تحریر: محمد اعظم عظیم اعظم
آج ہفتہ دس دن بعد گردے کی پتھری کے عارضے میں مبتلا رہنے کے باعث طبیعت میں کچھ بہتری آئی تو میں اپنے کالم کے ساتھ حاضرِ خدمت ہوں اِس عرصے کے دوران مجھے اِس بات کا شدت سے احساس ہواکہ مٹی سے بنااِنسان بڑا توانگر بنابھر تاہے جو مٹی سے ہی ڈرتاہے، دیکھیں اگر اِسی مٹی کے بنے اِنسان کی آنکھ میں مٹی کا ایک ذرہ چلاجائے تو کتنی تکلیف دیتاہے دن بھر ہائے ہائے کرتا پھرتا ہے اور اگر اِسی مٹی کے اِنسان کے گُردے یاپتے میں پتھری پیدا ہو جائے تو یہ کتنی تکلیف دیتی ہے اور مشاہدے میں آیا ہے کہ مٹی کے بنے اِنسان کو سکون اسی وقت ملتاہے جب تک اِن دونوں مقامات میں موجود پتھری کو آپریشن کر کے نہ نکالا جائے۔
یعنی کہنے کا مقصدیہ ہے کہ جس طرح مٹی کے بنے اِنسان کی آنکھ ، گردے اور پتے میں بننے والی پتھری باعث تکلیف ہوتی ہے اور جب دوائیوں کے استعمال کے ساتھ ساتھ دوسرے حربے (ٹوٹکے) استعمال کرنے سے بھی کوئی حل نہیں نکلتاہے تو پھر اِسے نکالنے کے لئے آپریشن ضروری ہوتاہے یکدم اِسی طرح جب اِنسانوں کے معاشرے میں بعض اِنسان بھٹک جاتے ہیں اور غلط راہ پر چل نکلتے ہیں تو اِنہیں راہ راست پر لانے کے لئے آپریشن ضرب عضب اور کراچی آپریشن کی طرز کے آپریشن ضروری ہوجاتے ہیں جیساکہ اِن دِنوں میرے مُلک اور میرے شہر میں جاری ہے اور جس کے بہترنتائج سامنے ٓآ رہے ہیں اور اُمیدہے کہ جس طرح آرمی چیف جنرل راحیل شریف نے کہاہے کہ ”کراچی میں دہشت گردی اور کرپشن کا شیطانی گٹھ جوڑ توڑاجائے“ یہ آپریشن اِسی جذبے کی تحت جاری رہاتووہ وقت کوئی دورنہیں کہ جلدمیراشہرکراچی امن و سکون اور بھائی چارگی اور اخوت ومساوات و ملی یکجہتی کا ایک عظیم مثالی گہوارہ بن کر پھر اپنے روشنیوں اور محبتوں کا شہر ہونے کا لقبِ عظیم حاصل کرے گا۔
جہاں پھر قدم قدم محبتوں اور الفتوں کے گیت اپنے سربکھیریں گے ملکی معیشت اوجِ ثریاکی بلندیوں سے بھی آگے نکل جائے گی اورمیرے شہرسمیت پورے مُلک میں ترقی و خوشحالی کا راج ہوگاہر گھرہر محلے اور ہر گلی اور شہر وبازار اور شاہراہ پرکامیابیوں اور کامرانیوں کا رقص ہوگا (آمین) اِس سے انکار نہیں ہے کہ ربِ کائنات اللہ رب العزت نے اِنسان کو ٹھنکناتی مٹی سے پیداکیا اور اِسے زمین پر اپنا نائب بناکر بھیجاتاکہ اِنسان اِس کی عبادات کرے اور اِس کی واحدانیت کا پرچارکرے اوراِسے تاقیامت خیروشراور اچھے برے کی تمیز کے لئے قرآن کو مشعلِ راہ بناکردے دیاہے۔
مگر افسوس ہے کہ آج ٹھنکناتی مٹی سے پیدا کیا گیااِنسان یہ سمجھتاہے کہ وہ ہمیشہ سُکھ اور چین سے رہے گااور زمینِ خداپر ہمیشہ اپنی توانگری قائم رکھے گااورجو اِس کا جی چاہے گاوہ کرے گا،جس کو چاہے گاعزت دے گااور جِسے چاہے گااُس کی عزت کو تارتارکرکے رکھ دے گا،آج وہ اپنی توانگری میں یہ تک بھول چکاہے کہ یہ ایک ناپاک قطرے ٹھنکناتی مٹی سے پیداکیاگیاہے مگر اِس کے باوجود بھی وہ اپنے آگے دوسروں کو حقیر فقیر بے تو قیر جانتا، سمجھتا اور دوسروں سے دوسروں کو سمجھواتا ہے اور یہ نالائق یہ بھی سمجھتاہے کہ یہ ایساہمیشہ کرتارہے گا کیوں کہ ایساکرنااِس کا پیدائشی حق ہے اور جب یہ اپنی اِسی حالتِ حدِشیطانیت سے گزرجاتاہے تو بات زمینِ خداپر فسادات اور انارگی پھیلانے تک جاپہنچتی ہے۔
