ڈنگہ : وزڈم ہائوس چنن کے ضلع بھر میں میٹرک کے سب سے بہتر شاندارنتائج
ڈنگہ(محمد بلال احمد بٹ)ممتاز ماہر تعلیم ڈائریکٹر وزڈم ہائوس میاں عبدالشکور اور اعلیٰ تعلیم یافتہ باصلاحیت اساتذہ کرایم کی شب و روز کی کاوشوں کی بدولت علاقہ کی معروف ممتاز تعلیمی درسگاہ وزڈم ہائوس چنن کے ضلع بھر میں میٹرک کے سب سے بہتر شاندار اور تاریخ ساز تعلیمی نتائج سائنس گروپ کی ہونہار طالبہ نور العین نے998 نمبر حاصل کر کے علاقہ بھر میں پہلی اور صالحہ نے987نمبر لے کر دوسری، نشاط ساجد نے984نمبر وں کے ساتھ تیسری پوزیشن حاصل کی، آرٹس گروپ میں ام کلثوم نے 957 نمبر لے کر پہلی سندس جاوید نے952نمبر لے کر دوسری اور عدن نساء نے 940 نمبر لے کر تیسری پوزیشن حاصل کی، سائنس کے ہونہار طالب علم عبدالجبار نے989نمبر لے کر پہلی پوزیشن، احمد مطیع الرسول نے973نمبر حاصل کر کے دوسری جبکہ عثمان علی اور نبیل نواز نے967نمبر ل کر تیسری پوزیشن حاصل کی،آرٹس گروپ میں حسن جاوید نے809نمبر لے کر پہلی،عاقب محمود نے765نمبر لے کر دوسری،سید حسنین شاہ نے752نمبر لے کر تیسری پوزیشن حاصل کی،مجموعی طور پر پچاس طالبات اور پندرہ طلبہ نے 900 سے زائد نمبر حاصل کئے 76 طالبات اور25طلبہ نے A+گریڈ حاصل کیا، اس موقع پر ڈائریکٹر وزدم ہائوس میاں عبدالشکور نے صحافیوں سے گفتگو کرتے ہوئے کہا کہ فقید المثال کامیابی پر اللہ کریم کا شکر اداکرتے ہیں، اور پوزیشن ہولڈر طلبہ و طالبات، اساتذہ کر ایم اور انکے والدین کو مبارکباد اور خراج تحسین پیش کرتے ہیں انشاء اللہ وزڈم ہائوس اپنی کاوشوں کی بدولت ترقی کی منازل طے کرتا رہے گا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: پیپلز پارٹی نے نوشتہ دیوار پڑھ کر صدارتی انتخابات کے بائیکاٹ کا ڈرامہ رچایا، چوہدری جعفر اقبال
ڈنگہ(محمد بلال احمد بٹ)مسلم لیگ ن کے مرکزی راہنما اور ممبر قومی اسمبلی چوہدری جعفر اقبال نے کہا ہے کہ پیپلز پارٹی نے نوشتہ دیوار پڑھ کر صدارتی انتخابات کے بائیکاٹ کا ڈرامہ رچایاانہوں نے کہا کہ صدارتی انتخابات کا بائیکاٹ کرنے والے رضا ربانی اتنے ہی اچھے امیدوار تھے تو پیپلز پارٹی نے اپنے گذشتہ دور حکومت میں صدر زرداری کی جگہ صدر پاکستان کیوں منتخب نہیں کروایا، مسلم لیگ ن کے صدر ممنون حسین کی بے مثال کامیابی عوام کا مسلم لیگ ن پر اظہار اعتماد ہے،مسلم لیگ پاکستان کی خالق جماعت ہے انشاء اللہ مسلم لیگ ہی اسکی بقاء کی ضامن ہے،وطن میں تعمیر وترقی کے نئے دور کا آغاز ہوا چاہتا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :وزیراعلیٰ پنجاب میاں شہباز شریف کا پانی چوروں کے خلاف بھی کریک ڈائون کا حکم
ڈنگہ(محمد بلال احمد بٹ)وزیراعلیٰ پنجاب میاں شہباز شریف کا پانی چوروں کے خلاف بھی کریک ڈائون کا حکم ،تفصیلات کے مطابق گذشتہ روز ایک مراسلہ کے لئے سی ایم پنجاب میاں شہباز شریف نے کمشنر گوجرانوالہ کو سختی سے ہدایت کی ہے کسی قسم کا دبائو خاطر میں لائے بغیر پانی چوروں کے خلاف سخت کاروائی کی جائے حفاظتی پشتوں کی مرمت ہنگامی بنیادوں پر کی جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن کے قائدین میاں برادران نے عالمی سطح پر پاکستان کا نام روشن کیا ہے،میاں طارق محمود
