ڈنگہ:الیکشن2013ء ضلع گجرات میں شیر چھا گیا،بڑے بڑے برج الٹ گئے
ڈنگہ(محمد بلال احمد بٹ)الیکشن2013ء ضلع گجرات میں شیر چھا گیا بڑے بڑے برج الٹ گئے پیپلز پارٹی کا صفایا ہو گیا،پاکستان کو ووٹ دے کر عوام نے ایک اچھا فیصلہ کیا تمام دن پولنگ اسٹیشن پر گہما گہمی رہی اور ووٹ دینے کیلئے عوام گھروں سے نکل آئی نہ گرمی دیکھی نہ قطاروں کی پرواہ کی اور اپنا حق رائے دہی استعمال کیا خواتین اور مرد گرم جوشی سے ووٹنگ کیلئے صبح سے ہی گھروں سے نکلنا شروع ہو گئے تھے،حلقہ پی پی113کو حساس قرا ر دیا گیا تھا وہاں پر فوجی جوان اپنی ڈیوٹی دیتے رہے،جبکہ انتظامیہ بھی الرٹ رہی۔حلقہ این اے106 چوہدری جعفر اقبال82547،پی پی113میاں طارق محمود53030حلقہ این اے107چوہدری عابد رضا94083حلقہ پی پی115چوہدری شبیر کوٹلہ42504،حلقہ پی پی114ملک محمد حنیف اعوان40400حلقہ پی پی112چوہدری اشرف دیونہ نے40780،حمید وحید الدین52772،حلقہ پی پی117پیر طارق یعقوب رضوی 30447ووٹ حاصل کر کے کامیاب قرار پائے،حلقہ کے عوام نے انہیں مبارکباد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:الیکشن2013ء پورے جوش و خروش کے ساتھ گیارہ مئی کے دن انتخابات کے انعقاد کے بعد ختم ہو گیا
ڈنگہ(محمد بلال احمد بٹ)الیکشن2013ء پورے جوش و خروش کے ساتھ گیارہ مئی کے دن انتخابات کے انعقاد کے بعد ختم ہو گیا،ملک بھر کی طرح ڈنگہ کے عوام نے بھی پورے جوش و جذبہ کے ساتھ اپنے عوامی نمائندگان منتخب کرنے کے لیے ووٹ ڈالے الیکشن نتائج کے مطابق چوہدری جعفر اقبال بھاری اکثریت کے ساتھ ایم این اے جبکہ میاں طارق محمود ایم پی اے منتخب ہو چکے ہیں،ڈنگہ کو پہلی مرتبہ ایم پی اے شپ کے ساتھ ایم این اے شپ بھی مل گئی،ڈنگہ میں لوگوں کا دونوں سیٹوں میں کامیابی حاصل ہونے پر جوش و خروش دیدنی،سڑکوں پر بھنگڑے،جلوس اور مٹھائیاں تقسیم کی گئیں،چوہدری جعفر اقبال حلقہ این اے106 میں پہلی مرتبہ بھاری اکثریت سے ڈنگہ سے تعلق رکھنے والے ایم این اے منتخب ہو چکے ہیں،ڈنگہ آمد پر فوارہ چوک پر چوہدری جعفر اقبال کا تاریخ ساز استقبال کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:شرافت کی جیت اور بدمعاشی کو شکست ہوئی ہے،میاں طارق محمود ایم پی اے
ڈنگہ(محمد بلال احمد بٹ)مسلم لیگ ن حلقہ پی پی113کے نومنتخب ایم پی اے میاں طارق محمود نے اپنی رہائش گاہ پرصحافیوں سے بات چیت کرتے ہوئے کہا کہ حلقہ پی پی113کے غیور عوام نے مجھ پر چھٹی بار اعتماد کا اظہار کرتے ہوئے مجھے بھاری اکثریت سے کامیابی سے ہمکنار کیا عوام کا اعتماد ہی میرے لئے بہت بڑ ااعزاز ہے انہوں نے کہا کہ شرافت کی جیت اور بدمعاشی کو شکست ہوئی ہے انشاء اللہ حلقہ کے عوام کے شانہ بشانہ ہو کر چلیں گے اور حلقہ میں تعمیر و ترقی کیلئے اپنا بھرپور کردار ادا کریں گے انہوں نے کہا ہے کہ ہم نے ہمیشہ ظلم کے خلاف جہاد کیا اور ظالم کو ظلم سے روکے گیں اور حلقہ کے عوام کا تحفظ کرنا ان کے مسائل حل کرنا میری اولین ترجیح ہے حلقہ کے عوام کے دکھ درد میں شریک رہوں گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ الیکشن میں حصہ اقتدار کے لئے نہیں بلکہ ایم پی اے کے ظلم و ستم سے عوام کو نجات دلانے کیلئے لیا،چوہدری اعجاز رنیاں
