ڈنگہ : حکمران جماعت نے حکومت قائم ہونے سے اب تک عوام کو کوئی ریلیف نہیں دیا، چوہدری اعجاز احمد رنیاں
ڈنگہ ( محمد بلال احمد بٹ) پاکستان مسلم لیگ ق امیدوار برائے صوبائی اسمبلی حلقہ پی پی 113 ڈیرہ ڈنگہ پر چوہدری اعجاز احمد رنیاں نے صحافیوں سے گفتگو کرتے ہوئے کہا کہ حکمران جماعت نے حکومت قائم ہونے سے اب تک عوام کو کوئی ریلیف نہیں دیا دوسری جانب مہنگائی،بے روزگاری ،غنڈہ گردی ،لوڈشیڈنگ اور دیگر معاشرتی جرائم کی تعداد میںدن بدن اضافہ ہو رہا ہے اور مسلم لیگ ق جماعت عوام کے دلوںمیں جگہ بنانے میں کافی حد تک کامیاب ہو چکی ہے ۔چوہدری برادران کی قیادت میں آئندہ جنرل الیکشن میں پہلے سے بڑھ کر بھاری اکثریت سے عوام کے ووٹ کی طاقت سے ایم پی اے منتخب ہونگے ، اگر بلدیاتی انتخابات جاری کردہ شیڈول کے مطابق منعقد کر ا دئیے جاتے تو حکمران جماعت کو یقینی طور پر عبرتناک شکست سے دو چار ہونا پڑتا ۔یہ ہی وجہ ہے کہ حکومت پنجاب نے بلدیاتی انتخابات سے راہ فرار اختیار کر لی ہے جو حکومت کی ناکامی کا منہ بولتا ثبوت ہیں ، اُنہوں نے مزید کہا دوسری جماعتوں کو چھوڑ کر ق لیگ میں شمولیت کرنے والی تمام شخصیات کو خوش آمدید کرتے ہیں اور ہم اُمید کرتے ہیں کہ وہ چوہدری برادران کے ہاتھ مزید مضبوط کرینگے ، سابق ڈپٹی وزیر اعظیم چوہدری پرویز الٰہی نے اپنے دورِ اقتدار میں پنجاب بھر میں میگا پراجیکٹس مکمل کروائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : باضابطہ نوٹیفکیشن کے باوجود ڈنگہ عملی طور پر میونسپل کمیٹی نہ بن سکا ، تا حال یونین کونسلیں قائم
ڈنگہ (محمد بلال احمد بٹ ) باضابطہ نوٹیفکیشن کے باوجود ڈنگہ عملی طور پر میونسپل کمیٹی نہ بن سکا ، تا حال یونین کونسلیں قائم، صوبہ بھر میں درجنوں میونسپل کمیٹیاں اور میونسپل کارپوریشنوں کے قیام کے لئے لوکل گورنمنٹ آرڈیننس میں ترمیم کے بعد میونسپل کمیٹی قرار پانے والا ڈنگہ تا حال TMAنان ہیڈ کوارٹر ہے ، صوبائی سطح پر ابھی تک رولز آف بزنس ہی نہیں بن سکے اور مستقبل قریب میں اس کا کوئی امکان بھی نہیں ، ڈنگہ سمیت نئی میونسپل کمیٹیوں کے قیام کا باضابطہ نوٹیفکیشن بھی جار کر دِیا گیا ، مگر صوبائی سطح پر نہ تو رولز آف بزنس تیار کئے گئے نہ تحصیل میونسپل ایڈمنسٹریشن کی تحلیل کی گئی ، اس وقت ڈنگہ میں تمام بلدیاتی امور پرانے طریقے کے نظام کے تحت نمٹائے جا رہے ہیں ، ڈنگہ دو یونین کونسلوں اور ٹی ایم اے نان ہیڈ کوارٹر میں تاحال تقسیم ہے با خبر ذرائع کے مطابق رولز آف بزنس کی تیاری پہلے ہی محکمہ لوکل گورنمنٹ کی وزارت کو کوئی دلچسپی نہیں تھی ، اب الیکشن غیر معینہ التواء کے بعد مستقبل قریب میں کوئی امکان بھی نظر نہیں آتا یوں لگتا ہے کہ بلدیاتی امور کو اسی ڈھیلے ڈھالے انداز میں دو سال تک گھسیٹا جائے گا تاکہ صوبائی حکومت اور منتخب نمائندگان کے اختیار میں کسی نوع کی تقسیم کا خدشہ نہ رہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : کراچی میں ایکسپریس کی وین پر حملے اور تین کارکنوں کی شہادت پر گہرے دکھ رنج اور افسوس کا اظہار کرتے ہیں،چوہدری وحید اکرم آف ہالینڈ
