ڈی سی او گجرات آصف بلال لودھی کا دورہ ڈنگہ
ڈنگہ (محمد بلال احمد بٹ) ڈی سی او گجرات آصف بلال لودھی کے دورہ ڈنگہ میں ایم پی اے میاں طار ق محمود، تحصیلیدار ذوالفقار علی بھاگڑی، تحصیلیدار ندیم مسعود برتھ، ای ڈی او فنانس، ٹی او آر نوید اشرف وڑائچ اور دیگر آفیسر بھی موجود تھے تفصیلات کے مطابق ڈی سی او گجرات آصف بلال لودھی کا ایم پی اے میاں طارق محمود کے ہمراہ ڈنگہ شہر کا خصوصی دورہ ڈی سی او گجرات آصف بلال لودھی نے اپنے دورہ ڈنگہ کے دوران ٹی ایم اے نان ہیڈ کوارٹر ڈنگہ کے ریکارڈ کا معائنہ کیا اور ٹی ایم اے ڈنگہ میں فوری طور پر کمپلینٹ سیل قائم کرنے کے احکامات جاری کئے اور شہر میں صحت و صفائی کیلئے بہتر اقدامات کرنے کے ساتھ ساتھ کے تمام بازاروں سے ناجائز تجاوزات کے خاتمہ کیلئے سخت کاراوئی کرنے کی ہدایت دی،ڈی سی او گجرات آصف بلال لودھی نے ایم پی اے میاں طارق محمود اور ضلعی و تحصیل افسران کے ہمراہ میٹرنٹی ہسپتال ،سول ہسپتال سمیت دیگر اداروں کا دورہ کیا اور جاری ترقیاتی کاموں کا جائزہ لیا اور زیر تعمیر منصوبہ جات کو جلد از جلد تعمیر کرنے کی ہدایات جاری کیں،انہوںے بلدیہ ڈنگہ میں سینٹری ورکرز کی تعداد بڑھانے پر غور کا بھی وعدہ کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ممتاز علم دوست شخصیت اور سماجی راہنما میاں منور حسین سعید کی سرکردگی میں دی ایجوکیٹرز ڈنگہ کیمپس کا عظیم الشان اعزاز
ڈنگہ (محمد بلال احمد بٹ) ممتاز علم دوست شخصیت اور سماجی راہنما میاں منور حسین سعید کی سرکردگی میں دی ایجوکیٹرز ڈنگہ کیمپس کا عظیم الشان اعزاز، ہونہار ذہین طالب علم امریکن سکالر شپ کیلئے منتخب تفصیلات کے مطابق دی ایجوکیٹرز ڈنگہ کے ہونہار ذہین طالب علم اور سابق ناظم ڈنگہIIمحمد حبیب بسوی کے فرزند ارجمند مقیت بن حبیب امریکی حکومت کے تحت سرکاری سکالر شپ کیلئےThe Rootsسکول میں ملک بھر کے1100طالب علموں کے ساتھ امتحانات میں حصہ لیا جس میں مقیت بن حبیب نے100فیصد نمبرز حاصل کر کے سکالر شپ کیلئے کوالیفائی کر لیا،امریکی حکومت ہر سال پاکستان بھر سے100طالب علموں کو سکالر شپ پروگرام کے تحت اپنے ملک کے بہترین اداروں میں اعلیٰ معیاری اور کوالٹی ایجوکیشن حاصل کرنے کے مواقع فراہم کرتی ہے،ڈائریکٹر میاں منور حسین سعید نے اس بے مثال اعزاز پر اللہ کریم کا شکریہ ادا کیا اور کہا کہ ہم انشاء اللہ اس اعزاز کو قائم و دائم رکھنے کا عزم اور اعادہ کرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انجمن صدائے مدینہ کے زیر اہتمام 20واں ماہانہ درس قرآن و حدیث30جون بروز اتوار کو جامع مسجد گلزارمدینہ میں ہو گا
