ڈنگہ : میاں محمد نواز شریف ملک سے توانائی بحران کے حل کیلئے دن رات کوشاں ہیں ، چوہدری جعفر اقبال ایم این اے
ڈنگہ(محمد بلال احمد بٹ)ایم این اے حلقہ این اے106چوہدری جعفر اقبال نے اپنے بیان میں کہا ہے کہ میاں محمد نواز شریف ہی مسلم لیگ کے وارث ہیں جنہوں نے مسلم لیگ کو ڈرائنگ روم سے نکال کر صحیح معنوں میں عوامی جماعت بنانے میں اہم کردار ادا کیاانہوں نے کہا کہ سچے محب وطن وزیراعظم پاکستان میاں محمد نواز شریف پاکستان کا عظیم سرمایہ ہیں،اقتدار ہماری منزل نہیں اپنی پارٹی مسلم لیگ ن میں دورآمریت میں قید و بند کی صعوبتیں برداشتکرنے والے کارکنوں کی عزت اور تکریم میں اضافہ کرنا میرا مشن ہے،پارٹی ورکر ہمارا قیمتی سرمایہ اور اثاثہ ہیںمیاں محمد نواز شریف ملک سے توانائی بحران کے حل کیلئے دن رات کوشاں ہیں ہم بھی اپنے قائد کی ولولہ انگیز قیادت میں ہیڈ رسول اور شادیوال پاور ہائوس کو اپ گریڈ کروارہے ہیں تاکہ علاقہ کی عوام کو بجلی جیسی نعمت میسر ہو۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسلم لیگ ن کی قیادت میاں برادران ملک و قوم کو درپیش تمام مسائل اور چیلنجز سے پوری طرح آگاہ ہیں،میاں طارق محمود ایم پی اے
ڈنگہ(محمد بلال احمد بٹ)ایم پی اے میاں طارق محمود نے اپنے بیان میں کہا ہے کہ مسلم لیگ ن کی قیادت میاں برادران ملک و قوم کو درپیش تمام مسائل اور چیلنجز سے پوری طرح آگاہ ہیںوزیراعظم پاکستان میاں محمد نواز شریف توانائی سمیت تمام بحرانوں پر قابو پا لیں گے،انہوں نے کہا کہ عوام نے مسلم لیگ ن کی گذشتہ پانچ سالہ شاندار کارکردگی اور دوست پالیسیوں کی بدولت عام انتخابات میں تاریخی مینڈیٹ دیا،عوام نے کرپشن ،لوٹ مار،دھونس دھاندلی کی سیاست کرنے والوں کی بجائے ایمانداردیانتدار نمائندوں کو کامیاب کیا،پاکستانی عوام نے مسلم لیگ ن اور میاں برادران کی قیادت اور پالیسیوں پر جس بھر پور اعتماد کا اظہار کیا مسلم لیگ ن ان پر پورا اترے گی،ہم انشاء اللہ حلقہ کے ہر گائوں میں تعلیم صحت کی تمام بنیادی سہولیات فراہم کریں گے،ہر کونسل میں گرلز ،بوائز ہائی سکول،سول ڈسپنسری اورکھیلوں
کے گرائونڈ قائم کرانا میرا مشن ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: حکومت انرجی بحران کو ختم کرنے کیلئے ہنگامی بنیادوں پر کام کر رہی ہے، میاںیاور زمان
ڈنگہ(محمد بلال احمد بٹ)صوبائی وزیر آبپاشی میاں یاور زمان نے ہائیڈل پاور اسٹیشن رسول کا دورہ کیا اس موقع پرمیاں یاور زمان صوبائی وزیر آپاشی نے گفتگو کرتے ہوئے کہا کہ حکومت انرجی بحران کو ختم کرنے کیلئے ہنگامی بنیادوں پر کام کر رہی ہے،بجلی بحران پر جلد قابو پا لیا جائے گا،ہم رسول پاور اسٹیشن کو بجلی کی پیداوار بڑھانے کیلئے ایک ہزار کیوسک پانی زائد دینے کا اعلان کرتے ہیں،صوبائی وزیرآبپاشی میاں یاور زمان نے ہائیڈل پاور سٹیشن رسول منڈی بہائو الدین کا دورہ کیا ،ریزیڈنٹ انجینئر ہائیڈل پاور اسٹیشن محمد خالد نے انہیں بریفننگ دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انجمن بہبودی مریضاں ڈنگہ25لاکھ روپے کی لاگت سے5ہزار مریضوں کا علاج معالج کراچکی ہے،ڈاکٹر اعجاز احمد
