ڈنگہ: چوہدری اسلم وسن کی دسمبر کے آخری ہفتے میں پاکستان کا دورہ کریں گے،نواز شریف جلد ملک کو ترقی کی راہ پر گامزن کریں گے،چوہدری اسلم وسن کی ٹیلی فونک گفتگو
ڈنگہ(محمد بلال احمد بٹ)پاکستان مسلم لیگ ن یو کے راہنما،معروف بزنس مین چوہدری محمد اسلم وسن دسمبر کے آخری ہفتے میں پاکستان کا دورہ کریں گے،تفصیلات کے مطابق معروف بزنس مین چوہدری اسلم وسن اپنے نجی دورہ پر اس ماہ کے آخری ہفتے میں پاکستان کا دورہ کریں گے،وہ اپنے دورہ کے دوران اپنے فیملی فنکشن ،شادیوں میں شرکت کے علاوہ معروف سیاسی سماجی اعلیٰ حکومتی شخصیات سے ملاقاتیں کریں گے وہ خصوصی طور پر گورنر پنجاب چوہدری محمد سرور اور وزیراعلیٰ پنجاب میاں شہباز شریف سے ملاقات کریں گے اور تحصیل کھاریاں کی تعمیر و ترقی پر بات تفصیلاً بات چیت کریں گے،چوہدری اسلم وسن نے ٹیلی فونک گفتگو کرتے ہوئے کہا کہ اس وقت سب کو مل کر وزیراعظم میاں محمد نواز شریف کے ہاتھ مضبوط کرنے کی اشد ضرورت ہے انہوں نے ہمیں پورا یقین ہے کہ وزیراعظم پاکستان میاں محمد نواز شریف اپنی تجربہ کار ٹیم کی مدد سے چند سالوں میں بجلی،بے روزگاری،مہنگائی جیسے مسائل سے قوم کو نکالیں گے۔ اور ملک کو ترقی کی راہ پر گامزن کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عید گاہ روڈ پر واقع کھوکھا بانوں اور لنڈے والوں نے از خود ہی تجاوزات کا خاتمہ کر دیا
ڈنگہ(محمد بلال احمد بٹ)اسسٹنٹ کمشنر کھاریاں اقبال مظہر اور چیف آفیسر بلدیہ ڈنگہ چوہدری نوید اشرف کے حکم پر عید گاہ روڈ پر واقع کھوکھا بانوں اور لنڈے والوں نے از خود ہی تجاوزات کا خاتمہ کر دیا،تفصیلات کے مطابق اسسٹنٹ کمشنر کھاریاں اقبال مظہر اور چیف آفیسر بلدیہ ڈنگہ چوہدری نوید اشرف وڑائچ کے حکم پر مسلمین جٹ پہلوان نے عید گاہ روڈپر واقع کھوکھا بان اور ریڑھی بانوں کے ساتھ ایک ہنگامی میٹنگز کی جس میں کہا گیا کہ ہم خود ہی تجاوزات کا خاتمہ کر دیں اور آٹھ فٹ جگہ میں اپنے بچوں کا پیٹ پالنے کے لیے کاروبارکریںجس پر تمام کھوکھا بانوں اور ریڑھی بانوں نے خود ہی اپنے کھوکھے سڑک سے کافی پیچھے کر لئے جس سے سڑک کشادہ ہو گئی ہے میٹنگ میںمیاں خاں،فوجی محمد اعظم فروٹ والا،فوجی محمد اقبال،شاہد اقبال شوالی،رانا وسیم،ناصر نائی،تایا لیاقت دانیال،اچھو پہلوان،ذ یشان قصاب،عاقب عمران عنصر،عدنان قصاب،محمد حنیف عرف گرنیٹو،شبیر عرف مہنا پہلوان و دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :الیکشن کمیشن نے پنجاب میں بلدیاتی الیکشن کے شیڈول کا اعلان کر دیا
