وزیر مملکت برائے تجارت و نجکاری انجینئر خرم دستگیر خان نے کہا ہے کہ عوامی خدمت مسلم لیگ ن کا مشن ہے
گوجرانوالہ (جی پی آئی) وزیر مملکت برائے تجارت و نجکاری انجینئر خرم دستگیر خان نے کہا ہے کہ عوامی خدمت مسلم لیگ ن کا مشن ہے، عوام کی زندگیوں میں سکھ چین واپس لانے کے لئے نواز شریف کی ٹیم دن رات کام کر رہی ہے، شریف برادران الیکشن میں کئے گئے وعدوں کو عملی جامہ پہنا کر ملک کا مقدر ضرور بدلیں گے۔ان خیالات کا اظہار انہوں نے اپنی رہائش گاہ پر کھلی کچہری کے موقع پر شہریوں سے خطاب کرتے ہوئے کیا۔ انہوں نے کہا کہ مسلم لیگ ن عوامی خدمت پر پختہ یقین رکھنے والی جماعت ہے نواز شریف کی دیانتدار ،جرات مند و محب وطن قیادت کی بدولت مسلم لیگ ن کے ہردور میں ملک نے مثالی ترقی کی ہے، موجودہ حکومت میں بھی شامل میاں نواز شریف کی ٹیم دن رات ایک کر کے ملک کو درپیش بھیانک مسائل سے چھٹکارے کے لئے سر توڑ کوششیں کر رہی ہے شریف براداران اپنی سابقہ روایات کے مطابق اس بار بھی انتخابات میں کئے گئے ہر وعدے کو پورا کریںگے اور ملک کا مقدر بدل کے رکھ دیں گے، انہوں نے کہا کہ پاکستان کا مستقبل تابناک ہے عوام قطعی مایوس نہ ہوں، غربت، بیروزگاری اور لود شیڈنگ کے اندھیرے عنقریب مٹنے والے ہیں۔ وزیرمملکت نے اس موقع پر عوامی شکایات سنیں اور انکے حل کے لئے متعلقہ محکموں کو ہدایات جاری کیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
تعلیم کے بغیر کوئی بھی ملک ترقی نہیں کرسکتا، معاشرہ میں اپنے آپ کو زندہ رکھنے کیلئے تعلیم ایک لازمی جزو ہے
گوجرانوالہ (جی پی آئی) تعلیم کے بغیر کوئی بھی ملک ترقی نہیں کرسکتا، معاشرہ میں اپنے آپ کو زندہ رکھنے کیلئے تعلیم ایک لازمی جزو ہے۔ اِن خیالات کا اظہار عوامی خادم رضوان اسلم بٹ نے یوم خواندگی کے حوالہ سے اپنے ایک بیان میں کیا۔ انہوں نے کہا کہ کوئی بھی معاشرہ اُ سوقت تک صحیح معنوں میں ترقی نہیں کرسکتا جب تک اُس کی عوام تعلیم یافتہ نہ ہو۔ دین اسلام میں بھی تعلیم پر خصوصی توجہ دئیے جانے کی سختی سے ہدایت کی گئی ہے۔ خود نبی اکرمۖ نے فرمایا کہ ”تعلیم حاصل کرو چاہے تمہیں چین ہی کیوں نہ جانا پڑے۔ رضوان اسلم بٹ نے کہا کہ ہمیں چاہیے کہ آج کے دِن یہ عہد کریں کہ اپنے بچوں کو تعلیم دلوانے کیلئے ہر ممکن اقدامات کریں۔ وزیراعلیٰ پنجاب میاں محمد شہباز شریف تعلیم کو عام کرنے کیلئے انقلابی اقدامات کررہے ہیں۔ انہوں نے تعلیم کو ہر گھر پہنچانے کیلئے بالکل فری قرار دیدیا ہے، بچوں کو کتابیں فری دی جارہی ہیں تاکہ امیر اور غریب میں کوئی تمیز نہ رہے اور ہونہار طالبعلموں میں لاکھوں، کروڑوں روپے کے انعامات دئیے جارہے ہیں۔ حتیٰ کہ ہونہار طالبعلموں کو گارڈ آف آنر بھی دیاجارہا ہے جوکہ صرف وزراء اور اہم ترین شخصیات کو دیا جاتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ ملک میں جمہوری تسلسل اور استحکام
لاہور(جی پی آئی) پنجاب اسمبلی میں پیپلز پارٹی کے پارلیمانی لیڈر قاضی احمد سعید نے کہا ہے کہ ملک میں جمہوری تسلسل اور استحکام کا تمام تر سہرا صدر آصف علی زرداری کے سر ہے، جنہوں نے اپنی بہترین صلاحیتوں کو بروئے کار لا کر اپنے بدترین مخالفین کو بھی معاف کر کے مفاہمت کی اعلیٰ روایت قائم کی، ایک بیان میں انہوں نے کہا کہ پیپلز پارٹی کو ختم نہیں کیا جا سکتا، جمہوری اقدار کے فروغ کے لئے اپنا بھرپور رول ادا کرتی رہے گی کارکن بلدیاتی انتخابات کی تیاری کریں، انہوں نے کہا کہ پیپلز پارٹی پارلیمنٹ کے اندر اور باہر مثبت اپوزیشن کا کردار ادا کر رہی ہے، اور موجودہ حکومت کو پٹری سے اتارنے کی کوئی بھی کوشش نہیں کرے گی، پیپلز پارٹی تنقید برائے تنقید کی پالیسی پر یقین نہیں رکھتی بالکہ وہ ایک جمہوری اور اصول پسند جماعت ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