ڈنگہ(محمد بلال احمد بٹ)ممتاز انشور اور سکالر سینئر صحافی معتبر رائٹر اور پیشہ مسیحائی اور شعبہ صحافت سے تعلق رکھنے والے درد دل رکھنے والی شخصیت اور ڈنگہ کی نامور سماجی فلاحی تنظیم انجمن بہبود مریضاں کے جنرل سیکرٹری ڈاکٹر اعجاز احمد نے کہا کہ انجمن بہبودی مریضاں ڈنگہ25لاکھ روپے کی لاگت سے5ہزار مریضوں کا علاج معالج کراچکی ہے انہوں نے کہا کہ الحمد اللہ انجمن بہبودی مریضاں سے تعاون کرنے والے صاحبان ثروت اور مخیر حضرات نے پانچ ہزار افراد کی جان بچا کر پانچ ہزار انسانیت کی جان بچانے کا کام کیا ہے،خوش نصیب ہیں وہ افراد جو اپنے مال و دولت سے دکھی انسانیت کی خدمت کرتے ہیں یقینا ایسے دریا دل سخی جنت الفردوس میں اہم مقام حاصل کریں گے اس عظیم کا کام تر کریڈٹ ہمارے شہر کے غیور صاحب ثروت اور مخیر حضرات کو جاتا ہے جنکی وساطت سے ہم یہ عظیم کام کر سکے انہوں نے کہا کہ حدیث پاک ہے کہ کسی نے ایک شخص کی جان بچائی تو گویا اس نے پوری انسانیت کی جان بچائی انہوں نے کہا کہ ہماری تنظیم روزانہ چار سے پانچ مریضوں کا علاج کروا رہی ہے حالانکہ یہاں پر روزانہ پانچ مریضوں کو علاج معالجہ کی ضرورت ہے ہماری تمام
صاحبان ثروت اور مخیر حضرات سے درد مندانہ اپیل ہے کہ وہ اپنے مال و دولت میں سے دکھی نادارغریب افراد کو علاج معالجہ کیلئے ہمارے دست و بازو بنیں اور انکی مدد کریں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : آئندہ ماہ اگست میں ضلع بھر کے تمام اسسٹنٹ ایجوکیشن آفیسرز کو تبدیل کر کے دوسرے مراکز میں تعینات کیا جائے گا،چوہدری اختر شاہد
ڈنگہ(محمد بلال احمد بٹ)ایس ای ایس ضلع گجرات کے صدر اور متحدہ ایکشن کمیٹی برائے اساتذہ ضلع گجرات کے نائب صدر چوہدری اختر شاہد نے کہا کہ آئندہ ماہ اگست میں ضلع بھر کے تمام اسسٹنٹ ایجوکیشن آفیسرز کو تبدیل کر کے دوسرے مراکز میں تعینات کیا جائے گا،ایس ای ایس ضلع گجرات کے صدر اور اساتذہ کی جائنٹ ایکشن کمیٹی ضلع گجرات کے نائب صدر نے ڈی سی او گجرات سے ملاقات کی ملاقات میں ڈی سی او گجرات آصف بلال لودھی نے کہا کہ آئندہ ماہ اگست میں ضلع بھر کے اے ای اوز ایجوکیشن کو تبدیل کر دیا جائے گا
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:وزیراعظم نواز شریف نے رمضان المبارک میں سحر و افطار کے اوقات میں لوڈشیدنگ نہ کرنے کی ہدایت کر دی ہے
ڈنگہ(محمد بلال احمد بٹ)وزیراعظم نواز شریف نے رمضان المبارک میں سحر و افطار کے اوقات میں لوڈشیدنگ نہ کرنے کی ہدایت کر دی ہے وزیراعظم نے ماہ مقدس میں رمضان المبارک میں اوقات سخر اور افطار اور نماز تراویح کے دوران بجلی بند نہ کرنے کی سختی سے ہدایت کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پیٹرولیم مصنوعات بجلی اور کارڈ ٹیکس میں اضافہ سے عوام بلبلا اٹھے
ڈنگہ(محمد بلال احمد بٹ)پیٹرولیم مصنوعات بجلی اور کارڈ ٹیکس میں اضافہ سے عوام بلبلا اٹھے تفصیلات کے مطابق پیٹرولیم مصنوعات بجلی کی قیمتوں میں اضافہ سے مہنگائی کا طوفان آگیا ہے،اشیائے ضروریہ کی قیمتیں آسمان سے باتیں کرنے لگیں ،ہوشربا مہنگائی سے سفید پوش اور متوسط طبقہ کا بھرم بھی جاتا رہا،تیل اور بجلی کی قیمتوں میں اضافہ کا فیصلہ فی الفور واپس لیا جائے عوام کا مطالبہ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :آمدن بڑھانے کیلئے معالجین نے ہر مریض کوجسم میں پانی کی کمی کا کہہ کر ڈرپ لگانا اپنا معمول بنا لیا