ڈنگہ(محمد بلال احمد بٹ)مسلم لیگ ن کے مرکزی راہنما و ایم پی اے میاں طارق محمود نے اپنے بیان میں کہا ہے کہ مسلم لیگ ن کے قائدین میاں برادران نے عالمی سطح پر پاکستان کا نام روشن کیا ہے،انہوں نے کہا کہ مسلم لیگ ن کو عوام نے جو بھاری
مینڈیٹ دیا ہے اس پر مسلم لیگ ن کی حکومت پورا اترتے ہوئے عوام کا پندرہ سالہ احساس محرومی ختم کرے گی،انشاء اللہ میاں برادران کی قیادت میں پاکستان ترقی کی منزلوں کو چھوئے گا،پاکستان ک چین سمیت دیگر ممالک سے معاہدوں اور باہمی اشتراک کے تعاون سے ملک کی معیشت مضبو ط مستحکم ہو گی اور یہ معاہدے پاکستان کی ترقی و خوشحالی میں سنگ میل ثابت ہونگے،میاں نواز شریف نے ملک سے بدامنی بے روزگاری بجلی کی لوڈشیڈنگ کرپشن کے خاتمہ کا تہیہ کر لیا ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:پاکستان ریلوے کو منافع بخش بنانے کیلئے ریلوے نے ملک بھر میں ریل کے کرایوں میں17سے57فیصد کمی کا اعلان کر دیا
ڈنگہ(محمد بلال احمد بٹ)پاکستان ریلوے کو منافع بخش بنانے کیلئے ریلوے نے ملک بھر میں ریل کے کرایوں میں17سے57فیصد کمی کا اعلان کر دیاتفصیلات کے مطابق وزیر ریلوے خواجہ سعد رفیق نے کرایوں میں تین ماہ کیلئے کمی کر دی،اقدام کا مقصد ریلوے کو منافع بخش ادارہ بنایا اور عوام کو ریلیف فراہم کرنا ہیبرانچ لائنوں پر 35روپے سے کم کر کے بیس روپے کر دیا جبکہ دیگر ٹرینوں کے کرایوں میں بھی 17سے57فیصد کمی کی گئی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :مسلم لیگ ن کے نامزد صدارت امیدوار ممنون حسین بھاری اکثریت سے12صدر پاکستان منتخب PTIکے وجیہہ الدین شکست سے دوچار
ڈنگہ(محمد بلال احمد بٹ)مسلم لیگ ن کے نامزد صدارت امیدوار ممنون حسین بھاری اکثریت سے12صدر پاکستان منتخب
PTIکے وجیہہ الدین شکست سے دوچار،صدارتی انتخابات میں مسلم لیگ ن کے امیدوار ممنون حسین نے قومی اسمبلی میں277،سندھ اسمبلی میں64،بلوچستان اسمبلی میں55پختونخواہ میں41 اور پنجاب اسمبلی میں 313ووٹ حاصل کر کے بھاری اکثریت
سے صدر پاکستان منتخب ہونے کا اعزاز حاصل کر لیا،پاکستان تحریک انصاف کے نامزد صدارتی امیدوار جسٹس (ر)وجیہہ الدین نے قومی اسمبلی میں34،سندھ اسمبلی میں پانچ،کے پی کے میں69،بلوچستان اسمبلی میں1،جبکہ پنجاب اسمبلی میں 24 ووٹ حاصل کر کے صدارتی انتخاب میں دوسرے نمبر پر رہے اس طرح ممنون حسین 433ووٹ لے کر بھاری اکثریت سے کامیاب ہوئے جبکہ ان کے مخالف امیدوار پی ٹی آئی کے جسٹس(ر)وجیہہ الدین نے 78ووٹ حاصل کئے پورے مسلم لیگ ن کے کارکنوں کے بھنگڑے ،ڈھول کی تھاپ پر رقص جاری ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :انجمن تاجران کی دونوں تنظیموں کی طرف سے نام مل گے ہیں،عہدیداروں کا جلد اعلان کرینگے،میاں محمد اسلم