عابد حسین صدیقی نے مشترکہ بیان میں کہا ہے کہ آصف علی زرداری نے جس تدبر اور دلیری سے مدتِ صدارت پوری کی ہے۔
لاہور ( جی پی آئی) پیپلز پارٹی لاہور کی صدر ثمینہ خالد گھرکی اور لاہور کے سیکرٹری اطلاعات عابد حسین صدیقی نے مشترکہ بیان میں کہا ہے کہ آصف علی زرداری نے جس تدبر اور دلیری سے مدتِ صدارت پوری کی ہے اس کی مثال پاکستان کی تاریخ میں نہیں ملتی، انہوں نے جمہوریت کے استحکام کے لئے تمام سیاسی جماعتوں کو ایک پلیٹ فارم پر متحد کیا اور ان کے مینڈیٹ کا احترام کیا، ان کو ہر طرح کی جمہوری سہولیات مہیا کی تاکہ جمہوریت ڈی ریل نہ ہو اور نہ کوئی فرد واحد جمہوریت پر شب خون مار سکے، آج پوری قوم اور پیپلز پارٹی کے کارکنوں کے علاوہ سیاسی مخالفین بھی آصف علی زرداری کو جمہوری خدمات پر خراج تحسین پیش کر رہے ہیں، گزشتہ پانچ سالوں میں آصف علی زرداری نے بہت اتار چڑھائو دیکھے اور ان کا ڈٹ کر مقابلہ کیا انہوں نے کہا کہ پاکستان پیپلز پارٹی ملک کی واحد جماعت ہے جو سیاسی انتقام کی حامی نہیں پاکستان پیپلز پارٹی نے ہمیشہ مفاہمت کی سیاست کو محور بنایا، انہوں نے کہا کہ پیپلز پارٹی نے پانچ سال جمہوری رویوں کو پروان چڑھایا ہے یہ ہی وجہ ہے کہ پیپلز پارٹی اپنا آئینی عرصہ پورا کر کے رخصت ہوئی پاکستان پیپلز پارٹی کے دور حکومت میں کسی سیاستدان یا سیاسی کارکن کو سیاسی انتقام کا نشانہ نہیں بنایا گیا، پیپلز پارٹی کا پانچ سالہ جمہوری دورِ اقتدار ترقیاتی اور خوشحالی کا دور تھا جس کو پاکستانی عوام یاد کر رہے ہیں، پیپلز پارٹی کے دور اقتدار میں کئے گئے ترقیاتی کام عوام کو اچھی طرح یاد ہیں، جمہوریت کے تسلسل کو برقرار رکھنے کے لئے پیپلز پارٹی ہر طرح کا کردار ادا کرنے کو تیار ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
معروف کالم نگا ر اور نو جوان صحا فی ایس ایم عرفان طا ہر کو
قتل کی دھمکیا ں
اسلام آباد (جی پی آئی) معروف کالم نگا ر اور نو جوان صحا فی ایس ایم عرفان طاہر کو
قتل کی دھمکیاں تفصیلات کے مطابق میڈیا سے عرصہ 10 سال سے وا بستہ معروف کالم نگار اور نوجوان صحافی ایس ایم عرفان طاہر کو گذشتہ کئی دنوں سے موبائل فون اور ای میل کے زریعہ سے نامعلوم دہشتگردوں کی طرف سے دھمکی امیز پیغامات موصول ہو رہے ہیں گذشتہ دو تین سالو ں میں سو سے زائد صحافی حق گوئی اور مظلوم کا ساتھ دینے کی پاداش میں اپنی زندگیوں سے ہاتھ دھو بیٹھے ہیں صحافی معا شرے کی آنکھ اور زبان ہوتا ہے جو حق و باطل میں تفریق کے لیے خدمات سرانجام دیتا ہے دہشتگردوں کی طرف سے ایسی مذموم حرکات و سکنات آزادی صحافت پر حملہ ہیں صحافتی برادری، اہل علم و دانش، کالم نگا رو ںاور تمام مکا تب فکر نے ایسے منفی اور غیر فطری حربے کی بھرپور مذمت کی اور حکومت کو نوجوان صحافی اور کالم نگار ایس ایم عرفان طا ہر کو مکمل سیکیورٹی فراہم کرنے کا مطالبہ کیا ہے یوں ہی سچائی اور ایما نداری کی آواز کو دبایا اور خاموش کیا جاتا رہا تو امر بالمعرو ف اور نہی عن المنکر کا رواج ختم ہو تا چلا جا ئے گا۔ بد امنی، دہشتگردی، انتہا پسندی اور شدت پسندی کے خلاف قلم چلانا صحافت کے شعبہ سے وابستہ ہر فرد کا اولین فریضہ ہے اور دہشتگردوں سے صحافی برادری اور کالم نگا روں کو تحفظ فراہم کرنا سٹیٹ کی اہم ترین ذمہ داری ہے۔
Related Posts