ڈنگہ(محمد بلال احمد بٹ)آمدن بڑھانے کیلئے معالجین نے ہر مریض کوجسم میں پانی کی کمی کا کہہ کر ڈرپ لگانا اپنا معمول بنا لیا،درد کے مارے مریض ڈرپ لگوانے پر مجبور ہے تفصیلات کے مطابق موسم گرما میں بیماریاں کم ہونے سے ہسپتالوں اور معالجین کے کلینکوں پر مریضوں کا رش کم ہونے سے ڈاکٹروں اور بالخصوص گلی محلوں کے ڈسپنسرز کی آمدن میں کمی ہو جاتی ہے،ڈاکٹرز اور ڈسپنسرز اپنی آمدنی بڑھانے کیلئے ہر مریض کو جسم میں پانی کم ہونے کی نوید سنا کر انہیں ڈرپ لگانے پر مجبور کرتے ہیں،پچاس سے سو روپے کی ڈرپ لگا کر ان سے ایک ہزار یا اس سے زائد رقم وصول کرکے اپنی آمدنی پوری کرتے ہیں،عوامی حلقوں نے اصلاح احوال کا مطالبہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عائشہ زیب نے فیڈرل بورڈ اسلام آباد کے زیر اہتمام ہونے والے میٹرک کے سالانہ امتحانات 2013ء میں995نمبر حاصل کر کے میٹرک کا امتحان بڑے اعزاز کے ساتھ پاس کر لیا
ڈنگہ(محمد بلال احمد بٹ)ممتاز کارٹونسٹ اور دی کریانہ ایسوسی ایشن کے سیکرٹری اطلاعات وسیم شہزاد کھوکھر کی ہونہار ذہین بھانجی عائشہ زیب نے فیڈرل بورڈ اسلام آباد کے زیر اہتمام ہونے والے میٹرک کے سالانہ امتحانات 2013ء میں995نمبر حاصل کر کے میٹرک کا امتحان بڑے اعزاز کے ساتھ پاس کر لیا یاد رہے کہ عائشہ زیب نے1050نمبروں میں سے995نمبر حاصل کر کے علاقہ بھر میں نمایاں پوزیشن حاصل کی ہے عوامی سماجی تجارتی حلقوں نے ہونہار ذہین طالبہ عائشہ زیب اور انکی فیملی کو بے مثال کامیابی پر مبارکباد دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز تاجر الحاج اعظم ڈار کی تجارتی خدمات کو تاریخ کے اوراق پر سنہرے حروف سے لکھا جائے گا،یونس ڈار،مہر انور ناز
ڈنگہ (محمد بلال احمد بٹ)کلاتھ ایسوسی ایشن ڈنگہ کے صدر حاجی محمد یونس ڈار اور جنرل سیکرٹری مہر محمد انور ناز نے کہا ہے کہ کپڑے کے ممتاز تاجر الحاج
اعظم ڈار کی تجارتی خدمات کو تاریخ کے اوراق پر سنہرے حروف سے لکھا جائے گا،انہوں نے کہا کہ حاجی اعظم ڈار کی وفات سے پیدا ہونے والا خلا مدتوں بعد بھی پر نہیں ہو گا اللہ کریم انہیں جنت الفردوس میں جگہ دے حاجی محمد اعظم ڈار نے تاجروں کی خلوص نیت سے خدمت کی اور تاجروں کی فلاح و بہبود کیلئے کام کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ٹی ایم اے کے اعلیٰ حکام ہمیں اپنے اہلکار غلام جیلانی کے مبینہ ظلم و ستم سے بچائیں ،عبدالحمید
ڈنگہ(محمد بلال احمد بٹ)مین بازار کے ممتاز تاجر اور دکاندار عبدالحمید نے کہا ہے کہ ٹی ایم اے کے اعلیٰ حکام ہمیں اپنے اہلکار غلام جیلانی کے مبینہ ظلم و ستم سے بچائیں کیونکہ جیلانی صاحب بازار میں آکر دکانداروں سے ناروا اور غیر انسانی سلوک کرتے ہیں اور وہ مبینہ طورر دکانداروں کو ڈنڈوں سے ہانکتے ہیں انہوں نے کہا کہ ٹی ایم اے ملازمین کی اخلاقی تربیت کریں اور تمام دکانداروں کے ساتھ حسن اخلاق سے پیش آئیں تاجر برادری ملک کے معزز شہری ہیں اور یہ وطن عزیز کی معیشت کو مضبوط کرنے میں اہم کردارادا کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : بی ایچ یو امرہ کلاں میں محکمہ صحت کے ڈاکٹر تعینات کیا جائے،چوہدری عبداللہ رریاستی