ڈنگہ (محمد بلال احمد بٹ) انجمن صدائے مدینہ کے زیر اہتمام 20واں ماہانہ درس قرآن و حدیث30جون بروز اتوار کو جامع مسجد گلزارمدینہ میں ہو گا جس میںپیر طریقت رہبر شریعت حضرت علامہ مولانا صاحبزادیہ غلام بشیر نقشبندی سجادہ نشین آستانہ عالیہ بائولی شریف خصوصی خطاب ذیشان فرمائیں گیماہانہ درس قرآن و حدیث میں موضوع رمضان المبارک کی برکت ہو گا انشاء اللہ بیان پورے دس بجے شروع ہو جائے گا علامہ مولانا غلام بشیر نقشبندی کے ایمان افروز خطاب ذیشان کے بعد سوال و جواب کی نشست بھی ہو گی رجب علی چشتی ،اعجاز احمد مغل،وسیم چشتی،مہمانوں کا پرتپاک استقبال کریں گے جب کہ کثیر تعداد میں لوگوں کی شرکت متوقع ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : ہمارا جینا مرنا عوام کے ساتھ ہے،سچے جذبوں سے خدمت خلق کریں گے،شیخ ذوالفقار احمد بشیر
ڈنگہ (محمد بلال احمد بٹ) ممتاز سیاسی سماجی و فلاحی شخصیت شیخ ذوالفقار احمد بشیر نے اپنے بیان میں کہا ہے کہ ہمارا جینا مرنا عوام کے ساتھ ہے،سچے جذبوں سے خدمت خلق کریں گے،انہوں نے کہا کہ اپنے شہر کی عوام کے دکھ سکھ میں شریک ہونا ہمارا فرض عین ہے انشاء اللہ عوامی دکھوں کا مداوا کریں گیہم اپنے شہر کی تعمیر و ترقی اور عوام کی فلاح و بہبود کے لئے اپنی تمام تر غیر معمولی صلاحیتوں کو بروئے کار لائیں گے۔
لالہ موسی کی خبریں 25.06.2013
لالہ موسیٰ شہر اور گردونواح کے علاقوں میں شدید طویل ترین لوڈشیڈنگ،عوام کا کوئی پرسان حال نہیں
لالہ موسیٰ(محمد بلال احمد بٹ) لالہ موسیٰ شہر اور گردونواح کے علاقوں میں شدید طویل ترین حالیہ دورمیں گیپکو واپڈا کی طرف سے بدترین غیر اعلانہ لوڈشیڈنگ،چوبیس گھنٹوں کے دوران صرف بجلی صارفین کو صرف4گھنٹے کے لیے سپلائی دی جاتی ہے،شدید لوڈشیڈنگ کے باعث لوگ اور چھوٹے بڑے بزرگ بجلی نہ ہونے کے باعث بلبلا اٹھے،واپڈا گیپکو اور موجودہ حکمرانوں کی لاپرواہی اور عوام کے ساتھ کئے ہوئے وعدے دھرے کے دھرے رہ گئے،شدید گرمی اور سورج آگ برستے شہر کی سڑکیں اور گلیاں سن سان ہو گئیں اور شدید لوڈشیڈنگ کی وجہ سے لوگوں گھروں میں پانی کی بوند بوندکو ترس گئے اوربجلی کے وولٹیج نہ پورے ہونے کی وجہ سے صارفین کے گھروں کی الیکڑونکس کی اشیاء جل کر خاکستر ہو گئیں،اور لوگ شدید گرمی میں ٹھنڈے پانی کو ترس گئے اور بجلی کی بندش کے باعث روز مرہ کی زندگی اور چھوٹے بڑے کاروبارٹھپ ہو کر رہ گئے،سفید پوش افراد فاقوں پر اتر آئے،شدید گرمی کی وجہ سے ہر میں برف نایاب ہو گئی،لوگ مارے مارے شہر کے بازاروں اور گلیوں میں برف کی تلاش میں پاگل ہو کر رہ گئے اور سو روپے کی برف نہ ہونے کے برابر ،اس برف سے کولر کا پانی بھی ٹھنڈا نہیں ہوتا اور حکومت کے نئے حکمرانوں کے لیے عوام کے لیے ناخوشگواراور برے الفاظ سے یاد کرتے ہیں بجلی کی بندش کے باعث چھوٹے بڑے بزرگ نڈھال ہو کر رہ گئے اور بعض تو نڈھال ہو کر ہسپتالوں میں پہنچ گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