ڈنگہ(محمد بلال احمد بٹ)امیدوار حلقہ پی پی113چوہدری اعجاز احمد رنیاں نے انتخابی رزلٹ پر تبصرہ کرتے ہوئے کہا کہ ہم نے الیکشن میں حصہ اقتدار کے لئے نہیں بلکہ ایم پی اے کے ظلم و ستم سے عوام کو نجات دلانے کیلئے لیا ،ایم پی اے کی ٹھیکہ مافیا کرپشن کی سیاست کے خلاف ہماری جدوجہد جاری و ساری رہے گی،ہر مقام ہر محاذ پرایم پی اے کا حوصلہ اور ڈٹ کر مقابلہ کریں گے کبھی نہ جھکے تھے اور نہ کبھی جھکیں گے، 34ہزار سے زائد ووٹ میرے لئے بڑے اعزاز کی بات ہے میں اپنے حلقہ113کے عوام کو یقین دلاتا ہوں اور وعدہ کرتا ہوں کہ ہم وفادار لوگ ہیں وفاداری کا جواب وفاداری سے دیں گے، عوام کی محبتیں میرے لئے کاندھوں پر قرض ہیں کسی بھی شخص خواہ وہ کتنا ہی طاقتور کیوں نہ ہو کسی کے ساتھ زیادتی نہیں کرنے دیں گے، طالم کے خلاف مظلوم کا ساتھی ہوں ہر مطلوم کا ساتھ دوں گا انہوں نے مزید کہا کہ ڈنگہ میرا دوسرا گھر ہے میں اہلیان ڈنگہ کا انتہائی مشکور ہوں جنہوں نے مجھے بھر پور پذیرائی بخشی اور مجھے اپنی محبتوں کا آسیر بنا لیا، اہلیان ڈنگہ کے امن و سکون کے لئے ہرقسم کی قربانی دینے کیلئے تیار رہوں گا اہل ڈنگہ کی تابعداری اور خدمت میں کوئی کسر اٹھا نہیں رکھوں گا،ڈنگہ کے عوام کے چہروں پر خوشیاں اور سکون میری زندگی کا مشن ہے پانچ سال ڈٹ کر عوام کی خدمت کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:منڈی بہائو الدین:۔ن لیگ 5،ق لیگ 1 سیٹ حاصل کر سکی،1آزاد کامیاب
ڈنگہ(محمد بلال احمد بٹ)منڈی بہائو الدین:۔ن لیگ 5،ق لیگ 1 سیٹ حاصل کر سکی،1آزاد کامیاب،تفصیلات کے مطابق حلقہ این اے108 سے اعجاز احمد چوہدری آزاد امیدوار حلقہ این اے109سے ن لیگ کے ناصر اقبال،بوسال کامیاب ہو گئے جبکہ پی پی116سے ن لیگ کی حمیدہ وحید الدین،حلقہ پی پی117سے ن لیگ کے پیر سید طارق یعقوب رضوی کامیاب ہوگئے اس طرح ضلع منڈی بہائوالدین میںبھی ن لیگ واضح اکثریت سے کامیابی حاصل کر چکی ہے جبکہ صرف ایک سیٹ پر آزاد امیدوار کامیاب ہوا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:مسلم لیگ ن اور پیپلز پارٹی کے حامیوں میں توں و تکرار ایک دوسرے پر لفظوں کا حملہ
ڈنگہ(محمد بلال احمد بٹ)مسلم لیگ ن اور پیپلز پارٹی کے حامیوں میں توں و تکرار ایک دوسرے پر لفظوں کا حملہ تفصیلات کے مطابق گذشتہ شام محلہ سفید مندر ڈنگہ کے چوہدری جعفر اقبال اور چوہدری قمر زمانکائرہ کے جیالے نوجوانوں میں کسی بات پر توں و تکرار شروع ہو گیا تصادم ہوتے ہوتے رہ گیا محلہ کے معززین کی مداخلت پر بات کو ختم کر دیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:میاں طارق محمود اور اعجاز رنیاں کے مابین تصادم ہوتے ہوتے رہ گیا
ڈنگہ(محمد بلال احمد بٹ)میاں طارق محمود اور اعجاز رنیاں کے مابین تصادم ہوتے ہوتے رہ گیا،پولیس نے لاٹھی چارج اور ہوائی فائرنگ کر کے عوام کو منتشر کر دیا،گیارہ مئی کو بلدیہ ہال ڈنگہ میں ووٹنگ کے دوران میاں طار ق محمو د اور اعجاز رنیاں کے درمیان معمولی جھگڑا ہوا جس پر فوری طور پر پولیس نے معمولی لاٹھی چارج کیا اور ہوائی فائرنگ کی جس سے لوگ منتشر ہو گئے،پولنگ تقریباً آدھا گھنٹہ بند رہی۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:میں رب العزت کا انتہائی شکر گزار ہوں جس نے مجھ پر جیسے عاجز اور ناچیز کو اتنی عزت عطا فرمائی،چوہدری جعفر اقبال ایم این اے
ڈنگہ(محمد بلال احمد بٹ)نومنتخب ایم این اے حلقہ این اے106 چوہدری جعفر اقبال نے ڈنگہ آمد پر تاریخ ساز استقبالی جلوس کے شرکاء سے خطاب کرتے ہوئے کہا کہ میں رب العزت کا انتہائی شکر گزار ہوں جس نے مجھ پر جیسے عاجز اور ناچیز کو اتنی عزت عطا فرمائی،حلقہ این اے106 کے عوام نے جس قدر پیار اور اعتماد مجھے بخشا ہے وہ میری توقعات سے کہیں بڑھ کر ہے میں حلقہ این اے106 کے عوام بالخصوص لالہ موسیٰ اور ڈنگہ کے عوام کا احسان مند ہوں اور اپنے اللہ کا جتنا بھی شکر ادا کروں وہ کم ہے،میری سیاست کا محور مرکز صرف اور صرف عوام کی خدمت ہے اور انشاء اللہ اپنے عوام کی خدمت میرا اولین فریضہ ہوگی،زبانی دعوئوں کا قائل نہیں ہوں آپ لوگوں کا اعتماد میری بہت بڑی قوت ہے اور میں یہ اعتماد کبھی بھی ختم نہیں ہونے دوں گا،میرا عمل یہ ثابت کرے گا کہ میں آپ کے اعتماد پر کس حد تک پورا اتروں ہوں میرے عظیم قائد میاں محمد نواز شریف اور میاں محمد شہبازشریف پر پاکستان کے عوام نے اعتماد کا مظاہرہ کر کے یہ ثابت کر دیا ہے کہ میاں برادران ہی پاکستان کے حقیقی مسیحا ہیں اور ہم اپنے قائد میاں نواز شریف کی قیادت میں دن رات محنت کر کے انشاء اللہ اپنے وطن عزیز کو دنیا کے ترقی یافتہ ممالک کے ہم پلہ کریں گے،حلقہ کی باشعور عوام نے یہ ثابت کر دیا ہے کہ وہ کھوٹے اور کھرے کی بہت اچھی طرح پہچان رکھتے ہیں انہوں نے کہا کہ جو لوگ اقتدار میں عوام کو فراموش کر دیتے ہیں عوام پوری طاقت سے ان کو مسترد کر کے نشان عبرت بنا دیتی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:مسلم لیگ ن کے صدر میاں محمد نواز شریف کا نومنتخب ایم این اے محمد اعجاز چوہدری کو ٹیلی فون،ایم این اے بننے پر مبارکباد،جلد منڈی بہائو الدین آنے کا وعدہ
ڈنگہ(محمد بلال احمد بٹ)مسلم لیگ ن کے صدر میاں محمد نواز شریف کا نومنتخب ایم این اے محمد اعجاز چوہدری کو ٹیلی فون،ایم این اے بننے پر مبارکباد،جلد منڈی بہائو الدین آنے کا وعدہ،تفصیلات کے مطابق پاکستان مسلم لیگ ن کے مرکزی صدر میاں محمد نواز شریف نے حلقہ این اے108منڈی بہائو الدین سے آزاد امیدوار محمد اعجاز چوہدری کو ایم این اے منتخب ہونے پر ٹیلی فون پر مبارکباد دی اور میاں محمد نواز شریف نے ٹیلی فون پر گفتگو کرتے ہوئے کہا کہ آزاد حیثیت سے آپ نے بھاری اکثریت سے کامیابی حاصل کر کے حلقہ کے عوام کی بھرپور نمائندگی کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیر طارق یعقوب شاہ رضوی کی کامیابی میں ڈنگہ کے خالد محمو دنورانی،قاری اشتیاق سیالوی،لالہ منور انصاری،شفنان عدیل نے بھی الیکشن مہم میں اہم کردار ادا کیا
