ڈنگہ :چوہدری جعفر اقبال،چوہدری محمد اشرف دیونہ کے لاہور میں میاں حمزہ شہباز شریف سے اہم ملاقات
ڈنگہ(محمد بلال احمد بٹ) نومنتخب ایم این حلقہ این اے 106 چوہدری جعفر اقبال کی حلقہ پی پی 112 کے نومنتخب ایم پی اے چوہدری محمد اشرف دیونہ کے ہمراہ لاہور میں مسلم لیگ ن کے مرکزی رہنما میاں حمزہ شہباز شریف سے اہم ملاقات،حمزہ شہباز نے چوہدری جعفر اقبال اور چوہدری اشرف دیونہ کو ضلع گجرات میں مسلم لیگ ن کی شاندار کامیابی میں اہم ترین کردار اداء کرنے پر بھرپور خراج تحسین پیش کرتے ہوئے مبارکبا د دی۔دوران گفتگو میاں حمزہ شہباز نے کہا کہ چوہدری جعفر اقبال مسلم لیگ ن کا قیمتی سرمایہ ہیں اور انہوں نے مشکل ترین دور میں بھی مسلم لیگ ن کا جھنڈا ضلع گجرات میں بلند رکھا ،پارٹی کیلئے ان کی قربانیاں بے مثال ہیں اور میاں محمد نوازشریف ،میاں محمد شہباز شریف چوہدری جعفراقبال کی خدمات کا بھرپور اعتراف کرتے ہیں ان کی انتھک محنت سے ضلع گجرات میں مسلم لیگ ن کو شاندار کامیابی حاصل ہوئی ، اس اہم ملاقات میں چوہدری جعفر اقبال اور چوہدری محمد اشرف دیونہ کے ہمراہ چوہدری نصیر احمد ،میاں طلعت حسین،میاں اسلم ایڈووکیٹ ،چیئر مین فیڈرل انسٹیٹیوٹ آف ہیلتھ اینڈ سائنس ،چوہدری محمد افضال دیونہ ،چوہدری مزمل دیونہ سمیت ضلع گجرات کے دیگر مسلم لیگی رہنما بھی موجود تھے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:ممتاز مسلم لیگی رہنما ،سماجی شخصیت حاجی ناصر علی زیدی اتحاد گروپ ڈنگہ کی سینئر نائب صدارت سے مستعفی
ڈنگہ(محمد بلال احمد بٹ) ممتاز مسلم لیگی رہنما ،سماجی شخصیت حاجی ناصر علی زیدی اتحاد گروپ ڈنگہ کی سینئر نائب صدارت سے مستعفی۔ذاتی مصروفیات کی بناء پر اپنا استعفیٰ اتحاد گروپ ڈنگہ کے صدر کو بھجوا دیا،تفصیلات کے مطابق ممتاز مسلم لیگی رہنمااور اتحاد گروپ ڈنگہ کے متحرک اور فعال رکن سینئر نائب صدر حاجی ناصر علی زیدی نے گذشتہ روز اپنی ذاتی مصروفیات کی بناء پر اتحاد گروپ ڈنگہ کے صدر کو اپنا استعفیٰ بھجوا دیا،استعفیٰ کی وجوہات ذاتی مصروفیات بتائی گئی ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ میں بجلی کی لؤڈشیڈنگ عروج پر ۔اہلیان ڈنگہ کو 24 گھنٹے میں تقریباً 2 گھنٹے یہ نعمت عظمیٰ مہیا کی جارہی ہے
ڈنگہ(محمد بلال احمد بٹ)ڈنگہ میں بجلی کی لؤڈشیڈنگ عروج پر ۔اہلیان ڈنگہ کو 24 گھنٹے میں تقریباً 2 گھنٹے یہ نعمت عظمیٰ مہیا کی جارہی ہے 20 سے 22 گھنٹے کی لؤڈشیڈنگ نے کاروبار ِ زندگی کا پہیہ جام کردیا گھریلو و تجارتی تمام تر کا م ٹھپ ہوکر رہ گئے۔تفصیلات کے مطابق گذشتہ کئی روز سے ڈنگہ اور گردو نواح میں لؤڈ شیڈنگ کا دورانیہ 20 سے 22 گھنٹے تک بڑھا دیا گیا ہے اور تقریباً 2 گھنٹے عوام کو بجلی فراہم کی جارہی ہے جسکی وجہ سے ویلڈنگ ،ٹیلرنگ ،کمپیوٹرزاور دیگر بجلی سے متعلقہ کاروبار تباہ ہوکر رہ گئے ہیں اور اسکے ساتھ ساتھ دیگر کاروباری طبقے اور گھریلو صارفین بھی بجلی کی عدم دسیتابی کی بناء پر پانی کی قلت کے علاوہ دیگر بہت سی مشکلات کا شکار ہوچکے ہیں ۔