ڈنگہ(محمد بلال احمد بٹ) سابق چیئر مین بلدیہ ڈنگہ اور تاجر تنظیموں کے اتحاد کیلئے ثالثی کا کردار ادا کرنے والے میاں محمد اسلم کا کہنا ہے کہ انجمن تاجران کی دونوں تنظیموں کی طرف سے نام مل گے ہیں،عہدیداروں کا جلد اعلان کرینگے،انہوںنے کہا کہ ہم نے خلوص نیت اور شہریوں تاجروں کے وسیع تر مفاد کو مدنظر رکھ کر فیصلہ کیا ہم دونوں تنظیموں کے شکر گزار ہیں جنہوں نے ہم پر اعتماد کیا کسی کو فیصلہ کو سبوتاژ کرنے کی ہر گز اجازت نہیں دینگے،شہریوں اور تاجروں کا مفاد ہمیں دل وجان سے عزیز ہے اگر کسی نے ایسا کیااور تنظیم بنانے کی کوشش کی تو وہ اپنے نفع نقصان کا خود ذمہ دار ہوگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : رمضان المبارک کے مبارک مقدس مہینے میں ہمیں اخوت بھائی چارے اور نیکی کے جذبے کو فروغ دینا چاہیے
ڈنگہ(محمد بلال احمد بٹ)سابق ناظم ڈنگہ 2الحاج محمد صادق بٹ نے کہا ہے کہ رمضان المبارک کے مبارک مقدس مہینے میں ہمیں اخوت بھائی چارے اور نیکی کے
جذبے کو فروغ دینا چاہیے،انہوں نے کہا کہ ماہ مقدس المبارک میں ہم سب کو اپنے اردگرد بسنے والے غریب نادار افراد کو بھی اپنی خوشیوں میں شامل کرنا چاہیے رمضان المبارک میں ہمیں اپنے تمام تر اختلافات کو بھلا کر اتحاد یکجہتی کا عملی مظاہرہ کرنا چاہیے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : مسلم لیگ ن کی اصول پسندی کھل کر سامنے آگئی ایم کیو ایم کو قاتل کہنے والوں نے آج انہیں گلے لگا لیا،قمر زمان کائرہ
ڈنگہ(محمد بلال احمد بٹ)پیپلز پارٹی کے مرکزی سیکرٹری اطلاعات و سابق وفای وزیر قمر زمان کائرہ نے کہا ہے کہ مسلم لیگ ن
کی اصول پسندی کھل کر سامنے آگئی ایم کیو ایم کو قاتل کہنے والوں نے آج انہیں گلے لگا لیا،انہوں نے کہا کہ الیکشن کمیشن کسی کو سپریم کورٹ کاراستہ نہیں دکھا سکتا،اس کا کام خود فیصلہ دینا ہوتا،وہ فیصلہ کرتا ہے،ہاں یا ناں،اس فیصلے کی صورت میں اگر مسلم لیگ ن سپریم کورٹ جاتی تو اور بات تھی،سو پہلے سٹیج پرمسلم لیگ ن نے غلط کیا دوسرے سٹیج پر الیکشن کمیشن نے،میاں صاحب کھل کر ایم کیو ایم کو ملک دشمن جماعت سمیت پتہ نہیں انہیں کیا کیا خطاب دیتے تھے آج انہوں نے انہیں گلے لگا لیا،میاں صاحب نے میثاق جمہوریت پر دستخط کے وقت آل پارٹیز کانفرنس میں ایم کیو ایم کو نہ بلانے کا کہا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ: جہنم سے نجات کا عشرہ ملک بھر میں لاکھوں فرزندان اسلام اللہ کریم کی خوشنودی کیلئے اعتکاف بیٹھ گئے
ڈنگہ(محمد بلال احمد بٹ) جہنم سے نجات کا عشرہ ملک بھر میں لاکھوں فرزندان اسلام اللہ کریم کی خوشنودی کیلئے اعتکاف بیٹھ گئے تفصیلات کے مطابقملک بھر کی طرح ڈنگہ شہر اور گردونواح کے علاقہ کی تمام چھوٹی بڑی مساجد میں ہزاروں خوش
