ڈنگہ ، ٹوپہ آدم ، میانہ چک بھڑگڑاں میں ڈنڈوں سوٹوں اور فائرنگ سے خواتین سمیت کئی افراد زخمی
ڈنگہ ( محمد بلال ا حمد بٹ ) ڈنگہ ، ٹوپہ آدم ، میانہ چک بھڑگڑاں میں ڈنڈوں سوٹوں اور فائرنگ سے خواتین سمیت کئی افراد زخمی ، مقدمات درج ۔ تفصیلات کے مطابق محلہ دربار قلندریہ ڈنگہ میں اراضی کے تنازعہ پر پیر آفتاب شاہ کے گھر میں سید تنویر شاہ مسلح ریفل ، سید نوید شاہ مسلح پسٹل 30بور ، پسران سید عباس شاہ قوم سید ساکن پپلاں اور چار کس نامعلو م افراد نے فائرنگ شروع کر دی ۔ جس سے گھر کے تمام افراد معجزانہ طور پر محفوظ رہے اور مجرمان قتل کی دھمکیاں دیتے ہوئے اور للکاریں مارتے ہوئے فرار ہو گئے ۔ تھانہ ڈنگہ میں مدعی پیر آفتاب شاہ کی درخواست پر ملزمان کے خلاف زیر دفعہ 149ت پ 337H2/148کے تحت مقدمہ درج کر لیا گیا ۔ دوسری جانب میانہ چک بھڑگڑاں میں اراضی کے تنازعہ پر میاں احسان الحق ولد فضل الحق ، سیف اللہ ولد فضل الحق ، میاں عبدالخالق ، میاں فضل الحق نے اپنے بھائیوں کے ہمراہ ڈنڈوں اور سوٹوں سے احتشام الحق رشید اور اس کی والدہ صغراں بی بی کو شدید زخمی کر دیا اور جان سے مارنے کی دھمکیاں دیتے ہوئے فرار ہو گئے ۔ تھانہ ڈنگہ میں مدعی قیصر رشید ولد محمد قوم گجر سکنہ میانہ چک بھڑگڑاں کی درخواست پر تین کس نامزد مجرم میاں احسان الحق ولد فضل الحق ، سیف اللہ ولد فضل الحق ولد میاں عبدالخالق قوم گجر کے خلاف زیر دفعہ 337f5/337a1ت پ کے تحت مقدمہ درج کر لیا گیا ۔ تیسری جانب ٹوپہ آدم میں محمد اسلم ، سرفراز احمد ، محمد افضال اپنی گندم کٹائی کر کے گھر واپس آرہے تھے کہ راستے میں محمد عنصر ، محمد اشرف ، صفدر علی ، امجد حسین ، محمد اشرف ، عبدالحناف مسلح کلہاڑی اور سوٹوں سے حملہ کر دیا جس کے نتیجے میں محمد اسلم ، سرفراز احمد اور محمد افضال زخمی ہو گئے ۔ تھانہ ڈنگہ میں مدعی فیصل اعجاز ولد محمد اسلم قوم گجر سکنہ ٹوپہ آدم کی درخواست پر 6 کس نامزد اور2 نامعلوم افراد کے خلاف زیر دفعہ 337f1/147۔337f5/337a1ت پ کے تحت مقدمات درج کروا دیے گئے ۔ وجہ عنادپرانی مقدمہ بازی بتائی گئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عوامی خدمت کے نام پر ووٹ مانگنے والے آنکھوں میں دھول جھونک کر غائب ہو گئے،چوہدری خوشدل
ڈنگہ ( محمد بلال احمد بٹ ) فتح پور کے ممتاز زمیندار نمبردار ممتاز مسلم لیگی ورکر چوہدری خوشدل نے اپنے بیان میں کہا کہ عوامی خدمت کے نام پر ووٹ مانگنے والے آنکھوں میں دھول جھونک کر غائب ہو گئے ۔ مسلم لیگ ق ملک کو بنانے والے اور مقبولی ترین عوامی و سیاسی قوت ہے جس کے مرکزی قائدین چوہدری برادران کی عوامی مقبولیت آج بھی برقرار ہے پاکستان مسلم لیگ ق ہی ملک و قوم کو مسائل سے نکالنے کے لیے بہترین حکمت عملی اور قابل عمل پلاننگ رکھتی ہے ۔ انہوں نے کہا کہ چوہدری برادران کی سیاسی مہم بہترین لیڈر شپ اور قائدانہ صلاحیتوں کا مظاہرہ ملک کے عوام گزشتہ ق لیگی دور حکومت میں بہت اچھی طرح دیکھ چکے ہیں اسی لیے عوام چوہدری برادران کو اپنا نجات دہندہ تصور کرتے ہیں انہوں نے کہا کہ چوہدری وجاہت حسین سابق وفاقی وزیر کی دانشمندانہ جرأت مندانہ اور ولولہ انگیز قیادت میں مسلم لیگ ق از سر نو متحدو منظم اور فعال ہو رہی ہے بہت جلد ملک پاکستان کی سیاسی فضا میں ہر طرف مسلم لیگ ق ہی دکھائی دے گی ۔ انہوں نے کہا کہ چوہدری حسین الہیٰ اپنے والد گرامی کے نقشے قدم پر چلتے ہوئے جو انہیں حلقے میں پیار ملا ہے وہ کسی اعزاز سے کم نہیں ۔ وہ بہت جلد سیاست کے میدان میں اپنا مقام بنائیں گے ۔ چوہدری برادران کا دور اقتدار ایک مثالی دور تھا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ اور گردنواح میں ناقص صفائی کی وجہ سے ہوٹلوں ، مٹھائی شاپس ، بیکری کول ڈرنکس ، آئس بارز ، چھوٹے بڑے گوشت اور چکن سیلز سینٹرز پر مکھیوں کی یلغار
ڈنگہ ( محمد بلال احمد بٹ ) ڈنگہ اور گردنواح میں ناقص صفائی کی وجہ سے ہوٹلوں ، مٹھائی شاپس ، بیکری کول ڈرنکس ، آئس بارز ، چھوٹے بڑے گوشت اور چکن سیلز سینٹرز پر مکھیوں کی یلغار ، کھانے پینے کی دکانوں پر مکھیوں کی یلغار کی وجہ سے انسان کو گھن آتی ہے بیماریوں کے جراثیم ایک جگہ سے دوسری جگہ لے جانے کے لیے مکھیوں سے تیز اور کوئی ذریعہ نہیں مکھیوں نے ہیضہ ڈائریا قے اور دیگر موذی امراض پھیلانے کا سبب بنتی ہیں ۔ اعلیٰ حکام سے نوٹس لینے کی اپیل کی گئی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: جعلی مینڈیٹ پر اقتدار حاصل کرنے والی جماعت نے عوام کو مایوسیوں کے سوا کچھ نہیں دیا،چوہدری اخلاق احمد رنیاں
ڈنگہ ( محمد بلال احمد بٹ ) پاکستان مسلم لیگ ق سابق ناظم چوہدری اخلاق احمد رنیاں نے اپنے بیان میں کہا کہ جعلی مینڈیٹ پر اقتدار حاصل کرنے والی جماعت نے عوام کو مایوسیوں کے سوا کچھ نہیں دیا ۔ عوام مہنگائی بیروزگاری ، بجلی ، گیس لوڈشیڈنگ جیسے مسائل سے دو چار ہے ۔ جو جعلی مینڈیٹ حاصل کرنے والی جماعت کی ناقص پالیسیوں کا نتیجہ ہے عوام کا اب ان پر سے اعتماد اُٹھ چکا ہے اور اب اپنی نفرت کا اظہار کر رہی ہے ۔ انہوں نے کہا کہ موجودہ حکمران جماعت کا خاموش رہنا مفاد پرستی کی علامت ہے ۔ انہوں نے کہا کہ پاکستان مسلم لیگ ق ملک بھر میں تیزی سے عوام میں دن بدن مقبول ہو رہی ہے ۔ ن لیگ کی موجودہ حکومت اپنے دور میں ملکی خزانوں کو بے دردی سے لوٹ رہے ہیں اور ترقیاتی منصوبوں کے حوالے سے کرپشن کر رہے ہیں ۔ چوہدری برادران کا دامن صاف ہے چوہدری برادران ملک کی ترقی کے لیے ہم تن مصروف ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : جمہوریت کے نام پر جمہور کا اقتدار کہیں نظر نہیں آرہا ،چوہدری دلاور خاں انگلینڈ
ڈنگہ (محمد بلال احمد بٹ ) پاکستان مسلم لیگ ق کے اوورسیز راہنما چوہدری دلاور خاں انگلینڈ آف گکھڑ نے ٹیلی فون پرگفتگو کرتے ہوئے کہا کہ جمہوریت کے نام پر جمہور کا اقتدار کہیں نظر نہیں آرہا ، ملک میں ایک خاندان کی بادشاہت کا راج ہے یہی وجہ ہے کہ بڑھتی ہوئی مہنگائی اور مہنگی بجلی نے عوام کا جینا دوبھر کر دیا ہے اوپر سے لوڈ شیڈنگ کا عذاب اور جب عوام کے پیٹ خالی ہوں اور وہ شدید قسم کے معاشی مسائل کا شکار ہوں تو نہ انہیں جمہوریت سے سروکار ہوتا ہے نہ آزاد عدلیہ اور نہ ہی آزاد میڈیا سے عوام حکمرانوں کے کیے گئے وعدے پور ے نہ ہونے پر مایوسی کا شکار ہیں ۔ آج آٹا غریب کی پہنچ سے باہر ہو گیا ہے اور عوام مہنگائی کے سیلاب میں غرق ہو رہے ہیں۔ حکمران لاکھ دہائی دیں کہ جمہوریت خطرے میں ہے وہ حکمرانوں کی آواز پر کان دھرنے کو تیار نہیں عوام کیلئے جمہوریت یہی ہے کہ حکمران عوام سے کیے گئے وعدے پورے کریں ۔ گڈ گورننس کو فروغ دیں ان کے معیار زندگی کو بلند کرنے کے لیے اقدامات کریں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ن لیگ کی حکومت عوام کو ہر ممکن ریلیف دینے کیلئے تمام تر وسائل بروئے کار لا رہی ہے،چوہدری عثمان اسلم
ڈنگہ(محمد بلال احمد بٹ)پارلیمانی سیکرٹری برائے دفاع ،ایم این اے چوہدری جعفر اقبال کے چھوٹے بھائی چوہدری عثمان اسلم آف فتہ بھنڈ نے اپنے بیان میں کہا ہے کہ ن لیگ کی حکومت عوام کو ہر ممکن ریلیف دینے کیلئے تمام تر وسائل بروئے کار لا رہی ہے انہوں نے کہا کہ لوڈشیڈنگ کے خاتمے کے لئے ماضی میں برسراقتدار رہنے والی حکومتوں نے کچھ نہیں کیا جب کہ ن لیگ تھرمل پاور نندی پور نیلم جہلم پراجیکٹ کھل کر کے جلد بجلی کی کم سے کم لوڈشیڈنگ کا تحفہ عوام کو دے گی،انہوں نے کہا کہ ن لیگ کی حکومت نے کرپشن سے پاک حکومت اور معاشرے کے لئے جدو جدجہد شروع کر رکھی ہے جلد اس کے ثمرات عوام محسوس کریں گے،توانائی کا بحران حل ہو گیا تولوگوں کے روزگار میسر بھی آئیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ضلع بھر کے گندم خریداری مراکزمیں موجود گندم کی بوریوں کی چھان بین کا فیصلہ کیا ہے،لیاقت علی چٹھہDCO
ڈنگہ(محمد بلال احمد بٹ)باوثوق ذرائع سے معلوم ہوا ہے کہ ڈی سی او گجرات لیاقت علی چٹھہ نے گندم خریداری مرکزڈنگہ پر ہونے والی بڑے پیمانے پر بدعنوانی کے بعد ضلع بھر کے گندم خریداری مراکزمیں موجود گندم کی بوریوں کی چھان بین کا فیصلہ کیا ہے اس سلسلہ میںمحکمہ مال کے افراد اور افسران پر مشتمل ٹیمیں تشکیل دی جا رہی ہیں جوگندم کی ہر بوری کو خریدنے والے عملے کے خلاف مقدمات کا اندراج کر کے انہیں گرفتار کر لیا جائے گا یاد رہے کہ گندم خریداری مرکزڈنگہ میں مٹی ملی گیلی گندم اورمضر صحت ملنے والی سینکڑوں گندم پکڑے جانے کے بعد ڈی سی او گجرات نے ضلع بھر میں آپریشن شروع کر نے کا فیصلہ کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ہم ڈنگہ میں ہر قسم کے غیر اخلاقی جرائم کے خلاف بر سر پیکار ہیں،محمد مشتاق ڈار ایس آئی
ڈنگہ ( محمد بلال احمد بٹ) انچارج چوکی سٹی ڈنگہ محمد مشتاق ڈار نے کہا ہے کہ ہم ڈنگہ میں ہر قسم کے غیر اخلاقی جرائم کے خلاف بر سر پیکار ہیں اور گشت کا سلسلہ بھی بڑھا رہا ہیں ، منشیات ، چوریوں ، راہزنی کی وارداتوں کے خلاف پوری توانائیوں سے کام کر رہے ہیں ، اس میں عوام الناس کی ایک کال پر بغیر سفارش کام ہو گا ، جہاں بھی جرائم ہو گا ہمیں آگاہ کیا جائے ، کسی قسم کی کوئی رعائت جرائم کرنے والوں سے ہر گز نہ برتی جائے ، چاہے کوئی کتنا ہی با اثر کیوں نہ ہو اس پر ضرور ہاتھ ڈالیں گے،یہ ہمارا فرض بھی ہے اور فرض کی ادائیگی ہر صورت میں کریں گے ، عوام اس میں تعاون کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ گندم اسکینڈل میں کھاریاں کے تحصیلیدار ندیم مسعود برتھ کی گرفتاری کے خلاف کھاریاں کے پٹواریوں کی ہڑتال،سائلین خوار ہو گئے