ڈنگہ(محمد بلال احمد بٹ)ممتاز سیاسی راہنما اور سماجی شخصیت چوہدری عبداللہ ریاستی نے اعلیٰ حکام سے مطالبہ کیا ہے کہ بی ایچ یو امرہ کلاں میں محکمہ صحت کے ڈاکٹر تعینات کیا جائے بی ای یو میں ڈاکٹر نہ ہونے کے باعث مریضوں کو سخت مشکلات اور دشواری کا سامنا کرنا پڑتا ہے جبکہ انہیں علاج معالجہ کیلئے دوسرے شہروں میں جانا پڑتا ہے،انہوں نے کہا کہ حکومت عوام کو صحت کی سہولیات گھر کی دہلیز پر پہنچانے کا دعوی کرتے ہی لیکن امرہ کے بی ایچ یو میں نہ ڈاکٹڑ ہے اور نہ ہی ادویات جس سے مریض ہسپتال کے چکر لگا لگا کر عاجز آچکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پنجاب کے نو تعلیمی بورڈزمیٹرک کے سالانہ امتحانات2013کے نتائج کا اعلان25جولائی کو کریں گے
ڈنگہ(محمد بلال احمد بٹ)پنجاب کے نو تعلیمی بورڈزمیٹرک کے سالانہ
امتحانات2013کے نتائج کا اعلان25جولائی کو کریں گے اس بات کا فیصلہ تمام بورڈز نے چیئر مینوں کی کمیٹی کے خصوصی اجلاس میں کیا،راولپنڈی بورڈ24جولائی کی شام کو پوزیشن ہولڈر کا اعلان کرے گا جبکہ میٹرک کے مکمل نتائج کااعلان تمام تعلیمی بورڈ25 جولائی کو اعلان کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : پی ٹی یو ضلع گجرات کے سینئر نائب صدر ممتاز ماہر تعلیم میاں جاوید اقبال کے گھر محمد مصطفیۖ کے نقش کا دیدار کرنے والوں کا تانتا بندھ گیا
ڈنگہ(محمد بلال احمد بٹ)پی ٹی یو ضلع گجرات کے سینئر نائب صدر ممتاز ماہر تعلیم میاں جاوید اقبال کے گھر محمد مصطفیۖ کے نقش کا دیدار کرنے والوں کا تانتا بندھ گیاتفصیلات کے مطابق اساتذہ کی تنظیم پی ٹی یو کے راہنما میاں جاوید اقبال کے آبائی گھر موضع ٹبی محل میں انکے بیٹے عاقب کی صحت یابی کیلئے ختم پاک کی محفل جاری تھی کہ ان کے گھر کے مہمان خانہ کے کمرے میں ممتاز ماہر تعلیم بائو محمد اختر نے گھر کے فرش پر ماربل کی ٹائل پر آقائے دو جہاںۖ کا اسم مبارک دیکھا اور میاں جاوید اقبال اور انکی فیملی کو اس حوالہ سے آگاہ کیا، میاں جاوید اقبال اپنے گھر کے کمرے میں اسم محمدۖ کو واضح طور پر دیکھ کر انتہائی آبدیدہ ہو گئے اور فرط جذبات سے سجدے میں گر گئے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز قاری محمد یعقوب نقشبندی،وسیم چشتی،رجب علی چشتی،اعجاز احمد مغل کی سرکردگی میںانجمن صدائے مدینہ کے زیر اہتمام مرکزی جامع مسجد گلزار مدینہ میں ماہانہ درس قرآن و حدیث کا انعقاد
ڈنگہ(محمد بلال احمد بٹ)ممتاز قاری محمد یعقوب نقشبندی،وسیم چشتی،رجب علی چشتی،اعجاز احمد مغل کی سرکردگی میںانجمن صدائے مدینہ کے زیر اہتمام مرکزی جامع مسجد گلزار مدینہ میں ماہانہ درس قرآن و حدیث کا انعقاد جس میںآستانہ عالیہ بائولی شریف کے سجادہ نشین حضرت مولانا علامہ غلام بشیر نقشبندی نے ماہ مقدس میں رمضان المبارک کی فیوض و برکات کے حوالہ سے خطاب ذیشان فرمایا،انہوں نے خطاب کرتے ہوئے فرمایا کہ مسلمانوں کی فلاح اور کامیابی کاراستہ اللہ سبحان تعالیٰ اور اس کے پیارے نبی محمد مصطفیۖ کی اطاعت میں ہے.
