چیئرمین سی ڈی اے معروف افضل نے سپارکو(SUPARCO)کے زریعے سی ڈی اے کے زیر قبضہ سیکٹرز کیSatellite Imaging کے بارے میں منعقدہ
اسلام آباد (این این اے ) چیئرمین سی ڈی اے معروف افضل نے سپارکو(SUPARCO)کے زریعے سی ڈی اے کے زیر قبضہ سیکٹرز کیSatellite Imaging کے بارے میں منعقدہ ایک جائزہ اجلاس کی صدارت کی ۔ سپارکو کے نمائندوں نے چیئرمین سی ڈی اے کو اس پراجیکٹ کے بارے میں تفصیلی بریفنگ دی اور سیکٹر D-12اور E-12کی ابتدائی تصاویربھی پیش کیں۔ چیئرمین سی ڈ ی اے نے سپارکو کے نمائندوں کو کام میںمزید بہتری لاتے ہوئے اسلام آباد کے تمام سیکٹرز کی Satellite Imaging کا کام جلد مکمل کرنے کی ہدایت کی ۔ چیئرمین سی ڈی اے نے اس موقع پر مزید کہاکہSatellite Imaging کا یہ کام سی ڈی اے کی طرف سے نئے سیکٹرز کے ایوارڈ کے اعلان کے عمل کو مزید شفاف بنانے میں کار آمد ثابت ہو گا۔ یہ عمل شہر سے تجاوزات کے خاتمے میں بھی مزید مدد گار ثابت ہو گا۔ اس موقع پر چیئرمین سی ڈی اے نے مزید کہاکہSatellite Imaging کے اس عمل کو بلڈنگ کنٹرول سیکشن کا حصہ بنایا جائے گا تاکہ بلڈنگ کنٹرول سیکشن کی کارکردگی کو مزید شفاف بنایا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممبر ایڈمنسٹریشن سی ڈی اے عامر علی احمد نے کہاہے کہ سی ڈی اے اسلام آباد میں خلاف قانون کام کرنے والے ریستورانوں پر نظر رکھے ہوئے ہے
اسلام آباد (این این اے ) ممبر ایڈمنسٹریشن سی ڈی اے عامر علی احمد نے کہاہے کہ سی ڈی اے اسلام آباد میں خلاف قانون کام کرنے والے ریستورانوں پر نظر رکھے ہوئے ہے۔ اس سلسلے میں ڈائریکٹر میونسپل ایڈمنسٹریشن نے ایف سیون ون ، ماروی روڈ پر واقع مسٹر فلپ کے ملکیتی La Miason نامی ایک فرینچ ریستوران جو کہ بغیر ٹریڈ لائسنس کے کام کر رہاتھاکے خلاف کاروائی کی۔ یہ ریستوران جگہ کے غیر قانونی استعمال اور حرام خوراک کی فراہمی میںبھی ملوث تھا۔ یہ تمام کام میونسپل بائی لاز کی خلاف ورزی تھے۔ممبر ایڈمنسٹریشن عامر علی احمد نے ڈائریکٹوریٹ آف میونسپل ایڈمنسٹریشن کو متذکرہ ریستوران پر چھاپے کی ہدایت کی جس کے بعد ریستوران کے باہر آویزاں بورڈز اور بینرز کو ضبط کر لیا گیا۔ چھاپہ مارنے والی ٹیم نے متذکرہ ریستوران کے کچن کو بھی سر بمہر کر دیا اور ریستوران کی انتظامیہ کو یہ غیر قانونی کام بند کرنے کا نوٹس بھی جاری کر دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سی ڈی اے کے ترجمان نے کہاہے کہ اسلام آباد کو خوبصورت بنانا سی ڈی اے انتظامیہ کی اولین ترجیحات میں شامل ہے