نصیب افرا د اعتکاف بیٹھ کر دینی فریضہ سر انجام دینگے،مرکزی جامع مسجد عید گاہ،جامع مسجد اقصیٰ،جامع مسجد رحمانیہ،جامع مسجد گلزار مدینہ،فیضان مدینہ میں ہزاروں افراد اعتکاف بیٹھ گئے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:الحاج شیخ محمد جاوید نذیر،شیخ روحیل نذیر کی ہونہار بھتیجی،شیخ سہیل نذیر کی صاحبزادی کی میٹرک کے امتحان میں تاریخ ساز کامیابی
ڈنگہ(محمد بلال احمد بٹ)الحاج شیخ محمد جاوید نذیر،شیخ روحیل نذیر کی ہونہار بھتیجی،شیخ سہیل نذیر کی صاحبزادی کی میٹرک کے امتحان میں تاریخ ساز کامیابی تفصیلات کے مطابق ہونہار طالبہ اقراء سہیل نے سائنس گروپ میں900نمبرحاصل کر کے بے مثال کامیابی حاصل کر کے میٹرک میں اپنا اور اپنے اساتذہ اور والدین اور خاندن کا نام روشن کیا،عوامی سماجی تجارتی صحافتی حلقوں کی سرکردہ شخصیات نے الحاج شیخ جاوید نذیر،شیخ سہیل نذیر،روحیل نذیر کو بھتیجی کی شاندار کامیابی پر مبارکباد دی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خلیل ہسپتال کے سامنے سڑک ٹوٹ پھوٹ کا شکار ہوکر گڑھے میں تبدیل ہو رہی اس گڑھا کے باعث اس جگہ پر متعدد حادثات ہو چکے ہیں اسے فی الفور تعمیر یا مرمت کیا جائے،محمد سلیم بٹ
ڈنگہ(محمد بلال احمد بٹ)ممتاز تاجر حاجی محمد سلیم بٹ نے ٹی ایم اے اور اعلیٰ حکام سے مطالبہ کیا ہے کہ لنک کھاریاں روڈ پر خلیل ہسپتال کے سامنے سڑک ٹوٹ پھوٹ کا شکار ہوکر گڑھے میں تبدیل ہو رہی اس گڑھا کے باعث اس جگہ پر متعدد حادثات ہو چکے ہیں اسے فی الفور تعمیر یا مرمت کیا جائے انہوں نے کہا کہ دلچسپ امر ہے کہ روزانہ اس سڑک سے صاحبان اقتدار گزرتے ہیں لیکن انہیں خلیل ہسپتال کے سامنے (موت کا کنواں)گڑھا نظرنہیں آتا جہاں پر متعدد افراد حادثہ کا شکار ہو کر زخمی ہو چکے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :گوجرانوالہ تعلیمی بورڈ جماعت نہم کے نتائج کا اعلان 21اگست کو کرے گا
ڈنگہ(محمد بلال احمد بٹ)گوجرانوالہ تعلیمی بورڈ جماعت نہم کے نتائج کا اعلان 21اگست کو کرے گا،بورڈ میں جماعت نہم کے نتائج تیزی سے مرتب کئے جا رہے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :صاحبزاہ قاضی امداد اللہ نے ایف ایم منڈی بہائو الدین پر خلاصہ القرآن پیش کیا
ڈنگہ(محمد بلال احمد بٹ)ممتاز عالم دین خطیب انقلاب علامہ قاضی کفایت اللہ کے فرزند ارجمند صاحبزادہ قاضی امداد اللہ نے گذشتہ روز ایف ایم منڈی الدین پر نہایت احسن اور سلیس انداز میں خلاصہ القرآن پیش کیا،بعد ازاں ڈائریکٹر ایف ایم کی جانب سے منعقدیہ افطار ڈنر پر حضرت علی المرتضی کی حیات اور شہادت کو بیان کیا،علمی و ادبی حلقوں سے کثیر تعدادنے صاحبزادہ قاضی امداد اللہ کو خراج تحسین پیش کیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :عید الفطر کی آمد قریب آتے ہی درزیوں نے کپڑوں کی سلائی کیلئے آرڈر ز کی بکنگ بند کر دی،