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رواں سال پاکستان سے ایک لاکھ79ہزار210عازمین فریضہ حج کیلئے حماز مقدس روانہ ہونگے
ڈنگہ(محمد بلال احمد بٹ)رواں سال پاکستان سے ایک لاکھ79ہزار210عازمین فریضہ حج کیلئے حماز مقدس روانہ ہونگے،نوے ہزار شہری گورنمنٹ حج اسکیم کے تحت جبکہ89ہزار 210افراد پرائیویٹ اسکیم کے تحت حج بیت اللہ کی سعادت حاصل کریں گے پاکستان سے عازمین حج کی روانگی سات ستمبر سے شروع ہو کر نو اکتوبر تک جاری رہے گی،جبکہ حاجیوں کی واپسی19اکتوبر سے شروع ہو کر 18نومبر کو مکمل ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ شہر اور گردونواح کے علاقہ میں بجلی کی بدترین لوڈشیڈنگ شہریوں اور کاروباری طبقہ کیلئے وبال جان بن گئی
ڈنگہ(محمد بلال احمد بٹ)ڈنگہ شہر اور گردونواح کے علاقہ میں بجلی کی بدترین لوڈشیڈنگ شہریوں اور کاروباری طبقہ کیلئے وبال جان بن گئی،چھوٹے دکانداروں کو بجلی کی طویل بندش سے بھی سخت مشکلات اور دشواری کا سامنا ہے،ملک میں اندھیروں کے باعث صنعت کا پہیہ جام ہو گیا ہے جبکہ دیہاڑی دار طبقہ کے گھروں میں نوبت فاقوں تک پہنچ گئی ہے،بجلی کی طویل بندش سے شہر بھر میں پانی کی ترسیل میں خلل،اندرون شہربسنے والوں کا گرمی اور حبس سے برا حال ہو گیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہمارے پیارے دوست اور بھائی اعظم ڈار انتہائی اچھے اور خوش اخلاق انسان تھے،محمد اصغر قریشی
ڈنگہ(محمد بلال احمد بٹ)پان فروش ایسوسی ایشن ڈنگہ کے جنرل سیکرٹری بیوٹی پان شاپ کے مالک محمد اصغر قریشی نے کہا ہے کہ ہمارے پیارے دوست اور بھائی اعظم ڈار انتہائی اچھے اور خوش اخلاق انسان تھے انہوں نے کہا کہ اعظم ڈار نے اپنی ساری زندگی انتہائی سادگی اور عاجزی میں گزاری ہم انکے ناگہانی انتقال پر گہرے دکھ اوررنج و غم کا اظہار کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :رمضان پیکج کے تحت ملک بھر کے تمام یوٹیلٹی سٹورز اشیائے ضروریہ کی فروخت دو روز قبل شروع ہو جائے گی
ڈنگہ(محمد بلال احمد بٹ)رمضان پیکج کے تحت ملک بھر کے تمام یوٹیلٹی سٹورز
اشیائے ضروریہ کی فروخت دو روز قبل شروع ہو جائے گی، آئندہ48 گھنٹوں میں رمضان کیلئے سرکاری گوداموں سے فلور ملوں کو گندم کی سپلائی شروع ہو جائے گی،جبکہ دکانداروں کو آٹے کی سپلائی چھ جولائی سے شرو ع ہو گی،یوٹیلٹی سٹورز پر رمضان المبارک پیکج کے تحت روز مرہ کی فروخت رمضان سے 2رز قبل شروع ہو جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ماہ رمضان المبارک کا چاند دیکھنے کیلئے رویت ہلال کمیٹی کا اجلاس نو جولائی کو ہو
ڈنگہ(محمد بلال احمد بٹ)ماہ رمضان المبارک کا چاند دیکھنے کیلئے رویت ہلال کمیٹی کا اجلاس نو جولائی کو ہو گا مرکزی اجلاس محکمہ موسمیات کے کمپلیکس کراچی جبکہ صوبائی اور زونل کمیٹیوں کے اجلاس صوبائی اور زونل آفیسز میں ہونگے اجلاس کی صدارت چیئر مین رویت ہلال کمیٹی مفتی منیب الرحمن کریں گے محکمہ موسمیات کی پیشن گوئی کے مطابق رمضان المبارک کا چاند دس جولائی کو نظر آنے کا امکان ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :سعودی عرب میں پہلا روزہ دس جولائی کو ہو گا
