ڈنگہ :محلہ مغل پورہ ڈنگہ کے رہائشی ماسٹر شوکت محمودموٹر سائیکل کی ٹکر سے شدید زخمی
ڈنگہ (محمد بلال احمد بٹ ) محلہ مغل پورہ ڈنگہ کے رہائشی ماسٹر شوکت محمود ایشین پبلک سکول کی طرف پیدل جا رہے تھے کہ ہیلاں روڈ پر گورنمنٹ ہائی سکول ڈنگہ کے قریب پیجھے سے آنے والے تیز رفتار موٹر سائیکل نے ٹکر مار دِی جس کے نتیجہ میں ماسٹر شوکت محمود زخمی ہو کر نیچے گر پڑے ، جن طبی امداد کے لیے قریبی ہسپتال منتقل کیا گیا ، سر پر شدید چوٹوں اور شدید زخمی ہونے کی صورت میں گجرات ہسپتال ریفر کر دِیا ، جبکہ موٹر سائیکل سوار رضوان آف سویہ کا رہائشی ہے جس کے خلاف پولیس چوکی سٹی ڈنگہ میں درخواست دیدی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: کمانڈر آرمی احمد خاں نے آئندہ بلدیاتی الیکشن وارڈ نمبر 7 میونسپل کمیٹی ڈنگہ سے جنرل کونسلر کے الیکشن لڑنے کا اعلان کر دِیا
ڈنگہ (محمد بلال احمد بٹ ) محلہ رام باغ ڈنگہ ممتاز سماجی و سیاسی شخصیت ریٹائرڈ کمانڈر آرمی احمد خاں نے آئندہ بلدیاتی الیکشن وارڈ نمبر 7 میونسپل کمیٹی ڈنگہ سے جنرل کونسلر کے الیکشن لڑنے کا اعلان کر دِیا ، اُنہوں نے کہا کہ انشاء اللہ تعالیٰ بلدیاتی الیکشن میں سیاست کے میدان میں عوام کی خدمت اور روایتی سیاستدانوں کا ڈٹ کر مقابلہ کرونگا ، اُنہوں نے مزید کہا کہ انشاء اللہ تعالیٰ اپنی برادری دھڑے سمیت باہم صلاح و مشورہ کر کے الیکشن لڑنے کا فیصلہ کر لیا ہے ، انشاء اللہ سیاست کے اصولوں پر سودے بازی نہیں کرینگے اور موروثی سیاستدانوں اور مورثیت کے پیرو کار اور وڈیرہ ازم کا خاتمہ کے لیے ممکن اقدامات کرونگا۔عوام انصاف کی خاطر در بدر ٹھوکریں کھا رہے ہیں ، عوام کے پیار سے کامیابی حاصل کر کے ہر مظلوم شخص اُس کی دہلیز پر انصاف دونگا ، میرا ایمان پختہ ہے ، میری گردن تو کٹ سکتی ہے مگر حق کا ساتھ نہیں چھوڑ سکتا، عوام سے میرا رشتہ وفا اور محبت کا ہے جو نہ ٹوٹنے والا ہے ، عوامی مسائل کے حل کے لیے ممکن جدو جہد جاری رکھیں گے ، شریف اور عزت دار لوگوں کے لیے میرے دروازے ہر وقت کھلے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :انجمن تاجران کی دبی چنگاری دوبارہ بھڑکنے کا امکان،تحفظ تاجران فارورڈ بلاک کے نام سے تیسرا گروپ سامنے آگیا