ڈنگہ(محمد بلال احمد بٹ)مسلم لیگ ن حلقہ پی پی117کے نامزد امیدوار پیر طارق یعقوب شاہ رضوی کی کامیابی میں جہاں خدا تعالیٰ کی خاص مہربانی ہے وہاں پر ڈنگہ کے خالد محمو دنورانی،قاری اشتیاق سیالوی،لالہ منور انصاری،شفنان عدیل نے بھی الیکشن مہم میں اہم کردار ادا کیا،انہوں نے چیچھروالی،حاصلانوالہ،سندھانوالہ،ہیلاں،رسول پور،میانہ چک ،کوٹلی خورد جھورانوالی لسوڑی میں دن رات ان کی الیکشن چلائی اورکامیاب کروایا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:سرزمین ڈنگہ پھولوں سے لد گئی،جگہ جگہ ہزاروں افراد کا چوہدری جعفر اقبال کا تاریخ ساز اور والہانہ استقبال
ڈنگہ(محمد بلال احمد بٹ)سرزمین ڈنگہ پھولوں سے لد گئی،جگہ جگہ ہزاروں افراد کا چوہدری جعفر اقبال کا تاریخ ساز اور والہانہ استقبال،منوں پھول نچھاور کئے گئے،آتش بازی کا شاندار مطاہرہ،نوجوانوں کے بھنگڑے،لوگوں کا جوش و خروش دیدنی تھا،ہزاروں افراد اپنے قائد کی ایک جھلک دیکھنے کو بے تاب تھے،ڈنگہ میں جشن کا سماں،ہزاروں افراد نے سڑکوں پر کھڑے ہو کر گھنٹوں اپنے قائد کاانتظار کرتے رہے،جبکہ ہزاروں خواتین نے چھتوں پر کھڑے ہو کر چوہدری جعفر اقبال پر پھولوں کی بارش کر کے سڑکوں کو سرخ کر دیا،چوہدری جعفر اقبال نو منتخب ایم این اے حلقہ این اے106 کا ڈنگہ آمد پر فقید المثال استقبال ،ہزاروں گاڑیوں موٹر سائیکلوں اور شہریوں کے ہمراہ فوارہ چوک پر بہت بڑے قافلوں نے جوش و خروش کے ساتھ چوہدری جعفر اقبال کو حلقہ این اے106 سے ہزاروں ووٹوں کی بھاری اکثریت سے کامیاب ہونے پر ڈھول کی تھاپ ،پھولوں کی پتیاں،آتش بازی کے وسیع مظاہرہ سے مبارکبادیں پیش کیں۔
۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔
ڈنگہ:محمد اصغر قریشی اور بیوٹی پان شاپ کے ایم ڈی شہذیب اصغر نے چوہدری جعفر اقبال ایم این اے منتخب ہونے پر ان کا شاندار استقبال کیا
ڈنگہ(محمد بلال احمد بٹ)پان ایسوسی ایشن ڈنگہ کے جنرل سیکرٹری محمد اصغر قریشی اور بیوٹی پان شاپ کے ایم ڈی شہذیب اصغر نے چوہدری جعفر اقبال ایم این اے منتخب ہونے پر ان کا شاندار استقبال کیا اور منوں پتیاں نچھاور کیں اس موقع پر چوہدری جعفر اقبال نے ان کا شکریہ ادا کیا۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:انتخابات کے نتائج نے صدر پرویز مشرف کو ہفتہ اور اتوار کی درمیانی رات بے چین کئے رکھا
ڈنگہ(محمد بلال احمد بٹ)عام انتخابات کے نتائج نے چک شہزاد کے اپنے فارم ہائوس میں بننے والی سب جیل کے قیدی سابق صدر پرویز مشرف کو ہفتہ اور اتوار کی درمیانی رات بے چین کئے رکھا اور ان کی نیند حرام کر دیں،اتوار کو سب جیل کے ذرائع کے مطابق سابق صدر پرویز مشرف جن کو ان کے کمرے میں ٹی وی کی سہولت حاصل ہے انتخابی نتائج ٹی وی پر دیکھتے رہے اور جوں جوں انتخابی نتائج ن لیگ کے حق میں آنا شروع ہو ئے پرویز مشرف کی پریشانی میں اضافہ ہونا شروع ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:الیکشن2013ء میں عام انتخابات کے دوران ڈنگہ میں مجموعی طور پر17پولنگ اسٹیشن قائم کئے گئے
ڈنگہ(محمد بلال احمد بٹ)الیکشن2013ء میں عام انتخابات کے دوران ڈنگہ میں مجموعی طور پر17پولنگ اسٹیشن قائم کئے گئے،جس میں عوام نے بھاری اکثریت میں اپنا حق رائے دہی استعمال کیا اور اپنے نمائندگان کا انتخاب کرنے کے لیے اپنا حق رائے دہی دیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:پاکستان تحریک انصاف کے چیئر مین عمران خان اپنے دونوں حلقوں میانوالی اور لاہور کے حلقہ این اے122 میں علالت کے باعث اپنا ووٹ کاسٹ نہ کر