ڈنگہ(محمدبلال احمد بٹ)الیکشن کمیشن نے پنجاب میں بلدیاتی الیکشن کے شیڈول کا اعلان کر دیا،بلدیاتی الیکشن تیس جنوری کو ہونگے کاغذات نامزدگی بیس سے27دسمبر ،جانچ پڑتال تیس دسمبر سے چار جنوری جبکہ حتمی فہرست13جنوری کو جاری کی جائیں گیں تمام فہرستیں منجمند کر دی گئیں ہیں جس میں تبدیلی نہیں ہو سکے گی۔الیکشن کمیشن کی طرف سے بلدیاتی الیکشن کے شیڈول کا اعلان ہوتے ہی ڈیرے آباد ہونا شروع ہو گئے امیدواروں کے چہروںپر رونقیں امڈ آئیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : وزیر اعظم نے یو تھ سے الیکشن میں کئے تمام وعد ے پو ر ے کر دئیے،ملک نوید احمد اعوان
ڈنگہ(محمد بلال احمد بٹ)ممتاز مسلم لیگی راہنما ڈنگہ سٹی ملک نوید احمد اعوان نے اپنے بیان میں کہا ہے کہ وزیر اعظم نے یو تھ سے الیکشن میں کئے تمام وعد ے پو ر ے کر دئیے،وزیر اعظم کی طر ف سے یہ لون آفر بے روز گار افراد کیلئے فا ئد ہ مند ثا بت ہو گی،ملک نوید اعوان نے کہا کہ ن لیگ انشا اللہ ملک کو تمام بحر انو ں سے با ہر نکا لنے کیلئے دن رات محنت کر رہی ہے،مخالفین ملک کو تر قی کی راہ پر گامز ن ہوتا نہیں دیکھ سکتے وہ حکو مت کے تر قیا تی کامو ں سے حسد کر تے ہیں، اس لئے وہ روز انہ من گھڑت بیانا ت دیتے رہتے ہیں،انہوں نے کہا کہ بلد یا تی الیکشن میں پیپلز پارٹی تحر یک انصا ف اور ق لیگ کو ہمیشہ کیلئے ختم کر دیں گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن شہریوں کے معیار زندگی کو بلند کرنے کے لئے میدان سیاست میں ہے،چوہدری عثمان اسلم آف فتہ بھنڈ
ڈنگہ(محمد بلال احمد بٹ) راہنما مسلم لیگ ن حلقہ این اے106چوہدری عثمان اسلم آف فتہ بھنڈ نے گفتگو کرتے ہوئے کہا کہ وفاقی حکومت نے ہمیشہ ہر سطح پر عوامی حقوق کی بات کی ہے اور مسلم لیگ ن شہریوں کے معیار زندگی کو بلند کرنے کے لئے میدان سیاست میں ہے بلدیاتی انتخابات میں کامیابی مسلم لیگ ن کا مقدر بن چکی ہے انہوں نے ایک سوال کے جواب میں کہا کہ پڑھی لکھی قوم ہی ملک کے مضبوط مستقبل کی ضامن ہے اور دور جدید میں بچوں کو جدید تعلیم سے آراستہ کروانا والدین اور حکومت کی مساوی زمداری ہے تعلیم کے بغیر کسی بھی قوم کی ترقی ممکن نہیں ہے اس لئے ہمیں اپنے بچوں کو جدید تعلیم سے آراستہ کروانا ہوگا،انہوں نے مزید کہا کہ دور حاضر کے تقاضوں سے نمٹنے کیلئے جدید نظام تعلیم کو اپنانا ہوگا سائنس و ٹیکنالوجی کے اس دور میں جدید تعلیم کے بغیر ترقی ممکن نہیں اس لئے حکومت کے ساتھ عوامی نمائندوں اور ہر فرد کو اسکے لئے جدوجہد کرنا ہوگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک کے نامور ایوارڈ یافتہ گلوکار اُستاد شوکت علی کی ڈنگہ آمد