طلبہ و طالبات کو بجلی نہ ہونے کی وجہ سے اپنا تعلیمی سلسلہ برقرار رکھنے میں شدید دشواریوں کا سامنا ہے سماجی تنظیموں اورتجارتی حلقوںنے ملک کو تباہ کرنے کی اس سوچی سمجھی شازش پر شدید غم و غصے کا اظہار کرتے ہوئے فل فورختم کرنے کا مطالبہ کیا ہے۔جس سے ملک کی معشیت اور ترقی کا راستہ روکا جارہا ہے اورعوام کو دوبارہ پتھر کے دور میں دھکیلاجارہا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گھنٹوں لوڈشیڈنگ کی وجہ سے مکھیوںاورمچھروںسے بچائو کسی طورممکن نہیںرہاہے جس کی وجہ سے اہلیان ڈنگہ شہراوربالخصوص معصوم بچے طرح طرح کی بیماریوںکاشکار ہوگئے ہیں،حاج محمد اقبال منج
ڈنگہ(محمد بلال احمد بٹ)ممتاز سماجی شخصیت حاجی محمد اقبال منج نے اپنے ایک بیان میںکہاہے کہ موسم کی تبدیلی کے ساتھ ہی ڈنگہ شہرمیںمکھیوںاورمچھروںکی بہتات ہوچکی ہے گھنٹوںلوڈشیڈنگ کی وجہ سے مکھیوںاورمچھروںسے بچائو کسی طورممکن نہیںرہاہے جس کی وجہ سے اہلیان ڈنگہ شہراوربالخصوص معصوم بچے طرح طرح کی بیماریوںکاشکار ہوگئے ہیںلیکن ارباب اختیاراس سنجیدہ عوامی مسئلے کی طرف توجہ نہیںدے رہے ہیں جس کی وجہ سے مہنگائی ،لوڈشیڈنگ اور غربت کی چکی میںپسی ہوئی عوام کواپنی اوراپنی اہل خانہ کی صحت کے لئے ہزاروںروپے علاج معالجے کی مد میںخرچ کرناپڑرہے ہیں مناسب پلاننگ کے فقدان اورمحکمانہ بے حسی کی وجہ سے یہ سنجیدہ عوامی مسئلہ سنگین صورت حال اختیار کرتا جارہاہے،TMOبلدیہ ڈنگہ TORکھاریاںاورDHOگجرات اوردیگر متعلقہ افسران سے اپیل کرتے ہیںکہ فل فور ڈنگہ شہر میں ترجیحی بنیادوںپرمچھروںاورمکھیوں کے خاتمہ کے لیے تمام محلہ جات اورگلیوںمیںمچھر مارسپرے کا چھڑکائوکیاجائے تاکہ گندگی اورمچھروںکی وجہ سے پیداہونے والی بیماریوںسے بچائوممکن ہوسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: کھاریاں لنک روڈ پر نئی تعمیر ہونے والی سڑک پر فل الفورسپیڈ بریکر تعمیر کیے جائے تاکہ آئے روز ہونے والے خونی واقعات سے بچا جاسکے،اہلیان حلقہ
ڈنگہ(محمد بلال احمد بٹ)اہلیان کھاریاں لنک روڈ ڈنگہ اور محلہ چوہاناں ،محلہ مغلپورہ ،محلہ نبی پورہ سیمت کھاریاں لنک روڈ سے ملحقہ محلوں اور تاجروں نے TMOکھاریاں CO بلدیہ MPA میاں طارق محمود ،MNA چوہدری جعفر اقبال اور DCO گجرات سے پرُزور اپیل کی ہے کہ کھاریاں لنک روڈ پر نئی تعمیر ہونے والی سڑک پر فل الفورسپیڈ بریکر تعمیر کیے جائے تاکہ آئے روز ہونے والے خونی واقعات سے بچا جاسکے ۔تفصیلات کے مطابق تقریباً 2 سال قبل میلاد چوک ڈنگہ تا فوارہ چوک ڈنگہ کی تعمیر نو کی گئی ۔