اسلام آباد (این این اے ) سی ڈی اے کے ترجمان نے کہاہے کہ اسلام آباد کو خوبصورت بنانا سی ڈی اے انتظامیہ کی اولین ترجیحات میں شامل ہے۔ اس سلسلہ میں سی ڈی اے نے پینٹ کمپنیوں اور ملٹی نیشنل کارپوریشنز کو شہر کی خوبصورتی بڑھانے کے عمل میں شامل کیاہے۔ یہ پینٹ کمپنیاںاور ملٹی نیشنل کارپوریشنز اپنے خرچ پر اسلام آباد کو خوبصورت بنانے کے عمل میں مصروف ہیںجبکہ اس سلسلہ میں سی ڈی اے پر کوئی مالی ذمہ داری عائد نہیں ہوگی۔ یہ پینٹ کمپنیاں اور ملٹی نیشنل کارپوریشنز شہر کو خوبصورت بنانے کا عمل مرحلہ وار طریقے سے مکمل کرے گی۔ ترجمان نے مزید کہاکہ ان پینٹ کمپنیوںاور ملٹی نیشنل کارپوریشنز نے شہر کو خوبصورتی بڑھانے کے عمل کے پہلے مرحلے میں زیرہ پوائنٹ سے لے کر فیصل مسجد تک شاہراہ پر کرو سٹونز اور کو پینٹ کیا اور سڑکوں کی درمیانی اور سبز جگہوں کی خوبصورتی کو بڑھایا ۔ اس عمل کا دوسرا مرحلہ جلد شروع ہو گا جس میں فیض آبادسے لے کر سیرینا ہوٹل تک کی شاہراہ کو خوبصورت بنایاجائے گا ۔ ترجمان نے مزید کہاکہ تمام شہر کی خوبصورتی کا عمل سی ڈی اے اپنی طرف سے کسی بھی خرچ کے بغیر یقینی بنائے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان پیپلزپارٹی کے آئندہ منتخب وزیراعظم بلال بھٹوہونگے انکی قیادت میں موجودہ فرسودہ نظام کو تبدیل کرکے بیوروکریسی کی بجائے
بہاولپور(این این اے) پاکستان پیپلزپارٹی کے آئندہ منتخب وزیراعظم بلال بھٹوہونگے انکی قیادت میں موجودہ فرسودہ نظام کو تبدیل کرکے بیوروکریسی کی بجائے عوامی نمائندوں کوکمشنر ڈپٹی کمشنر وفاقی اور صوبائی سیکریٹریز سے لیکر ایس ایچ اووز تک کومنتخب کیاجائیگا جس سے ایک عام آدمی کی معاشی اقتصادی حالت بہتربنانے کیلئے انقلابی اقدامات کرنے ہونگے ان خیالات کااظہار خان محمدحسین آزاد سابق ڈپٹی اٹارنی جنرل پاکستان ممبرفیڈرل کونسل۔سنٹرل ایگزیکٹوکمیٹی پاکستان پیپلزپارٹی نے اپنے آفس چیمبرمیں غیررسمی بات چیت کے دوران کیاانہوں نے کہاکہ بلاول بھٹو کوخراج تحسین پیش کرتے ہیں کہ جنہوں نے گذشتہ روز نوڈیرومیں پاکستان پیپلزپارٹی کے منشور اسلام ہمارادین ہے جمہوریت ہماری سیاست ہے سوشلزم ہماری معیشت ہے طاقت کاسرچشمہ عوام ہیں پر حقیقی عمل درامد کرنیکااعلان کیا ہے انہوں نے کہاکہ پی پی پی واحدجماعت ہے جوفیڈریشن کی بقاء اورسلامتی کی ضامن ہے انہوں نے مزیدکہا کہ پاکستان کی عوام مہنگائی بیروزگاری دہشت گردی لوڈشیڈنگ سے تنگ آچکی ہے پی پی پی برسراقتدار آکران عوامی مشکلات کوختم کریگی اورایک عام آدمی کوخوشحال بنائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شیخ عباس رضا سابق صدربہاول پورچیمبرآف کامرس اینڈ انڈسٹری نے اپنے ایک بیان میں کہاہے کہ بہاول پورچیمبرکی غفلت کے باعث2004 ء سے بہاول پورانڈسٹریل اسٹیٹ التواء کاشکار ہے
