ڈنگہ: چوہدری اسلم وسن کا برمنگھم میں ریٹائرڈ جنرل ڈاکٹر اصغر علی کے اعزاز میں گرینڈ افطاری کا اہتمام ،معروف شخصیات کی شرکت
ڈنگہ(محمد بلال احمد بٹ)کھاریاں کی معروف شخصیت ڈاکٹر ریٹائرڈ جنرل اصغر علی آج کل برطانیہ کے دورہ پر ہیں۔دورہ کے دوران وہ برمنگھم تشریف لائے توان کے اعزاز میں معروف سیاسی و سماجی و کاروباری شخصیت سابق امیدوار ایم این اے حلقہ این اے106چوہدری اسلم وسن نے افطاری کا اہتمام کیا جس میں ہائوس آف پارلیمنٹ کے ممبر مرزا خالد محمود،معروف بزنس مین چوہدری عارف داد نے خصوصی طور پر شرکت کی، دوران گفتگو جنرل (ر)ڈاکٹر اصغر علی نے کہا کہ برٹش پاکستانی بہت محنت کر رہے ہیں اور ہر شعبہ میںترق کر رہ ہیں پاکستان کا نام روشن کر رہے ہیں،انہوں نے کہا کہ اپنے بچوں کی تعلیم پر خصوصی توجہ دیں کیونکہ آنے والے وقت میں نئی جنریشن کو اپنا کردار ادا کرنا ہے،مرزا خالد محمود ایم پی نے جنرل صاحب کو ویلکم کیا اور ہائوس آف پارلیمنٹ کی دعوت دی تقریب کے میزبان چوہدری اسلم وسن نے مہمانوں کا شکریہ ادا کیا اور کہا کہ ڈاکٹر صاحب ہمارے بھائی ہیں اور ہمارا ان کے ساتھ بہت پرانا رشتہ ہے ڈاکٹر صاحب اپنی فیملی میں رول ماڈل کی حیثیت رکھتے ہیں اور وہ شرافت کا پیکر ہیں۔دعا ہے ہ وہ ہماری ایسے ہی راہنمائی فرماتے رہیں او رپاکستان کے لئے مزید خدمات سر انجام دیتے رہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: چوہدری اسلم منج آف یو ایس اے کی ناگہانی وفات سے منج خاندان ایک عظیم صدمے سے دوچار ہوا ہے،راجہ فاروق حیدر آف ہالینڈ
ڈنگہ(محمد بلال احمد بٹ)ممبر اوورسیز پاکستانی ایڈوائزری کونسل ،نمائندہ جنگ و جیو ہالینڈراجہ فاروق حیدر نے اپن مذمتی بیان میں کہا کہ ہم چوہدری اسلم منج کے ناگہانی انتقال پر الحاج چوہدری محمد اقبال منج اور منج برادران کے غم میں برابر کے شریک ہیں ہماری دعا ہے کہ اللہ سبحان تعالیٰ مرحوم کو جنت الفردوس میں اعلیٰ مقام عطا کرے اور ان کے لواحقین کو صبروجمیل عطا کرے۔آمین۔ انہوں نے کہا کہ چوہدری اسلم منج کی ناگہانی وفات سے منج خاندان ایک عظیم صدمے سے دوچار ہوا ہے اور غم کی ان گھڑیوں میں ہم منج خاندان کے ساتھ ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: تاجر برادری ماہ مقدس رمضان المبارک میں اشیائے ضروریہ کی قیمتوں میں کمی کر کے اللہ تعالیٰ کی رضا حاصل کر سکتے ہیں،چوہدری جعفر اقبال
ڈنگہ(محمد بلال احمد بٹ)مسلم لیگ ن کے مرکزی راہنما اور ایم این اے چوہدری جعفر اقبال نے اپنے بیان میں کہا ہے کہ رحمت اور مغفرت اور آتش و دوزخ سے نجات پر مشتمل عشروں کے ہماری زندگی میں آنے والا ماہ مقدس رمضان المبارک نیکیوں کا موسم بہار ہے،جس میں ہر نیکی اور اچھے کام کا اجر کئی گنابڑھا دیا جاتا ہے،انہوں نے کہا کہ تاجر برادری ماہ مقدس رمضان المبارک میں اشیائے ضروریہ کی قیمتوں میں کمی کر کے اللہ تعالیٰ کی رضا حاصل کر سکتے ہیں اللہ کریم انکے اچھے کاموں پر انکے اجر میں کئی گنا اضافہ کریں گے اللہ سبحان تعالیٰ کی رحمتوں بخششوں پر مشتمل ماہ مقدس رمضان المبارک ہمیں ایک بار پھر اپنی زندگیوں میں ملا ہے اس میں ہمیں چاہیے کہ اللہ تعالیٰ کی دی گئی رحمتوں کو سمیٹیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: سپریم کورٹ نے چاروں صوبوں میں کنٹونمنٹ بورڈ کے ساتھ ستمبر یا اس کے قریب بلدیاتی الیکشن کرانے کا حکم دیتے ہوئے پنجاب سندھ کی مزید مہلت کی درخواست مسترد کر دی
ڈنگہ(محمد بلال احمد بٹ)سپریم کورٹ نے چاروں صوبوں میں کنٹونمنٹ بورڈ کے ساتھ ستمبر یا اس کے قریب بلدیاتی الیکشن کرانے کا حکم دیتے ہوئے پنجاب سندھ کی مزید مہلت کی درخواست مسترد کر دی سپریم کورٹ کا بلدیاتی الیکشن کرانے کا حکم پنجاب میں نئے بلدیاتی نظام کے مسودہ کی منظوری،پنجاب اسمبلی میں مسودہ پر بحث کرائی جائے گی سپریم کورٹ کے حکم پر پنجاب حکومت کی طرف سے نئے بلدیاتی نظام کی منظوری اور اسے پنجاب اسمبلی میں پیش کرنے کے فیصلہ سے بلدیاتی انتخابات کے متوقع امیدواروں میں خقوشی کی لہر دوڑ گئی، متوقع امیدواروں نے صاحبان اقتدار کے ڈیروں پر ڈیرہ جما لیا، پنجاب کے وزیراعلیٰ میاں شہبا ز شریف نے پنجاب لوکل گورنمنٹ بل2013کے مسودہ کی تجاویز کی منظوری دے دی،اب اسے پنجاب اسمبلی کی سٹیڈنگ کمیٹی میں پیش کیا جائے گا،نئے بلدیاتی نظام میں نچلی سطح پر تنازعات کے حل کیلئے شہروں میں مصالحتی کونسلیں اوردیہات میں پنچائیت کا نظام رائج کرنے کی تجویز،شہروں میں میونسپل پولیس کے نظام کو بھی متعارف کرانے کی تجویز زیر غور،نئے بلدیاتی ایکٹ پر قانون ہو گی،پنجاب اسمبلی کا اجلاس22جولائی کو بلانے کی سمری بھجوا دی گئی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ڈی ایس پی ٹریفک سیکرٹری آر ٹی اے اور موٹر وہیکلز ایگزامینر اور ایم ایم پی آئیی کی سیٹیں عرصہ دراز سے خالی چلی آرہی ہیں
ڈنگہ(محمد بلال احمد بٹ)ڈی ایس پی ٹریفک سیکرٹری آر ٹی اے اور موٹر وہیکلز ایگزامینر اور ایم ایم پی آئیی کی سیٹیں عرصہ دراز سے خالی چلی آرہی ہیں جس کی وجہ سے ضلع بھر کے شہریوں کو اپنے معاملات نبٹانے میں مشکلات کا سامنا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:سعودی عرب نے اس سال بوڑھے مہلک بیماریوں میں مبتلا افراد حاملہ خواتین کوحج و عمرہ پر نہ آنے کا مشورہ دے دیا
ڈنگہ(محمد بلال احمد بٹ)سعودی عرب نے اس سال بوڑھے مہلک بیماریوں میں مبتلا افراد حاملہ خواتین کوحج و عمرہ پر نہ آنے کا مشورہ دیا ہے سعودی وزارت صحت کے اعلان کے مطابق یہ اقدام سعودی عرب میں میری کرونا وائرس پر قابو پانے کیلئے اٹھایا گیا ہے،یہ وائرس گذشتہ سال ستمبر سے اب تک38افراد کی موت کا سبسب بن چکا ہے آئندہ سے بوڑھے اور مہلک بیماریوں میں مبتلا غیر ملکیوں کو عمر کے ویزے بھی جاری نہیں کئے جائیں گے،ان میں شوگر،دل،گردے اور سانس کی بیماریاں شامل ہیں سعودی عرب کا سفر کرنے سے دس روز قبل ویکسنیشن کا عمل مکمل کرنے کا سرٹیفکیٹس پیش کرنا ہو گا۔
Related Posts
