ڈنگہ: جرائم پیشہ افراد کو میں آخری الٹی میٹم دیتا ہوں کہ وہ شہر بدر ہو جائیں،راجہ زاہد نعیم
ڈنگہ ( محمد بلال احمد بٹ ) تھانہ ڈنگہ کے ایس ایچ او راجہ زاہد نعیم نے صحافیوں سے گفتگو کرتے ہوئے کہا ، ڈی پی او گجرات سید ناصر علی رضوی کی خصوصی ہدایت پر جرائم پیشہ افراد کو میں آخری الٹی میٹم دیتا ہوں کہ وہ شہر بدر ہو جائیں ، اُنہوں نے کہا کہ ڈنگہ میں جب تک میں تعینات ہوں عوام کے جان و مال کی حفاظت کے لیے اپنی جان کی پروا نہ کرتے ہوئے سر توڑ کوششیں کرتا رہونگا، ڈنگہ سمیت اور اہم شاہرائوں پر گشت کا نظام مزید بہتر کر دِیا ہے ، اُنہوں نے کہا کہ مشکوک افراد پر ہم کڑی نظر رکھے ہوئے ہیں،ہمیشہ انصاف کے تقاضے پورے کرتے ہوئے مظلو م کا ساتھ دِیا ہے ، میرے سامنے بڑے بڑے گھمبیر مقدمات سامنے آئے قانوناً تقاضوں کے مطابق گھمبیر مقدمات کے پیش نظر مسائل کا حل بھی احسن طریقہ سے سر انجام دِیا ، ہمارے پاس مدعی و مجرم دونوں فریق آتے ہیں ، میں نے ہمیشہ حق و سچ کا ساتھ دِیا ، ہمیشہ رزق ہلال کمایا ہے اور بچوں کو بھی رزق ہلال کی تلقین کی ہے، اگر کسی سائل کو میرے پولیس ملازمین سے کوئی شکایت ہو تو وہ مجھے پرسنل مل سکتا ہے ، اُنہوں نے کہا اگر کسی پولیس ملازم نے بلا وجہ کسی سائل کو تنگ کیا تومیں اُس کے خلاف قانونی کاروائی کرونگا، ڈنگہ پہرہ سے وارداتوں کو کنٹرول کیا جا سکتا ہے ، جرائم کنٹرول کرنے کے لیے شہریوں کا تعاون ضروری ہے، علاقہ سے جرائم کا خاتمہ اولین ترجیح ہے معززین علاقہ انتظامیہ کیساتھ تعاون کریں ،اُنہوں نے مزید کہا کہ انتظامیہ دِن رات مصروف ہے کہ شہریوں کو امن و امان فراہم کیا جا سکے ، محرم الحرام سے پولیس جوانوں نے جوانمردی سے اپنے فرائض سر انجام دِیے ، جس کی وجہ سے کوئی بھی ناخوشگوار واقعہ پیش نہ آیا ہے، معززین ڈنگہ جرائم پیشہ عناصر کی سرکوبی کیلئے انتظامیہ کیساتھ تعاون کریں ، انصاف میرٹ پر فراہمی اور بروقت مقدمات کا اندراج ہماری اولین ترجیحات میں شامل ہے ، اُنہوں نے اپنے جوانوں کی صلاحیتیوں کو سراہتے ہوئے مزید تعاون کی یقین دہانی کرائی۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ سے ہمارا سیاست کا نہیں بھائی چارے کا رشتہ ہے ،میاں افتخار حسین
ڈنگہ (محمد بلال احمد بٹ ) کولیاں شاہ حسین کے ممتاز زمیندار ، پاکستان تحریک انصاف کے راہنما و امیدوار برائے جنرل کونسلر وارڈ نمبر 2 میونسپل کمیٹی ڈنگہ میاں افتخار حسین نے ڈیرہ ڈنگہ پر صحافیوں سے گفتگو کرتے ہوئے کہا کہ ڈنگہ سے ہمارا سیاست کا نہیں بھائی چارے کا رشتہ ہے ، ڈنگہ ہمارا گھر ہے ، مخالفین کے کردار لو لوگ خوب جانتے ہیں ، ووٹ ضمیر کی آواز ہے اور حلقہ کی غیور عوام ووٹر کردار کو ووٹ دیتا ہے ، ہمارا دامن ہر قسم کی کرپشن ، بد عنوانی سے پاک ہے ، ہمیشہ حق و سچ کا ساتھ دِیا ، ہمارا قائد کرپشن کے خلاف بر سر پیکار ہے اور اہم اپنے قائد کے ویژن پر چلتے ہوئے ڈنگہ سے بھی کرپشن کو پاک صاف کریں گے ، وارڈ نمبر 2 میں بسنے والی غیور عوام کی اکثریت کولیاں