بہاولپور(این این اے)شیخ عباس رضا سابق صدربہاول پورچیمبرآف کامرس اینڈ انڈسٹری نے اپنے ایک بیان میں کہاہے کہ بہاول پورچیمبرکی غفلت کے باعث2004 ء سے بہاول پورانڈسٹریل اسٹیٹ التواء کاشکار ہے چیمبرکے اراکین مہمانوں کوکھاناکھلانے کی بجائے تاجران کے مفادات پر توجہ دیں انہوںنے کہاکہ بہاول پورچیمبرآف کامرس اینڈ انڈسٹری نے 2004 ء میں آغاپور میں انڈسٹریل اسٹیٹ کے قیام کافیصلہ کیاگیا لیکن بہاول پورچیمبرکے اراکین کی اس معاملہ میں عدم دلچسپی کے باعث اس کے قیام کیلئے کوئی پیش رفت نہ ہوسکی جبکہ رحیم یارخان چیمبرآف کامرس کاقیام بہاول پورچیمبرکے بعد ہوا لیکن وہاں کی بزنس کمیونٹی نے انڈسٹریل اسٹیٹ کے قیام کیلئے جدوجہدکی جس کاثمرانکو رحیم یارخان انڈسٹریل اسٹیٹ کے قیام کی صورت میں ملا ہے انہوں نے بہاول پورکے بزنس کمیونٹی اورچیمبرآف کامرس کے اراکین سے مطالبہ کیا کہ بہاو ل پورانڈسٹریل اسٹیٹ کے قیام کیلئے جنگی بنیادوں پر کام کیاجائے بہاول پورانڈسٹریل اسٹیٹ کے قیام سے بہاول پورمیں بے روزگاری میں کمی اور بہاول پورچیمبر کی ممبرشپ میں اضافہ ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نصاب کے ذریعے ہم جنس پرستی کی راہ ہموار کی جارہی ہے اسلام نے ہم جنس پرستی، بدکاری کوحرام قرار دیا ہے ہمارے نصاب تعلیم میں غیر ملکی دبائو کی وجہ سے ناصرف جنسی تعلیم دی جارہی ہے
بہاولپور(این این اے)نصاب کے ذریعے ہم جنس پرستی کی راہ ہموار کی جارہی ہے اسلام نے ہم جنس پرستی، بدکاری کوحرام قرار دیا ہے ہمارے نصاب تعلیم میں غیر ملکی دبائو کی وجہ سے ناصرف جنسی تعلیم دی جارہی ہے بلکہ جنسی حقوق کی تعلیم کی منصوبہ بندی کی جارہی ہے انہوں نے کہا امریکہ اور اس کے اتحادی طاقت و قوت کے بل بوتے پر مسلمانوں کو شکست نہیں دے سکے ۔ اب وہ یہ جنگ تعلیمی محاذ پر لڑ رہے ہیں۔ اسلام اور نظریہ پاکستان کے تحفظ کے لیے کسی قسم کی قربانی سے دریغ نہیںکیاجائیگا ۔ اساتذہ کرام اور تعلیمی ماہرین کو چاہیے کہ نوجوان نسل کے ذہن برباد کرنے کے لیے جو کلچر و ثقافت پھیلانے اور تعلیمی نظام کو سیکولر بنانے کی کوششیں کی جارہی ہیں ان کے خلاف بھر پور جدوجہد کریں ۔ انہوں نے کہا مسلمانوں کی ترقی ہمیشہ اسی دور میں ہوئی جب انہوں نے دین کو ساتھ لے کر تعلیم کے میدان میں آگے بڑھنا شروع کیا ہے اور جب وہ دین سے دو ر ہوئے تو انہیں ہر جگہ اور ہر مقام پر صرف رسوائی و ناکامی ہی ملی ۔ نئی نسل کو اسلام سے دور کرنے کی سازشوں کو ناکام بنانا ہوگا پہلے دین اور دنیا کی تعلیم ایک ہی جگہ پر ہوتی تھی لیکن انگریز نے برصغیر میں دینی اور دنیاوی علوم کو الگ الگ کرکے ہمیں تقسیم کردیا ہے ان خیالات کا اظہار الشیخ عبدالطیف ، حافظ محسن، مولانا عبدالوہاب،حبیب الرحمن اورامیر جماعة الدعوة بہاولپور رانا عمر فاروق نے اپنے ایک بیان میں کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تیزرفتارسرکاری گاڑی کی ٹکرسے موٹرسائیکل پرسوارخاتون ہلاک ،موٹرسائیکل سوار شدیدزخمی
بہاولپور(این این اے)تیزرفتارسرکاری گاڑی کی ٹکرسے موٹرسائیکل پرسوارخاتون ہلاک ،موٹرسائیکل سوار شدیدزخمی،مقدمہ درج تفصیل کے مطابق حاصل پورروڈ پراسلامیہ یونیورسٹی کے قریب تیز رفتارسرکاری کارXLI نمبریBNE-678 جوکہ بہاول نگر جاری رہی تھی بے قابوہوکر یوٹرن سے موڑ کاٹتے ہوئے موٹرسائیکل سے جاٹکرائی جس کے نتیجہ میں ایک خاتون موقع پرجاں بحق ہوگئی جبکہ موٹرسائیکل سوارشدیدزخمی ہوگیاحادثہ کی اطلاع ملتے ہی تھانہ بغدادالجدید کی پولیس موقع پرپہنچ گئی اورکارمیں سوار سرکاری آفیسر جسکانام ملک عابدبتایاجاتاہے کوڈرائیورسمیت گرفتارکرلیا جبکہ زخمی ہونے والے شخص کو شعبہ حادثات بی وی ایچ منتقل کردیاگیاجہاں اسکی حالت تشویش ناک بتائی جاتی ہے پولیس تھانہ بغدادالجدید نے مقدمہ درج کرلیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جے یوآئی کے سابق پارلیمانی لیڈر ومرکزی رہنما مفتی کفایت اللہ آج بروز ہفتہ پریس کانفرنس سے خطاب کریں گے
بہاولپور(این این اے)جے یوآئی کے سابق پارلیمانی لیڈر ومرکزی رہنما مفتی کفایت اللہ آج بروز ہفتہ پریس کانفرنس سے خطاب کریں گے تفصیل کے مطابق جمعیت علماء اسلام کے سابق پارلیمانی لیڈر خیبرپی کے ومرکزی رہنما مفتی کفایت اللہ آج بروزہفتہ ایک روزہ دورہ پربہاول پورپہنچیں گے وہ بعدنمازظہر ختم نبوت چوک پرواقع مقامی ہوٹل میں پریس کانفرنس سے خطاب کریں گے علاوہ ازیں بعدنمازمغرب عنبریہ مسجد چوک شاہدرہ میں کارکنان سے خطاب کریں گے اوراپنے دورہ میں عالمی مجلس ختم نبوت کے رہنمائوں سے ملاقاتیں کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
وزیر مملکت برائے پارلیمانی امور شیخ آفتاب احمد کے گروپ سے تعلق رکھنے والے امیدوار کسان کونسلر یونین کونسل مرزا ٹھیکیدار محمدجمیل