پھر اِس جیسے اور بہت سے شیطان کے چیلے باہم متحداور منظم ہوکر زمینِ خداپر فسادات اور دہشت گردی کو پھیلانے کا سبب بنتے ہیں اور خداکی زمین پر فسادات برپاکرتے اور کراتے ہیں یوں ناپاک ٹھنکناتی مٹی سے بنا اِنسان حدِ انسانیت سے نکل کر شیطان اور شیطانیت کے دائرے کارمیں شامل ہوجاتاہے اِس طرح توانگری نے نشے میں دھت ٹھنکناتی مٹی کے ڈھیرمٹی کے ناتواں اور کمزورکو چاٹنے لگتے ہیں اور چاٹتے چاٹتے اِس کا وجو د زمین خداسے ختم کردیتے ہیں آج میرے مُلک اور میرے معاشرے اور میری تہذیب وتمدن اور ثقافت میں توانگری کے نشے میں دھت ہرشعبہ ہا ئے زندگی ( سیاست سے لے کر سماجیت تک ) ناپاک ٹھنکناتی مٹی کے (ڈھیروںسے) بنے اِنسانوں کا راج ہے ،جو زمینِ خداپر موجود کمزوراور ناتواں مٹی کے بنے ڈھیروں (اِنسانوں) کو ختم کررہے ہیں یا کروارہے ہیں جس سے زمینِ خداکا امن و سکون ناپیدہورہاہے۔
اِنسانوں کے ہاتھوں اِنسانوں کے ناحق خون بہنے سے خداناراض ہو گیا ہے زمین پر آنے والی قدرتی آفات اِس بات کا ثبوت دے رہی ہیں کہ تحلیقِ کائنات کا خالق و مالک اللہ رب العزت اِنسانوں کے شیطان جیسے کاموں سے ناخوش ہے تب ہی دنیا بھر میں موسمی تغیراتی تبدیلیوں سے طرح طرح کی قدرتی آفات نازل ہورہی ہیں جن کے آگے جدید سائنس کی ہر تدبیر ناکام ثابت ہو رہی ہے ایسے میں آج کے اِنسان کو یہ بات اچھی طرح سے مان لینی چاہئے کہ وہ جدیدسائنسی ترقی کرکے بھی رب کائنات کی حکمت اور دانائی کے سامنے رائی کے دانے جتنی بھی طاقت نہیں رکھتاہے یہ ناپاک ٹھنکناتی مٹی کا بنااِنسان کس بات اور کس ترقی پر اِتراتااور گھمنڈکرتاہے جس کے مٹی کے وجود میں لگی مٹی کی آنکھ میں اگرمٹی کاایک ذرہ بھی چلاجائے تو وہ اِسے پریشان کردیتاہے۔
اور اِسی طرح اِس کے مٹی کے جسم میں مٹی سے بنے گردے میں مٹی کی بنی ایک پتھری کا ذرہ بھی اگر بن جائے اِس کے مٹی کے وجود کا نظام بگڑجاتاہے اور پھر اِس کے مٹی کے جسم کو چین تب تک نہیں ملتاہے جب تک اِس کے مٹی کے جسم کے اندرگُردے یا آنکھ میں سے مٹی کا ذرہ یا پتھری نکل ناجائے یاکوئی دوسرامٹی سے بناجسم (اِنسان) ڈاکٹر آپریشن کرکے مٹی کے اِنسان سے مٹی کا ذرہ نکال نہ دے۔
پچھلے ہفتے میرے سیدھے سائٹ پر پیٹ میں اچانک دردہواٹیسٹ کروانے پر یہ پتہ چلاکہ میرے گردے سے ایک سی ایم کی پتھری نکل کریوریٹرمیں پھنس گئی ہے تکلیف کا باعث بن رہی ہے ڈاکٹرنے فوری آپریشن کا مشورہ دیااور میں حالتِ پریشانی میںاِدھر اُدھر بھٹکنے لگابہت سے لوگوں نے اپنے اپنے تجربات کی روشنی میں مشورے دیئے کچھ کا خیال تھاکہ یہ بغیرآپریشن کے نہیں نکل سکتی ہے اور کچھ کا کہناتھاکہ بغیرآپریشن کے یہ دوائیوں کے مسلسل استعمال سے بھی نکل جائے گی جو ایساکہہ رہے تھے وہ اِس مرحلے سے گزرچکے ہیں اور جن کا خیال تھاکہ آپریشن کے بغیرنکلناناممکن ہے یہ اِن کا تجربہ تھا۔