ڈنگہ(محمد بلال احمد بٹ)ڈنگہ گندم اسکینڈل میں کھاریاں کے تحصیلیدار ندیم مسعود برتھ کی گرفتاری کے خلاف کھاریاں کے پٹواریوں کی ہڑتال،سائلین خوار ہو گئے۔ندیم مسعود برتھ کو گذشتہ روز اپنے فرائض میں غفلت برتنے پر ڈی سی او گجرات نے ان کے خلاف پرچہ درج کروا کر گرفتار کروایا تھا،تحصیلدار ندیم مسعود برتھ کی گرفتاری کے خلاف احتجاج کے طور پر کھاریاں کے پٹواریوں نے گذشتہ روزہڑتال کی تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:مین بازار ڈنگہ میں داخل ہونے والی مصروف ترین سٹریٹ نور حسین کشمیری میں لگا پول بڑے حادثہ کا باعث بن سکتا ہے
ڈنگہ(محمد بلال احمد بٹ)ڈنگہ پریس کلب رجسٹرڈ نے ایس ڈی او واپڈا سب ڈویثرن ڈنگہIکو ایک تحریری درخواست کے ذریعے آگاہ کیا ہے کہ مین بازار ڈنگہ میں داخل ہونے والی مصروف ترین سٹریٹ نور حسین کشمیری کے دوسرے سرے پر لگا ہوا واپڈا کا لوہے کا پول جو عین نالی نکاسی گندہ پانی کے درمیان لگا ہوا ہے جسکی وجہ سے زنگ لگ جانے سے پول کے دو سٹینڈز ختم ہو چکے ہیں اور ایک سٹینڈ پر کھڑا یہ پول کسی وقت گر سکتا ہے،جو بڑے حادثہ کا سبب بن سکتا ہے،لہذا اس پول کو فوری ختم کر کے نیا پول لگایا جائے یا متبادل بندوبست کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر میں وا ٹر سپلائی کا پانی عوام میں بیماریاں تقسیم کرنے لگا
ڈنگہ(محمد بلال احمد بٹ)ڈنگہ شہر میں وا ٹر سپلائی کا پانی عوام میں بیماریاں تقسیم کرنے لگا ،واٹر سپلائی کے پانی میں نالیوں کے گندے پانی کی آمیزش عوام کیلئے وبال جان بن چکی ہے، ذمہ داران عوام کو ریلیف فراہم کرنے کی بجائے خواب غفلت کی نیند سو چکے ہیں،ان خیالات کا اظہار محلہ یتیم شاہ،محلہ کشمیریاں،محلہ آہیراں،محلہ عطاء محمد روڈ،محلہ آہیراں مشرقی،محلہ بگی پورہ اور دیگر محلوں کے مختلف رہائشیوں نے کھلا راز سروے ٹیم سے گفتگو کرتے ہوئے کیا،انہوں نے کہا کہ واٹر سپلائی کے پانی میں نالیوں کا گندا بدبودار پانی شامل ہو کر آرہا ہے جسکی وجہ سے عوام میں پیٹ کے امراض پھیلنے کا اندیشہ ہے،اس موقع پر لوگوںنے ٹی ایم اے ڈنگہ سے مطالبہ کیا ہے کہ وہ لوگوں کوبدبودار گندے پانی سے نجات دلانے کیلئے اپنا کردار ادا کرے تاکہ شہریوں کو ریلیف مل سکے اور اگر اس اہم مسئلے کو جلد حل نہ کیا گیا تو عوام شدید احتجاج کرنے پر مجبور ہوں گے جس کی ذمہ داری ٹی ایم اے ڈنگہ کے احکام پر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : موجودہ حکومت نے عوام کو مہنگائی بے روزگاری،لوڈشیڈنگ اور دیگر بحرانوں کے سوا کچھ بھی نہیں دیا
