ڈنگہ : معرو ف روحانی شخصیت پیر محمد نقیب الرحمن سجادہ نشین آستانہ عالیہ عید گاہ شریف راولپنڈی کی ضیاء اللہ مغل اور خالد حسین مغل کی رہائش گاہ پر آمد
ڈنگہ (محمد بلال احمد بٹ) معرو ف روحانی شخصیت پیر محمد نقیب الرحمن سجادہ نشین آستانہ عالیہ عید گاہ شریف راولپنڈی کی ضیاء اللہ مغل اور خالد حسین مغل کی رہائش گاہ پر آمد ۔ ان کی والدہ کی وفات پر فاتحہ خوانی اور اظہار تعزیت ۔ تفصیلات کے مطابق معروف روحانی شخصیت پیر محمد نقیب الرحمن سجادہ نشین عید گاہ شریف راولپنڈی ضیاء اللہ مغل اور خالد حسین مغل کی رہائش گاہ پر آئے اور ان کی والدہ محترمہ کے انتقال پر اظہار افسوس کیا اور فاتحہ خوانی کی ۔ اس موقع پر احسان اللہ مغل اور قاری اشتیاق نقیبی سمیت دیگر مریدین بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : صوفی اشرف کی اہلیہ ‘ نور شاہ لورز کونسل کے صدر شیخ کاشف کی چچی انتقال کر گئیں
ڈنگہ ( محمد بلال احمد بٹ ) صوفی اشرف کی اہلیہ ‘ نور شاہ لورز کونسل کے صدر شیخ کاشف کی چچی انتقال کر گئیں ۔ نماز جنازہ ادا کر دی گئی ۔ نماز جنازہ میں چوہدری جعفر اقبال ‘ ندیم اصغر کائرہ ‘ سید فیض الحسن شاہ ‘ میر حسن ‘ چوہدری آفتاب احمد’ آصف بلا قصاب ‘ سیٹھ منیر احمد ‘ پیر آفتاب شاہ ‘ شاہد عباسی ‘ آصف مجید انجینئر ‘ نوید ٹیلرز ‘ رانا صاحب نواز ‘ سید اسد عباس شاہ ‘ چوہدری الیاس مطہری ‘ سید شمس عباس ‘ زاہد عباسی ‘ بابر چوہان ‘ باؤ اکرم ‘ طارق قریشی ‘ گلزار بھٹو ‘ محمد عمران بھٹی ‘ محمد عارف ڈار سمیت لوگوں کی کثیر تعداد شریک تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ذوالفقار کالونی میں امجد پہلوان کی رہائش گاہ پر میاں اسد محمود کی کارنر میٹنگ
ڈنگہ ( محمد بلال احمد بٹ ) ذوالفقار کالونی میں امجد پہلوان کی رہائش گاہ پر میاں اسد محمود کی کارنر میٹنگ ۔ اہل محلہ کی کثیر تعداد شریک ہوئی ۔ کارنر میٹنگ کا اہتمام عدیل احمد نے کیا ۔ میاں اسد محمود نے آئندہ کامیاب ہونے کی صورت میں گلی کی تعمیر کی یقین دہانی کروائی ۔ اس موقع پر میاں اسد محمود کے ساتھ انصر اقبال زرگر ‘ محمد گلریز صراف ‘ شیرا چوہان ‘ قیصر اسحاق مغل سمیت دیگر بھی تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری قمر زمان کائرہ NA106سے پیپلزپارٹی کے ٹکٹ سے انشاء اللہ بھاری اکثریت سے کامیاب ہو جائیں گے،چوہدری شبیر بلہڑ
ڈنگہ (محمد بلال احمد بٹ) جنرل سیکرٹری PPPڈنگہ چوہدری محمد شبیر بلہڑ نے اپنے ایک بیان میں کہا ہے کہ چوہدری قمر زمان کائرہ NA106سے پیپلزپارٹی کے ٹکٹ سے انشاء اللہ بھاری اکثریت سے کامیاب ہو جائیں گے ۔ ڈنگہ کی غیور عوام اپنے ضمیر کے مطابق فیصہ کریں گے اور اہلیان ڈنگہ باشعور لوگ ہیں ۔ وہ جانتے ہیں کہ پچھلے 5سال میں ڈنگہ میں ترقیاتی کاموں کا جال بچھا دیا ہے ۔ ہماری مائیں ‘ بہنیں ‘ بیٹیاں سوئی گیس کی سہولت کو دیکھتے ہوئے بہتر فیصلہ کریں گی اور وہ جانتی ہیں کہ نئے آنے والے اور پرانے سیاستدانوں نے ڈنگہ میں کون سے ترقیاتی کام کروائے ہیں ۔ چوہدری قمر زمان نے NA106کا نام پوری دنیا میں مشہور کیا ہے ۔ وہ پڑھے لکئے انسان ہیں اور جانتے ہیں کہ عوام کے مسائل کیا ہیں ۔ میری اپیل اہلیان ڈنگہ سے ہے کہ وہ ضمیر کے مطابق فیصلہ کریں آج ہر گھر میں 3سے 4ہزار کی بچت ہو رہی ہے تو یہ قمر زمان کائرہ نے ہمارے ووٹ کا حق ادا کیا ہے اور آئندہ بھی اگر ہم ووٹ دیں گے تو انشاء اللہ اس سے بہتر کارکردگی دکھائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مخالفین کو ٹف ٹائم کا سامنا کرنا پڑے گا ،رائو ساجد جہانگیر رہنما پاکستان پیپلز پارٹی امیدوار حلقہ پی پی113
ڈنگہ ( محمد بلال احمد بٹ ) رہنما پاکستان پیپلزپارٹی امیدوار حلقہ پی پی 113ساجد جہانگیر نے اپنے بیان میں کہا کہ اپنے ساتھیوں کے ساتھ مل کر اپنی الیکشن کمپین کا بھرپور طریقے سے آغاز کر دیا ہے ۔ آنے والے چند دنوں میں پوزیشن واضح ہو جائے گی ۔ مخالفین کو ٹف ٹائم کا سامنا کرنا پڑے گا ۔ انہوں نے کہا کہ کائرہ برادران کے ساتھ مل کر الیکشن لڑیں گے اور بھرپور کامیابی حاصل کریں گے ۔ انہوں نے مزید کہا کہ سیاست پیسہ کمانے کے لئے نہیں بلکہ عوامی خدمت کے لئے کرتے ہیں ۔ جو لوگ سیاست کو کاروبار سمج کر کرتے ہیں ان کو آئندہ یقینی شکست کا سامنا کرنا پڑے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری بلال احمد کی سالگرہ کی تقریب ۔ کثیر تعداد دوستوں کی شرکت
ڈنگہ (محمد بلال احمد بٹ ) چوہدری بلال احمد کی سالگرہ کی تقریب ۔ کثیر تعداد دوستوں کی شرکت ۔ تفصیلات کے مطابق محلہ چوہدریاں ڈنگہ کے چوہدری بلال احمد کی 22ویں سالگرہ دھوم دھام سے منائی گئی ۔ کثیر تعداد وستوں نے شرکت کی ۔ اس موقع پر ان کے دوستوں نے انہیں تحائف اور مبارکباد دی ۔ شرکت کرنے والوں میں چوہدری طارق محمود مہر ‘ نوید خان ‘ چوہدری حامد ‘ چوہدری تیمور ‘ ومیض ‘ رمضان ‘ عمران ‘ وقار ‘ صہیب ‘ تنویر ‘ قیصر ‘ احتشام اور عدیل نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پنجاب ایجوکیشن کمیشن کے تحت ہونے والے پنجم اور ہشتم کے امتحانات میں ویگا سکول سسٹم نے ایک بار پھر میدان مار لیا
ڈنگہ ( محمد بلال احمد بٹ ) پنجاب ایجوکیشن کمیشن کے تحت ہونے والے پنجم اور ہشتم کے امتحانات میں ویگا سکول سسٹم نے ایک بار پھر میدان مار لیا ۔ ہشتم میں اسوہ شہزادی نے 649نمبر جبکہ پنجم میں ایمان وقار نے 464نمبر حاصل کر کے ڈنگہ بھر میں نمایاں پوزیشن حاصل کر لی ۔ تعلیمی حلقوں اور اہم شخصیات نے چیئرمین امجد جاوید ایلس ‘ پرنسپل مسعود احمد اعوان اور ایڈمنسٹریٹر بشارت حسین سمیت دیگر سٹاف کو مبارکباد دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پاکستان پیپلزپارٹی نے ملک کو اندھیروں میں ڈبو دیا ہے ،چوہدری جعفر اقبال