ڈنگہ(محمد بلال احمد بٹ)عید الفطر کی آمد قریب آتے ہی درزیوں نے کپڑوں کی سلائی کیلئے آرڈر ز کی بکنگ بند کر دی،اور دکانوں کے باہر نو بکنگ کے بورڈ آویزاں کر دیئے،جس کی وجہ سے ریڈی میڈ ملبوسات کی ڈیمانڈ میں اضافہ ہو گیا،درزیوں کا موقف ہے کہ بجلی کی لوڈشیڈنگ کی بناء پر ہم نے بکنگ بند کی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملک بھر میں مادر ملت محترمہ فاطمہ جناح کی 120ویں سالگرہ گذشتہ روز جوش و جذبہ سے منائی گئی
ڈنگہ(محمد بلال احمد بٹ)ملک بھر میں مادر ملت محترمہ فاطمہ جناح کی 120ویں سالگرہ گذشتہ روز جوش و جذبہ سے منائی گئی انکی سالگرہ کے کیک کاٹے گئے،مادر ملت محترمہ فاطمہ جناح1893ء کو کراچی میں پیدا ہوئی تھیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ام المومنین حضرت سیدہ عائشہ صدیقہ کا یوم وصال28جولائی کو مذہبی عقیدت و احترام سے منایا گیا
ڈنگہ(محمد بلال احمد بٹ)ام المومنین حضرت سیدہ عائشہ صدیقہ کا یوم وصال28جولائی کو مذہبی عقیدت و احترام سے منایا گیا اس سلسلہ میں ملک بھر میں مساجد میں خصوصی پروگرامز منعقد ہوے اور ام المومنین حضرت عائشہ صدیقہ کی سیرت مبارکہ اور دین اسلام کیلئے ان کی پیش کی گئیں قربانیوں پر تفصیلی روشنی ڈالی گئی اور انہیں خراج عقیدت پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز ماہر تعلیم ضیاء اللہ شاہین کی سرکردگی میں غزالی ماڈل سکول ڈنگہ اور فتہ بھنڈ کے میٹرک کے شاندار تعلیمی نتائج
ڈنگہ(محمد بلال احمد بٹ)ممتاز ماہر تعلیم ضیاء اللہ شاہین کی سرکردگی میں غزالی ماڈل سکول ڈنگہ اور فتہ بھنڈ کے میٹرک کے شاندار تعلیمی نتائج تفصیلات کے مطابقہونہار طالب علم شاہذیب اشرف(انگلش میڈیم) نے960نمبر لے کر علاقہ بھر میں پہلی پوزیشن ،اسامہ اشرف ہاشمی نے962نمبر لیکر علاقہ بھر میں نمایاں پوزیشن جبکہ حافظ عثمان غنی نے943نمبر لے کر کامیابی حاصل کی،غزالی ماڈل سکول کے چھ طلباء نے900سے زائد،چار طلباء نے800سے زائد،سولہ طلبہ نے700سے زائدنمبر حاصل کئے،عوامی سماجی تعلیمی حلقوں نے پرنسپل ضیاء اللہ شاہین اساتذہ کرایم اور طلبہ کو مبارکباد دی ۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ : انشاء اللہ انجینئرنگ کی اعلیٰ تعلیم حاصل کر کے ملک و قوم کا نام روشن کروں گا،جاوید خان
ڈنگہ(محمد بلال احمد بٹ)گورنمنٹ ہائی سکول ڈنگہ کی تاریخ میں میٹرک کے امتحان میں سب سے زیادہ نمبر993نمبر حاصل کر کے بے مثال کامیابی حاصل کرنے والے ہونہار طالب علم محمد جاوید خان نے کہا کہ انشاء اللہ انجینئرنگ کی اعلیٰ تعلیم حاصل کر کے ملک و قوم کا نام روشن کروں گا،نوجوان طالب علم نے کہا کہ میری کامیابی اللہ رب العزت کے خاص فضل و کرم اور قابل اساتذہ کرام میاں محمد عارف،محمد اکرم ساقی،میاں عنصر،جاوید اقبال،مہر عنصر کی شفقت اور والدین کا دعائوں کا ثمر ہے میں اپنی عظیم تعلیمی درسگاہ گورنمنٹ ہائی سکول ڈنگہ کے ہیڈ ماسٹر و ممتاز ماہر تعلیم میاں محمد عارف،محمد اکرم ساقی،میاں محمد عنصر علی راشد،جاوید اقبال،مہر عنصر محمود سمیت دیگر اساتذہ کی عظمت کو سلام پیش کرتا ہوں جنہوں نے شب و روز مجھ پر محنت کی اور مجھے بڑی شفقت سے پڑھایا،جن کی بدولت مجھے عظیم الشان کامیابی ملی۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ملک بھر میں سترہ رمضان المبارک کو یوم بدر عقیدت و احترام سے منایا گیا
