ڈنگہ : ڈنگہ شہر بھر میں خونخوار اور آوارہ کتوں کی بھر مار ، سکول جانے والے طلبہ اور شہریوں کی زندگی کو شدید خطرات لاحق
ڈنگہ ( محمدبلال احمد بٹ ) ڈنگہ شہر بھر میں خونخوار اور آوارہ کتوں کی بھر مار ، سکول جانے والے طلبہ اور شہریوں کی زندگی کو شدید خطرات لاحق ، خارش زدہ کتوں سے عوام پریشان ، ڈنگہ شہر و گرد ونواح میں آوارہ کتوں کی وجہ سے کئی طرح کی بیماریاں پھیلنے کا خدشہ ، طلباء و طالبات کو شدید پریشانی کا سامنا ہے ، آوارہ اور خارش زدہ کتوں کی بھرمار کی وجہ سے نمازی صبح کی نماز پڑھنے کے لئے مسجد جاتے وقت اپنے آپ کو غیر محفوظ سمجھتے ہیں اور بازاروں میں چلنے والے خوف محسوس کرتے ہیں جبکہ سکول ، کالج ٹائم میں بچے اور بچیاں روڈ پر چلتے وقت اپنی جان کو خطرات میں ڈالتے ہیں ، عوامی سماجی حلقوں نے مقامی انتظامیہ سے پر زور اپیل کی ہے کہ کوئی ٹھوس اقدامات کیے جائیں عوامی سماجی حلقوں نے متعلقہ احکام سے پرزور مطالبہ کیا ہے کہ آوارہ کتوں کا خاتمہ کر کے عوام کی پریشانی کو کم کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حادثہ میں زخمی 22 سالہ منہاس وڑائچ ہسپتال میں دم توڑ گیا
ڈنگہ ( محمد بلال احمد بٹ ) حادثہ میں زخمی 22 سالہ منہاس وڑائچ ہسپتال میں دم توڑ گیا ، تفصیلات کے مطابق محمد اشفاق وڑائچ کا بیٹا ، طارق محمود وڑائچ کا بھتیجا منہاس وڑائچ سات روز قبل کھاریاں سے آر ہا تھا کہ جمعہ کے روز 4 بجے کے کھمبے سے ٹکرا کر شدید زخمی ہو گیا ، جسے مخدوش حالت میں لاہور ہسپتال ریفر کیا گیا ، 6 روز زیر علاج رہنے کے بعد گذشتہ روز زخموں کی تاب نہ لاتے ہوئے جاں بحق ہو گیا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری برادران کی بڑھتی ہوئی مقبولیت سے سیاسی جماعتیں پریشان ہو چکی ہیں،چوہدری اعجاز احمد آف رنیاں
ڈنگہ (محمد بلال احمد بٹ ) پاکستان مسلم لیگ ق کے راہنما امیدوار صوبائی اسمبلی حلقہ پی پی 113 چوہدری اعجاز احمد آف رنیاں نے اپنے بیان میں کہا ہے کہ چوہدری برادران کی بڑھتی ہوئی مقبولیت سے سیاسی جماعتیں پریشان ہو چکی ہیں ، ملک میں بہتری لانے کے لیے چوہدری برادران ہمہ وقت کوشاں ہیں یہی وجہ ہے کہ دِن بہ دِن چوہدری پرویز الٰہی اور چوہدری وجاہت حسین کی قیادت میں دیگر اہم شخصیات مسلم لیگ ق میں شمولیت کر رہی ہیں ، چوہدری برادران نے ملک کو در پیش چیلنجوں سے نمٹنے کی حکمت عملی تیار کر لی ہے اور انشاء اللہ ملک و قوم کو در پیش تمام مسائل کو ہمیشہ کے لیے جڑ سے ختم کرینگے ، تاکہ پاکستانی قوم تعمیر و ترقی و خوشحالی کی جانب رواں دواں ہو، اُنہوں نے کہا کہ ماضی میں پنجاب میں لوڈ شیڈنگ کیخلاف مینار پاکستان پر کیمپ لگانے والے اب کوئی خاموش ہیں حکمران اب جھوٹی تسلیوں سے قوم کو بے وقوف نہیں بنا سکتے ہیں ۔ اُنہوں نے کہا کہ انشاء اللہ تعالیٰ آئندہ جنرل الیکشن میں ق لیگ کے پلیٹ فارم پہلے سے بڑھ کر بھاری مینڈیٹ سے کامیاب ہو کر عوام کی خدمت کا سلسلہ ہمیشہ جاری رکھیں گے ، اُنہوں نے کہا ہم نے ہمیشہ اصولوں کی سیاست اور مظلوموں کا ساتھ دِیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عوام مہنگائی اور بے روزگاری کی چکی میں پس رہے ہیں جس کی وجہ سے جرائم میں اضافہ ہو رہا ہے،چوہدری دلاور خان آف گکھڑ
ڈنگہ ( محمد بلال احمد بٹ ) انگلینڈ میں مقیم پاکستان مسلم لیگ ق اورسیز راہنما چوہدری دلاور خاں آف گکھڑ نے اپنے بیان میں کہا عوام مہنگائی اور بے روزگاری کی چکی میں پس رہے ہیں جس کی وجہ سے جرائم میں اضافہ ہو رہا ہے ، حکومت نے عوام کو طالبان مذاکرات اور پرویز مشرف کے چکروں میں مبتلا کر رکھا ہے اور کوئی بھی جامع پالیسی نہ بن رہی ہے جبکہ پیپلز پارٹی اور ن لیگ اپنی آئندہ نسلوں کی راہ ہموار کر رہیں ہیں کیونکہ تیسری قوت پاکستان مسلم لیگ ق کے آنے سے دونوں پارٹیوں کی کرپشن منظر عام پر آ جائے گی ، سابق صدر پرویز مشرف اور چوہدری برادران کی حکومت کا ریکارڈ غریب عوام کے مسائل کا حل کرنا ، ملک کو مضبوط کرنا ، کسان ، مزدور ، بھٹہ برادران ، فیکٹری برادران پورے ملک میں سڑکوں کا جال ، گھر گھر بجلی و مفت تعلیم کا یقینی بنانا الغرض یہ طبقہ کیلئے خوشحالی اور بنیادی طور پر روزگار مہیا کئے ملک مضبوط اور ملک کے ذخائر 14 سے 15 ارب ڈالر تک ریکارڈ ملکی ذخائر ہیں نہ خود ہی کرپٹ اور نہ ہی کرپشن کرنے دینا مسلم لیگ ق کے دورِ اقتدار میں 16 آنے میں 12 آنے عوام پر خرچ ہوتے تھے، انشاء اللہ تعالیٰ آئندہ حکومت چوہدری برادران کی ہو گی اور پھر سے ملک خوشحالی کی طرف گامزن ہو گا ، حکمران جھوٹی تسلیوں سے قوم کو بے وقوف نہیں بنا سکتے ، حکومتی پالیسیاں عوام کے لئے عذاب کی شکل اختیار کر چکی ہیں، چوہدری برادران کی قیادت میں پنجاب نے مثالی ترقی کی۔
Related Posts