ڈنگہ ( محمدبلال احمدبٹ ) رہنما مسلم لیگ ن ‘ امیدوار حلقہ این اے 106چوہدری جعفر اقبال نے صحافیوں خصوصی گفتگو کرتے ہوئے کہا کہ پاکستان پیپلزپارٹی نے ملک کو اندھیروں میں ڈبو دیا ہے ہم انشاء اللہ نواز شریف کی قیادت میں ملک کو اجالوں میں بدلیں گے ۔ انہوں نے کہا کہ عوام نے گزشتہ پانچ سال کس طرح مشکل میں گزارے ہیں اور ان حالات کا ذمہ دار کون ہے لوگ بخوبی جانتے ہیں او رملک و قوم کو دونوں ہاتھوں سے لوٹنے والوں سے عوام عنقریب الیکشن میں بدلہ لے گی اور ان لٹیرے سیاستدانوں کو عبرتناک شکست کا سامنا کرنا پڑے گا ۔ انہوں نے کہا کہ آئندہ حکومت ن لیگ کی ہی ہے اور انشاء اللہ عوام کے ووٹ کا حق بہترین طریقے سے ادا کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عمران خان کی قیادت میں سونامی طاغوتی قوتوں کو بہا کر لے جائے گا،بابر حسین اعون
ڈنگہ (محمد بلال احمدبٹ ) عمران خان کی قیادت میں سونامی طاغوتی قوتوں کو بہا کر لے جائے گا ۔ ان خیالات کا اظہار تحریک انصاف ڈنگہ کے صدر بابر حسین اعوان نے کیا ۔ انہوں نے کہا کہ اگر انتخابات آزادنہ اور منصفانہ ہوئے تو کوئی طاقت بھی
تحریک انصاف کو اقتدار میں آنے سے نہیں روک سکتی ۔ انہوں نے عمران خان کی جانب سے تمام اہل ڈنگہ کو مینار پاکستان جلسہ کی کامیابی پر مبارکباد دی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اسلامک پبلک سکول بھاؤ گھسیٹ پور نے ایک بار پھر تعلیمی میدان مار لیا
ڈنگہ ( محمد بلال احمد بٹ) اسلامک پبلک سکول بھاؤ گھسیٹ پور نے ایک بار پھر تعلیمی میدان مار لیا ۔ پنجم کے نتائج میں 9پوزیشنیں حاصل کر کے نیا ریکارڈ قائم کر دیا ۔ پنجم اور ہشتم کے امتحانات میں سو فیصد نتائج دے کر علاقہ بھر میں نمبر ون ہونے کا اعزاز برقرار رکھا ۔ پنجم میں 433’ 419اور 417نمبر لے کر اول ‘ دوئم ‘ سوئم اور ہشتم میں 553’ 551اور 511نمبر اول ‘ دوئم ‘ سوئم پوزیشنیں حاصل کیں ۔ تعلیمی و سماجی حلقوں نے ڈائریکٹر ڈاکٹر عرفان احمد کو مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : العالم پبلک سکول کھوڑی عالم کا پنجم اور ہشتم کے امتحانات میں شاندار کارکردگی کا مظاہرہ کرتے ہوئے سنٹر میں تیسری پوزیشن حاصل کر لی
ڈنگہ (محمد بلال احمد بٹ) العالم پبلک سکول کھوڑی عالم کا پنجم اور ہشتم کے امتحانات میں شاندار کارکردگی کا مظاہرہ کرتے ہوئے سنٹر میں تیسری پوزیشن حاصل کر لی ۔ اہل علاقہ نے سکول انتظامیہ کو زبردست الفاظ میں مبارکباد دی ہے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : الرحمن پراپرٹی ایڈوائزر کے پروپرائیٹر مرزا افضال احمد اور ڈائریکٹر کرن پبلک سکول ڈنگہ مرزا اشفاق احمد کی ہمشیرہ ہزاروں دعاؤں کے ساتھ رخصت