شاہ حسین سے ہے ، شہر اور گائوں کے تعصب کو ہوا دینے والے کردار اور نظریات سے عاری ہیں ، اہلیانِ ڈنگہ میرا کردار بخوبی جانتے ہیں ، ہمیشہ عوامی حقوق کی سیاست کی ہے ، سچائی اور مظلوم عوام کا ساتھ دینا ہمارا شوقِ اول ہے کسی کے ساتھ زیادتی نہیں ہونے دینگے ، حق بات کے لیے جان بھی قربان کر دیں ، علاقہ کے تمام عوامی مسائل کامیاب ہو کر ترجیحی بنیادوں پر حل کریں گے اور انشاء اللہ وارڈ نمبر 2 سے ریکارڈ لیڈ سے کامیاب ہونگے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ:چوہدری جعفر اقبال پارلیمانی سیکرٹری دفاع کی قیادت میں ڈنگہ کا 10رکنی وفد کا پارلیمانی ہائوس اسلام آباد کا دورہ
ڈنگہ (محمد بلال احمدبٹ)ایم این اے حلقہ 106،دست راست وزیراعظم میاں محمد نواز شریف چوہدری جعفر اقبال پارلیمانی سیکرٹری دفاع کی قیادت میں ڈنگہ کا 10رکنی وفد کا پارلیمانی ہائوس اسلام آباد کا دورہ،وفد میںملک نوید اعوان،ملک خرم شہزاد،ملک ذوالفقار اعوان،چوہدری شبیر احمد بلہڑ ملک ضیاء محمد سلیم پپو،راجہ انصر،مصنف شیراز،محمد سعید آفاق،بشارت بی ایس نے پارلیمنٹ ہائوس میں اجلاس کی کاروائی دیکھی جبکہ مخدوم جاوید ہاشمی،فیصل رضا عابدی،پرویز رشید،اسد اللہ عمر و دیگر اہم اراکین اسمبلی سے ملاقات کی۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ :میرا جینا مرنا وارڈ نمبر2کے ساتھ ہے،ہم خدمت خلق خدا کی رضا کے لئے کر رہے ہیں،میاں افتخار احمد کولیاں شاہ حسین
ڈنگہ(محمدبلال احمدبٹ) میونسپل کمیٹی ڈنگہ وارڈ نمبر2کے امیدوار کونسلر میاں افتخار احمد آف کولیاں شاہ حسین نے منگوال چوک حویلی میں سید برادری،بٹ برادری،بھٹی برادری،چوہان برادری کی طرف سے اکٹھ سے خطاب کرتے ہوئے کہا کہ تمام برادریوں کے سرکردہ شخصیات کا شکر گزار ہوں جنہوں نے مجھے اس قابل سمجھا اور میری حمایت میں بہت بڑا اکٹھ کیا،انہوں نے کہا ہے کہ ڈنگہ میں اپنا ذاتی ڈیرہ بنالیا ہے،میرا جینا مرنا وارڈ نمبر2کے ساتھ ہے،ہم خدمت خلق خدا کی رضا کے لئے کر رہے ہیں انہوںنے کہا کہ میاں برادران میری منت سماجت کرتا رہا ہے کہ آپ الیکشن نہ لڑیں اور کسی اور وارڈ میں ووت ٹرانسفارمر کروا لیں آپ وارڈ نمبر2سے الیکشن میں حصیہ نہ لیں لیکن چوہان برادری کی غیور عوام نے مجھے الیکشن لڑنے کے لیے گرین سگنل دیا تو میں نے الیکشن لڑنے کے لیے تیاری کرلی،انہوں نے کہا کہ میرا مقابلہ مظہر اقبال سے ہے اور انشاء اللہ ان کو شکست سے دوچار کروں گا کیونکہ میرے کردار اور میرے مخالف کے کردار کو لوگ خوب اچھی طرح جانتے ہیں انہوں نے کہا کہ وارڈنمبر2میں اگر میرے سے بہتر کوئی امیدوار ہے تو اسے منتخب کرلیں انہوں نے کہا کہ رنیاں برادران نے وارڈنمبر1سے الیکشن لڑنے کا اعلان کیا توعرصہ دراز سے بند یو ٹرن بھی کھل گئے انشاء اللہ وارڈ کے غیور عوام کی دعائوں اور تعاون سے کامیاب ہو کر حلقہ کی تعمیر وترقی کا نیا باب رقم کروں گا۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ: ہم نے ہمیشہ لوگوں کے ساتھ پیار و محبت کے رشتوں کوپروان چرھایا ہے جس پر آئندہ بھی کار بند رہیں گے،حاجی جاوید اقبال