ڈنگہ(محمد بلال احمد بٹ)سعودی عرب میں پہلا روزہ دس جولائی کو ہو گا،سعودی عرب میں ماہر فلکیات شاہ فہد یونیورسٹی کے مطابق رمضان المبارک کا پہلا روزہ دس جولائی کو ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : عمرے کے لئے سعودیہ آنے والے پندرہ روزہ سے زائد قیام نہیں کر سکیں گے،وزارت حج سعود عرب
ڈنگہ(محمد بلال احمد بٹ)وزارت حج سعودی عرب کا کہنا ہے کہ عمرے کے لئے سعودیہ آنے والے پندرہ روزہ سے زائد قیام نہیں کر سکیں گے وزارت نے حج عمرہ کمپنیوں کو قواعد و ضوابط کی پابندی کرنے کیلئے کہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ماہرین فلکیات کے مطابق پاکستان میں نو جولائی کو رمضان المبارک میں چاند
نظر نہیں آئے گا جبک
ڈنگہ(محمد بلال احمد بٹ)ماہرین فلکیات کے مطابق پاکستان میں نو جولائی کو رمضان المبارک میں چاند نظر نہیں آئے گا جبکہ پہلا روزہ گیارہ جولائی بروز جمعرات کوہو گاجبکہ سعودی عرب میں پہلا روزہ دس جولائی کو ہو گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ کی صاحب ثروت اور مخیر شخصیت کا انجمن بہبودی مریضاں کیلئے ایک لاکھ روپے کا عطیہ
ڈنگہ (محمد بلال احمد بٹ)ڈنگہ کی صاحب ثروت اور مخیر شخصیت کا انجمن بہبودی مریضاں کیلئے ایک لاکھ روپے کا عطیہ انجمن بہبودی مریضاں کے جنرل سیکرٹری ڈاکٹر اعجاز احمد نے ڈنگہ کی درد دل رکھنے والی شخصیت جنہوں نے اپنا نام ظاہر نہ کرنے کا کہا ہے،کو انسانیت کی خدمت کرنے پر زبردست الفاظ میں خراج تحسین پیش کیا ہے،مخیر اور صاحب ثروت شخصیت نے کہا ہے کہ وہ انشاء اللہ اسے خالص اللہ تعالیٰ کی رضا اور خوشنودی کیلئے بغیر کسی نمود ونمائش کے ہر تین ماہ بعد دکھی انسانیت کی خدمت کے جذبوں کے ساتھ اپنی استطاعت کے مطابق انجمن بہبودی مریضاں کی مالی خدمت انشاء اللہ کرتے رہیں گے
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پی پی دور حکومت کا فیصلہ منسوخ،سزائے موت کے قیدیوں کے کیسز کھل گئے
ڈنگہ(محمد بلال احمد بٹ)پی پی دور حکومت کا فیصلہ منسوخ،سزائے موت کے قیدیوں کے کیسز کھل گئے وزیر داخلہ چوہدری نثار علی خان نے عدالتی فیصلوں پر عمل درآمد اور زیر التوائ532رحم کی اپیلوں پر حتمی شکل دینے کی ہدایت کر دیں وزارت داخلہ نے تیس دسمبر 2012ء تک پھانسی کے منتظر تمام قیدیوں کی سزائوں پر عمل درآمد روک دیا تھا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :باوثوق ذرائع کے مطاق آنے والے بلدیاتی انتخابات نئی حلقی بندیوں کے تحت کرائے جانے کا امکان ہے
ڈنگہ(محمد بلال احمد بٹ)باوثوق ذرائع کے مطاق آنے والے بلدیاتی انتخابات نئی حلقی بندیوں کے تحت کرائے جانے کا امکان ہے اس کیلئے ضلع گجرات میں ابتدائی کام مکمل کیا جا چکا ہے،جس کیلئے حکمران جماعت مسلم لیگ ن نے بلدیاتی امور پر عبور