اٹک(این این اے) وزیر مملکت برائے پارلیمانی امور شیخ آفتاب احمد کے گروپ سے تعلق رکھنے والے امیدوار کسان کونسلر یونین کونسل مرزا ٹھیکیدار محمدجمیل کو بلا مقابلہ بنوانے کے لیے ریٹرننگ آفیسر تحصیل اٹک پرویز اقبال ملک نے جماعت اسلامی کے یونین کونسل مرزا سے امیدوار کسان کونسلر امجد محمو د اور میجر گروپ کے امیدوار کسا ن کونسلر یاسر اقبال ، یاسر عرفات ، مسلم لیگ(ن) کے متبادل امیدوارفضل عالم کے کاغذات نامزدگی فنی وجوہات کی بناء پر اسلام آباد سے آنے والی ایک کال کے سبب مسترد کر دیئے جس کے سبب شیخ آفتاب احمدمسلم لیگ(ن) کے امیدوار ٹھیکیدار محمد جمیل بلا مقابلہ منتخب ہونے کی راہ ہموار کر دی عوامی سیاسی، سماجی ، حلقوں اور انسانی حقوق کی تنظیموں نے ریٹرننگ آفیسر تحصیل اٹک پرویز اقبال ملک کو ان کی ” اعلیٰ خدمات ”کے پیش نظر چیف جسٹس پاکستان اور چیف الیکشن کمشنر سے سند اعزاز دینے کا مطالبہ کیا ہے یاد رہے کہ پرویز اقبال ملک گزشتہ 4دہائیوں سے اٹک میں ہر آنے والی حکومت کو خوش کر کے نائب تحصیلدار کی حیثیت سے ترقی کر کے اب ای ڈی او سی ڈی کے عہدہ پر تعینات ہو چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
نیشنل بنک اٹک کے آپریشنل منیجر عبد القدیر نے اسٹیٹ بنک کے احکامات بالائے طاق رکھ کر نیشنل بنک میں جنگل کا قانون نافذ کر دیا
اٹک(این این اے) نیشنل بنک اٹک کے آپریشنل منیجر عبد القدیر نے اسٹیٹ بنک کے احکامات بالائے طاق رکھ کر نیشنل بنک میں جنگل کا قانون نافذ کر دیا اے ٹی ایم مشین میں آئے روز رقم نہ ہونے کے سبب دور دراز سے آنے والے سرکاری ملازمین کو مشکلات کا سامنا آپریشنل منیجر سے اس سلسلہ میں شکایت کی گئی تو انہو ں نے کہا کہ وہ اٹک میں ڈیوٹی سے تنگ آ چکے ہیں اس بناء پر انہوںنے جان بوجھ کر اے ٹی ایم مشین میں رقم نہیں ڈالی تاکہ شکایت پر انہیں ان کے من پسند علاقہ میں بھیج دیا جائے لہذا وہ اپنے تبادلے تک اے ٹی ایم مشین میں کبھی رقم ڈال دیں گے اور کبھی نہیں شکایت کرنے پر وہ صارفین پر برس پڑے اور کہا کہ انہوںنے ایک کروڑ روپے ڈالا تھا اگر ختم ہو گئے تو ان کا کوئی قصور نہیں بنک صارفین نے چیف جسٹس ، صدر، وزیر اعظم، وزیر خزانہ ، گورنر اسٹیٹ بنک ، صدر نیشنل بنک آف پاکستان کراچی اور دیگر اعلیٰ حکام سے مطالبہ کیا ہے کہ نیشنل بنک اٹک کے عملے خصوصاً آپریشنل منیجر کا قبلہ درست کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
قتل سمیت تین سنگین وارداتوں کا اشتہاری علاقہ میں خوف و ہراس کی علامت احمد خان ولد خان زمان ساکن چھوئی گڑیالہ تین سال بعد گرفتار ملزم