ڈنگہ(محمد بلال احمد بٹ)عوامی خدمت گار اور غریبوں کے حامی یونین کونسل امرہ کلاں کے امیدوار چیئر مین حاجی چوہدری جاوید اقبال نے امرہ کلاں میں حاجی رحمت خاں کی طرف سے حمایتی اکٹھ سے خطاب کرتے ہوئے کہا کہ ہم نے ہمیشہ لوگوں کے ساتھ پیار و محبت کے رشتوں کوپروان چرھایا ہے جس پر آئندہ بھی کار بند رہیں گے،اور انشاء اللہ حلقہ کی تمام برادریوں کی حمایت سے کامیاب ہونگے،انشاء اللہ علاقہ کے مسائل ترجیحی بنیادوں پر حل کریں گے انہوں نے کہا کہ کھوکھلے نعروں پر یقین نہیں رکھتے ہمیشہ حق اور سچ کی بات کرتے ہیں اور اس پر قائم رہیں گے۔ انہوں نے کہا کہ حلقہ کے عوام دکھ سکھ میں شریک ہیں کئی دہائیوں سے بے لوث عوامی خدمت کر رہے ہیں اور کرتے رہیں گے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ : عوام کی خدمت کا مشن اور حلقہ کے عوام کی تابعداری آخری دم تک نبھائوںگا،چوہدری پرویز احمد گجر
ڈنگہ(محمد بلال احمد بٹ)میونسپل کمیٹی ڈنگہ وارڈ نمبر7کے امیدوارکونسلر عوامی خدمت گار انسانیت کے مسیح چوہدری پرویز گجر نے کہا ہے کہ عوام کی خدمت کا مشن اور حلقہ کے عوام کی تابعداری آخری دم تک نبھائوںگا، اور میری طرف آئے ہوئے عوام کو کبھی مایوسن نہیں لٹائوں گا اورغریب عوام کی حقوق کی بات کرنے میں کسی بھی قربانی سے دریغ نہیں کروں گا میرے دروازے عوام کے لیے چوبیس گھنٹے کھلے ہیں بلاجھجک عوام آئیں اور اپنے مسائل کے بارے میں بات کریں انشاء اللہ حل کرائوں گا انہوں نے کہا کہ عوام ہی میرا اصل اثاثہ ہیں اس اثاثے کی حفاظت کرنا میری ذمہ داری ہے ہم وعدوں پر نہیں بلکہ عملی کام پر یقین رکھتے ہیں عوام کی محبت اور تعاون سے کامیاب ہونگے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ : منافقت ،جھوٹ،بددیانتی کی سیاست کے قائل نہیں ہمیشہ حق سچ کی ساتھ دیا کھری سچی اور صاف ستھری سیاست کے امین ہیں،چوہدری ساجد محمود
ڈنگہ(محمد بلال احمد بٹ)انسانی جذبہ کی خدمت سے سرشار نوجوان اور متحرک قیادت میونسپل کمیٹی ڈنگہ وارڈ نمبر7کے امیدوارکونسلر چوہدری ساجد محمود نے محلہ رام باغ اور ریلوے آبادی کے اکٹھ سے خطاب کرتے ہوئے کہا کہ منافقت ،جھوٹ،بددیانتی کی سیاست کے قائل نہیں ہمیشہ حق سچ کی ساتھ دیا کھری سچی اور صاف ستھری سیاست کے امین ہیں،جس کے ساتھ چلتے ہیں خلوصدل سے پوری دیانتداری سے چلتے ہیں،دھڑے اور سنگ ہیں،میں اپنی وارڈ کے لوگوں کو یقین دلاتا ہوں کہ ہمیشہ آپ کے ساتھ اور آپ میں رہوںگا،آپ کے دکھ سکھ میں برابر کا حصہ دار ہوں،دکھ تکلیف اور مشکل گھڑی میں آپ مجھے اپنے ساتھ پائیں گے،مجھے اقتدار میں آنے کی کوئی خواہش شوق نہیں،میرا مرنا اور جینا آپ کے ساتھ ہے فتح و کامیابی ہمارا مقدر بنے گی،کیونکہ ہماری سوچ صاف،دامن باغ ،مشن عوام کی خدمت ہے آج سے پہلے روایتی سیاست دانوں نے ہمیشہ جھوٹے اور کھوکھلے نعروں سے عوام کو بے وقوف بنانے کی کوشش کی اور حلقہ کے اجتماعی