ڈنگہ : پنجاب حکومت نے الیکشن کمیشن کو 7دسمبر کو بلدیاتی انتخابات کرانے کی تاریخ دے دی
ڈنگہ(محمد بلال احمد بٹ)پنجاب حکومت نے الیکشن کمیشن کو 7دسمبر کو بلدیاتی انتخابات کرانے کی تاریخ دے دی ہم نے صوبہ میں بلدیاتی انتخابات کرانے کیلئے باقاعدہ طور پر قانون سازی کر لی ہے،جبکہ چھ ماہ میں الیکشن کرانے کا دعوی کرنے والوں نے کے پی کے میں ابھی تک قانون سازی نہیں کی،بلدیاتی حلقہ بندیوں کی تشکیل میں قانون پر سختی سے عمل درآمد کیا جائے،حلقہ بندیاںکرنے والے افسر قانون کے مطابق کام کرتے ہوئے حلقہ بندیوں سے متعلق قواعد و ضوابط اور گائیڈ لائن کو مدنظر رکھیں اور کسی قسم کے دبائو میں ہر گز نہ آئیں،چیف جسٹس کی سربراہی میں قائم دو رکنی بینچ کا حکم دیا ہے اس موقع پر وزیر قانون رانا ثناء اللہ خان نے کہا ہے کہ حکومت پنجاب نے بلدیاتی انتخابات سات دسمبر کو کرانے کی باضابطہ درخواست الیکشن کمیشن کو دے دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : اختیار کے باوجود حکمرانوں کی طرف سے مذاکرات نہ کرنا سمجھ سے بالا تر ہے،قمر زمان کائرہ
ڈنگہ(محمد بلال احمد بٹ)سابق وفاقی وزیر اور پیپلز پارٹی کے مرکزی سیکرٹری اطلاعات قمر زمان کائرہ نے کہا ہے کہ اختیار کے باوجود حکمرانوں کی طرف سے مذاکرات نہ کرنا سمجھ سے بالا تر ہے،انہوں نے کہا کہ اے پی سی کی طرف سے طالبان سے مذاکرات کا اختیار حکومت کے پاس ہے،سمجھ نہیں آتی کہ مذاکرات میں دیر کیوں کی جا رہی ہے،اب احتساب ہو گا تو سب کا ہو گا،مقدمات کھلے گے تو میاں برادران سب کے کھلیں گے،لگتا ہے کہ حکومت1990ء کی دہائی کی انتقامی کاروائی کی سیاست کرنا
چاہتے ہے،پیپلز پارٹی احتساب کے نام پر انتقام کی سیاست کی سازش کامیاب نہیں ہونے دے گی،آصف زرداری کے خلاف مقدمات جھوٹ کا پلندہ ہیں حکومت کو ان سے کچھ نہیں ملے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :یونین کونسل چک جانی کے سابق کونسلر غلام رسول کھوکھراور انکی اہلیہ پروین کھوکھر نے کونسلر کا الیکشن لڑنے کا اعلان کر دیا
ڈنگہ(محمد بلال احمد بٹ)یونین کونسل چک جانی کے سابق کونسلر غلام رسول کھوکھراور انکی اہلیہ پروین کھوکھر نے کونسلر کا الیکشن لڑنے کا اعلان کرتے ہوئے گھر گھر جا کر اپنی انتخابی مہم شروع کر دی ہے،انہوں نے کہا کہ ہم انشاء اللہ عوامی طاقت سے ماضی کی طرح بھاری اکثریت سے کامیابی حاصل کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اتووالہ ریس چیلنج کے سلسلہ میں ڈائریکٹر پروموشنل دوڑ26اکتوبر بروز ہفتہ کو کھاریاں سے ڈنگہ تک ہو گی
ڈنگہ(محمد بلال احمد بٹ)اتھلیٹکس فیڈریشن اور سپورٹس بورڈ پنجاب کے زیر اہتمام چوہدری خالد محمود اور چوہدری ظفر اقبال کی سرکردگی میں اتووالہ ریس چیلنج کے سلسلہ میں ڈائریکٹر پروموشنل دوڑ26اکتوبر بروز ہفتہ کو کھاریاں سے ڈنگہ تک ہو گی اتووالہ ریس چیلنج کے آرگنائزر چوہدری خالد محمود اور چوہدری ظفر اقبال اور محمد امین کی سرکردگی میں ڈائریکٹر پروفیشنل دوڑ کھاریاں چوک سے صبح نو بجے شروع ہو گی،دوڑ کے شرکاء منڈیر،دھوریہ،دھنی اڈا ،اتووالہ،یاسین سکول،وزڈم ہائوس سکول دوڑ کے سٹاپ ہونگے،دوڑ ڈھلیان چوک پر جا کر اختتام پذیر ہو گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :علاقہ کی غیور عوام کے پر زور اصرار پرمیونسپل کمیٹی ڈنگہ کے کونسلر کا
انتخاب لڑنے کا فیصلہ کیا ہے،مہر خالد حسین