رکھنے والی ٹیم کو کام کرنے کے احکامات جاری کر دیئے ہیں اور بلدیاتی انتخابات سے متعلقہ اداروں کو نئی تجاویز جاری کر دی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : حکومت پنجاب کی ہدایات کی روشنی میں سابقہ روایات کے عین مطابق کولیاں روڈ پر رمضان المبارک بازار لگایا جائے گا ،نوید اشرف وڑائچ
ڈنگہ(محمد بلال احمد بٹ)ٹی او آر تحصیل کھاریاں اور ٹی ایم اے ڈنگہ کے چیف آفیسر نوید اشرف وڑائچ نے کہا ہے کہ حکومت پنجاب کی ہدایات کی روشنی میں سابقہ روایات کے عین مطابق کولیاں روڈ پر رمضان المبارک بازار لگایا جائے گا جس میں محکمہ کے ملازمین ڈیوٹی دیں گے جبکہ رمضان المبارک میں عوام کو سستے داموں اشیائے ضروریہ فراہم کی جائیں گیں۔
لالہ موسی کی خبریں 03.07.2013
حکومت ملکی حالات کو کنٹرول کرنے میں بری طرح ناکام ہے،نوازش علی شیخ ایڈووکیٹ
لالہ موسیٰ(محمد بلال احمد بٹ)حکومت ملکی حالات کو کنٹرول کرنے میں بری طرح ناکام ہے۔ان خیالات کا اظہار راہنما پاکستان تحریک انصاف ٹکٹ ہولڈر حلقہ پی پی 112نوازش علی شیخ ایڈووکیٹ نے کیا انہوں نے کہا کہ پیپلز پارٹی کے بعد اب نواز لیگ اپنا حصہ بٹورنے میں مصروف ہے۔ن لیگ کی حکومت نے عوام کی امیدوں پر پانی پھیر دیا ہے حکومت نے عوام کو مایوس کر دیا ہے۔بجلی کی لوڈشیڈنگ میں بھی کوئی کمی نہیںہو رہی ،مہنگائی کی وجہ سے عوام فاقے کرنے پر مجبور ہو رہے ہیںحکومت عوام کو جیتے جی مارنے پر تلی ہوئی ہے مہنگائی میں بے پناہ اضافے سے عام آدمی کیلئے گزارہ کرنا انتہائی مشکل ہو چکا ہے۔بجلی ،گیس ، پٹرولیم مصنوعات اور روزمرہ کھانے کی چیزوں اور اب تو لوکل ٹرانسپورٹ کے کرایوں میں بھی بے پنا اضافہ ہو چکا ہے۔امن و امان کی صورتحال انتہائی بد تر ہو چکی ہے آئے روز دہشت گردی کے واقعات میں سینکڑوں لوگ اپنی قیمتی جانیں گنوا چکے ہیں۔کرپشن کی صورتحال بھی جوں کی توں ہے بلکہ اس میں بھی اضافہ ہوا ہے ہر حکومتی ادارہ کرپٹ افسران اور کلرکوں سے
بھرا پڑا ہے۔عوام سے انکے لیگل کام کرنے کیلئے بھی مک مکا کیا جاتا ہے مک مکا نہ کرنے کی صورت میں افسران سائلین کو اداروں کے چکر لگواتے رہتے ہیں۔کسی بھی محکمے کا رخ کر کے دیکھ لیں ہر جگہ عوام کو مایوسی ہوتی ہے۔گلی محلے ہر طرف گندھے پانی کے جو ہڑ بنے ہوئے ہیں جن سے لوگ بیماریوں میں مبتلا ہیںگورنمنٹ کے ہسپتالوں میں مریضوں کے ساتھ انتہائی نارواسلوک ہوتا ہے ۔ عوام کا کوئی پرسان حال نہیں عوام جائیں تو جائیں کہا ں اور کس سے کہیںعام آدمی کی زندگی اجیرن بنا دی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پہلا سپرایٹ سافٹ بال فلڈ لائٹ کرکٹ ٹورنامنٹ آج بمقام نزد پلائی ووڈ فیکٹری محلہ قادر میں منعقد ہو رہا ہے