ڈنگہ(محمد بلال احمد بٹ)پاکستان تحریک انصاف کے چیئر مین عمران خان اپنے دونوں حلقوں میانوالی اور لاہور کے حلقہ این اے122 میں علالت کے باعث اپنا ووٹ کاسٹ نہ کر سکے عمران خان چند دن قبل لاہور میں ایک جلسہ کے دوران لفٹر سے گر گئے تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:حلقہ پی پی113کو حساس قرار دے دیا تھا
ڈنگہ(محمد بلال احمد بٹ)حلقہ پی پی113کو حساس قرار دے دیا تھا جس میں پولیس کے ہمراہ فوج کے دستے بھی اپنی ڈیوٹی دیتے رہے،ہر پولنگ اسٹیشن پر فوج کے جوان اپنی ڈیوٹی سر انجام دیتے۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ایس ایچ او ڈنگہ عامر شاہین 11مئی کو الیکشن کے روز الرٹ رہے
ڈنگہ(محمد بلال احمد بٹ)ایس ایچ او ڈنگہ عامر شاہین 11مئی کو الیکشن کے روز الرٹ رہے،تمام ملازمین کی چھٹیاں منسوخ کر دی گئیں اور اپنے عملہ کے ہمراہ اور گردونواح کے پولنگ اسٹیشنوں کا دورہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ق کے حلقہ این اے107سے امیدوار چوہدری رحمان نصیر مرالہ نے سال2008کے انتخابات سے لے کر ضمنی الیکشن سمیت اب تک مسلسل تیسری بار ہارنے پر ہیٹرک کر لی
ڈنگہ(محمد بلال احمد بٹ)مسلم لیگ ق کے حلقہ این اے107سے امیدوار چوہدری رحمان نصیر مرالہ نے سال2008کے انتخابات سے لے کر ضمنی الیکشن سمیت اب تک مسلسل تیسری بار ہارنے پر ہیٹرک کر لی،وہ 2002ء کے جنرل الیکشن میں پاکستان پیپلز پارٹی کے پلیٹ فارم سے کوٹلہ گروپ کی حمایت سے کامیاب ہوئے اور مشرف دور میں پیپلز پارٹی چھوڑ کر ق لیگ میں شامل ہو گئے،سال2008ء کے انتخابات میںچوہدری رحمان نصیر مرالہ،ملک جمیل اعوان کے مقابلہ میں شکست کھا گئے تھے، اور سال2012ء میں ملک جمیل اعوان دوہری شہریت پر نا اہل ہونے کی وجہ سے ضمنی الیکشن میں دوسری بار ملک حنیف اعوان سے شکست کھا گئے اب جبکہ موجودہ الیکشن میں سالار قافلہ چوہدری عابد رضا سے شکست سے دوچار ہو گئے اور مسلسل تیسری ہار نے ہیٹرک مکمل کر لی۔
۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:مسلم لیگ ن کے نومنتخب ایم این اے حلقہ این اے106چوہدری جعفر اقبال کے ڈیرہ ڈنگہ اور لالہ موسیٰ میں مبارکباد دینے والوں کا تانتا بندھا رہا
ڈنگہ(محمد بلال احمد بٹ)مسلم لیگ ن کے نومنتخب ایم این اے حلقہ این اے106چوہدری جعفر اقبال کے ڈیرہ ڈنگہ اور لالہ موسیٰ میں مبارکباد دینے والوں کا تانتا بندھا رہا،آنے والوں کی مٹھائی مشروبات سے تواضع کی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔
الیکشن کے بعد اب تک تھانہ ْٹانڈہ،تھانہ کڑیانوالہ اور تھانہ سول لائن میں الیکشن ڈے کے موقع پر لڑائی جھگڑوں،توں تکرار ہلڑ بازی اور تشدد کرنے کے تین مقدمات درج ہو چکے ہیں
ڈنگہ(محمد بلال احمد بٹ)الیکشن کے بعد اب تک تھانہ ْٹانڈہ،تھانہ کڑیانوالہ اور تھانہ سول لائن میں الیکشن ڈے کے موقع پر لڑائی جھگڑوں،توں تکرار ہلڑ بازی اور تشدد کرنے
کے تین مقدمات درج ہو چکے ہیں۔