ڈنگہ (محمد بلال احمد بٹ ) ملک کے نامور ایوارڈ یافتہ گلوکار اُستاد شوکت علی کی ممتاز سماجی شخصیت حاجی جاوید اختر ، اسد عباس ، ضیغم عباس سے ملاقات، گلوکار اُستاد شوکت علی کے ہمراہ اُن کے بڑے صاحبزادے گلوکار علی عمران شوکت بھی تھے ، گلوکار شوکت علی ، علی عمران شوکت نے اسد عباس راز ، ضیغم عباس سے دُنیائے موسیقی پر اہم بات چیت کی ، تفصیلات کے مطابق گذشتہ روز ملک کے نامور ایوارڈ یافتہ گلوکار اُستاد شوکت علی اور اُن کے صاحبزادے علی عمران شوکت کی ڈنگہ آمد پر ممتاز سماجی شخصیت حاجی جاوید اختر ، اسد عباس راز، محسن رضا، ضیغم عباس نے اپنی رہائشگاہ محلہ شاہ تکیہ ڈنگہ پر اُن کا فقید المثال استقبال کیا گیا اور اُن کے اعزاز میں گرینڈ اعشائیہ دِیا ، اعشائیہ کی اِس پرو قار تقریب میں اعجاز حسین ، ذوالفقار علی ، شہباز حسین دان ، ڈاکٹر نعیم عابد ، مجاہد عباس ، شہزاد احمد ،مجاور عباس ، حمزہ سجاد ، یاور عباس ، کرار حیدر سمیت کثیر تعداد موجود تھے ، اس خصوصی ملاقات میں گلوکار اُستاد شوکت علی اور علی عمران شوکت نے اسد عباس اور ضیغم عباس سے دُنیائے موسیقی پر خصوصی بات چیت کی ، ضیغم عباس اور اسد عباس نے گلوکار شوکت علی کے لکھے ہوئے سانگ کدی تے ہس بول وے کی دُنیا میں بڑھتی ہوئی مقبولیت اور دُنیا کا ہر گلوکار کو اُسے اپنے اپنے انداز میں پیش کرنے پر خراجِ تحسین پیش کیا ، علاوہ ازیں گلوکار اُستاد شوکت علی نے اپنے خیالات کا اظہار کرتے ہوئے کہا کہ ڈنگہ شہر میرے لیے خاص اہمیت رکھتا ہے کیونکہ بر صغیر پاک و ہند کے نامور کلاسیکل گائیک میرے بزرگوار اُستاد پیارے خاں اور اُن کے صاحبزادے اُستاد پرویز اختر مرحومین و مغفورین میرے محسن اور میرے لیے قابل احترام ہیں ، آج دُنیا کے ہر کونے میں جس پہچان اور عزت و احترام سے مجھے جانا جاتا ہے یہ سب رب العالمین ،میرے والدین اور اُستاد پیارے خاں ، اُستاد پرویز اختر کی مہربانیوں ، شفقتوں اور دُعائوں کا نتیجہ ہے ، اُستاد پیارے خاں ، اُستاد پرویز اختر گُنی آدمی تھے، اور فن موسیقی میں دُنیا میں اُن کا کوئی ثانی نہ تھا ، آج مجھے فخر ہے کہ اُن کے سپوت اسد عباس اور ضیغم عباس فن موسیقی میں اپنے والدین کا نام روشن رکھے ہوئے ہیں۔ بعد ازاں اُنہوں اپنے مشہور گیت سُنا کر سب کے دِل موہ لیے ، اسد عباس اور ضیغم عباس نے بھی اُن کے لکھے ہوئے گیت و غزل پیش خدمت کیے اور خوب داد وصول کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انشاء اللہ تعالیٰ یو سی کولیاں شاہ حسین سے ہمارا پینل کامیابی سے ہمکنار ہو گا،چوہدری پرویز اختر
