہ تمام مسائل کا ایک ہی حل ہے کہ نوازشریف شہبازشریف دونوں استعفیٰ دے دیں۔ انہوں نے ایک سوال پر کہا کہ انہیں جمہوریت کی کوئی قدر نہیں اور نہ ہی یہ پارلیمنٹ کو اہمیت دیتے ہیں، ڈیڈ لائن ختم ہونے کے بعد ڈاکٹر طاہرالقادری لائحہ عمل کا اعلان کریں گے۔ انہوں نے کہا کہ فوج کو اس سارے معاملے میں ملوث نہ کریں، فوج ہمارے اپنے ملک پاکستان کی ہے جو ہمیں جان سے زیادہ عزیز ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات پریس کلب کے صدروسیم اشرف بٹ،جنرل سیکرٹری محمود اختر محموداور دیگر عہدیداران نے سابق صدر گجرات پریس کلب
گجرات(جی پی آئی)گجرات پریس کلب کے صدروسیم اشرف بٹ،جنرل سیکرٹری محمود اختر محموداور دیگر عہدیداران نے سابق صدر گجرات پریس کلب اور روزنامہ شانہ بشانہ کے چیف ایڈیٹر سیدوقار گیلانی کے کیبل آفس میںمسلح افراد کی اندھا دھندفائرنگ، قاتلانہ حملہ ،توڑ پھوڑ اور دہشت گردی کی شدیدمذمت کی دہشت گردی کے اس واقعہ پر ڈی پی او گجرات سے سخت قانونی کاروائی کرتے ہوئے ملزمان کو فوری گرفتار کرنے کا مطالبہ کیا ہے .
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی ایس پی ٹریفک میاں سہیل فاضل نے لاری اڈا پر ٹرانسپوٹرز سے خطاب کرتے ہوئے کہا کہ وہ دوران ڈرائیونگ
گجرات(جی پی آئی )ڈی ایس پی ٹریفک میاں سہیل فاضل نے لاری اڈا پر ٹرانسپوٹرز سے خطاب کرتے ہوئے کہا کہ وہ دوران ڈرائیونگ ، ڈرائیور اور کنڈیکٹر حضرات مسافروں سے خوش اخلاقی سے پیش آئیں ، ان کے سامان کی حفاظت یقینی بنائی جائے ، انہوںنے ہر گاڑی مالک کو ہدایت کی کہ اپنی گاڑیوں کے اندر آگ بجھانے کے آلات نصب کروائے جائیں تا کہ کسی ناخوشگوار واقعہ کہ پیش نظر اس سے نپٹا جا سکے اور آگ پر فوری قابو پایا جا سکے ، انہوںنے کہا کہ ٹرانسپوٹرز زائد سواریاں بیٹھانے سے بھی گریز کریں اور مسافروں کو ہر ممکن سہولیات فراہم کرنے میں اپنا کردار ادا کریں ، انہوںنے کہا کہ مسافر خواتین ، بچوں اور بوڑھوں کو فوقیت دی جائے اور ان کو حفاظت سے بٹھایا اور اتارا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
گجرات چیمبر آف کامرس اینڈ انڈسٹری نے تحریک انصاف کے چیئرمین کی طرف سے سول نافرمانی کی کال کوسخت سے مسترد کر دیا ہے
گجرات (جی پی آئی )گجرات چیمبر آف کامرس اینڈ انڈسٹری نے تحریک انصاف کے چیئرمین کی طرف سے سول نافرمانی کی کال کوسخت سے مسترد کر دیا ہے اور کہا ہے کہ احتجاج اور دھرنوں کی سیاست کرنے والے ملکی معیشت کو تباہ کرنے سے باز رہیں بزنس کمیونٹی اس نوعیت کی ہر سازش کو سخت سے ناکام بنا دے گی ان خیالات کا اظہار چیمبر آف کامرس کے صدر طارق بلال ملک ، سینئر نائب صدر سید آصف رضا نقوی ، راجہ طاہر شیر شیخ ابرار سعید ،، حاجی الیاس ، میاں اکمل حسین ، چوہدری افتخار احمد ، آفتاب احمد ایڈووکیٹ ، مرزا محمد مشتاق ، شیخ عرفان پرویز ، مرزا اکبر بیگ برلاس ، امتیاز کوثر ، ندیم احمد چیمہ ، نعیم امتیاز گوندل ، نعمان اسلم گوندل ، مہر ثاقب اسحاق ، مظہر اعوان ،میاں امجد اقبال ، و دیگر نے جی ٹی ایس چوک میں سول نافرمانی کی کال کے خلاف احتجاجی مظاہرہ سے خطاب کرتے ہوئے کیا ، احتجاجی مظاہرہ میں بڑی تعداد میں صنعت کاروں تاجروں اور کاروباری شعبہ سے تعلق رکھنے والے افراد نے شرکت کی جنہوں نے ہاتھوں میں کتبے اور بینرز اٹھا رکھے تھے ، جن پر سول نا فرمانی نا منظور نا منظور ، پاکستان کی معیشت کو چلنے دو کے نعرے درج تھے ۔