اٹک(این این اے) قتل سمیت تین سنگین وارداتوں کا اشتہاری علاقہ میں خوف و ہراس کی علامت احمد خان ولد خان زمان ساکن چھوئی گڑیالہ تین سال بعد گرفتار ملزم سے ایس ایچ او تھانہ صدر اٹک انسپکٹر ملک احسان الہیٰ نے عملہ کے ہمراہ کلاشنکوف بھی بر آمد کر لی اور ملزم کے خلاف اسلحہ آرڈنینس کے تحت مزید مقدمہ بھی درج کر لیا ملزم نے تین سال قبل قتل کرنے کے بعد دو مزید سنگین وارداتیں کی تھیں اور اشتہاری ہونے کے بعد علاقہ میں خوف کی علامت تصور کیا جاتا تھا ڈی پی او اسرار احمد خان نے ایس ایچ او اور عملے کو خطرناک اشتہاری پکڑنے پر مبارکباد دیتے ہوئے ان کی کارکر دگی کو سراہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ضلعی صدر مقام پر واقع تین یونین کونسلوں کو ختم کر کے بنائے گئی بلدیہ اٹک جسے18وارڈوں پر تقسیم کیا گیا ہے
اٹک(این این اے) ضلعی صدر مقام پر واقع تین یونین کونسلوں کو ختم کر کے بنائے گئی بلدیہ اٹک جسے18وارڈوں پر تقسیم کیا گیا ہے کے ریٹرننگ آفیسر اسسٹنٹ کمشنر اٹک سید نذارت علی کے پاس 125 کاغذات نامزدگی داخل ہوئے ہیں دو کاغذات نامزدگی جمع کرانے والوں میں وارڈ نمبر 4سے صدر انجمن تاجران راشد الرحمان خان ، وارڈ نمبر 5سے وہ واحد حلقہ ہے کہ جہاں کے دونوں مد مقابل امیدواروں رانا افسر علی خان ایڈووکیٹ اورراجہ محمد اجمل نے 2,2کاغذات، وارڈ نمبر 7سے سٹی صدر مسلم لیگ (ن)شیخ غلام صمدانی، وارڈ نمبر 15سے سابق وزیر داخلہ ، سابق وزیر ، سابق ڈپٹی سپیکر آزاد کشمیر قانون ساز اسمبلی ، سابق چیئرمین بلدیہ اٹک ، سابق سٹی ناظم راجہ محمد صدیق، وارڈ نمبر 16سے چیئرمین بلدیہ کے امیدوار ناصر محمود شیخ، وارڈ نمبر18سے مسلم لیگ(ن) چھوڑ کر تحریک انصاف میں شمولیت اختیار کرنے والی سابق ضلعی جنرل سیکرٹری ایم ایس ایف (ن) سجاد اللہ تنولی شامل ہیں جبکہ 2خواتین بھی امیدوار کے طور پر سامنے آئیں ہیں جن میں وارڈ نمبر 10سے نسرین شفیع زوجہ محمد رضا جو محلہ سمندر آباد سے حصہ لے رہی ہیں جبکہ وارڈ نمبر 12 دوسری خاتون نگہت اکسیر زوجہ محبوب الہیٰ ساکن محلہ شاہ فیصل آباد شامل ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کیڈٹ کالج حسن ابدال میںسالانہ یوم والدین کی تقریب آج منعقد ہوگی
اٹک(این این اے)کیڈٹ کالج حسن ابدال میںسالانہ یوم والدین کی تقریب آج منعقد ہوگی جس کے مہمان خصوصی وزیراعلیٰ پنجاب محمدشہبازشریف ہوںگے تقریب میںاہم سرکاری،فوجی، سیاسی ،سماجی شخصیات کے علاوہ مختلف شعبہ ہائے زندگی سے وابستہ اولڈابدالینزکی بڑی تعدادشریک ہوگی اس موقع پرکیڈٹس کی جانب سے حاضرین کے سامنے پریڈ،پی ٹی شو، جمناسٹک،گھڑدوڑاوردیگرمظاہرے پیش کیے جائیںگے جبکہ مہمان خصوصی میٹرک اور ایف ایس سی کے امتحانا ت میںبورڈمیںنمایاںپوزیشن لینے والے کیڈٹس کے علاوہ غیر نصابی سرگرمیوںمیںقابلیت کامظاہرہ کرنے والے طلباکوبھی تعریفی اسناداورٹرافیاںدیںگے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈائریکٹر جنرل سپورٹس پنجاب /سیکرٹری بورڈ پنجاب کی جانب سے ڈسٹرکٹ سپورٹس اینڈ یوتھ ڈویلپمنٹ کونسل اٹک کی تشکیل نو کی گئی ہے