بہرحال..!!میں نے حتمی فیصلہ یہ کیاکہ بغیرآپریشن کے دوائیوں کے استعمال سے ہی اپنی پتھری نکالی جائے سواَب میں نے یکسوئی کے ساتھ طویل عرصے (قریباََ چھ ماہ )تک دوائیوں کے استعمال کا ارادہ کرکے دوائیاں شروع کردی ہیں اور اَب میںدواو¿ں اوردُعاو¿ں کے ساتھ یہ کوشش کر رہا ہوں کہ یہ دوائیوں کے استعمال سے ہی نکل جائے تو میں آپریشن کے بعد پیدا ہونے والی بہت سی دیگر پیچیدگیوں سے بچا سکتا ہوں اگر پھر بھی یہ دوائیوں سے نہ نکلی اور میرایہ مسئلہ اِس طرح سے حل نہ ہوسکا تو لامحالہ مجھے بھی آپریشن کا سہاراایسے ہی لیناپڑے گاآج جس طرح حکومت نے مُلک کو دہشت گردوں کی دہشت گردی ، بم دھماکوں ، قتل وغارت گری، کرپشن ، فرقہ واریت اور انارگی پھیلانے والے بھٹکے ہوو¿ں کو راہ راست پر لانے اور اِنہیں قومی دھارے میں شامل کرنے کے لئے ایک بڑے عرصے تک جاری مذاکرات میں ناکامی کے بعد آپریشن ضرب عضب کا فیصلہ کیا۔
اور الحمدللہ آج اِس میں وزیراعظم نوازشریف اور جنرل راحیل شریف اور ہماری پاک فوج کو کراچی آپریشن سمیت 90 فیصد کامیابی حاصل ہوئی ہے یکدم اِسی طرح مجھے بھی اپنے گرُدے کی پتھری نکالنے کے لئے فوری آپریشن کا فیصلہ کرناپڑے گاکیوںکہ یہ بات بھی میںاچھی طرح سمجھتاہوں کہ آپریشن ضرب عضب اور کراچی آپریشن کی طرح میرے مسئلے کا واحدحل بھی آپریشن سے ہی نکل پائے گا ۔آج اِس میں کوئی شک نہیں کہ آپریشن ضرب عضب اور کراچی آپریشن ہی مٹی سے بنے بھٹ کے ہوئے توانگراِنسانوں کا قلع قمع کرنے کے لئے ضروری تھے، ضروری ہیں اور ہربارضروری ہوں گے،اَب میں اپنے اِ س جملے کے ساتھ ہی اجازت چاہوں گاکہ کیوں ”مٹی کے ڈھیر سے بنے بھٹکے اِنسان مٹی کے ہی دُشمن بن گئے ہیں..“۔
اِنہیں اگر حکومت، وزیراعظم نوازشریف ، جنرل راحیل شریف اور پاک فوج آپریشن ضرب عضب اور کراچی آپریشن سے بچاناہے تو اِن کے لئے یہ بہت ضروری ہے کہ اَب یہ ہتھیارڈال دیں اور کان پکڑکر توبہ کریں اور کہیںکہ یہ ٹھنکناتی ناپاک مٹی سے بنے مٹی کے ڈھیر(اِنسان) اپنی اصلیت کو بھول چکے تھے اور یہ بھی بھول گئے تھے کہ اِنہیں پلٹ کر اللہ کے سامنے حاضر ہوناہے یہ اِس پکڑ سے نہیں پچ سکتے ہیں سو اَب یہ توبہ کرتے ہیں۔
اور اچھے بچوں کی طرح سیدھی زندگی گزاریں گے اور مُلک و قوم کی ترقی و خوشحالی میں اپنا اپنا حصہ ڈالیں گے ،اور وہ یہ بھی کہیں گے کہ ” ہم بڑی غلطی پر تھی اگر آپریشن ضرب عضب اور کراچی آپریشن نہ شروع ہوتاتو ہمیں اپنی غلطیوں کا احساس بھی نہ ہوتااور ہم اپنی توانگری میں مست رہتے اور اپنے جیسے اِنسانوں سے ڈرتے رہتے اور اِن کی طاقت اور قوت کو توڑنے اور ختم کرنے اور اِنہیں اپنے سامنے جھکانے کے خاطر اِنہیں مارتے اور قتل کرتے رہتے ۔۔۔ آپریشن ضرب عضب اور کراچی آپریشن نے سیدھی راہ سجھائی اور اَب یہ راہ راست پرآگئے ہیں “۔
تحریر: محمد اعظم عظیم اعظم
azamazimazam@gmail.com