سٹریٹ لائٹ انسپکٹر مصطفی اور عملہ کی ہٹ دھرمی سستی لاپرواہی غفلت کی وجہ سے محلہ سردار پورہ کی سٹریٹ لائٹ اور دیگر محلوں کی سٹریٹ لائٹ بند اور خراب پڑی ہے،مرزا طارق
لالہ موسیٰ(محمد بلال احمد بٹ) سیاسی و سماجی کاروباری شخصیت مرزا طارق نے اپنے بیان میں کہا ہے کہ سٹریٹ لائٹ انسپکٹر مصطفی اور عملہ کی ہٹ دھرمی سستی لاپرواہی غفلت کی وجہ سے محلہ سردار پورہ کی سٹریٹ لائٹ اور دیگر محلوں کی سٹریٹ لائٹ بند اور خراب پڑی ہے اور ان کو کئی بار دفتر جا کر ان خراب سٹریٹ لائٹ کی اطلاع دی مگر انسپکٹر لاپرواہی ہٹ دھرمی کا مظاہرہ کرتا ہے اور دفتر میں بیٹھ کر وقت گزاری کرنے میں سب سے زیادہ مشہور ہے اور ان خراب سٹریٹ لائٹ بند کی وجہ سے گلی محلوں اور روڈ پر کافی اندھیرا ہوتا ہے جس کی وجہ سے پیدل گزرنے والے افراد کو دشواری اور پریشانی کا سامنا کرنا پڑتا ہے اہلیان محلہ نے چیف آفیسر اور تحصیل آفیسر سے مطالبہ کیا ہے کہ فوری طور پر توجہ دے کر خراب بند سرکٹ لائٹ کو درست کروایا جائے اور انسپکٹر کو فوری طور پر تبدیل کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لالہ موسیٰ شہر اورگردونواح کے علاقوں میں دودھ دہی فروخت کرنے والوں نے دودھ دہی کے ریٹ آسمانوں پر پہنچا دیئے
لالہ موسیٰ(محمد بلال احمد بٹ) لالہ موسیٰ شہر اورگردونواح کے علاقوں میں دودھ دہی فروخت کرنے والوں نے دودھ دہی کے ریٹ آسمانوں پر پہنچا دیئے،شدید گرمی کے موسم میں دودھ دہی فروخت کرنے والوں نے دہی90روپے کلو اور دودھ70روپے کلو فروخت کرنے میں مصروف عمل ہیں دودھ اور دہی والے دودھ اور دہی میں پانی ملا کر فروخت کررہے ہیں جس پر لوگوں کی دکانداروں کے ساتھ توں و تکرار آئے دن کا معمول بن چکی ہے،اہلیان شہر کے لوگوں نے متعلقہ افسران سے مطالبہ کیا ہے کہ ان دودھ دہی فروخت کرنے والوں کے خلاف کاروائی عمل میں لائیں اور انہیں ریٹ لسٹ مہیا کریں تاکہ عوام کو ریلیف مل سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شب برات کے موقع پر تھانہ سٹی اور تھانہ صدر کے ایس ایچ اوز اور عملہ نے لالہ موسیٰ شہرپر کڑی نظر رکھی
لالہ موسیٰ(محمد بلال احمد بٹ) شب برات کے موقع پر تھانہ سٹی اور تھانہ صدر کے ایس ایچ اوز اور عملہ نے لالہ موسیٰ شہر اور گردونواح کے علاقوں میں رات کے اوقات تمام مساجد کے باہر سیکورٹی کے انتظامات کئے اور اپنے اہلکار تعینا ت کئے اور تھانہ کے ایس ایچ اوز نے خود موبائل گاڑی میں تمام شہر کی مساجد اورشہر کا گشت کیا اور سیکورتی کے انتظامات کو دیکھ ا اور ساری رات تھانہ کے عملہ نے مساجد میں ڈیوٹی سر انجام دی اور رات بھر شہر میں ناکہ بندی کی گئی اور رات بھر موبائل گاڑی پر گشت کے نظام کو سخت بنایا گیا تھا تاکہ کوئی بھی ناخوشگوار واقع نہ ہو سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