لالہ موسیٰ(محمد بلال احمد بٹ)پہلا سپرایٹ سافٹ بال فلڈ لائٹ کرکٹ ٹورنامنٹ آج بمقام نزد پلائی ووڈ فیکٹری محلہ قادر میں منعقد ہو رہا ہے جس کے مہمان خصوصی سابق ٹیسٹ کرکٹر ہیڈ کوچ لاہور پی سی بی منظور الٰہی ہونگے جبکہ مہمان خصوصی میں ڈاکٹر جاوید ریاض ممتاز مسلم لیگی راہنما،ڈاکٹر فیصل نثار ،مہر بین علی آرائیں امیدوار صوبائی اسمبلی،نوازش علی شیخ ایڈووکیٹ سابق جنرل سیکرٹری تحریک انصاف،چوہدری رحمان نصیر مرالہ سابق ایم این اے ہونگے جبکہ ٹورنامنٹ کی سرپرستی سید باسط علی شاہ کلیوال سیداں،سید علی اصغر کلیوال سیداں،چوہدری بائو صفدر،اختر بٹ،سجاد بٹ،عابد بٹ،احسان مہر،ثاقب شاہ،بشارت بھٹی،ندیم بھٹی،حسن بٹ،ظہیر بٹ،تصور مہر،قمر عباس مہر،میاں وقاص،ہارون بٹ کریں گے،کمنٹرینٹر فضل عباس،یاسر ٹوپہ،ماسٹر بلال عرف بلا جی آف وزیر آباد ہونگے ٹورنامنٹ کی شرائط کے مطابق ٹورنامنٹ ناک آئو ٹ سسٹم کی بنیاد پر ہوگا،ہر ٹیم آٹھ کھلاڑیوں پر مشتمل ہو گی،ہر میچ تین اوورز پر مشتمل ہو گا،انٹر فیس میچ ہونے سے پہلے وصول کی جائے گی،ایمپائر کا فیصلہ حتمی ہو گا اور لڑائی جھگڑا کرنے والی ٹیم کو ٹورنامنٹ سے آئوٹ کیا جائے گا،وقت کی پابندی لازمی ہو گی ،ٹورنامنٹ کی انٹر ی فیس1000روپے رکھی گئی ہے ٹورنامنٹ کا آغا مغرب کے بعد کیا جائے گا،جیتنے والی ٹیم کو8000روپے بمعہ ٹرافی،رنر اپ کو4000روپے بمعہ ٹرافی،چھکوں کی ہیٹرک پر100روپے نقد انعام ،وکٹوں کی ہیٹرک پر100روپے نقدانعام دیا جائے گاٹورنارمنٹ کا انعقاد اشفاق احمد بٹ،محمد زمان بٹ،راجہ نوید عبداللہ چائنہ الیکٹر سٹور والے،غلام مرتضیٰ سابق فرسٹ کلاس کرکٹر،منشاء الرحمن،انجم بٹ کریںگے جبکہ کمیٹی انتظامیہ یں قدیر حسین بھٹی،علی حسن،ملک حسنین،چوہدری سفیان،نوید عرف
رانا،سکندر،شبیر حسین،خرم،ابوبکر،آصف بھٹی،بشاورت ،ساجد بھٹی،امجد بھٹی عرفا میاں،وسیم کھوکھر،چوہدری عبدالرحمن،ساجد بھٹی،جاوید بھٹی،حسن ملک،ملک سجاد،حامد قریشی،عامر رشید،عدیل ،بھائی شاہ،شبیر احمد شامل ہیں جبکہ ڈاکٹر عبدالمنان بٹ فائونڈر جذبہ کرکٹ کلب،ڈاکٹر ذوالفقار احمد سابق صدر کلب لالہ موسیٰ،چوہدری حامد اشرفی صدر پریس کلب لالہ موسیٰ،حاجی غفاراور چیف ایڈیٹر ڈیلی جلا وطن ڈاٹ کام محمد بلال احمد بٹ خصوصی شرکت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
2013 پریسٹن میلہ اس اتوار کو مانچسٹر میں منعقد ہو گا
لالہ موسیٰ(محمد بلال احمد بٹ)2013 پریسٹن میلہ اس اتوار کو ہو گا کثیر الثقافتی ایونٹ لائیو موسیقی، کھانے اور کرافٹ سٹالوں، ایک funfair، سرگرمی ورکشاپوں اور شہر کے مرکز کے ارد گرد ایک جیونت میلہ جلوس کے معمول کے مجموعہ پیش کرے گامیلے بلکہ Avenham پارک پر سے زیادہ اس سال کے پرچم مارکیٹ پر منعقد کیا جا رہا ہے، تو یہ زیادہ آسانی سے قابل رسائی ہو جائے گا اور کسی بھی بارش کی صورت میں بہت کم متاثر ہونا چاہئے سب کے لئے کھلے، مفت ایونٹ ہر عمر کے لوگوں کے لئے تفریح ??کا وعدہ کیا ہے اور اس طرح کے ایک آؤٹ ڈور تھیٹر، stilt ڈبلیو، رنگولی، بھارتی پتنگ بنانے اور drumming ورکشاپس کے طور پر غیر معمولی پرکشش مقامات شامل ہوں گے۔