ڈنگہ(محمد بلال احمد بٹ)سابق کونسلر اور آنے والے بلدیاتی انتخابات میں میونسپل کمیٹی ڈنگہ کی وارڈ نمبر7محلہ آرام باغ کے ہر دل عزیز اور محبوب راہنما مہر خالد حسین نے اپنے بیان میں کہا ہے کہ اپنے شہر و علاقہ کی غیور عوام کے پر زور اصرار پرمیونسپل کمیٹی ڈنگہ کے کونسلر کا انتخاب لڑنے کا فیصلہ کیا ہے،انہوں نے کہا کہ ہم اپنے علاقہ کی عوام کے شکر گزار ہیں جنہوں نے ایک بار پھر ہم پر اظہار اعتماد کیا انشاء اللہ ماضی کی طرح مستقبل میں بھی انکے اعتماد پر پورا اتروں گاماضی کی طرح عوامی طاقت سے بھاری اکثریت سے کامیاب ہو کر علاقہ کی تعمیر و ترقی اور عوام کی فلاح و بہبود خوشحالی کا سفر جاری و ساری رکھیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :چوہدری جعفر اقبال ایم این اے عنقریب گورنر پنجاب چوہدری محمد سرور اور صوبائی وزیررانا ثناء اللہ سے خصوصی ملاقات کریں گے
ڈنگہ(محمد بلال احمد بٹ)چوہدری جعفر اقبال ایم این اے عنقریب گورنر پنجاب چوہدری محمد سرور اور صوبائی وزیررانا ثناء اللہ سے خصوصی ملاقات کریں گے وہ مسلم لیگ ن کو متحرک کرنے کے بارے تبادلہ خیال کریں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :تھانہ ڈنگہ کے اے ایس آئی طارق محمو د نے نفری کے ہمراہ دوران ناکہ بندی ایک شخص سے سامان آتش بازی برآمد کر کے ملزم کو گرفتار کر لیا
ڈنگہ(محمد بلال احمد بٹ)تھانہ ڈنگہ کے اے ایس آئی طارق محمو د نے نفری کے ہمراہ دوران ناکہ بندی ایک شخص سے سامان آتش بازی برآمد کر کے ملزم کو گرفتار کر لیا،تھانہ ڈنگہ میں مقدمہ درج،تفصیلات کے مطابق تھانہ ڈنگہ کے اے ایس آئی طارق محمود ڈنگہ گجرات روڈ پر ناکہ لگائے ہوئے تھے کہ اس دوران کنجاہ روڈ سے آنے والے آصف محمود ولدمحمد عارف قوم مسلم شیخ سکنہ چکوڑی بھلیوال کو مشکوک سمجھ
کر تلاشی لینے پر اسکے قبضہ سے ممنوعہ سامان آتش بازی برآمد ہوا جس پر ملزم کو گرفتار کر کے اسکے خلاف زیر285/286ت پ کے تحت مقدمہ درج کر کے حوالہ حوالات کر دیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :دو صحافی بھی میدان سیاست میں پنجہ آزمائی کریں گے
ڈنگہ(محمد بلال احمد بٹ)دو صحافی بھی میدان سیاست میں پنجہ آزمائی کریں گے،تفصیلات کے مطابق ڈنگہ پریس کلب رجسٹرڈ کے صدر چیف ایڈیٹر نئے حقائق ڈاکٹر غلام مصطفی آزر اور سینئر صحافی ایڈیٹر ڈنگہ نیوز خالد مغل دوستوں اہلیان وارڈ اور برادری کی مشاورت سے الیکشن میں حصہ لیں گے،اس سلسلہ میں جلد ہی دوستوں اور برادری سے اجازت لی جائے گی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :باگڑیانوالہ میں چار افراد پر مسلح افرا دکا تشدد،سترہ ملزمان کے خلاف درج
ڈنگہ(محمد بلال احمد بٹ) باگڑیانوالہ میں چار افراد پر مسلح افرا دکا تشدد،سترہ ملزمان کے خلاف درج،تفصیلات کے مطابق ڈنگہ کے نواحی گائوں باگڑیانوالہ میں سجاد حسین جٹ سکنہ باگڑیانوالہ اور اسکے تین رشتہ داروں ثاقب،الیاس اور مشتاق کو مسلح افراد نے ڈنڈے سوٹوں سے حملہ کر کے شدید زخمی کر دیا اور فرار ہو گئے،زخمیوں کو ہسپتال داخل کروا دیا گیا ہے،تھانہ ڈنگہ پولیس نے سجاد حسین جٹ کی رپورٹ پر ملزمان منشائ،کاظم،ناظم،تبریز،ریاض،اسلم،نوازش،فیصل مہندی خان،ثناء اللہ ، منظور اکرم،فیض احمد،اکرم،فضل احمد،عاشق،امجد کے خلاف مقدمہ درج کر کے تفتیش شروع کر دی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈی پی او گجرات آفس کی بیرونی دیواریں اونچی کر دی گئی ہیں
ڈنگہ(محمد بلال احمد بٹ)ڈی پی او گجرات آفس کی بیرونی دیواریں اونچی کر دی گئی ہیں اور دیواروں پر آہنی تار بھی لگا دی گئی ہے ،ڈی پی اوآفس کے کونوں پر چیک پوسٹیں قائم کی گئی ہیں،ڈی پی او آفس کے باہر اور اندروسیکورٹی اہلکاروں کی تعداد بھی بڑھا دی گئی ہے۔
Related Posts