ڈنگہ ( محمدبلال احمد بٹ ) تریڑوانوالہ کے ممتاز زمیندار امیدوار برائے وائس چیئرمین چوہدری پرویز اختر نے اپنے بیا ن میں کہا کہ انشاء اللہ تعالیٰ یو سی کولیاں شاہ حسین سے ہمارا پینل کامیابی سے ہمکنار ہو گا اور اِس پینل سے امیدوار برائے چیئرمین میاں ارشد حیات سمیت دیگر امیدواران جنرل کونسلران سمیت بھاری اکثریت سے کامیاب ہونگے ، عوام کی بہتری اور حلقہ کی تعمیر و ترقی کے لیے انشاء اللہ کامیاب ہو کر تمام بنیادی مسائل ترجیحی بنیادوں پر حل کریں گے ، جوق درد جوق یونین کونسل کولیاں شاہ حسین کی غیور عوام کی شمولیت اور اُن کی بھر پور حمائت اور ہماری بڑھی ہوئی مقبولیت سے ہمارے مخالفین بوکھلاہٹ کا شکار ہو چکے ہیں ، آنے والا دور ہمارا ہے بلدیاتی الیکشن میں مخالفین کی مقبولیت کا بھانڈہ پھوٹ جائے گا ، اور انشاء اللہ ہمارا پینل تمام سیٹوں پر کامیابیاں سمیٹے گا۔ اُنہوں نے کہا کہ ہمارا مرنا جینا حلقہ کی عوام کیساتھ ہے اور ہمارے امیدوار برائے چیئرمین میاں ارشد حیات کو حلقہ کی غیور عوام کی مکمل حمایت حاصل ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ہم علاقہ کی بہتری فلاح اور ٹیکنیکل تعلیم کے فروغ کے لیے اقدامات کرتے رہیں گے،مبشر حسین ممتاز ماہر تعلیم
ڈنگہ (محمد بلال احمدبٹ) ممتاز ماہر تعلیم انجینئر مبشر حسین پرنسپل گورنمنٹ ٹیکنیکل ٹریننگ سنٹر ڈنگہ نے صحافیوں سے بات چیت کرتے ہوئے کہا کہ ڈنگہ کا یہ تعلیمی انسٹی ٹیوشن ٹرانسفر یا ختم نہیں ہو رہا ، بلکہ یہ ادارہ وفاقی حکومت سے پنجاب حکومت یعنی ٹیوٹا کے سپرد ہو گیا ہے، ہم علاقہ کی بہتری فلاح اور ٹیکنیکل تعلیم کے فروغ کے لیے اقدامات کرتے رہیں گے ، کچھ عناصر جو ہمیں دلبرداشتہ کرنے کے در پے ہیں ، ہم بتا دینا چاہتے ہیں کہ ہم اور ہمارے حوصلے جوان ہیں اور علاقہ کے نوجوانوں کو ہنر مند دیکھنا چاہتے ہیں ، علاقہ ڈنگہ کے لوگ خوش اخلاق ہیں اور اُن کی اِن محبتوں کی وجہ سے ڈنگہ میں رہ کر اس کالج کو احسن طریقہ سے چلانا چاہتے ہیں اور پوری توانائیوں سے کام کرتے رہیں گے ، اب خواہش ہے کہ صحافی برادری اور اربابِ اختیار کی کاوش سے ٹیوٹا کے تحت فوری کلاسز کا اجراء ہو جائے اور طلباء و طالبات ان کورسز سے مستفید بھی ہو سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب کے افسران اور مارکیٹ کمیٹی ڈنگہ کے افسران کے دعوے ٹھس
ڈنگہ (محمد بلال احمد بٹ)حکومت پنجاب کے افسران اور مارکیٹ کمیٹی ڈنگہ کے افسران کے دعوے ٹھس اور زبانی ، عملی طور پر شروع سے لے کر اب تک چونگی ، آڑھت ، کمیشن سبزیوں اور پھلوں کی فروخت پر دھڑے سے وصول کی جا رہی ہے اور ملازمین کے سامنے پھل ، سبزی کی فروخت کا ریٹ لکھا یا جاتا ہے ، بعد میں کمیشن ، آڑھت سمیت وصولی کی جاتی ہے ، اس کے لیے اگر مارکیٹ کمیٹی کے سیکرٹری کو یہ وصولی نظر نہیں آ رہی ، تو صحافی برادری اس کرپشن کا پردہ چاک کرنے کے لیے تیار ہے اور اُن کے پاس تمام ثبوت موجود ہیں ، سیکرٹری مارکیٹ کمیٹی و زراعت افسران و تحصیل انتظامیہ کو معلوم ہونے کے باوجود ان بڑی مچھلیوں ، آڑھتیوں پر ہاتھ ڈالنے سے آخر گریزاں کیوں ہیں ؟