صدر چیمبر آف کامرس اور دیگر مقررین نے کہا کہ ملکی معیشت دہشت گردی اور دیگر مسائل کی وجہ سے پہلے ہی شدید مشکلات کا شکار ہے ، بعض سیاسی جماعتوں کی طرف سے ہونے والے احتجاجی دھرنوں کی وجہ سے بھی کاروباری برادری اور معیشت کو بھاری نقصان اٹھانا پڑ رہا ہے ۔ انہوںنے کہا کہ سول نافرمانی کی کال کو گجرات کی کاروباری برادری سختی سے مسترد کرتی ہے اور ملک کی معیشت کے خلاف ایسی کسی بھی سازش کا حصہ نہیں بنے گی ، انہوںنے ملک میں جاری گزشتہ کئی ہفتوں سے جاری احتجاجی سیاست کی وجہ سے امپورٹ اینڈ ایکسپورٹ بری طرح متاثر ہو رہی ہے اور کنٹرینرز راستوں میں کھڑے ہونے کی وجہ سے بھاری نقصان ہو رہا ہے ، جبکہ فیکٹریوں میں کام بند ہونے کی وجہ سے بڑی تعداد میں مزدور بے روزگار ہو چکے ہیں ۔ انہوں نے مطالبہ کیا کہ ملک میں جاری احتجاجی سیاست کو فی الفور ختم کیا جائے اور کاروباری زندگی اور معیشت کو چلنے دیا جائے ، انہوں نے تحریک انصاف کی قیادت سے سول نافرمانی کی کال فی الفور واپس لینے کا بھی مطالبہ کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عربی کھانوں میں اپنا منفرد مقام رکھنے والاشہر گجرات کا منفردریستوران” النخل ریسٹورنٹ” آج مورخہ 19اگست 2014ء کو دوبارہ اپنی سروسز کا آغا ز کر رہا ہے۔
گجرات( جی پی آئی) عربی کھانوں میں اپنا منفرد مقام رکھنے والاشہر گجرات کا منفردریستوران” النخل ریسٹورنٹ” آج مورخہ 19اگست 2014ء کو دوبارہ اپنی سروسز کا آغا ز کر رہا ہے۔ان خیالا ت کا اظہا ر النخل ریسٹورنٹ کے منیجر محمد سبیل نے اپنے ایک بیان میں کیا۔انہوںنے کہا کہ النخل ریسٹورنٹ مکمل طور پر نا صرف مشرق وسطیٰ کے کھانوں کا مرکز ہے بلکہ خصوصی ذائقوںکے حامل پاکستانی ،کانٹینیٹل،باربی کیو اوربون لیس باربی کیو سے آپ کی میزبانی کا شرف حاصل کیا جائے گا۔ خدمت ومعیار ہمارہ طرہ امتیاز ہے۔ماہ رمضان میں کسٹمرز کی ضروریات کو مدنظر رکھتے ہوئے انتظامیہ نے نئے اور دلکش فرنیچر فیملی کیبنز کا خصوصی اہتمام کیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضیاء الحق شہید نے امت مسلمہ کی ترقی کیلئے گرانقدر خدمات سرانجام دیں ‘ ان خیالات کا اظہار ممتاز سماجی شخصیت رانا مشرف
گجرات ( جی پی آئی )ضیاء الحق شہید نے امت مسلمہ کی ترقی کیلئے گرانقدر خدمات سرانجام دیں ‘ ان خیالات کا اظہار ممتاز سماجی شخصیت رانا مشرف علی ناز نے اسلام آباد میں جنرل ضیاء الحق شہید کی برسی کے موقع پر خطاب کرتے ہوا کیا ۔ انہوں نے کہا ہے کہ ضیاء الحق شہید صحیح معنوں میں مرد مومن اور مرد حق تھے ‘ جنہوں نے دنیا بھر میں پاکستان کے وقار کو بلند کیا اور پاکستان کو ناقابل شکست بننے میں اہم کردارادا کیا پاکستان کو ناقابل تسخیر بنانے میں بھی اہم کردارادا کیا اُن کی معاونت سے پاکستان ایٹم قوت بنا اور دنیا بھر میں پاکستان کا نام عزت و وقار سے لیا جاتا ہے’ موجودہ حکمران جنرل ضیاء الحق شہید کے ویژن پر عمل پیرا ہو کر ہی موجودہ حکمران بحرانوں سے نکل جا سکتا ہے ‘ انہوں نے کہا ہے کہ انقلاب مارچ ‘ اور آزادی مارچ کے نام پر عوام کو بیوقوف بننے والے خوابوں کی دنیا میں رہتے ہیں ‘ کوئی بھی قوم ایک دن میں ترقی نہیں کر سکتی ‘ اس کے پچھلے صدیوں کی محنت ہوتی ہے ‘ قائد اعظم محمد علی جناح نے جو ویژن عوام کو دیا اس کے نتیجہ میں پاکستان بنا انہوں نے ضیاء الحق کے صاحبزادے اعجاز الحق اور انوار الحق کی کوششوں کو بھی سراہا ‘ جو کہ عوام کے صحیح ترجمان بن کر کام کر رہے ہیں ‘ رانا مشرف علی ناز نے جنرل الحق شہید کے مزار پر فاتحہ خوانی کی اور فیصل مسجد کا بھی دورہ کیا ۔ رانا مشرف علی ناز نے اپنے ہمراہ آئے ہوئے قافلہ کے اعزاز میں فائیو سٹار ریسٹورنٹ میں ڈنر کا اہتمام کیا ۔