کاموں کو نظر انداز کرتے رہے مگر اب ایسا نہیں ہو گا،کرپشن اور بددیانتی کا خاتمہ میری زندگی کامشن ہے تعمیر و ترقی کے تمام کام صاف اور شفاف ہونگے،چوہدری ساجد محمود نے کہا کہ سابقہ دور میں مائی دا ڈیرہ اور ٹالاں والی لوکڑی کی تعمیر و ترقی کے لیے کچھ نہ کیا گیا اور ان علاقوں کو بری طرح نظر انداز کیا گیا جو کہ قابل افسوس اور قابل مذمت ہے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ : بلدیاتی الیکشن میں ہر آدمی اپنے ضمیر کے مطابق فیصلہ کرتا ہے کہ کون انسانیت کا مسیحا ہے،مسلمین جٹ پہلوان
ڈنگہ(محمد بلال احمدبٹ)معروف سماجی راہنما مسلمین جٹ پہلوان نے کہا ہے کہ بلدیاتی الیکشن میں ہر آدمی اپنے ضمیر کے مطابق فیصلہ کرتا ہے کہ کون انسانیت کا مسیحا ہے اور کون غریب آدمی کے دکھ میں بے لوث ہوکر شریک ہوتا ہے،لیکن بعض سیاستدانوں کا خیال ہے کہ ہم غریب آدمی کے ضمیر کا سودا دولت سے کریں گے لیکن غریب آدمی غریب تو ضرور ہوتا ہے لیکن اپنے ضمیر کا سودا نہیں کرتا اور دولت کی نمائش پر سیاست کرنے والے ہمیشہ ناکام ہونگے،کیونکہ عوام اب باشعور ہو گئی ہے انہیں علم ہے کہ ہمارے حلقہ کے لیے کون موزوں امیدوار ہے،انہوں نے کہا ہے کہ جس نے عوام کی بے لوث خدمت کرنے کا عزم کیا اسے کامیاب کرائیں گے عوام اب کھرے اور کھوٹے کی پہچان رکھتے ہیں۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ :حاجی چوہدری جاوید اقبال کو بھاری اکثریت سے کامیاب کروائیں گے،چوہدری اظہر اقبال
ڈنگہ(محمد بلال احمد بٹ)حاجی چوہدری جاوید اقبال امیدوار چیئر مین یونین کونسل امرہ کلاں اپنی عوامی خدمت اور حلقہ کے لوگوں سے مسلسل رابطہ کی وجہ سے آئندہ بلدیاتی الیکشن میں کامیابی حاصل کریں گے ہم انہیں بھاری اکثریت سے کامیابی کے لیے الیکشن مہم بھر پور انداز سے چلا رہے ہیں ان خیالات کا اظہار امرہ کلاں کی معروف سماجی و سیاسی رانا چوہدری اظہر اقبال نے صحافیوں سے گفتگو کرتے ہوئے کیا،انہوں نے کہا کہ حلقہ کے عوام اور تمام مکاتب فکر کے افراد حاجی جاوید اقبال کو کامیاب کروانے کا عزم کر رکھا ہے ان کی حمایت میں دن بدن ہونے والے کامیاب اکٹھ ان کی کامیابی کی روشن دلیل ہے حلقہ کے عوام نے ان کے حق میں فیصلہ دیدیا ہے انشاء اللہ سرخرو ہونگے۔
ڈنگہ :گھریلو ناچاقی پر دیور نے بھابھی کا گلا دبا کر اسے قتل کر دیا،مقدمہ درج
ڈنگہ(محمد بلال احمد بٹ)گھریلو ناچاقی پر دیور نے بھابھی کا گلا دبا کر اسے قتل کر دیا مقتولہ کے والد کی رپورٹ پر مقدمہ درج ،بتایا گیا ہے کہ ڈنگہ کے نواحی گائوں چکوڑی بھلیوال میں گھریلو ناچاقی کی بناء پر مبینہ طور پر محسن پرویز نے اپنی بھابی سدرہ کا گلا دبا کر اسے قتل کر دیا مقتولہ تین بچوں کی ماں بتائی جاتی ہے پولیس تھانہ ڈنگہ نے مقتولہ کے والد فضل کی رپورٹ پر دو سگے بھائیوں محسن پرویز اور مظہر حسین کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ : ہم نے ہمیشہ عوام کی بے لوث خدمت کی ہے،راجہ خالد پرویز