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی ستر ہزار آبادی کے نگران چھ پولیس اہلکار،ڈی پی او توجہ دیں،ڈنگہ شہری غیر محفوظ ہو گئے
ڈنگہ(محمد بلال احمد بٹ)ڈنگہ کی ستر ہزار آبادی کے نگران چھ پولیس اہلکار،ڈی پی او توجہ دیں،ڈنگہ شہری غیر محفوظ ہو گئے شہری مسائل کے حل نہ ہونے کی وجہ سے سخت پریشانی کا شکارہیں،جبکہ اہلکاروں نے چوری ڈکیتی و دیگر وارداتوں کو بھی کنٹرول کرنا ہے اور عدالتوں میں کیسز کی سماعت کے لئے پیش ہونا ہے ڈنگہ چوروں اور ڈکیتیوں کے نرغے میںہے،اور آئے روز نامعلوم افراد شہر بھر میں فائرنگ کرتے پھرتے ہیں جبکہ چوکی ڈنگہ میں اہلکار نہ ہونے کے باعث وارداتوں کو کنٹرول کرنا ناممکن ہو گیا ہے،ایسے حالات میں عوام افسران بالا کی توجہ کے منتظر ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :جماعت اسلامی ڈنگہ کا اہم میٹنگ کا انعقاد،امیر جماعت اسلامی گجرات ڈاکٹر سید احسان اللہ شاہ نے صدارت کی
ڈنگہ(محمد بلال احمدبٹ)جماعت اسلامی ڈنگہ کا اہم میٹنگ کا انعقاد،امیر جماعت اسلامی گجرات ڈاکٹر سید احسان اللہ شاہ نے صدارت کی،اجلاس میں عہدیداران و اراکین کی کثیر تعداد نے شرکت کی میٹنگ میں بلدیاتی الیکشن کے حوالے سے غور و خوص کیا گیا اور اس سلسلے میں امیر جماعت اسلامی ڈنگہ ضیاء الہ شاہین کی سربراہی میں چھ رکنی کمیٹی تشکیل دے دی گئی جو بلدیاتی الیکشن کے معاملات کو ڈیل کرے گی کمیٹی میں ڈاکٹر خالد عاربی،ڈاکٹر اعجاز احمد،سید عرفانشاہ،رانا قاسم حسنین اور اور مرزا اشفاق احمد شامل ہونگے اس موقع پر افتخار احمدافتخار،محمد اشرف انصاری،قاری عنایت اللہ،ذوالفقار علی،عارف مغل،عبدالشکور عاربی حکیم رفاقت علی سمیت دیگر شامل تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محکمہ پی ٹی سی ایل کے تحت چلنے والے ڈنگہ کے سینکڑوں ٹیلی فون صارفین کے ڈی ایس ایل خراب ہو گئے ہیں
ڈنگہ(محمد بلال احمد بٹ)محکمہ پی ٹی سی ایل کے تحت چلنے والے ڈنگہ کے سینکڑوں ٹیلی فون صارفین کے ڈی ایس ایل خراب ہو گئے ہیں،ایس ڈی او ٹیلی فون کو صارفین کی طرف سے بار ہا شکایات کے باوجود کوئی پیش رفت نہ ہو رہی ہے،اور نہ ہی ٹیلی فون کنکشن ٹھیک کئے جا رہے ہیں عوام کو ہر ماہ فیس کی مد میں بھاری بھر کم بل بھیج دیئے جاتے ہیں اور بل دینے کے باوجود محکمہ پی ٹی سی ایل عوام کو نہ تو انٹرنیٹ کی سہولت فراہم کر رہا ہے اور نہ ہی شکایات کاازالہ کر رہے ہیں۔