چیف آفیسر بلدیہ شیخ وجاہت حفیظ صدیقی ویل ڈن
لالہ موسی(محمد بلال احمد بٹ) چیف آفیسر بلدیہ شیخ وجاہت حفیظ صدیقی ویل ڈن، اور ان کی کارکردگی اور فرائض کوسراہا کہ شدید لوڈشیڈنگ کے باوجود اہلیان شہر کے لوگوں کو واٹر سپلائی کا پانی مہیا کرنے میں کردار ادا کیا اور اہلیان شہر کے لوگوں نے ان کی کارکردگی کو بہتر انداز میں سراہا اور انہوں نے کہا کہ شیخ وجاہت حفیظ صدیقی نے ہمیشہ اپنے اہلیان شہر کے لوگوں کی خدمت اپنا فرض سمجھ کر کی اور وہ اس طرح کرتے رہیں گے عوام نے کہا کہ شدید لوڈشیڈنگ کے باوجود چیف آفیسر کی خصوصی دلچسپی کی وجہ سے دن میں تین بار لوگوں پانی کی سہولت مہیا کی جاتی ہے اور رات گئے تک واٹر سپلائی کا پانی تمام شہرمیں مہیا کرنے میں کردار ادا کر رہے ہیں ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ملک بھر میں شب برات عقیدت و احترام و مذہبی جوش و جذبے سے منائی گئی
لالہ موسیٰ(محمد بلال احمد بٹ) ملک بھر میں شب برات عقیدت و احترام و مذہبی جوش و جذبے سے منائی گئی اور تمام مساجد میں اللہ کے نیک بندوں نے سرات رات جاگ کر اللہ اور اس کے رسولۖ کی عبادت کی اور صلوٰ ة تسبیح ادا کی اور نوافل ادا کئے ار علماء کرام نے ایمان افروز بیان کیا اور مساجد میں سحر کا بھی اہتمام کیا گیا،دوسرے شہروں کی طرح لالہ موسیٰ اور گردونواح کے علاقوں میں شب رات عقیدت و احترام مذہبی جوش و جذبہ سے منائی گئی مساجد میں روحانی محافل کا اہتمام کیا گیا اور علمائے کرام نے ایمان افروز خطابات کئے، اور عوام نے رات بھر جاگ کر اللہ کی عبادت کرتے ہوئے اپنے گناہوں کی معافی بھی مانگی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شب برات کے موقع پر لالہ موسیٰ شہر اور گردونواح کے علاقوں کے گلی محلوں میں شدید آتش بازی
لالہ موسیٰ(محمد بلال احمد بٹ) شب برات کے موقع پر لالہ موسیٰ شہر اور گردونواح کے علاقوں کے گلی محلوں میں آتش بازی اور منچلے بچے ماچس پٹاخوں کی ساری رات گونج اور پیدل گزرنے والوں کے راستے میں ٹھاں ٹھاں سے کان بھی گونج اٹھے اور اللہ کے نیک بندے سارے رات عبادت میں مصروف رہے اور شیطان کو دعوت دینے والے آتش بازی کا سامان چلاتے رہے اور شب برات کے موقعہ پر مساجد میں عبادت کرنے والوں کے لیے آتش بازی کا سامان چلانے والے عبادت کرنے والوں کی عبادت میں خلل ڈالتے ھیں۔