ڈنگہ(محمد بلال احمد بٹ)معروف زمیندار،صدر مسلم لیگ ن ہالینڈ،چیئر مین پاک نیدر لینڈ فرینڈ شپ ایسوسی ایشن چوہدری وحید اکرم آف ہالینڈ نے اپنے ٹیلی فونک بیان میں کراچی میں ایکسپریس کی وین پر حملے اور تین کارکنوں کی شہادت پر گہرے دکھ رنج اور افسوس کا اظہار کیا اور فاتحہ خوانی کی انہوں نے اسے آزادی صحافت پر حملہ اور کراچی آپریشن کی ناکامی قرار دیا ہے انہوں نے کہا کہ صحافی معاشرے کی آنکھ ہوتے ہیں وہ جو دیکھتے ہیں اس کی صحیح ترجمانی کرتے ہوئے عوام کے سامنے پیش کرتے ہیں اگر اسی طرح صحافیوں پر حملے ہوتے رہے اور صحافی شہید ہوتے رہے تو دیار غیر میں پاکستان کا امیج مزید خراب ہو گا انہوں نے سیکورٹی اداروں سے اپیل کی کہ وہ سیکورٹی کو مزید سخت اوربہتر بنائیں تاکہ آئندہ کوئی ایسا واقعہ رونما نہ ہو اور ملکی حالات بہتر ہو ں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :آئمہ مساجد،خطباء اور دینی مدرسین کے لئے عمرہ ٹکٹ کے لیے سالانہ قرعہ اندازی 31 جنوری بروز جمعتہ المبارک دفتر حاجی ٹریولز میں منعقد ہو گی،حاجی شاہد محمود بٹ
ڈنگہ (محمد بلال احمد بٹ ) ممتاز سماجی و سیاسی شخصیت حاجی شاہد محمود بٹ ایم ڈی حاجی ٹریولز نے ایک پریس ریلیز میں بتایا کہ آئمہ مساجد، خطباء اور دینی مدرسین کے لیے مخصوص ایک عمرہ ٹکٹ کے لیے سالانہ قرعہ اندازی 31 جنوری بروز جمعتہ المبارک دفتر حاجی ٹریولز میں منعقد ہو جانے چیف ایگزیکٹو حاجی ٹریولز طیارے فاضل رولنگ کمانڈر محمد جمل اور فلائنگ ڈائریکٹر حاجی ٹریولز صدر مرکزی انجمن تاجران جنرل سیکرٹری بزم عاشقانِ مصطفی ڈنگہ ، صدر ٹریولز ایسوسی ایشن حاجی شاہد محمود بٹ نے قرعہ اندازی میں شرکت کے خواہش مند آئمہ مساجد ، خطباء اور مدرسین سے درخواست کی ہے وہ اپنے قومی شناختی کارڈ کی فوٹو کاپی 30 جنوری جمعرات تک دفتر حاجی ٹریولز میں پہنچا دیں بعد میں آنے والوں کو قرعہ اندازی میں شریک نہیں کیا جائیگا ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :بزم عاشقان مصطفی ڈنگہ بارہویں سالانہ کل پاکستان محفل نعت مارچ کے پہلے ہفتے میں کروانے کا فیصلہ کر چکی ہے،حاجی شاہد محمود بٹ
ڈنگہ ( محمد بلال احمد بٹ ) جنرل سیکرٹری بزم عاشقانِ مصطفی ۖ حاجی شاہد محمود بٹ نے بتایا کہ عملی طور پر بزم سالانہ بارہواں کل پاکستان محفل نعت ڈنگہ کو مارچ کے پہلے ہفتہ میں مرکزی جامع مسجد عید گاہ ڈنگہ میں منعقد کروانے کا فیصلہ کر چکا ہے اس ضمن میں آئندہ اجلاس چند روز میں طلب کر کے انتظامی امور پر تفصیلی مشاورت کے بعد حتمی تاریخ کا اعلان کر دِیا جائیگا اُنہوں نے کہا انتظامات اور نعت خواں حضرات کے انتخاب میں سابقہ روایات کو برقرار رکھا جائے گا اور بزم کے تمام اراکین اس ضمن میں پر جوش ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :محلہ غوثیہ مہریہ ڈنگہ میں چوری کی واردات ، نامعلوم چور گھر کے اندر کھڑی موٹر سائیکل چرا لے گئے