ڈنگہ(محمد بلال احمد بٹ)ملک بھر میں سترہ رمضان المبارک کو یوم بدر عقیدت و احترام سے منایا گیا اور حضور ۖ کے جانثار صحابہ
کرام کو غلبہ اسلام کی خاطر بدر کے مقام پر لڑی جانے والی جنگ میں شہدائے بدر کو خراج عقیدت پیش کیا گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :پاکستان میں سوشل میڈیا فیس بک پر پاکستانیوں کی تعداد90لاکھ تک پہنچ گئی
ڈنگہ(محمد بلال احمد بٹ)پاکستان میں سوشل میڈیا فیس بک پر پاکستانیوں کی تعداد90لاکھ تک پہنچ گئی،جن میں64لاکھ مرد اور27لاکھ خواتین شامل ہیں ،پچاس فیصد سے زائد صارفین اسمارٹ فون پر فیس بک موبائل ایپلی کیشن کے زریعے سماجی رابطوں سے جڑ رہے ہیں اعداد و شمار کے مطابق نو لاکھ کی تعداد میں ستر فیصد فیس بک استعمال کرنے والوں کی عمریں25سال اور اس سے کم بتائی جاتی ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
شدید گرمی اور حبس کے باعث ستر سالہ نامعلوم معمر شخص سڑک پر گر کر جاں بحق ہو گیا
منڈی بہائوالدین(محمد بلال احمد بٹ)شدید گرمی اور حبس کے باعث ستر سالہ نامعلوم معمر شخص سڑک پر گر کر جاں بحق ہو گیا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :خلفیہ چہارم ،داماد رسول ۖ حضرت علی کا یوم شہادت آج 21رمضان المبارک کو مذہبی عقیدت و احترام سے منایا جائیگا
ڈنگہ(محمد بلال احمد بٹ)خلفیہ چہارم ،داماد رسول ۖ حضرت علی کا یوم شہادت آج 21رمضان المبارک کو مذہبی عقیدت و احترام سے منایا جائیگا،ملک بھر کی تمام مساجد امام بارگاہوں میں اس سلسلہ میں خصوصی تقریبات منعقد ہونگی جس میں حضرت علی کو حضرات عقیدت پیش کیا جائیگا۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ:مون سون کی بارشوں کے باعث نشیبی علاقوں میں پانی کھڑا ہونے سے لے شہر بھر میں زہریلے مکھی مچھروں کی افزائش میں تیزی سے اضافہ ہوا ہے
ڈنگہ(محمد بلال احمد بٹ)مون سون کی بارشوں کے باعث نشیبی علاقوں میں پانی کھڑا ہونے سے لے شہر بھر میں زہریلے مکھی مچھروں کی افزائش میں تیزی سے اضافہ ہوا
ہے،جس سے ڈینگی سمیت دیگرموذی امراض پھیلنے کا خدشہ لاحق ہو گیا ہے،عوامی سماجی حلقوں اعلیٰ حکام نے ٹی ایم اے سے مطالبہ کیا ہے کہ شہر میں جراثیم کش ادویات کا سپرے کیا جائے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
ڈنگہ :ممتاز سیاسی سماجی و فلاحی شخصیت مرزا صفدر اقبال مغل اٹلی سے واپس وطن پہنچ گئے
ڈنگہ(محمد بلال احمد بٹ)ممتاز سیاسی سماجی و فلاحی شخصیت مرزا صفدر اقبال مغل اٹلی سے واپس وطن پہنچ گئے،ایئرپورٹ پر ان کے دوست احباب عزیز و اقارب نے والہانہ اور پرتپاک استقبال کیا گیا اور ان کو عزت و احترام سے ڈنگہ لایا گیا جہاں انہوں نے دوبارہ فلاحی تقریبات میں شمولیت شروع کر دی ہیں۔
Related Posts