ڈنگہ (محمد بلال احمدبٹ ) الرحمن پراپرٹی ایڈوائزر کے پروپرائیٹر مرزا افضال احمد اور ڈائریکٹر کرن پبلک سکول ڈنگہ مرزا اشفاق احمد کی ہمشیرہ ہزاروں دعاؤں کے ساتھ رخصت ۔ مرزا افضال احمد اور ان کے دوست احباب رشتہ داروں نے باراتیوں کو خوش آمدید کہا ۔ اس موقع پر میاں امجد محمو د’ میاں اسد محمود’ چوہدری عثمان اسلم ‘ میاں خادم حسین ‘ حافظ کلیم اللہ عاربی ایڈووکیٹ ‘ محمد عارف ڈار ‘ چوہدری محمد شبیر بلہڑ ‘ رانا ذوالفقار احمد ‘ سجاد بشیر ‘ بشارت بی ۔ ایس ‘ محمد وقار خان سمیت لوگوں کی کثیر تعداد نے شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رہنما پاکستان تحریک انصاف حلقہ پی پی 113چوہدری ارشد منج نے PP113کے لئے کاغذات نامزدگی جمع کروا دیئے
ڈنگہ ( محمد بلال احمد بٹ ) رہنما پاکستان تحریک انصاف حلقہ پی پی 113چوہدری ارشد منج نے PP113کے لئے کاغذات نامزدگی جمع کروا دیئے ۔ انہوں نے اپنے کاغذات نامزدگی کھاریاں میں تعینات الیکشن کمیشن کے ریٹرننگ آفیسر راجہ غضنفر علی خاں کے پاس جمع کروائے ۔ چوہدری ارشد منج کا کہنا تھا کہ ملک بھر کی طرح PP113میں بھی تحریک انصاف بہت مضبوط ہے اور انشاء اللہ پی پی 113میں بھی آئندہ ایم پی اے تحریک انصاف کا ہی ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بیکنانوالہ کی سماجی شخصیت چوہدری جاوید جٹ کے بھائی محمد عرفان جٹ نے سہرے باندھ لئے
ڈنگہ ( محمد بلال احمد بٹ ) بیکنانوالہ کی سماجی شخصیت چوہدری جاوید جٹ کے بھائی محمد عرفان جٹ نے سہرا باندھ لیا۔ ان کی رسم حنا گزشتہ رات دھوم دھام سے منائی گئی ۔ بارات نواحی گاؤں امرہ گئی ۔ جبکہ دعوت ولیمہ ان کی رہائش گاہ پر بیکنانوالہ میں ہو ئی ۔ دعوت ولیمہ میں سیاسی و سماجی شخصیات سمیت لوگوں کی کثیر تعدادمیں شرکت کی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : غریبوں مسکینوں کی مدد کر کے دل کو سکون ملتا ہے،چوہدری پرویز مہر
ڈنگہ(محمد بلال احمد بٹ) معروف سماجی شخصیت چوہدری پرویز مہر نے اپنے ایک بیان میں کہا کہ غریبوں مسکینوں کی مدد کر کے دل کو سکون ملتا ہے اور اسی عمل سے دنیا اور آخرت میں کامیابی ممکن ہے ۔ انہوں نے کہا کہ مخیر حضرات اپنے اپنے علاقوں میں غریبوں کی فلاح و بہبود کے لئے اقدامات کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : چوہدری ظفر اقبال کسانہ آف نورجمال جنوبی کے والد چوہدری محمد اصغر انتقال کر گئے
ڈنگہ(محمد بلال احمد بٹ) چوہدری ظفر اقبال کسانہ آف نورجمال جنوبی کے والد چوہدری محمد اصغر انتقال کر گئے ۔ وہ گزشتہ کئی روز سے علیل تھے ۔ نماز جنازہ ادا کر دی گئی ہے ۔ نماز جنازہ میں چوہدری طارق ممبر ‘ چوہدری غلام رسول منڈ ‘ چوہدری جہان خاں گوندل ‘ چوہدری محمد منشاء گوندل ‘ فوجی طارق ‘ چوہدری ظفر اقبال بلہوٹ سمیت لوگوں کی کثیر تعداد شریک تھی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر کی خان برادری کا بڑا اکٹھ ہوا ،آصف مارکیٹ میں ہوا
ڈنگہ (محمد بلال احمد بٹ ) شہر کی خان برادری کا بڑا اکٹھ ہوا ۔ یہ اکٹھ خان آصف مارکیٹ میں ہوا جس کی سرپرستی خان آصف نے کی ۔ اکٹھ میں خان لیاقت ‘ خان الیاس ‘ خان ساجد سمیت برادری کی اہم شخصیات نے کثیر تعداد میں شرکت کی ۔ اس موقع پر مل کر چلنے بارے اقدامات کئے گئے اور اہم فیصلے بھی کئے گئے۔