ڈنگہ (محمد بلال احمد بٹ ) محلہ غوثیہ مہریہ ڈنگہ میں چوری کی واردات ، نامعلوم چور گھر کے اندر کھڑی موٹر سائیکل چرا لے گئے ، محلہ غوثیہ مہریہ کے رہائشی ڈاکٹر جواد احمد ولد عبد المجید قوم گجر نے تھانہ ڈنگہ میں درخواست دیدی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :منہاج القرآن شعبہ خواتین ڈنگہ کے زیر اہتمام آج منہاج ماڈل ہائی سکول درسگاہ روڈ ڈنگہ میں محفل میلاد منعقد ہو گی
ڈنگہ (محمد بلال احمد بٹ ) منہاج القرآن شعبہ خواتین ڈنگہ کے زیر اہتمام آج بروز اتوار 19 جنوری 10 بجے دِن منہاج ماڈل ہائی سکول درسگاہ روڈ ڈنگہ میں حضور ۖ آپ آئے تو دِل جگمگائے کے عنوان سے خواتین کی ایک عظیم الشان محفل میلاد منعقد ہو گی ، اس عظیم الشان محفل ذکر و نعت میں ملک کی معروف نعت خواں تشمیلہ یاسمین خصوصی طور پر شرکت کرینگی اور ہدیہ عقیدت حضور ۖ کی خدمت اقدس پیش کرینگی ، محفل ذکر و نعت میں خصوصی خطاب اور دُعا صدر منہاج القرآن شعبہ خواتین ڈنگہ اقصیٰ قادری فرمائیں گی اور خواتین کی کثیر تعداد اس روحانی محفل میں بھر پور شرکت کرینگی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پارلیمانی سیکرٹری وزارت دفاع چوہدری جعفر اقبال کی وفاقی وزیر ریلوے خواجہ سعد رفیق سے خصوصی ملاقات
ڈنگہ(محمد بلال احمدبٹ)پارلیمانی سیکرٹری وزارت دفاع چوہدری جعفر اقبال کی وفاقی وزیر ریلوے خواجہ سعد رفیق سے خصوصی ملاقات ، لالہ موسیٰ ڈنگہ کے ریلوے اسٹیشن کی ترقی کیلئے تبادلہ خیال کیا گیا لالہ موسیٰ ڈنگہ بہت بڑی تجارتی منڈیاں ہیں انہیں مال کی سپلائی کیلئے مال گاڑی چلائی جائے،چوہدری جعفر اقبال کی درخواست پر خواجہ سعد رفیق نے یقین دہانی کروائی کہ ،ڈنگہ لالہ موسیٰ ریلوے اسٹیشن کے مسائل ترجیحی بنیادوں پر حل کرنے سمیت مال گاڑی چلانے کیلئے اقدامات اٹھائیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :علاقہ کی سرکردہ اور معتبر شخصیت الحاج چوہدری محمد اقبال نون نمبردار سعودی عرب سے وطن واپس لوٹ آئے
ڈنگہ(محمد بلال احمد بٹ)علاقہ کی سرکردہ اور معتبر شخصیت الحاج چوہدری محمد اقبال نون نمبردار سعودی عرب سے وطن واپس لوٹ آئے الحاج چوہدری محمد اقبال نون نمبردار کا سعودی عرب سے اور انکے بیٹے چوہدری ذکریا اقبال ،چوہدری احسان فیصل نون کا انگلینڈ سے وطن واپسی پر والہانہ اور پرتپاک استقبال کیا گیا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : میاں فیصل رشید گوبزپینٹس کی ریکارڈ سیل کے ساتھ ٹارگٹ اچیو کرنے پر 10روزہ UAEکے وزٹ پر روانہ
ڈنگہ(محمد بلال احمد بٹ)صدر سریا سیمنٹ ایسوسی ایشن حاجی میاں رشید احمد کے فرزند ارجمند میاں فیصل رشید گوبزپینٹس کی ریکارڈ سیل کے ساتھ ٹارگٹ اچیو کرنے پر 10روزہ UAEکے وزٹ پر روانہ میاں فیصل رشید نے ملک گھر شہرت کے حامل گوبز پینٹس کی ریکارڈ سیل کرتے ہوئے ٹارگٹ اچیو کرنے پر کمپنی نے انہیں یو اے ای کے وزٹ کیلئے منتخب کیا،حاجی میاں رشید احمد کے صاحبزادے میاں فیصل رشید کو انکے دوست احباب عزیز و اقارب نے یو اے ای کیلئے الوداع کیا،میاں فیصل رشید دس روزہ دورہ کے بعد بیس جنوری کو واپس وطن آئیں گے
ڈنگہ :مسلح افراد نے اندھا دھند فائرنگ کر کے55سالہ چرواہے کو موت کے گھاٹ اتار دیا