ڈنگہ(محمد بلال احمد بٹ)معروف سماجی راہنما اور سابق کونسلر امیدوار ڈنگہ وارڈ نمبر4راجہ خالد پرویز نے کہا ہے کہ ہم نے ہمیشہ عوام کی بے لوث خدمت کی ہے اور اپنے کام میں کبھی کوتائی اورسستی نہیں کی،اپنی وارڈ کے مسائل کو بخوبی جانتا ہوں انہیں ترجیحی بنیادوں پر حل کیا جائے گا انہوں نے کہا کہ میں نے بلا تفریق عوام کے مسائل کو حل کیا اور آئندہ بھی اپنے مشن کو جاری رکھوں گا، ہماری کامیابی وارڈ نمبر4کے عوام کی کامیابی ہے،انہوںنے کہا کہ حلقہ کے عوام کو سنگ لے کر چلوں گا ان کی مشاورت سے کامیا ب ہو کر عوامی مسائل حل کریں گے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ :راجہ خالد پرویز امیدوار کونسلر میونسپل کمیٹی ڈنگہ وارڈ نمبر4کی مکمل حمایت کا اعلان کرتے ہیں،اہم شخصیات
ڈنگہ(محمد بلال احمد بٹ)راجہ خالد پرویز امیدوار کونسلر میونسپل کمیٹی ڈنگہ وارڈ نمبر4کی مکمل حمایت کا اعلان کرتے ہیں انکی الیکشن مہم زور و شور سے جاری ہے ان کی کامیابی کیلئے سر دھڑ کی بازی لگا دیں گے،ان خیالات کا اظہار محلہ مغل پورہ،محلہ حسن پورہ مشرقی آہیراں کے راجہ ہمایوں بشیر،سید نوازش علی شاہ،سید تاجر شاہ،سید مراتب شاہ،سید میجر شاہ،سید یاد علی،سید رومان علی نے اپنے مشترکہ بیان میں کیا انہوںنے کہا کہ اپنے دور میں وارڈ میں جتنے ترقیاتی کام کروائے کسی بھی کونسلر نے نہیں کروائے اسی وجہ سے ان کی حمایت میں لوگ اکٹھ کر رہے ہیں انشاء کامیابی ان کا مقدر بنے گی لوگ کھرے اور کھوٹے کی پہچان کر سکتے ہیں تیس جنوری کا سورج ان کی کامیابی کی نوید لیکر طلوع ہو گا۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔
ڈنگہ : الیکشن میں کامیابی کے بعد عوام کی بھر پور خدمت کریں گے،مرزا فاروق الزمان
ڈنگہ(محمد بلال احمد بٹ)مخلص نوجوان قیادت ہر دل عزیز شخصیت امیدوار جنرل کونسلر میونسل کمیٹی ڈنگہ وارڈ نمبر4 مرزا فاروق الزمان نے کہاہے کہ الیکشن میں کامیابی کے بعد عوام کی بھر پور خدمت کریں گے،ہماری کامیابی علاقہ کی خوشحالی کی طرف پہلا قدم ہوگا،انہوں نے کہا کہ عوام کو حقوق دلانے اور بنیادی ضرورت پوری کرنے کا عزم کرتا ہوں عوام کی بے لوث خدمت ہمارا شیوہ ہے انہوں نے کہا کہ اپنے حلقہ کے عوام کو ہر طرح کا ریلیف مہیا کرنا ہماری اولین ترجیح ہے،تعمیر وترقی کے ہونے والے تمام کاموں کا خود جائزہ لوں گا وارڈ نمبر4کی سرکردہ برادریوں کی حمایت حاصل ہے،انشاء اللہ کامیاب ہونگے۔
۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔
ڈنگہ :الیکشن ڈنکے کی چوٹ پر لڑیں گے سازشیں کرنے والے عناصر کو منہ توڑ جواب دینے گے،راناصاحب نواز
ڈنگہ(محمد بلال احمدبٹ)الیکشن ڈنکے کی چوٹ پر لڑیں گے سازشیں کرنے والے عناصر کو منہ توڑ جواب دینے گے کوئی غلط فہمی میںنہ رہے کہ ہم مخالف امیدوار سے ڈر گئے ہیں یا کسی امیدوار کے حق میں بیٹھ جائیں گے ان خیالات کا اظہار امیدوار برائے کونسلر وارڈ نمبر8ڈنگہ رانا صاحب نواز نے اپنے بیان میں کیا انہوں نے کہا کہ ہمارا سیاست میں آنے کا مقصد ہی عوام کی خدمت ہے۔