لیکن نئی تعمیر شدہ سڑک پر بار بار احتجاج عوامی مطالبے اور خبروںکی اشاعت کے باوجود سپیڈ بریکر نہ ہونے کی وجہ سے موٹر سائیکل اور رکشہ ڈرائیوروں نے اس مصروف ترین سڑک کو ریسنگ ٹریک میں تبدیل کردیا۔جسکی کی وجہ سے تقریباً ہر روز کوئی نہ کوئی حادثہ رونما ہوتا رہتا ہے۔2 تعلیمی اداروں اور 2 ہسپتالوںاور 3 سے زائد ملحقہ محلوں کی وجہ سے اس سڑک پر خواتین ،بچوں اور مریضوں کا بے تحاشہ رش ہوتا ہے۔ لیکن سپیڈ بریکر نہ ہونے کی وجہ سے اب تک تیزرفتاری کے باعث اب تک 2 اموات واقع ہوچکی ہیں اور متعدد افراد زخمی ہوچکے ہیں۔ علاوہ ازیں گاڑیوں اور موٹر سائیکلوں کے آپس کے چھوٹے موٹے ایکسیڈنٹ روز مرہ کا معمول بن چکے ہیں۔ارباب اختیار سے سماجی حلقوں نے پرُ زور اپیل کی ہے کہ فل الفو ر اس سنجیدہ عوامی مسئلے پر توجہ دیں اورفوری نوٹس لیتے ہوئے مناسب فاصلہ رکھ کرکھاریاں لنک روڈ ڈنگہ پر سپیڈ بریکر تعمیر کیے جائیں تاکہ آئے روز کے حادثات سے بچا جاسکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:پولیس تھانہ ڈنگہ کے محرر اور دیگر عملہ کا صحافیوں سے عدم تعاون
ڈنگہ(محمد بلال احمد بٹ)پولیس تھانہ ڈنگہ کے محرر اور دیگر عملہ کا صحافیوں سے عدم تعاون ،بار بار رابطوں پر بھی مقدمات کے اندراج ہونے کے باوجود گذشتہ دو ہفتوں سے کسی مقدمہ کے اندراج نہ ہونے کا بول کر ٹال دیا جاتا ہے صحافتی حلقوں کا تھانہ ڈنگہ کے اس رویہ پر شدید احتجاج ،ڈی پی او گجرات سے فوری نوٹس لے کر تھانہ ڈنگہ کے عملہ کا رویہ درست کروانے کا مطالبہ ۔تفصیلات کے مطابق گذشتہ کئی ہفتوں سے ڈنگہ کے تمام صحافتی حلقے تھانہ ڈنگہ میں مقدمات کے اندراج کے حوالے سے بذریعہ فون اور خو د جاکر بھی رابطہ کرتے ہیں تو رسمی کاروائی کرتے ہوئے تھانہ ڈنگہ کے عملہ صحافیوں کو کسی بھی مقدمہ کے اندراج سے آگا ہ کرنے سے گریز کررہا ہے اور روزانہ مقدمات کے اندراج کے باوجود صحافیوں کو کوئی مقدمہ درج نہ ہونے کا بول کر ٹا ل دیا جاتا ہے جسکی وجہ سے صحافتی حلقوں کو اپنی ذمہ داریاں پوری کرنے میں تھانہ ڈنگہ کے عملہ کے عدم تعاون کی وجہ سے مشکلات کا سامنا ہے ،صحافتی حلقوں نے تھانہ ڈنگہ کے عملہ کے اس رویہ پر شدید احتجا ج کرتے ہوئے DPO گجرات سے فوری ایکشن لینے کا مطالبہ کیا ہے کہ تھانہ ڈنگہ کے عملہ کو صحافیوں کے ساتھ تعاون کرنے کا پابند کیا جائے ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملک کو بحرانوں سے میا ں محمد نواز شریف ہی نکا ل سکتے ہیں،چوہدری جعفر اقبال ایم این اے