ڈنگہ(محمد بلال احمد بٹ)انجمن تاجران کی دبی چنگاری دوبارہ بھڑکنے کا امکان،تحفظ تاجران فارورڈ بلاک کے نام سے تیسرا گروپ سامنے آگیا ،ڈنگہ میں انجمن تاجران کے دو دھڑے حاجی شاہد بٹ گروپ،حاجی نواز گروپ لگ بھگ ایک سال تک شہر کی بھاگ دوڑ سنبھالنے کے لیے آمنے سامنے رہے دونوں گروپوں کا یہ دعویٰ تھا کہ انکے پاس ذیلی تاجر تنظیموں کی اکثریت ہے اس لئے اختیارات کا منبہ انہیں ہونا چاہیے طویل کھینچا تانی کے بعد تحفظ تاجران کے14میں سے چار اہم اراکین نے حاجی شاہد بٹ گروپ میں شمولیت اختیار کر لی اور دوسرے چار کے قریب اراکین نے تحفظ تاجران میں خود کو غیر فعال کر لیا اور الگ ہو کر بیٹھ گئے جس پر شاہد بٹ گروپ خود کو مضبوط گروپ تصور کرنے لگا،جس پر ڈنگہ کی بڑی اور فعال تنظیم کریانہ ایسوسی ایشن ڈنگہ نے میاں اسلم کو ثالث تسلیم کرنے سے انکار کرتے ہوئے حاجی شاہد بٹ گروپ کے ساتھ اپنا تعلق مشروط طور پر ختم کر دیا،انکا موقف تھا معاملہ میاں اسلم کے پاس حل ہو تو ہم حاجی شاہد بٹ گرو پ کے ساتھ نہیں رہیں گے،حاجی نواز کریانہ ایسوسی ایشن کا نمائندہ نہیں ہے اسے اگر مرکزی انجمن تاجران میں شامل کیا گیا تو یہ کریانہ کی بڑی تنظیم کے ساتھ زیادتی ہو گی کریانہ ایسوسی ایشن کی علیحدگی کے باوجود دونوں انجمن تاجران ایک ٹیبل پر بیٹھیں،میاں اسلم نے دونوں کو پانچ پانچ عہدے دینے کا اعلان کیا،حاجی شاہد محمود بٹ گروپ نے پانچ نام دیئے جس پر شہر سے کوئی واضع اعتراض نہ اٹھا جبکہ حاجی نواز گروپ کی طرف سے دیئے گئے پانچ ناموں پر انہی کے گروپ کی تنظیموں کی طرف سے علم بغاوت بلند ہو گیااور اس گروپ میں تحفظ تاجران فارورڈ بلاک کے نام سے واضع طور پر سامنے آکر میاں اسلم اور حاجی نواز ،ریاض بٹ گروپ کے فیصلوں سے انکاری ہو گیا،اور واضع عندیہ دیا کہ ثالث قطعاً ہمارے پانچ نامزد عہدیداروں کا اعلان نہ کرے وگرنہ ہم دما دم مست قلندر کریں گے اور تادم تحریر پوزیشن یہ ہے کہ تحفظ تاجران فارورڈ بلاک خود کو اس گروپ میں زیادہ تنظیموں کا حمایت یافتہ قرار دیتا ہے اور اس کا یہ دعویٰ ہے کہ ریاض بٹ گروپ کے ساتھ شہر بھر سے دس تنظیمیں بھی نہیں اور یہ دونوں خود کو بھی کسی ذیلی تنظیم کے صدر یا سیکرٹری نہیں اس لئے انکے ساتھ حاجی شاہد بٹ گروپ نہ کوئی مذاکرات کرے اور نہ ہی انہیں عہدیدارتسلیم کرے وگرنہ ہمارے احتجاج کا دائرہ کار بڑھ کر حاجی نواز کے ساتھ ساتھ شاہد بٹ گروپ تک بھی پھیل جائے گا جو بھی مذاکرات کرنے میں تحفظ تاجران فارورڈ بلاک کے ساتھ کئے جائیں عہدے بھی انہی کا حق بنتا ہے اسی گروپ میں 20سے زائد ذیلی تنظیمیں موجود ہیں جبکہ حاجی شاہد بٹ گروپ٠ خود کو بدستور چالیس سے زائد تنظیموں کا حمایت یافتہ طاقتور گروپ قرار دیتے ہوئے کوئی نیا رسک نہیں لینا چاہتا ہے،جبکہ حاجی نواز گروپ ثالث کو دیئے گئے پانچ ناموں میں کوئی ردوبدل کئے بغیر فوری طور پر میاں اسلم سے ان کا اعلان کروانا چاہتا ہے، اعلان ہواتو حالات کی سنگینی کیا ہو گی عالم فہم سے بالاتر ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ویگا سکول سسٹم کاتمام سٹاف پوری ایمانداری اورلگن کے ساتھ اپنے فرائض سر انجام دے کر بہترین تعلیم کے ساتھ ساتھ شاندار تربیت کی ذمہ داری بھی پوری کررہا ہے،مسعود احمد اعوان