ڈنگہ(محمد بلال احمد بٹ)ڈنگہ شہر کی مختلف شعبہ زندگی سے تعلق رکھنے والی شخصیات نے گفتگو کرتے ہوئے کہا ہے کہ موجودہ حکومت نے عوام کو مہنگائی بے روزگاری،لوڈشیڈنگ اور دیگر بحرانوں کے سوا کچھ بھی نہیں دیا جس سے عوام کی زندگی ایک سزا بن کر رہ گئی ہے،اور ملک بھر میں لوگ غربت کی وجہ سے خودکشیاں کرنے پر مجبور ہو رہے ہیں،غریب شہری دو وقت کی روٹی کیلئے بد بدر کی ٹھوکریں کھا رہی ہیں،لوڈشیڈنگ سے ملکی معیشت تباہ اور اوپر سے آئے روز بجلی کی قیمتوں میں اضافہ نے عام شہریوں کو زندہ درگار کر دیا ہے عوام شدیدترین مسائل میں مبتلا ہیں جبکہ حکمران سب اچھا ہے کے ساتھ اقتدار کے مزے لوٹ رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حکومت پنجاب نے مظہر بلوچ کو گجرات میں ڈسٹرکٹ فوڈ کنٹرولر تعینات کر دیا ہے
ڈنگہ(محمد بلال احمد بٹ)حکومت پنجاب نے مظہر بلوچ کو گجرات میں ڈسٹرکٹ فوڈ کنٹرولر تعینات کر دیا ہے،جبکہ ان کے پیش رو کو لاہور تبدیل کردیا ہے،مظہر بلوچ نے بطور ڈی ایف سی چارج سنبھال کر کام شروع کردیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وقار احمد باجوہ کے ہاں چاند سے بیٹے کی پیدائش،بھتیجے کی پیدائش
ڈنگہ(محمد بلال احمد بٹ)سابق انسپکٹر چونگی محصولیات لالہ غلام رسول باجوہ مرحوم کے فرزند اور ایم ڈی الحسین میرج ہال وقاص احمد باجوہ کے بھائی وقار احمد باجوہ کے ہاں چاند سے بیٹے کی پیدائش،بھتیجے کی پیدائش پر وقاص احمدباجوہ کو دوست احباب کی مبارکبادیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محمد اصغر قریشی کو عمرہ کی سعادت حاصل کرنے پر چوہدری راصف آہیر اور ڈاکٹر محمد عنایت کی مبارکباد
ڈنگہ(محمد بلال احمد بٹ)انجمن پان فروش ڈنگہ کے جنرل سیکرٹری محمد اصغر قریشی کو عمرہ کی سعادت حاصل کرنے پر چوہدری راصف آہیر اور ڈاکٹر محمد عنایت کی مبارکباد،تفصیلات کے مطابق سرپرست ڈنگہ پریس کلب رجسٹرڈ ڈاکٹر محمد عنایت اورجنرل سیکرٹری ڈنگہ پریس کلب رجسٹرڈ چوہدری راصف آہیر نے گذشتہ روز محمد اصغر قریشی کی رہائش گاہ پر جا کر انہیں عمرہ کی سعادت حاصل کرنے پر مبارکباد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پولیس تھانہ ڈنگہ نے میاں افتخار احمد فائرنگ کیس کے ملزمان کو پناہ دینے اور فرار کرنے کے جرم میں انکے قریبی عزیز محمد علی چوہان کو گرفتار کر لیا
ڈنگہ(محمد بلال احمد بٹ)باوثوق ذرائع سے معلوم ہوا ہے کہ پولیس تھانہ ڈنگہ نے میاں افتخار احمد فائرنگ کیس کے ملزمان کو پناہ دینے اور فرار کرنے کے جرم میں انکے قریبی عزیز محمد علی چوہان کو گرفتار کر لیا دفعہ2016کے تحت مقدمہ درج کر کے تفتیش شروع۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :میاں افتخار احمد آف کولیاں شاہ حسین فائرنگ کیس میں گرفتار میاں ذیشان عطا عرف میاں شانی ضمانت پر رہا
ڈنگہ(محمد بلال احمد بٹ)میاں افتخار احمد آف کولیاں شاہ حسین فائرنگ کیس میں گرفتار میاں ذیشان عطا عرف میاں شانی ضمانت پر رہا،میاں ذیشان نے14دن جسمانی ریمانڈ پولیس تھانہ ڈنگہ کی حراست میں رہے،بعد ازاں انہیں جوڈیشنل کر دیا گیا کہ گذشتہ روز عرفان اکرم تارڑ جودیشنل مجسٹریٹ کی عدالت نے انکی ضمانت منظور کرتے ہوئے رہائی کا حکم دے دیا میاں ذیشان کی طف سے ممتاز ماہر قانون میاں اعجاز احمد ایڈووکیٹ پیش ہوئے۔
Related Posts