ڈنگہ(محمد بلال احمد بٹ) ملک کو بحرانوں سے میا ں محمد نواز شریف ہی نکا ل سکتے ہیں کیو نکہ پیپلز پا رٹی اور اسکے اتحا دیو ں کی حکو مت نے نہ صرف پا کستان کو کئی عشر ے پیچھے دھکیل دیا ہے بلکہ سب نے مل کر قو می خزانے کو بھی چٹ کر لیا ۔ان خیا لا ت کا اظہار نومنتخب ایم این اے حلقہ این اے106چوہدری جعفر اقبال نے ووٹرو ں کا شکریہ ادا کر تے ہو ئے کیا ۔اس مو قع پران کے ہمراہ محمدعمران بھٹی،عارف ڈار،ملک نوید اعوان،لیاقت قریشی،طارق رحیم قریشی و دیگر موجود تھے ۔انہو ں نے کہا کہ نئی حکو مت نہ صرف عوام کے مسا ئل کے حل کی ہر ممکن کو شش کر ے گی بلکہ معیشت کی بحا لی اور توا نا ئی کے بد ترین بحرا ن سے نکالنے کی عملا جد و جہد کر ے گی ۔
ْ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :لوڈ شیڈنگ ،مہنگائی اور بیروزگاری سے صرف میاں نواز شریف ہی چھٹکارا دلا سکتے ہیں،میاں طارق محمود ایم پی اے
ڈنگہ(محمد بلال احمد بٹ)نومنتخب ایم پی اے راہنما مسلم لیگ ن میاں طارق محمود نے اپنے بیان میں کہا کہ مسلم لیگ ن کی کامیابی سے ملکی ترقی اور خوشحالی کے دروازے کھل گئے، مسلم لیگ ن کی عوام دوست حکومت آنے سے ملک میںمزدوروں وکسانوں کے لئے روزگار کے وسیع مواقع پیدا ہوں گے، ان خیالات کا اظہار انہوں نے ڈیرہ ڈنگہ پر مسلم لیگ ن کی کامیابی کی مبارک باد دینے کے لئے آئے ہوئے وفود کے ساتھ بات چیت کرتے ہوئے کیا،انہوں نے کہا کہ عوام نے مسلم لیگ ن کو جس جذبے اور جوش و خروش سے ووٹ ڈالے اسکی مثال پوری ملکی تاریخ میں ملنا مشکل ہے،یہی وجہ ہے کہ الیکشن کے دن شیر کے سامنے کو ئی ٹھہر نہیںسکا،عوام کویقین تھا کہ انہیںجان لیوا لوڈ شیڈنگ ،مہنگائی اور بیروزگاری سے صرف میاں نواز شریف ہی چھٹکارا دلا سکتے ہیںانہوں نے کہا کہ قائد مسلم لیگ ن میاں نواز شریف کی فراخ دلی قابل تعریف ہے اور انہوں نے مخالفین کی تمام زیادتیاں فراموش کر کے ملک کی خاطر اکٹھا چلنے کا ارداہ کرکے ایک با ر پھر خود کو ایک بڑا لیڈر ثابت کر دیا ہے،وہ وقت آگیا ہے کہ عوام کو انکی کھوئی ہوئی خوشیاں واپس ملیں گی اور ملک میں خوشحالی کے ایک نئے دور کا آغاز ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پی ٹی آئی کے نوجوان ملک کا روشن مستقبل ہیں جو اپنی طاقت کے ذریعے ملک میں حقیقی تبدیلی لانے کا باعث بنیں گے،چوہدری ارشد منج
ڈنگہ(محمد بلال احمد بٹ) راہنما تحریک انصاف حلقہ پی پی 113چوہدری ارشد منج نے اپنے ایک بیان میں کہا کہ نوجوان کارکن تحریک انصاف کی اصل طاقت ہیں انہیں برگر فیملی کہنے والے نئی نسل کی سیاسی طاقت سے ناآشنا ہیں۔ انہوں نے کہا کہ پی ٹی آئی کے نوجوان کارکنوں کو برگر فیملی کا خطاب دینے والے جان لیں کہ برگر فیملی کے یہی نوجوان عوام کو سڑکوں پر لانے کا باعث بنے ہیں۔ ملکی تاریخ میں پہلے کبھی اتنی عوام اپنے حقوق اور تبدیلی کیلئے گھروں سے باہر نہیں آئی ہے۔ انہوں نے کہا کہ انہی نوجوانوں کی بدولت آج بھی ملک کے مختلف حصوں میں عوام کرپٹ نظام کیخلاف سڑکوں پر احتجاج کرتے نظر آرہے ہیں۔ انہوں نے کہا کہ پی ٹی آئی کے نوجوان ملک کا روشن مستقبل ہیں جو اپنی طاقت کے ذریعے ملک میں حقیقی تبدیلی لانے کا باعث بنیں گے۔
Related Posts
