ڈنگہ کی خبریں 28/3/2014

ڈنگہ :20 یوم قبل نور جمال کے رہائشی مہر غلام حسین قتل کے نامزد ملزم گرفتار نہ ہونے پر سینکڑوں لواحقین متاثرین کا 4 گھنٹے تک تھانہ ڈنگہ کا گھیرائو
ڈنگہ (محمدبلال احمد بٹ)20 یوم قبل نور جمال کے رہائشی مہر غلام حسین قتل کے نامزد ملزم گرفتار نہ ہونے پر سینکڑوں لواحقین متاثرین کا 4 گھنٹے تک تھانہ ڈنگہ کا گھیرائو ، اس موقع پر متاثرین نے چوہدری جعفر اقبال ایم این اے ، ڈی ایس پی عبد القیوم گوندل اور ایس ایچ او تھانہ ڈنگہ کے خلاف زبردست نعرے بازی کی ، ایم این اے مردہ باد، ڈی ایس پی مردہ باد ، ایس ایچ او ڈنگہ مردہ باد ، مزید سیاسی مداخلت بند کی جائے ، وزیر اعلیٰ پنجاب اگر مخلص ہیں تو ہمیں انصاف دیں ، سیاسی طور پر قاتلوں کے گرفتار نہ ہونے پر سخت احتجاج کیا ، عوام نے پلے کارڈ اور احتجاجی بینرز اُٹھا رکھے تھے ، مظاہرین کا کہنا تھا کہ ہمارے قاتل ایم این کے ڈیرے پر موجود ہوتے ہیں ، شادیاں اٹینڈ کرتے ہیں جبکہ پولیس ایم این اے کے پریشر میں آ کر اُنہیں یعنی ظفر اقبال بابکا ، مظہر اقبال بابکا کو گرفتار نہیں کر رہی ، ایس پی ریاض گجرات بھی نفری کے ہمراہ موقع پر پہنچ گئے لیکن مذاکرات بار بار ناکام ہوئے ، بعد ازاں تین گھنٹے کے محاصرہ تھانہ کے بعد مظاہرین ڈنگہ تھانہ منڈی روڈ پر پہنچ گئی ،اور ٹائر جلا کر چاروں اطراف سے ٹریفک بند کر کے ٹریفک روک دی ، اس موقع پر زخمی فیصل اور مقتول غلام حسین کی بیوہ نے کہا کہ دو یوم کے اندر قاتل گرفتار نہ ہوئے تو وزیر اعلیٰ ہائوس کے باہر آگ لگا کر خود سوزی کر لونگی ، عوام الناس اور مظاہرین نے اس موقع پر نعرے لگاتے ہوئے کہا کہ قاتلوں میں سے ایک بھائی کو ایم این اے کی سیاسی مداخلت سے بیرون ملک سیاسی بنا پر تعلقات کے استعمال کر کے بھگا دیا جبکہ قاتل ظفر اقبال بابکا کو بھی پناہ دے رکھی ہے ، اس ظلم اور زیادتی پر خاموش اب مزید نہیں رہ سکتے ، 20 روز گزرنے پر بھی گرفتار نہ کرنے کا کیا مقصد ہے؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :توانائی کی کمی کے مسئلے نے قومی معیشت کو نا قابل تلافی نقصان پہنچایا ہے،چوہدری وحید اکرم آف ہالینڈ
ڈنگہ(محمد بلال احمد بٹ)صدر مسلم لیگ ن ہالینڈ،معروف زمیندار،پاک چیئر مین نیدر لینڈ فرینڈ شپ ایسوسی ایشن چوہدری وحید اکرم آف ہالینڈ نے اپنے بیان میں کہا ہے کہ مسلم لیگ (ن) کی حکومت جمہوریت اور جمہوری اداروں کے استحکام پر یقین رکھتی ہے اور مختلف قومی معاملات پر تمام جماعتوں کو اعتماد میں لیکر فیصلے کئے جا رہے ہیں۔ انہوں نے کہا ہے کہ پاکستان کو توانائی کے شدید بحران کا سامناہے۔ توانائی کی کمی کے مسئلے نے قومی معیشت کو نا قابل تلافی نقصان پہنچایا ہے۔ صنعت، تعلیم، صحت، زراعت سمیت سماجی ترقی کے تمام شعبے توانائی بحران سے بری طرح متاثر ہوئے ہیں۔ حکومت توانائی کی کمی کے مسئلے پر قابو پا نے کیلئے ہر ممکن اقدامات کررہی ہے۔ ملکی وغیر ملکی توانائی کی کمپنیوں اور سرمایہ کاروں سے کئی ایک معاہدے کئے گئے ہیں۔ پنجاب حکومت نے توانائی بحران سے نمٹنے کیلئے سولر،کول پاور پلانٹس اور دیگر ذرائع سے بجلی کے حصول کے منصوبے لگانے کیلئے جامع منصوبہ بندی کی ہے۔ انہوں نے ایک سوال کے جواب میں کہا کہ دیار غیر میں بسنے والے لاکھوں پاکستانیوں کو میاں محمد نواز شریف،میاں محمد شہباز شریف کی حکومت پر مکمل اعتماد اور بھروسہ ہے اور انہیں یقین ہے کہ میاں برادران جلد ہی ملک پاکستان کو ترقی کی راہ پر گامزن کروائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈی پی او گجرات راے اعجاز احمد کی یقین دہانی پر مہر غلام حسین قتل کیس نور جمال کا احتجاجی جلوس اور دھرنا ختم کر دیا گیا