اٹک(این این اے)ڈائریکٹر جنرل سپورٹس پنجاب /سیکرٹری بورڈ پنجاب کی جانب سے ڈسٹرکٹ سپورٹس اینڈ یوتھ ڈویلپمنٹ کونسل اٹک کی تشکیل نو کی گئی ہے جس کے مطابق وزیر برائے تحفظ ماحولیات کرنل ریٹائرڈ شجا ع خانزادہ کونسل کے کنوینر اور ظفر اقبال ، محمد شاویز خان ، ایم پی ایز، ڈی سی او اٹک ، ڈسٹرکٹ پولیس افسر اٹک ، ای ڈی اوز، اسسٹنٹ ڈائریکٹر لوکل گورنمنٹ ، ڈپٹی ڈائریکٹر کالجز، کونسل آفیسر ضلع کونسل ، ڈسٹرکٹ آفیسر کو آپریٹو ، ڈسٹرکٹ انفارمیشن آفیسر، عبد الغفار خان سابق ڈسٹرکٹ سپورٹس افسر ، میڈم رخسانہ عزیز، محمد رفیق، مسز خالدہ رانا سول سوسائٹی ، شاہد حسین فٹ بال ، رانا نصیب علی ہاکی ، ملک انصار کرکٹ ،محمد صدیق اتھلیٹکس ممبران ہوں گے ڈسٹرکٹ سپورٹس افسر اٹک سیکرٹری اور ممبر کے فرائض سرانجام دیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جعلی چیک دینے والے شخص کے خلاف مقدمہ تفصیلات کے مطابق ملک جاوید غضنفر جاوید عرف نومی خان سابق ناظم ساکن محلہ امین آباد نے سیشن جج اٹک کو درخواست دی ہے
اٹک(این این اے)جعلی چیک دینے والے شخص کے خلاف مقدمہ تفصیلات کے مطابق ملک جاوید غضنفر جاوید عرف نومی خان سابق ناظم ساکن محلہ امین آباد نے سیشن جج اٹک کو درخواست دی ہے کہ ظہور الہٰی ولد منظور الہٰی ساکن فتح جنگ نے میرے30لاکھ روپے دینے تھے10لاکھ روپے نقد دیئے 12لاکھ روپے میں گاڑی نمبر ہنڈا JZ-279فروخت کی معلومات پر مذکورہ گاڑی کے خلاف شیخوپورہ میں مقدمہ درج تھا بعد ازاں 8لاکھ روپے کا چیک دیا جو جعلی نکلا پولیس نے مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پولیس نے چار اشخاص سے شراب اور چرس برآمدکر لی تفصیلات کے مطابق تھانہ سٹی پولیس نے محمد عرفان، ولد محمد سلیمان ، محلہ شہیداں والا میلاد نگر سے تین کپی شراب
اٹک(این این اے) پولیس نے چار اشخاص سے شراب اور چرس برآمدکر لی تفصیلات کے مطابق تھانہ سٹی پولیس نے محمد عرفان، ولد محمد سلیمان ، محلہ شہیداں والا میلاد نگر سے تین کپی شراب قاسم عباس، سکنہ ماڑی موڑ سے دو کپی شراب ، تھانہ رنگو پولیس نے محمد بشارت ولد نور محمد سکنہ محلہ نور سے چار کپی شراب ، اعجاز حسین ولد نور بادشاہ شمس آباد سے 430گرام چرس برآمدکر کے ملزمان گرفتار کر لیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
22سالہ دو شیزہ کو بے دردی سے قتل کر دیا گیا پولیس کے ملزم کی گرفتاری کے لیے چھاپے