ڈنگہ(محمدبلال احمد بٹ)مسلح افراد نے اندھا دھند فائرنگ کر کے55سالہ چرواہے کو موت کے گھاٹ اتار دیا، رندھیر کا رہائشی55سالہ چرواہا بہادر خاں ولد مہر دین اپنے ڈیرہ پر سویا ہوا تھا جسے نامعلوم افراد نے قتل کر کے اس کی نعش ڈھوک گجراں کے قریب کھیتوں میں پھینک دی،پولیس نے مقتول کے بھائی مہدی خاں کی رپورٹ پر نامعلوم افراد کے خلاف مقدمہ درج کر کے نعش پوسٹ مارٹم کے بعد ورثاء کے حوالہ کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :2متحارب گروپوں کی فائرنگ کی زد میں آکر بے گناہ ٹیکسی ڈرائیور قتل
ڈنگہ(محمد بلال احمد بٹ)2متحارب گروپوں کی فائرنگ کی زد میں آکر بے گناہ ٹیکسی ڈرائیور قتل دھنی کا رہائشی ہارون بیگ سواری کو نواحی گائوں فتہ بھنڈ پہنچانے اپنی ٹیکسی پر گیا اس دوران دو پارٹیوں کی فائرنگ کی زد میں آکر جاں بحق ہو گیا،پولیس نے مقتول کے بھائی کی رپورٹ پر مہر جان وغیرہ نو افراد کے خلاف مقدمہ درج کر کے نعش ورثاء کے حوالہ کر دی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :حاجی رشید احمد کے صاحبزادے وسیم احمد رشتہ ازدواج میں منسلک ہو گئے
ڈنگہ(محمد بلال احمد بٹ)حاجی رشید احمد کے صاحبزادے بائو نوید احمد،وحید احمد شاکر،توصیف احمد،حافظ توقیر کے بھائی وسیم احمد رشتہ ازدواج میں منسلک ہو گئے انکی دعوت ولیمہ اور انکی ہمشیرہ کی تقریب رخصتی آج لال قلعہ پر ہو ئی حاجی رشید احمد،بائو نوید احمد،وحید احمد شاکر،توصیف احمد،حافظ توقیر احمد اور انکی فیملی کی سرکردہ شخصیات دولہا،بارات اور مہمانوں کا استقبال کیا ،کثیر تعداد میںمعززین علاقہ نے شرکت کی
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خون سفید ہو گیا،زمین کے تنازعہ پر دو بھائیوں نے بڑے بھائی کو اینٹیں مار مار کر موت کے گھاٹ اتار دیا
ڈنگہ(محمد بلال احمد بٹ)خون سفید ہو گیا،زمین کے تنازعہ پر دو بھائیوں نے بڑے بھائی کو اینٹیں مار مار کر موت کے گھاٹ اتار دیا،پنڈی کالو میں قمر اور شمریز نے زمین کے تنازعہ پر بڑے بھائی جاوید کو قتل کر دیا پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :جشن عیدمیلاد النبیۖ کے موقع پر دی گرائمر سکول ڈنگہ کے زبردست لائٹنگ کر کر کے نمبروں کا اعزاز حاصل کر لیا
ڈنگہ(محمد بلال احمد بٹ)جشن عیدمیلاد النبیۖ کے موقع پر دی گرائمر سکول ڈنگہ کے زبردست لائٹنگ کر کر کے نمبروں کا اعزاز حاصل کر لیا،دی گرامر سکول کے ڈائریکٹر عارف مغل اور پرنسپل مسز عارف مغل نے عید میلاد النبیۖ پر پورے سکول کی بلڈنگ خوبصورت رنگین برقی قمقموں اور آرائشی محرابوں سے سجائے عید میلاد النبی ۖ کے موقع پر دی گرائمر سکول ڈنگہ روشن روشن اور جگمگ جگمگ کر رہا تھا شہریوں نے سکول انتظامیہ کو زبردست الفاظ میں خراج تحسین پیش کیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ماہر تعمیرات انجینئر نذر حسین شریف مغل متحدہ عرب امارات کے دورے پر روانہ ہو گئے
ڈنگہ(محمد بلال احمد بٹ)ماہر تعمیرات انجینئر نذر حسین شریف مغل متحدہ عرب امارات کے دورے پر روانہ ہو گئے،انکے دوست احباب عزیز و اقارب نے اسلام آباد ایئرپورپر یو اے ای کیلئے الوداع کیا۔
۔