ڈنگہ (محمدبلال احمد بٹ)مہر غلام حسین قتل کیس نور جمال احتجاجی جلوس اور دھرنا دِن ڈیڑھ بجے شروع ہوا ، ساڑھے سات بجے یعنی 6 گھنٹے کے دھرنے روڈ بلاک کے بعد بالآخر میاں طارق محمود ایم پی اے اور ڈی پی او گجرات رائے اعجاز احمد کی اس یقین دہانی پر کہ دو یوم کے اندر قاتل ہر صورت گرفتار ہونگے ، اس یقین دہانی پر دھرنا ختم کیا ، اور ٹریفک کھول دی گئی ، اس موقع پر ایس پی گجرات میاں ریاض ، ایس ایچ او تھانہ ڈنگہ راجہ زاہد نعیم سمیت سینکڑوں کی تعداد میں بھاری پولیس نفری بھی موجود تھی ، مظاہرین کے آخری وارننگ یہ تھی کہ دو یوم کے اندر قاتل ظفر اقبال بابکا وغیرہ گرفتار نہ ہوئے تو پھر ڈی پی او آفس کا بھی گھیرائو کریں گے ، بعد ازاں وزیر اعلیٰ ہائوس لاہور کے باہر بھی دھرنا دینگے ، ہم سر پر کفن باندھ کر نکلے ہیں اور کسی بھی صورت میں قاتلوں کی گرفتاری کی بغیر چین سے نہ بیٹھیں گے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ (جی پی آئی)نور جمال کے مہر غلام حسین قتل کیس کے احتجاجی مظاہرہ میں نمایاں طور پر لیڈ کرنے والوں میں قاضی عابد ، قاضی عبد الحفیظ ، میاں محمد اسحاق ، چوہدری نواب ، مہر ارشد فوجی ، مختار احمد ، چوہدری فیصل ، میاں اشفاق ، چوہدری محمد عارف ، شہباز احمد ، میاں دلاور ، محمد اشرف ، محمد امتیاز ، چوہدری ریاض ، خالد حسین ، محمد ارشد چوہدری ، فیاض احمد نمایاں طور پر اس احتجاجی جلو س کو لیڈ کرتے رہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پولیس کو فی الفور قاتلوں کو گرفتار کرنا چاہیے، ظلم و زیادتی پر احتجاج جلوس تب ہی نکلتے ہیں جب انصاف نہیں ملتا،میاں مبین افضل حیات
ڈنگہ (محمدبلال احمدبٹ)پاکستان تحریک انصاف کے راہنما میاں مبین حیات آف کولیاں شاہ حسین نے صحافیوں سے بات چیت کرتے ہوئے کہا کہ پولیس کو فی الفور قاتلوں کو گرفتار کرنا چاہیے، ظلم و زیادتی پر احتجاج جلوس تب ہی نکلتے ہیں جب انصاف نہیں ملتا ، پولیس اس 6 گھنٹے کے احتجاج کو سنجیدگی سے لے اور قاتلوں کو گرفتار کر کے لواحقین کے زخموں پر پانی چھڑکے ، اِن احتجاجوں سے نقصانات ہوتے ہیں اور پولیس کو اس طرح کے حالات ہی پیدا نہیں کرنے چاہیں ، اور انصاف کے تقاضے ہر صورت پورے کیے جائیں ، ہم مقتول خاندان کے دُکھ میں برابر کے شریک ہیں اور اُن کے ساتھ ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ عالمی شہرت یافتہ کل پاکستان محفل نعت ڈنگہ کا کامیاب انعقاد ، ہزاروں عاشقانِ رسول کی ملک بھر سے شرکت
ڈنگہ (محمدبلال احمد بٹ)عالمی شہرت یافتہ کل پاکستان محفل نعت ڈنگہ کا کامیاب انعقاد ، ہزاروں عاشقانِ رسول کی ملک بھر سے شرکت ، بزم عاشقانِ مصطفی ڈنگہ کی طرف سے خیر مقدمی بینرز لگائے گئے ، تاجر برادری ، سماجی تنظیموں نے شرکاء کو ویلکم کہا ، 3 ہزار کے قریب سیکورٹی اہلکار تعینات کیے ، ڈنگہ میڈیا کونسل کے اراکین کا محفل نعت کے پنڈال کا دورہ ، انتظامات کا جائزہ لیا ، بزم عاشقانِ مصطفی ۖ ڈنگہ کو شاندار انتظامات پر خراجِ تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کے سپوت کا اہم اعزاز، ضیاء الرحمن فاروقی نے فاسٹ یونیورسٹی فیصل آباد کی طرف سے پنجاب بھر میں دوسری پوزیشن حاصل کر لی
ڈنگہ (محمد بلال احمد بٹ)ڈنگہ کے سپوت کے اہم اعزاز ، پنجاب بھر کی 23 یونیورسٹیوں کی سپیڈ پروگرامنگ مقابلوں میں ڈنگہ کے ہونہار سپوت ضیاء الرحمن فاروقی نے فاسٹ یونیورسٹی فیصل آباد کی طرف سے پنجاب بھر میں دوسری پوزیشن حاصل کر لی ، ضیاء الرحمن فاروقی ممتاز تاجر حاجی محمد نواز کے صاحبزادے اور عبد الرحمن نواز گوندل کریانہ والے کے چھوٹے بھائی ہیں اور فاسٹ یونیورسٹی فیصل آباد میں بیچلرز آف کمپیوٹر سائنس 4 سالہ پروگرام میں چوتھے سمسٹر میں زیر تعلیم ہیں اور سپیڈ پروگرامنگ میں منعقدہ ایونٹ میں دوسری پوزیشن پنجاب بھر میں حاصل کی ، جس پر یونیورسٹی کے وائس چانسلر نے تعریفی سرٹیفکیٹ اور اعزازی شیلڈ سے نوازا۔