ڈنگہ(محمد بلال احمد بٹ)ممتاز سماجی و تعلیمی شخصیت پرنسپل دی ویگا سکول سسٹم ڈنگہ مسعود احمد اعوان نے کہا ہے کہ ویگا سکول سسٹم ایک طویل عرصہ سے ڈنگہ کے نونہالان چمن کی بہترین آبیاری کرتے ہوئے مستقبل کے معماروں کی تعلیم و تربیت کا فریضہ انتہائی احسن طریقے سے پورا کر رہا ہے،ویگا سکول سسٹم کاتمام سٹاف پوری ایمانداری اورلگن کے ساتھ اپنے فرائض سر انجام دے کر بہترین تعلیم کے ساتھ ساتھ شاندار تربیت کی ذمہ داری بھی پوری کررہا ہے،ہمارے شاندار نتائج اس بات کے گواہ ہیں اور تعلیمی سرگرمیوں کے ساتھ ساتھ ہم نصابی سرگرمیوں میں بھی ویگا سکول سسٹم اپنا نمایاں مقام طویل عرصہ سے برقرار رکھا ہوا، ہے والدین کا اعتماد اور طلباء کی بہترین تربیت ہمارے لئے سب سے بڑا اعزاز ہے اور ہم اپنے فرائض اپنی روایات کے مطابق محنت اور ایمانداری کے ساتھ ادا کرتے رہیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:چیف جسٹس آف پاکستان نے سعودی عرب میں مقیم پاکستانی کی ای میل پر از خود نوٹس لے لیا ہے
ڈنگہ(محمد بلال احمد بٹ)چیف جسٹس آف پاکستان نے سعودی عرب میں مقیم پاکستانی کی ای میل پر از خود نوٹس لے لیا ہے،جس میں بتایا گیا ہے کہ سعودی عرب میں تین ہزار پاکستانی جیلوں میں قید ہیں جن میں سے مبینہ طور پر کئی ہلاک ہو چکے ہیں،مزید بتایا گیا ہے کہ سعودی حکومت نے ان پاکستانیوں کو واپس بھجوانے کیلئے گرفتار کیا ہے لیکن پاکستانی سفارت خانہ انہیں ڈی پورٹ کرنے کے حوالے سے کاغذات تیار کرنے میں سنجیدگی کا مظاہرہ نہیں کر رہا،چیف جسٹس نے وزارت خارجہ سے اس معاملہ پر ایک ہفتہ میں جامع رپورٹ طلب کر لی ہے،یا درہے کہ سعودی حکومت نے چند ماہ پہلے ہی یہ واضح کر دیا تھا کہ وہ غیر قانونی طور پر مقیم غیر ملکیوں کو ڈی پورٹ کر دے گی، اس کی طرف سے کچھ مہلت بھی دی گئی تھی چاہیے تھا تو یہی تھا کہ سعودی عرب میں موجود پاکستانی سفارخانہ اپنے ہم وطنوں کو ہر ممکن معاونت فراہم کرتا اور انہیں ڈی پورٹ کرنے کیلئے درکار کاغذات فوری دیئے جائیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:صداقت علی بٹ آن لائن نیو ز پیپر ڈیلی جلا وطن ڈاٹ کام کے منڈی بہائو الدین سے بیوروچیف مقرر
ڈنگہ(محمد بلال احمد بٹ)معروف صحافی بیوروچیف نئے حقائق صداقت علی بٹ آن لائن نیو ز پیپر ڈیلی جلا وطن ڈاٹ کام کے منڈی بہائو الدین سے بیوروچیف مقرر ہو گئے اس سے پہلے وہ نئے حقائق اور جذبہ سے اٹیچ ہیں۔
Related Posts