اٹک(این این اے) 22سالہ دو شیزہ کو بے دردی سے قتل کر دیا گیا پولیس کے ملزم کی گرفتاری کے لیے چھاپے تفصیلات کے مطابق افسران ولد غلام نبی قوم پٹھان سکنہ شینکہ نے پو لیس کو بیان دیا ہے کہ میری سالی مسماة شمیلہ بی بی کو رات کو بے درد ی سے قتل کر دیا گیا پولیس نے مقدمہ درج کر کے تفتیش شروع کر دی ہے ڈی ایس پی حضرو ریڈ ر اے ایس آئی ملک فیاض حسین موقع پر پہنچ گئے اور انہوں نے پولیس کو ہدایت کی کہ ملزم کو ٹریس کر کے فور ی طور پر گرفتار کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تحصیل جنڈ الیکٹرانک میڈ یا کے انتخابات مکمل جنڈ الیکٹرانک میڈیا کے انتخابات میں متفقہ طور پیرزادہ شاہ محمد حینف گیلانی سر پرست اعلی
اٹک(این این اے) تحصیل جنڈ الیکٹرانک میڈ یا کے انتخابات مکمل جنڈ الیکٹرانک میڈیا کے انتخابات میں متفقہ طور پیرزادہ شاہ محمد حینف گیلانی سر پرست اعلی ،جبکہ محمد اقبال خا ن چیئرمین ، سردار عما ر خان صدر ، ذیشان علی جنرل سیکرٹری ، واجد کریم سیکرٹری فنانس ،آفتاب گیلانی سیکرٹری انفارمیشن ودیگر عہدیدران کو منتخب کر لیا گیا پریس کلب کے نئے وقواعد و ضوابط منظوری دی گئی جس میںالیکٹرانک پریس کلب کے ممبر کے لیے کم ازکم تعلیم گریجویشن اور دوسالہ تجربہ ضروری قرار دیا گیا سرپرست اعلی الیکٹرانک میڈیا شاہ محمد حینف گیلانی نے بتایا کہ جنڈ الیکٹروانک میڈیا تحصیل میں غیر جانبدار رپورٹنگ کی روایت برقرار رکھے گئے حق اور سچ کو بغیر کسی دبائو اور لائچ کے بغیر ماضی کی طرح عوام کے سامنے لائے گئے علاقے کے مسائل کو حکومت کے ایوانوں تک لائیں گے فیلڈ میں کام کرنے والے الیکٹرانک میڈیا ادارے اور حکومت ہر ممکن سہولیا ت فراہم کر ے تاکہ وہ اپنی صحافتی سر گرمیاں احسن طریقے سے جاری رکھ سکیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حسن ابدال کے قریب ٹریفک کے المناک حادثہ میں دو نوجوان ہلاک ہو گئے
اٹک(این این اے)حسن ابدال کے قریب ٹریفک کے المناک حادثہ میں دو نوجوان ہلاک ہو گئے ہلاک ہونے والے دونوں نوجوان کزن تھے تفصیلات کے مطابق حسن ابدال کے قریب واقع کے ایس بی پمپس فیکٹری کے قریب سوزوکی کیری اور ہائی ایس کے درمیان ہونے والے ٹریفک کے المناک حادثہ کے باعث دو نوجوان جاں بحق ہو گئے ہلاک ہونے والے دونوں نوجوان ناصر اور توصیف فضل ٹاون نیو جگل ہری پور کے رہائشی تھے اور اسلام آباد ایئرپورٹ بیرون ملک سے آنے والے مہمانوں کے استقبال کے لیے جا رہے تھے کے ایس بی پمپس فیکٹری کے قریب تیز رفتاری کے باعث کیری نمبر RIA 531 سامنے سے آنے والی کوسٹر نمبر LPT 6188 سے ٹکرا گئی جس سے کیری مکمل طور پر تباہ ہو گئی اوراس میں سوار دونوں نوجوان موقع پر ہی ہلاک ہو گئے۔
